الموضوع: هل البحرين تستحق الزيارة

اشحالكم خواني وخواتي:101:
بدخل بالموضوع على طول
انا حابة اروح للبحرين واتمشى فيها انا وزوجي
وقررنا نسير لها تقريبا من تاريخ 15 - 20 /8/2007
المهم بعد مشاورة الاقارب خبرونا ان البحرين ما تصلح لعوايل
:110:
فقلت خل اسألكم هل كلامهم صح
وبعدين الجو بها الوقت الي بسير فيه البحرين بكون اوكي ولا لا
واذا سرت ويا ريلي بس وين اقدر اسير واتمشى بالبحرين
خاطري اسير البحرين بس اخاف ما ارتاح فيها
انصحوني الله يخليكم

مواضيع عشوائيه ممكن تكون تعجبك اخترناها لك:

• يوم بالبحرين
• تكفون تكفونننننننننننننننننننننننننن
• تجربتي مع فندق أليت أند سبا
• معلومات السياحه في البحرين
• همتكم معاي يا اهل البحرين
• فين احصل فندق اقتصادي و نظيف
• بــيــت الكـــورار من ثراث مـدينـة المـحرق مثبت في مواضيع بحرينيه رائعه
• كافي فندوق بانوراما
• فزعتكم يا اهل البحرين
• اهداْ لأهل البحرين
• نداء الى اهل الخليج انشالله بروح البحرين وبقعد فيها أيام ارجوكم ساعدوني
• كلمة شكر لاهل البحرين
• طالع البحرين أول مرة لحالي غدا الثلاثاء مين يخويني
• وش ارخص طيران
• يا أهل الخبرة بالجوازات البحرينية انقدوني
• محلات الماركات العالميه فالبحرين ؟؟
• استفسار عن الاورااق المطلوبة للخادمة
• جزر جميلة
• تطبيق جوازات النساء على الجسر
• يا خبراء بوابة البحرين حلويات شويطر وين المحل الأصلي ؟؟؟

المشاركة الأصلية كتبت بواسطة ام لولوتي
http://www.arabtravelersforum.com/tr...8/#post1448593

اشحالكم خواني وخواتي:101:
بدخل بالموضوع على طول
انا حابة اروح للبحرين واتمشى فيها انا وزوجي
وقررنا نسير لها تقريبا من تاريخ 15 - 20 /8/2007
المهم بعد مشاورة الاقارب خبرونا ان البحرين ما تصلح لعوايل
:110:
فقلت خل اسألكم هل كلامهم صح
وبعدين الجو بها الوقت الي بسير فيه البحرين بكون اوكي ولا لا
واذا سرت ويا ريلي بس وين اقدر اسير واتمشى بالبحرين
خاطري اسير البحرين بس اخاف ما ارتاح فيها
انصحوني الله يخليكم




هههههههههههه

اكيد الاقارب الي سألتووهم شباب :114:

كذا راح يزعلوون منك اهل البحرين

واهل البحرين ما راح يقصروون وراح يرسموون لك خطة سير جميلة للأستمتاع في ربووع البحرين


تحيااتي:106:

أنا والعياذ بالله من كلمة أنا جربت زيارة البحرين عدة مرات

من يوم إلى 3 أيام

وبصراحة البحرين حقها يومين إلى 3 بالكثير

والفترة الأخيرة أقعد فيها يوم واحد فقط لعدم وجود الجديد غير مجمعات معروفة كالسيف والدانة .. ومحمية العرين .. ومتحف البحرين .. ومتاحف أخرى وبيوت أثرية ..

يعني أنصحكم تخلونها بالكثير 3 أيام البحرين + يومين المنطقة الشرقية الخبر الدمام الجبيل .. الخ

وبالنسبة للعوائل هي صالحة للعوائل بشرط البعد للعوائل المحافظة عن أماكن معينة كشارع المعارض .. وبعض الفنادق الليلية في المنامة ..

اسف يا اهل البحرين من الافضل الذهاب الى الخبر او دبي فهم الافضل في الخليج من كل النواحي من ناحية التسوق او الاماكن السياحية فلبحرين تصلح ليوم واحد لا اكثر

أم لولوتي ، حياج الله في ديرتج وبين اهلج :106:
اللي يقول البحرين ما تصلح للعوايل غلطان! ومخه ماهوب مركب في راسه! هذا احنا عوايل وبحرينين والحمدلله عايشين في بلدنا!!
نصيحتي لج اقرأي تقرير الأخت حتشبسوت المفصل، وان شاء الله تقررين . ترى البحرين فيها اماكن كثيره مايعرفونها اللي يجون يوم واحد او يومين ، وبالنسبه عن اللي ذكروه الأخوه و الأخوات عن المناطق الأخرى ، كل ديره ولها طابعها الخاص فيها ، ولا تجب المقارنه بين اي ديره و اخرى ،لأن كل ديره لها مميزاتها وعيوبها
وحياج الله أختي :106:

أختك ، أم سلطان

اختي ام لولوتي

البحرين حلوة والاحلى اهلها

احنا كل سنة لازم نروح البحرين 3 او 4 مرات

ماعنده سالفة اللي يقول ماتصلح للعوايل كاا احنا عايلة ومحافظة بعد لكن الحمدلله جو البحرين يعجبنا

سبحان الله هالديرة صج صغيرة بس تشرح القلب

سويلج خطة واكيد اهل البحرين بيفيدونج بكل جديد من اسواق وشاليهات ومعارض

ولا عليج من احد روحي واكيد بتستانسين ان شاء الله

مشكورين اخواني وخواتي على الرد علي
والله انا كنت متشجعه اسير بس الناس حبطوني والحين رديت اتشجع وافكر اسيرلها لما الجو يصير شوي ابرد لاني بسير بسيارة وانتو ما قصرتو بتقاريركم لاني جمعت المعلومات ورتبت لي خطه عشان نستانس بالبحرين لمده تتراوح من 4 ل5 ايام لانها بتكون اول زياره لنا للبحرين
وتسلمون اخواني ما قصرتو

أم لولوتي : حياج الله أختي الغاليه في بلدك وبين أهلك ، اذا احتجتي اي مساعدة زيادة خبرينا و نحاول نساعدك قدر المستطاع :106:

أختك أم سلطان :101:

تسلمين ام سلطان والله ما تقصرين

احلي شي في بلادي البحرين .. طيبة اهلها .. وثاني شي .. مانصحك تجين في هالوقت .. ابصراحة حر وايد .. انتظري شوي للبراد

البحرين
اهل الكرم والجود

المشاركة الأصلية كتبت بواسطة ام لولوتي
http://www.arabtravelersforum.com/tr...3/#post1462523

تسلمين ام سلطان والله ما تقصرين

حياج الله الغاليه :106:

بالعكس
البحرين أجمل دول الخليج بناسها