السلام عليكم ورحمة الله وبركاته
اخواني الاعزاء في منتدى العرب المسافرون
اولا : عذرا على ازعاجي ، هذي المره الثانيه استفسر عشان لا اتفشلقدام زوجي
ما قصرتوا المره الاولى عطيتوني ارائكم وان كان شوي الراس ناشف وما سمعت النصايح كلها بس شو اسوي ظروف
معلومات عن الرحله :
الوجهه / ماليزيا ان شاء الله تعالى
أمير الرحله : اختكم ستحلو الحياه
أعضاء الرحله : - ابو العيال
- طفلين (5.5 سنه و 2 سنه) ...والاخذ بعين الاعتبار ان هالاطفال مزاجيين الله يهديهم
اريد مساعده في الخطه وطبعا رايكم بالفنادق المختاره
الوصول باذن الله الصباح يوم 21 يناير
ولاية سلانجور (يومين 21 -23 يناير)
... فندق براميد .........سبب الاختيار قريب من الالعاب المائيه وهو اقل سعرا من سن واي لاجون وثانيا المجمع ملاصق له . فيه فندق رشحه اخوي "الوافي " بس ابو العيال قال دام بعيد عن العاب ويحتاج نقل ما يريده عشان الاطفال اذا حسيناهم حبوا العاب جلسنا وخصوصا ابو سنتين هذا مشكله ..بيني وبينكم القصد لو البنت وابوها حبوا يلعبوا اخذ نفسي وابو سنتين للفندق (هي مفهومه انها طردهبس اريح لي ) ،
اماكن الزياره : العاب صن واي و طبعا مجمع البراميد و ملاهي الماينز و اي سيتي
يوم 23 الظهر يكون خلص يومنا بسيلانجور متجهين باذن الله الى العاصمه كوالا
كوالا 23 - 29 يناير
هنا عاد ما عرفت اي فندق
الفنادق المرشحه اريدها اقتصاديه ....بس نظيفه
المرشح الاول : نوفيتيل لوجوده قريب البرجين والمجمع و شارع العرب
اهم نقطه هو البرجين عشان لو حبينا نستريح بالفندق ومنها نروح نلاعب العيال ما يكون مشكله و شارع العرب انا ما يهمني بصراحه كثير بس ابو اليعال ما يقدر يعيش بدون اكل عربي وخصوصا اليمني ...متعود على مطعم حضرموت اذا مو غلطانه بالاسم .
بس خوفي اذا بالفعل صار الخدمات فيه سيئه
فيه خيارات ثانيه مثل :
Sentral Pudu سنترال بودو ... كوالا ............ بس هل يمكن المشي بالقرب من الفندق
furama bukit bintang
Seri Pcific Hotel
ما ادري بصراحه تناسب اولا خصوصا انها بعيده ...بس يهمني الراحه النفسيه والنظافه والسعر بعد بس يمكن احط بنهاية القائمه .
واذا صار كل الفنادق اعلاه ما تناسب اشخاص يحبوا التنقل بالمشي راح ارجع لفندق برنس
سبق وجربته وكارلتز بعد وسويس جاردن (اذا موغلطانه بالاسم )
فندق برنس الذكريات فيه سيئه مقارنة بالسعر اللي دفعناه ....كنا ننتظر في طابور فوق 10 دقايق عشان الريوق (الافطار ) والسبب الزحمه
بس الحلو حوض السباحه للاطفال وبعد قريب البرجين
ادري كثييييييير تكلمت نجي للزبده : اريد فندق موقع طيب ويناسب حالات الناس اللي تضطر تجلس احيانا في الفندق لما يكون عندهم اطفال ...واذا توفر مكان حلو مع سعر اقتصادي يكون احسن واروع
الاماكن السياحيه : الاسواق
البرجين وتوابعها الحديقه ومجمع سوريا والاكيوريا(حوض الاسماك )
الحدايق الطيور والفراشات وبردانا و الزهور ويمكن حديقة الحيوان (بس زرتها مره وما اتشجعت لها كثير)
يوم لجنتج
افاموسا
احاول فيهم لكاميرون
29 يناير - 31 يناير
ابغي اغير لبورت ديكسون
الفندق من التقارير تشجعت ل (افاليون ) بسبب الاطفال حسيته بوجود مسابح خاصه فيهم وحديقه حيوان مصغره تناسبهم وشوي نستجم بعيد عن الاسواق
يبقى نص يوم ( لا تستغربوا )
فندق the youniQ Hotel, Kuala Lumpur International Airport
انا ما حبيت اخسر فلوس يوم كامل في بورت دكسون لان الطايره بتكون الفجر يوم 1 فقررت اني اخذ فندق قريب المطار
الاسباب: عشان لا اخسر فلوس يوم وانا مو مستفيده ...السعر تقريبا 150 ولا ارخص
التقييم 7 يعني ماشي حاله عشان نوم ليله وحده
نكون قريب المطار لو ان الاطفال تعبونا في النهوض او غيره دون ما نخاف من التاخير
الخطه نخرج من بورت ديكسون الظهر باتجاه الفندق قريب المطار نرتاح شوي ثم نتمشى ونشوف المجمعات هناك وراح ننام الليله ونرجع بعدها ان شاء الله الى ارض الوطن .
هذي هي الخطه .........وشكرا مقدما على المساعده
اختكم ستحلو الحياه .........
مواضيع عشوائيه ممكن تكون تعجبك اخترناها لك:
- يوم في كوالا و كونتان بما تنصحونيي
- استفسارين يا اعضاء الله يجزيكم الخير
- احتاج نصيحه من محبي السفر لماليزيا وخبراء السفر
- اصحاب الخبرة وغيرهم
- ما خاب من استشار الى ماليزيا
- فندق دانه لينكاآآوي
- أفضل فنادق نجمةواحدة في كوالالمبور
- طلب فزعة ومساعدة ضروري للاهمية
- استفسار عاجل
- حجز الفندق
- رحلتي يوم ، هل الكاميرون تستحق العناء ؟
- مشورتكم للسكن في ماليزيا
- رايكم في برنامج رحلتي لشهر العسل شهر أغسطس م
- مهم جدا
- مفاجأة لزوجي رحلة لانكاوي ، الفزعة في الفنادق
- ممكن طلب من اللي يبغون يسافرون ماليزيا
- محل في كوالامبور اسمه سنترال او شي قريب من كذا
- القهوة البيضاء الماليزية بيناغ
- الفزعه لبرنامج لرحلة إلي ماليزيا
- ارجو سرعة الرد سفري بعد يومين
رد مع اقتباس
المفضلات