الموضوع: رحلة عائليه استفسارات

السلام عليكم .. صراحه استفدت كثييييير من المنتدى جزاكم الله خير ،،
وتقريبا انا الحين في اللمسات الاخيره من ترتيب الرحله والسفره ان شاء الله على 17 يناير .. بستشيركم بالفنادق والاختيارات .. وايضا بالمواصلات وترتيب للرحله هل هو مناسب او لا ..
الرحله ع الخطوط القطريه ل 7 اشخاص اكبرهم 56 سنه واصغرهم 12 سنه ..
واغلب الفنادق مافيها شقق 3 غرف .. فهذا كان الترتيب ،،
الوصول الساعه 8 ونص بالليل ان ربي راد ..
فندق الامباير 3 ايام .. في سلانجور



نوع الغرفه واحده بريميير اساسيه لشخصين
والثانيه غرفة عائليه لاربع اشخاص ..


السوال هنا .. الطفله الي 12 سنه بيدفعونا عليها زياده ؟
ولو احط في الملاحظات ان الوالد والوالده جاين للذكرى سنويه في هدايا ولا شي خخخ ومجانيه ولالا ..!!




بعدها جنتنق ،،

فرست ورد
خذيت كلوب 3 غرف !! لمدة يومين .. ونفس السؤال الطفله وش وضعها !!


وباليوم الثاني بجنتنق عندي رحلة طيران على فيري فلاي .. هل الفانات متوفره بكثرره بجنتنق لعائله كبيره ولا يفضل احجزز من بدري سواق خاص عشان يوصلنا المطار ؟ لان مابي اتوهق وتروح علينا الطياره والمسافه مو قريبه من الفندق للمطار ..



بعدها بينانغ يومين في فندق هيدرو .. ايضا 3 غرف منفصله
ثم رحله فيري الى لنكاوي ..


لنكاوي الاقامه فيها لمدة 3 ايام ..
حجزت يومين في فندق
BEST STAR
ايضا 3 غرف منفصله





لنكاوي لسسه باقي فيها يوم مادري وين احجززه ..
حد عنده راي عن هالفنادق ..


Malibest Resort




De Baron Resort






لان مابي شي غالي ولان انا اخذ 3 غررف فابي شي سعره حلو
فياليت الي عنده اقتراح يقوله ..


واخر شي بكوالالمبور 5 ليالي في شقق Ambassador
هذي الوحيده الي خليت حجزها على شركه سياحيه .. والغريبه انه يقول لي حجز شقه 3 غرف وصاله
السؤال هنا هل فيها 3 غرف وصاله ولا اكثر شي غرفتين وصاله لان بالنت مايطلع لي الا غرفتين وصاله !!
فمابي اروح هناك واتوهق ، ياليت الي عنده خبر يعلمني ..


ثاني شي .. السواقين والمواصلات .. انا شفت الموضوع حق السواقين .. بس اغلبهم سيارات صغيره ..
او غير محدد نوع السياره ،. الي عنده رقم لسواق بفان في اي مدينه من هذولي يعطيني ـ سلانجور - لنكاوي- بينانغ- كوالالمبور واهم شي رخيييص الشركات اسععارهم خياليه


وعندي سوال عن منتزه صن وي لانقون .. الي بيدخل بسسس فرجه لازم يدفع ؟


انتظر مساعدتكم عشان ان شاء الله اول مارجع اكتب تقرير يحبه قلبكم خخخ

مواضيع عشوائيه ممكن تكون تعجبك اخترناها لك:

• طلبتكم ابي فزعتكم ترتيب اجازة لماليزيا
• عندي مشكلة في حجز طيران آير آسيا ساعدوني
• حمدالله وصلنا الى كوالا ساعه ونص بس شكلهم نصبو علينااا
• شهر عسل الى جميع الخبراء
• بغيت برنامج لــ 20 يوم
• صورة لحجزي الداخلي على الطيران الماليزي
• ارجو الشرح لي !!
• مشوره عاجله عن ترتيب المناطقكوالالمبورلنكاويسلانجور
• مسافره لماليزيا وعندي تساؤلات
• عاجل جدا ارجوع المساعده
• نداء بالنسبة للنكاوي
• رحله لاول مره
• طلب مساعدة في تخطيط رحلة ماليزيا في آخر شهر يونيو
• تخطيط لرحلة إلى ماليزيا لمدة يوم
• هام وعاجلْ مطلوب مساعدة أصحاب الخبرة في إعداد برنامج استجمام أيام
• ارجو منكم المساعدة ضروري اول مرة ماليزيا
• ترتيبي للزيارة الاولى الى ماليزيا ومساعدتكم في المسات الاخيره قبل القلاع
• ماهي غرف التي تطل على البرجين؟
• اريد مساعدة خبراء ماليزيا
• مصروف اسبوعين في ماليزيا استفسار

سعر التوصيل من المطار للامباير حلو 180 وطبيعي ولا من المطار ارخص لان هذا سعر فان خاص

سؤال جديد هههه كان ودي اسوي تعديل بسس ماقدرت
المهم السوال انا حجززت اول فندقين من بوكنق حجزز غير مسسترد ..
فرست ورد سحبو كامل المبلغ على طول امباير ماسحبو لسسه والفيزا حاليا فاضيه ..
المبلغ المسحوب يعتبر مسحوب ولا محجوز بسس ؟ لان اول مره احجز حجز غير مسترد ،،
يعني بالعربي ااجهزز ميزانيه جديده ولا المبلغ خلاص اندفع !!

هلا أختنا الكريمة ...

أسأل الله لكم التوفيق في رحلتكم ... والله يسهل لكم كل أمر ....

وتفضلي الإجابات على ماتفضلتي به :

* التوزيع وتقسيم الأيام جيد ... لكن تمنيت لو أخذتي رأينا قبل الحجز .. لكن والله لعله خير

* الفنادق طيبة ومعروفة ومن أشهر فنادق ماليزيا ...

* الطفلة تحت ( 12 سنة ) تدخل الغرفة مع والديها مجانا ... هذا نظام كل الفنادق

* لابد تتفقون مع سواق تاكسي ( فان ) قبل الرحلة بيوم يأخذكم للمطار ... وتجدونهم أمام الفندق بكثرة

* في لنكاوي ... أحجزي اليوم الأخير في ( فندق أوانا لنكاوي أو فيلابيستا ) أسعارهم حلوة

* في كوالا ... أنسب شقق لكم هي ( سمرسيت إمبانج ) وبعدها بارك رويال ريسانس

* ماليزيا كلها تكاسي وبكل الأحجام ... لاتشيلي هم .. في كل مدينة أتفقوا مع سائق متى تحتاجونه يجيكم

* الدخول للصن واي لاقون ( بتذاكر ) ... وإذا دخلتوا لكم الحرية في الألعاب أو المشاهدة ..

* السعر المتوسط من المطار إلى فندق إمباير ( 150 رنقت ) لو تحجزون من السواقين عند باب الخروج

* مبلغ ( الفيرست وورلد ) أنسحب خلاص .. ماراح يرجع ...

* حجزكم في فندق ( إمباير ) راح يلغونه إذا مالقوا المبلغ كافي ... راجعي إيميلك يمكن أرسلوا لك رسالة

* في الحجز غير المسترد ( لازم ) يكون المبلغ في البطاقة كافي وراح يراسلونكم لشحن المبلغ وإذا

ماشحنتي يلغى الحجز

^^

جزاك الله خير اخوي وافي

اول حجززين بسس الي غير مستردين الباقين الغاء مجاني يعني لسسه فيها اذا عندك اقتراحات للفنادق ..

وبما ان فرست ورد مدفوع خلاص .. افكر اغير حجزز لنكاوي ..


بيرجايا يكفي منها كوخين ؟
والشيرتون نفس السؤال اكواخها تكفي لو باخذ 2 !!

وهذا الفندق بعد حلو ويستاهل ولالا
Langkawi Chantique

هلا أختي الكريمة ...

غيري فندق كوالا إلى ( سمرسيت إمبانج ) ...

وفي لنكاوي خذوا ( الشيراتون ) ... طالما ناوية التغيير ... أفضل والله من بيست ستار بكثير

يكفيكم في الشيراتون غرفتين بحرية ( ديلوكس ) ...

كم يبيلي يوم طيب على ماترجع فلوسي من اجوادا .. لان الغيت حجز بيست ستار ..وباخذ الشريتون ان شالله ..
كوالالمبور بكلم الشركه واشوف اذا يحجزون بهالفندق ولالا ..
طيب امباسدور مش كويس ؟

بتعبك معاي شوي اخوي وافي ،، والله يجعله بميزان حسناتك كل حرف ومساعده قاعد تقدمها .. انا من اطلاعي على المنتدى طلع بهالجدول ..مادري اذا مناسب ويمديني على المكتوب ويكفي الوقت ولالا

الوصول
17-1-2013
سلانجور فندق الامباير
التوصيل بالكثير 180 رنجيت
18-1-2013
الذهاب من الصباح الى صن وي لانقون من 10 الى 3
الغداء ثم التجول في المول الى الساعه 6 ثم الذهاب الى ماينز وندر لاند
العوده والعشاء
19-1-2013
الصباح الذهاب الى حديقة الحيوان زو نجيرا
ثم العوده وزياره icity
20-1-2013
فتره الصباح الذهاب الى جوله في بوتراجايا !!
قبل لاطلع جنتنق وبوكيت تنجي!!
السكن في جنتنق يومين
21-1-2013
مدينة العاب جنتنق وفندق الفرست ورد
22-1-2013
التشيك اوت والذهاب الى مطار سوبانج الى بينانغ
22-1-2013
الوصول الى بينانغ الساعه 2 تقريبا وعلى مانوصل الفندق 3
يمدينا على الالعاب البحريه في شاطى الباتو فرينجي ؟
المهم هاليوم ابيه كله للباتو فرنجي والسوق الليلي .. وعشاء ونوم
23-1-2013
جوله في بينانغ
هضبة بينانغ والشلالات ومحل الحلويات والقهوه
24-1-2013
رحلة الفيري الى لنكاوي
الوصول الى لنكاوي وباقي اليوم مادري وش اسوي فيه !!
اروح الفوريملا ؟
25-1-2013
رحلة المنغروف وعالم تحت البحار
26-1-2013
جوله في لنكاوي - التلفريك - حديقة الفواكه - وميدان النسر
27-1-2013
الذهاب للمطار الطيران الماليزي الى كوالالمبور

بكوالالمبور لسسه ماكتبت شي

هلا أختي الكريمة ...

* المبلغ يرجع لحسابك خلال أقل من أسبوعين ... وأقودا يخصمون مبلغ بسيط على الإلغاء

* لازم تغيرون فندق كوالا ... والمكتب يقدر يغير ... أضغطي عليه بالقوووووة ...

* فندق ( إمبسادور ) جيد ... لكن السمرسيت أقرب وأفضل وأجمل

* الجدول اليومي لاتشيلين همه ( خليه علي ) ونتركه أخر شيء .. الأهم الأن الحجوزات ...

http://img267.imageshack.us/i/70370223.png/

^^

طيب لو ابي في البوكيت بينتنق ايش افضل فندق ويكون فيه اقلها شقه غرفتين !!

أهلأ أختنا الكريمة ...

أرشح لك فندق ( البرنس كوالا ) ... أختاروا شقة بغرفتين نوم ... وهذا تقريري عن البرنس

http://www.arabtravelersforum.com/travel698939/

في لنكاوي انا سكنت في غرفة مثل الكوخ وموقع ماعليه كلاااااااااام ملاصق ل BEST STAR أمام مجمع سينانغ مول مباشرة وسعر الليله 160 رنقت وبجانب الفندق مطعم tomato افضل مطعم في لنكاوي بالكامل غداء فل أوبشن لشخصين ب 30 رنقت اسم الفندق http://www.booking.com/hotel/my/lang...ml?aid=1329869

^^
كنت مفكره فيه بسس كان فل .
وبعدين صديقه لي حذرتني من الاكواخ وانها ماتصلح لبنات فقط فبطلت موضوع الاكواخ وصرت ابحث عن الغرف الي بينهم باب في كل الفنادق .. واحط طلب انه بينهم باب او اضعف الايمان متلاصقين ..

فحجزت في لنكاوي فوربوينت تحت ادارة الشريتون وانتظر بس تاكيد الحجز ..
وبعد شوي ان شالله بكلم الشركه اقول تحجزلي في البرنس او السمر سيت ..

يعني الحين باقي بسس موضوع الجدول للطلعات والرحلات ..

هلا أختنا الكريمة ...

بصراحة أفضل ماسويتي أنك حجزتي في ( الفوربوينت شيراتون ) ... أمان عالي بأذن الله

وممتاز جدآ أنك أخذتي بنصيحتي وسكنتي في ( البرنس ) كوالا ... وبأذن الله ماتندمين ...

وبخصوص الجدول اليومي وأهم الأماكن السياحية ... موجود ماعليك ... الأهم حاليا أنتهاء الحجوزات

http://img20.imageshack.us/i/21617714.png/

للاسف الشركه رفضت تغير لي الحجز في كوالالمبور وقالت مدفوع وموكد ومش عارفه ايش .. يعني الحين الترتيب كذا
سلانجور 3 ايام في امباير بريمير وغرفه عائله
جنتنق هايلاند 2 يوم في فرست ورد 3 غرف كلوب
بينانغ فندق هايدرو 2 يوم وتم تقليص الغرف الى 2
لنكاوي فندق فور بوينت شيرتون 3 ايام غرفتين كمفروت مفتوحين على بعض
كوالالمبور 5 ايام في فندق امباسدور شقه 3 غرف وصاله


كل الفنادق خذتهم شاملين الفطور

ماشاء الله تبارك الله ... جدولك الأن ( كااامل الزين ) والله ... أعتمدي

وفندق ( إمباسدور ) طيب ومعروف ... وبأذن الله يعجبكم ... والأمر خير والله

أي خدمة حاضرين ... طريقة التنقلات أو الجدول اليومي ... حاضرين

http://img18.imageshack.us/i/33190433.png/

^^^

ياليت والله الجدول اليومي وطريقه التنقلات

هلا أختنا الكريمة ...

جدولك ( سلنجور - جنتنغ - بينانغ - لنكاوي - كوالا ) ... تفضلي طريقة التنقلات :

من المطار إلى سلانجور ... تاكسي بسعر 85 رنقت

* من سلانجور إلى جنتنغ ... تاكسي بسعر 100 رنقت والمسافة ساعة بالضبط

* من جنتنغ إلى بينانغ ... باص بسعر 35 رنقت للشخص أو ميني باص بسعر 500 رنقت والمسافة أربع ساعات

* من بينانغ إلى لنكاوي ... الطيران ( 40 دقيقة ) أو الفيري البحري ( ساعتين ونصف )

* من لنكاوي إلى كوالا ... طيران والمسافة ( 50 دقيقة )

الجدول اليومي ... الليلة أكتبه بأذن الله ... أنتظريه

http://img339.imageshack.us/i/43136315.png/

الله يجزاك خيررر

كلموني الشركه اليوم وقالو انهم الغو حجزز امباسدور وقلت لهم عن الفنادق الي قلتها لي وماحصلتها عندهم
وحجزولي في فندق استانا كوالالمبور جناح غرفتين وصاله ...
وعن التنقلات من المطار للفندق 85 سعر تاكسي عادي ولا فان .. لان احنا 7 اشخاص !!


والتنقلات الداخليه بين المدن حجزتها قبل مده ..
من جنتنق الى بينانغ طيران فيري فلاي
ومن بيانغ الى لنكاوي فيري
ومن لنكاوي الى كوالالمبور الطيران الماليزي ..




وهل التكاسي الكبيره متوفره بكثرره ولا يفضل احجز مسبقا من الشركات ؟
خصوصا بالتنقلات الى من الفنادق للمطارات

ملاهي الصن وي لانقون ..
من النت بسس اقدر احجز 6 !!
اقدر احجز على مرتين لو ابي اكثر ولا مافيه لو بجرب ؟

هلا أختي الكريمة ...

* الشركة هاذي ( رفعت ضغطي ) ... على كيفه يختار لكم فنادق !!!!!!!!!!!!!!

* سعر التاكسي ( 85 رنقت ) للتاكسي الصغير ... لكن الفان أغلى بحدود ( 140 رنقت )

* التكاسي أمام كل فندق .. وبكل الأحجام ... لاتشيلي هم أبدآ

* تذاكر الصن واي لاقون أحجزيها ورا بعض .. مو لازم وقت واحد ... عادي جدآ

http://img72.imageshack.us/i/90241405.png/

اجل لو اقولك الهول ستوري حقت هالشركه وش بيصير فيك ههه
هو مو سالفه على كيفه بسس هذا الي متوفر عنده ..
انا اعتبر نفسي انخدعت بهالشركه سجلت معاهم عضويه قبل سنه بعد طبعا مافرشلي الارض ورود المسووق ،، مع اني قبل اعتمد على نفسي وبوكنق بسس جلس يقول لي احنا افضل اسعار وخصم من 30 الى 50 وعلى طول الموسم ..الخ من كلام التسويق
وبعد الاشتراك بسسنه ودافعه مبلغ وقدره على العضويه الي تعتبر رصيد لي بالحجوزات عشان كذا اضطريت اخذ منهم حجز كوالالمبور وبينانغ عشان اخلص الرصيد مع العلم ان اسعارهم خياليه مقارنه ببوكنق وتهاوشت معهم ورفض يلغي امباسدور بالبدايه وقال لي اصلا عضويتك حجوزات داخليه مكتوب بالعقد الي وقعتوه انا سكتت ناسيه العقد قلت معقوله وقعني على شي غير الي قاله .. واروح واشوفلك العقد واقراه وماحصل فيه اي شي يثبت انه بس داخليه واحصل بالعقد ان لي احقيت الالغاء بمده اقلها 48 ساعه واروح ادق عليهم واقول العقد فيه كذا وكذا وتوصل للمدير حقهم كل واحد يقول انا مالي شغل ويحولني للثاني لين وصلت للمدير وقلت كذا وكذا وكذا واليوم الثاني كلمتهم وحصلتهم الغو امباسدور وعطيتهم القائمه الي عندي وقالو ماعندنا اقرب شي لشارع العرب عندنا هو استانا وقلت اوكي خلاص امرنا لله وحجززته بسس عشان اخلص الرصيد الي عنده لان ماراح اتعامل مع اي شركه الا اذا كان سعرها اقل وبدون عضويات وبدون خرابيط واعتبره درس لي صراحه

والله بصراحة ( درس ) ... وأنصح الجميع بأخذ العبرة

هاذي هي حقيقة المكاتب السياحية ... يدسون السم في العسل

دائما نحذر من المكاتب السياحية ... ونصبهم على السياح بشكل قذر

^عاد مانعمم ،، بس الواحد يكون ذهين وينتبه .. يعني فندق لنكاوي بعد حجزته من شركه لانه اقل سسعر حصلته كان عنده .. وقارنته بكل الاسعار بالنت ماحصلت اقل منه فرق تقريبا 300 ريال .. هههه العوض ولا القطيعه استفيد منها بشي ثاني


/


رحلتي ان شالله بعد يومين ..
سؤالي عن تسجيل الجوازات بالسفاره .. كل الجوازات نسجلها ولا بس ولي الامر ؟
وشغله ثانيه .. انا بموقع صن وي لانقون لما حجزت التذاكر الحجز باسم ابوي والفيزا باسمي والجوواز حطيت جوازي لان مكتوب جواز صاحب الفيزا بسس لما طبعت الورقه مكتوب اسم ابوي ورقم جوازي ههه عادي ولا فيها اشكاليه !!
والسوال الثالث عن طيران فيري فلاي ،، لما اطبع الفوتشر حق الحجزز مافيها تذاكر الكترونيه زي باقي الطيران !! عادي ولا فيه غلط ؟

هلا اختي الكريمة


تسجيل الجواز للجميع ... ارسلوا صورة من كل جواز للسفارة


وبخصوص تذاكر صن واي لاقون موضوعها مايستاهل القلق ابد ويكفي الاسم


وفي طيران ( فاير فلاي ) يكفيكم فقط رقم الحجز ... لو تكتبيه بورقة خارجية يكفي

جززاك الله خيرر اخوي واافي والله يجعله بميزان حسناتك ..

العفو أختنا الكريمة ... أسأل الله لكم التوفيق في الدنيا والآخرة

http://img198.imageshack.us/i/12846191.png/