الموضوع: مساعدة لتخطيط السفر

السلام عليكم ورحمة الله وبركاته

أخواني أنا ناوي اسافر شهر العسل إلى ماليزيا بتاريخ 18 / 8 / 1434 هـ ــــــــ 27 / 6 / 2013

كنت ناوي اخليها بعد رمضان لكن حسبي الله ماعاد فيه إجازة للمعلمين

راح اجلس إلى خامس أو رابع رمضان وأبي جدول للعرسان الجدد وأهم الفنادق

قرأت هنا الكثير و ازدادت حيرتي ماشاء الله الأخوان ماقصروا

عندي فيزا وحساب في بوكينق هل تنصحوني احجز عن طريقه أو عن طريق مكاتب خصوصا محتار في الفنادق

لكم دعوة في الحرم من يساعدني

وشكرا

مواضيع عشوائيه ممكن تكون تعجبك اخترناها لك:

• انا ابي شهر عسل بماليزيا ابي اسألكم كم سوأل ياليت تساعدوني
• ارجووووو المساعده شهر عسل في ماليزيا و جزيرة بالي
• سأسافر إلى ماليزيا مع العائلة في شهر أغسطس أرغب في مساعدتكم
• استفسار شهر عسل
• كوالالمبور
• استفسار ؟
• ممكن من وقتكم الغالي شوي
• ضمن جدولي جنتينق ؟ هل اغلقة جنتينق
• استفسار بسيط واتمنى المساعدة
• اهل الخبرة رايكم في مخطط السفر
• نداء عاجل الى خبرا ء ماليزيا مسافر جديد الى ماليزيا
• ارغب السفر الي ماليزيامساعدتكم لو سمحتم
• باقي على سفرتي اسبوع واحتاج مساعدتكم
• افيدوني اول مره رايح ماليزيا
• ساعدوني بجدول لرحلتي الاسبوع الجاي
• سؤال بخصوص الاجواء في ماليزيا شهر 8 والاسعار
• أفضل فنادق أربعة نجوم في كواه
• مساعدة رحلتنا شهر سبتمبر وعندي استفسارات
• الجولة في العاصمة الادارية بماليزيا
• فزعتكم يااهل اعضاء المنتدي الغالي

حياك يالأمير ...

أنصحك تقرأ موضوعي هذا ... وراح يفيدك جدا

http://www.arabtravelersforum.com/travel750185/

الله عليك يا وافي موضوع متكامل و جميل و قد قرأته سابقا و الآن صراحة الواحد يحتار وين يروح وله رجعه بعد الحفظ في المفضلة ..الله يجزاك خير

إذا صح التراجع عن الإجازة للمعلمين ستكون الرحلة بتاريخ 3 / 10 / 1434 هـ --- 8 / 10 / 2013 م .........شكرا لك أخوي والله يبارك فيك

أخواني عندي استفسار آخر وهو جواز سفر للزوجة ....أنا ملكت و انتهيت لكن العادات ماتسمح اخذها واطلع الجواز و أبوها ما راح يطلع لها ...هل ينفع أوكل اخوها وإلا وشلون

المشكلة علشان احجز من بدري لازم اطلع لها الجواز

الف مبروك وابشرك الاجازه رجعت الى 17 شعبان وانا زيك معلم لاكن مسافر في شعبان ان شاء الله

ياهلا وغلا يالحبيب ...

بخصوص جواز ( خطيبتك ) ... أنت تقدر تطلع الجواز لها طالما معك ( عقد النكاح )

وخذ الطريقة ياغالي

مادام معك عقد النكاح ... روح للأحوال المدنية ... وطلع كرت العائلة ...

وبعدها تروح للجوازات وتطلع الجواز لزوجتك ... بدون أخوها ولاأهلها ... أنا زي كذا سويت

بس لازم تكون معك صورة عشان الجواز ... وهاذي طبعا لازم أخوها يساعدك فيها

وبعدها على الجوازات ... وتطلع الجواز في نفس اليوم

http://img542.imageshack.us/i/48836343.png/

الحمدلله على الاجازة أجل صار السفر في شعبان إن شاء الله

.... معاي عقد النكاح و أقدر اطلع الكرت لكن الصورة كييف...كلمت أخوها ماقصر بس الزوجة رافضة

ماقصرت أخوي ويارب تفرج من جواز السفر والسفرة

الظاهر مامعي إلا ابوها وإلا أنا بعد الزواج وليت نلاقي حجز وقتها

الله يعينك والله ... فعلا العادات صعبة في مثل هاذي الأمور

أنا بصراحة ... عمي كان ( متفاهم ) لأبعد درجة ... جننته وسويت له ( غسيل مخ ) ههههههههه

أنت حاول وبأذن الله تتيسر الأمور ... وبشرنا عنك

http://img542.imageshack.us/i/48836343.png/

ياسر يالغالي انت مثل وضعي انا سفرتي شهر العسل 14/8/1434
كرت العايلة طلعتة بيوم تاخذ موعد عن طريق النت وتستلمة وانت واقف ماتطول والجواز بس بمساعدة اخو زوجتك يجيبلك صور لزوجتك ووتطلع جوازك وجواز ازوجك كلها بيوم واحد شغلتها مرة بسيطةت من الموبايل

اي والله العادات صعبة و متحجر عمي ههههههههه الله يخارجنا

جالس احاول في الصورة بس غاسل يدي يعطوني صورة و الله يسهل الموضوع بسيط لو جات الصورة وبدونها يصعب الموضوع و لو عندي اسلوب إقناع كان سويت غسييل مخ ههه لكن احس راح تجيني عجرا تمشي ميتين

ماينفع اسوي تفويض لأخوها و يطلع لها الجواز

وافي و مراد والله ماقصرتم و جزاكم الله خير والله يطرح البركة في أهلكم وفيكم

شكرا لكم

ياسر عادي اخوها يطلع الجواز لزوجتك مثلي انا بس اعطية كرت العايلة وصور منه وياخذ صور اختة اربعه في ستة الخلفية بيضاء ويطلع الجواز عادي مثلي انا سويت هذي الطريقة اخو زوجتي هو طلع زواجها من الموبايل

الله يوفقك اخوي وانا بعد ان شاء الله بشهر 8. ومتخوف من السفر ياليت همي اطلع الجواز كان غسلت مخههم ههههه لاكن همي السفر والجدول وكلي امل بخوي الوافي من الموبايل

واانا اخوك وافي مايقصر ذيب انا خلال هالاسبوعين اسوي التذاكر وفي شهر اربعة اخلص حجوزات الفنادق لان خلاص اخترت الفنادق وتوزيع الايام من الموبايل

المشاركة الأصلية كتبت بواسطة murad99
http://www.arabtravelersforum.com/tr...1/#post7482331

ياسر عادي اخوها يطلع الجواز لزوجتك مثلي انا بس اعطية كرت العايلة وصور منه وياخذ صور اختة اربعه في ستة الخلفية بيضاء ويطلع الجواز عادي مثلي انا سويت هذي الطريقة اخو زوجتي هو طلع زواجها من الموبايل



ياشيخ الله يبشرك بالجنة و يعطيك العافية . الحمدلله ريحتني أجل راح اشوف أخوها وافتك من هم الجواز

ياشيخ الله يسعدك

المشاركة الأصلية كتبت بواسطة ناوي السفر1434
http://www.arabtravelersforum.com/tr...9/#post7482709

الله يوفقك اخوي وانا بعد ان شاء الله بشهر 8. ومتخوف من السفر ياليت همي اطلع الجواز كان غسلت مخههم ههههه لاكن همي السفر والجدول وكلي امل بخوي الوافي من الموبايل



الحال من بعضه أخوي ههه بعد شايل هم التخطيط والسفر و مايقصروا الأخوان ...اعتقد من كثرة الملعومات وتفاصيلها الواحد يلخبط وبن يروح و موضوع أخوي وافي لوحده يكفي الله يعطيه العافية

واحد من اصحابي راح مرتين لماليزيا والمرة الأخيرة يقول اعرف سوداني هناك اعطيته 10 الآف وجلست 12 يوم و يقول السوداني اللي نسق وحجز و معي سواق وكل يوم بمكان لكن الغريب يقول لي لا تحجز إلا التذاكر وإذا وصلت ماليزيا يستقبلك في المطار لكن الواحد يخاف وشلون امدى السوداني يحجز فنادق و طيران داخي مدري مو المفروض من بدري

وأخوك محتار لكن خذ لك اسبوع لا تطلع من المنتدى واقرأ ههه والله يسهل

المشاركة الأصلية كتبت بواسطة murad99
http://www.arabtravelersforum.com/tr...3/#post7482713

واانا اخوك وافي مايقصر ذيب انا خلال هالاسبوعين اسوي التذاكر وفي شهر اربعة اخلص حجوزات الفنادق لان خلاص اخترت الفنادق وتوزيع الايام من الموبايل



ماشاء الله اخوي مراد والله يطرح البركة و يسعدك

امين يارب وياك ياغالي جزاك الله خير من الموبايل