الموضوع: فيدتكم ابي برنامج يومي لرحلتي الى ماليزيا

السلام عليكم

بصراحه صدع راسي وانا احاول ارتب برنامج يومي للرحله اكتب واشقق من الأوراق تعبت بصراحه

هذا توضيح لعدد الأيام من وقت الوصول الى العودة بأذن الله

يوم الوصول الأربعاء ان شاء الله الساعه الثامنه مساءً الى ماليزيا والذهاب الى سيلانجور بتاكسي طبعاً يوم الأربعاء هذا رايح للراحه بعد عناء السفر ابي الأيام اللي بعده:
الخميس ( ابي جدول له )
الجمعه ( ابي جدول له )
السبت ( ابي جدول له )

( يوم الأحد للمطار رحله الذهاب الى لنكاوي )

لنكاوي عندي الأحد يوم الوصول ووقت الوصول الظهر على الساعه 1 تقريباً
الاحد بروح ميدان النسر واخذ جوله في لنكاوي وارجع للفندق للراحه

الأثنين ( ابي جدول له هذا المهم )

الثلاثاء ( للمطار للعوده الى كوالالامبور والذهاب الى جنتنق )
الثلاثاء الوصول للفندق الظهر تقريباً بالكثير الساعه 2 ظهراً عندي باقي اليوم

الأربعاء ( ابي جدول له )

الخميس ( الذهاب الى كوالالامبور ) والوصول بالكثير الساعه 2 الظهر للفندق ابي باقي اليوم
الجمعه ( ابي جدول له )
السبت ( ابي جدول له )

الأحد ( يوم السفر والعوده الى ارض الوطن ان شاء الله )

مدري ترتيب جدولي زين ابي رأيكم وابي تعبون لي الأيام اللي حطيتها لاهنتم وتراني بمشي على
البرنامج ابي يكون يومي وانا هناك منظم صراحه وممتع وحلو

وجزاكم الله الف خير ولا خللا ولا عدم

تحياتي

مواضيع عشوائيه ممكن تكون تعجبك اخترناها لك:

• وين القى البخور الماليزي الاصليا
• استفسارات عن فندق berjaya langkawi beach resort
• للجميع اللي يريد المساعدة فليدخل ؟؟
• محتارة ممكن مساعدة
• ابي مساعده من الأخوان بزيادة يومين على رحلتي رجاء مساعدتك
• استفسار أماكن الزيارة الأفضل لرحلتي ارجو الرد
• منتجعات بورت ديكسون
• مجرد اقتراح
• استفسار عن الفنادق
• لنكاوي أريد جدولا لرحلة المانغروف
• استفسار عاجل يا احبابي بخصوص الطيران
• عاجل استفسار بخصوص استئجار سيارة بماليزيا؟؟؟؟؟
• بعد معاناة انتهيت من الحجوزات ووصلت للمرحلة الأخيرة وهي برنامج الرحلة اسعفوونا
• بخصوص اسعار الفنادق في بوكينق
• التنقل من لنكاوي الى جنتنج
• السلام عليكم استفسار
• مساعدتكم ياخبراء ماليزيا
• مساعدة فقدت كاميرة سوني
• جدول سياحي ايام في كوالا
• نحن شابين نرغب بالسفر من الرياض الى ماليزيا لمدة يوم من يونيو الى يوليو

هلابك حبيبنا الغالي

عطني تقسيم الأيام بشكل أوضح ... وأبشر بأجمل جدول يومي

يامرحبا اخوي وافي هلا وغلا نووووووووووورت

والله ياجيتك للموضوع يفرح فيها الواحد مثل فرحت الناس بالمطر

4 ليالي سيلانقور الوصول الأربعاء والمغادره الأحد
2 ليلتين لنكاوي الوصول الأحد والمغادره الثلاثاء
2 ليلتين جنتينق الوصول الثلاثاء والمغادره الخميس
3 ليالي كوالالامبور الوصول الخميس والمغادره بأذن الله الأحد

اتمناء تكون واضحه

تحياتي ولا خلا ولا عدم

اخي فهد

كلنا معاك باذن الله والوافي تاج راسنا

ومابيقصر نتعلم منه دائما ماشاف تقسيم ايامك


بس بصراحه اشوف جدولك شوي يحتاجله ترتيب بسيط

هل حجزت الطيران الداخلي والفنادق ( ياليت الجواب لا )

2 سلانجور

3 لنكاوي

2 جنتنق

4 كوالالمبور

تحياتي لك

هلا وغلا

أنا مع أخي مزمز

كان المفترض إنك ماسويت شيء في تحديد المدن وتوزيع الآيام عليها
إلا بعد ماتستشيرنا
يعني خسارة لانكاوي يومين المفترض ثلاثة
وجينتنغ ماتستاهل تقعد فيها
يكفيك إنك تروحلها من كوالا

2 سيلانجور
3 لانكاوي
2 منتجع أفاموزا
4 كوالا منها يوم كامل لجنتنغ
وشكرا"

المشاركة الأصلية كتبت بواسطة fahadalsehli
http://www.arabtravelersforum.com/tr...7/#post7481047

يامرحبا اخوي وافي هلا وغلا نووووووووووورت

والله ياجيتك للموضوع يفرح فيها الواحد مثل فرحت الناس بالمطر

يامرحبا فيك أخوي ( فهد )

تسلم على ترحيبك ( ترحيب المطر ) ... وهذا والله من طيبك

وبصراحة أتفق تماما مع أخوي المبدع ( مزمز ) ... إذا ماحجزت لسا ... أعتمد جدول ( مزمز )

2 سلانجور

3 لنكاوي

2 جنتنق

4 كوالالمبور

مشكور ياغالي على مرورك

ولكن للأسف الجواب ( نعم ) حجزت الفنادق والحجز الداخلي
بالبدايه كنت مخلي يوم من ايام سيلانجور في كوالالامبور للراحه من السفر اول يوم وصول
وبعدين الغيته وضفته ل سيلانجور قلت المسافه ساعه بالسياره ماتفرق كثير
بالنسبه لتقسين الأيام احس انه زين يعني ولا اقدر اعدله لأني حجزت والا رأيك على راسي من فوق
وكذا والا كذا هي بتكون اول سفره عسى الله يسهلها حتى لو زاد يوم في منطقه او قل يوم في منطقه
احس انه مكان اول مره تجيه ماراح يروح اليوم الا بمتعه من وجهت نظري المتواضعه والا شرايك ؟

مشكور اخوي ابونورة على مرورك ورأيك وجنتنق اقترحها علي احد اعضاء المنتدى وحطيتها بالجدول

والجايات اكثر انا رتبتها بناء على تقارير كثيره قريتها بالمنتدى على العموم حاضرين والله يابونوره

التجربه الأولى لابد يطلع فيها لخبطه بسيطه مستقبلاً راح احط عدد الأيام وانتم الله يطول بعماركم

بتقسمونها مشكورين حنا باليوم الجاي الله اعلم فيه

اكرر شكري لك ورأيك على راسي من فوق

تحياتي

هلا وغلا
بك يا أخي
أنصحك بأخذ مايناسبك من رابط لبرنامج رحلتي لمدة 29 ليلة

http://www.arabtravelersforum.com/tr...b=user_related



من مواضيع العضو
http://www.arabtravelersforum.com/tr...b=user_related

http://www.arabtravelersforum.com/tr...b=user_related

http://www.arabtravelersforum.com/tr...b=user_related

http://www.arabtravelersforum.com/tr...b=user_related

وشكرا"

مشكور اخوي وافي

ولكن للأسف حجزت وما اقدر اغير حجوزاتي

خلها مثل مارتبتها وان شاء الله راح تكون رحله حلوه بأذن الله اذا ممكن احصل منكم على برنامج يوم

ولكم مني كل الحب

تحياتي

مشكور اخوي ابونوره ماقصرت

لاخلا ولا عدم

مادري أخي وافي ليه ماخذ موقف من منتجع أفاموزا
رغم إن المنتجع قمة الفلة
مدينة الكاوبوي
وعالم الحيوانات
والألعاب المائية

إن شاء الله أغير رأيك قريب بخصوص المنتجع
لما أنزل التقرير الخاص بأفاموزا

المشاركة الأصلية كتبت بواسطة fahadalsehli
http://www.arabtravelersforum.com/tr...1/#post7481211

مشكور اخوي ابونوره ماقصرت

لاخلا ولا عدم

لا شكر على واجب

وأي إستفسار بخصوص الجدول أنا حاضر
الخطأ الوحيد في جدولي أني لم أخصص يوم كامل للصنواي لاقون حقيقة الملاهي كبيرة ويبيلها يوم كامل

حياك ياغلاهم

طالما حجزت وأعتمدت ... توكل على الله وبأذن الله ماتندم

اليوم الأول ( سلانجور )

الوصول للفندق والراحة قليلآ ... وبعدها جولة في السوق الملاصق ( سوق البيراميد ) والعشاء هناك

اليوم الثاني ( سلانجور )

جولة على بوتراجايا لمدة أربع ساعات من ( 9 ص - 1 ظهرآ )

وبعدها زيارة ألعاب ( الصن واي لاقون ) إلى 6 مساء ..

وفي المساء التوجه إلى ( الماينز وندر لاند ) أو الراحة في الفندق ....

اليوم الثالث في ( سلانجور )

زيارة شلال ( تمبلر بارك ) لمدة ثلاث ساعات ...

وبعدها دخول الألعاب ( صن واي لاقون ) من جديد ... لو بغيتوا يعني

وفي المساء التسوق من مجمع ( البيراميد ) والعشاء في مطعم الطربوش المميز ...

اليوم الرابع ( سلانجور )

الأفطار صباحا ... وعند العاشرة التوجه إلى ( أفاموسا ) والعودة لسلانجور ( 5 م )

وبعدها العودة للفندق والراحة ... والعشاء بأحد المطاعم القريبة

اليوم الأول في ( لنكاوي )

الراحة في الفندق والتجول بالمنطقة المحيطة ... ثم التوجه لميدان النسر عند العصر ...

التسوق من مجمع ( الفير مول ) والعشاء والعودة للفندق ..


اليوم الثاني في ( لنكاوي )

جولة خاصة على لنكاوي لمدة أربع ساعات تزور فيها ( التلفريك - الشلالات - ميدان النسر ) وغيرها

وعند الثالثة عصرا ( رحلة المانغروف ) الرااائعة ... والعودة بعدها للفندق للراحة والعشاء

اليوم الأول ( جنتنغ )

الوصول للفندق والراحة قليلآ ... ثم التجول بالمنطقة المحيطة

وبعدها زيارة السوق الضخم والعشاء هناك

اليوم الثاني ( جنتنغ )

الأفطار صباحا ثم زيارة ( بوكيت تينجي ) من الساعة ( 10 ص - 1 ظهرا )

وبعد الظهر زيارة الألعاب الخارجية ( ثيم بارك ) أوت دور ... والجلوس فيها للمغرب


اليوم الأول في ( كوالا )

الوصول للفندق والراحة قليلآ ... ثم التوجه لحديقة البرجين الساحرة جدآ والجلوس هناك إلى المغرب

وفي المساء التوجه إلى شارع العرب والعشاء هناك

اليوم الثاني في ( كوالالا )

التوجه صباحآ إلى المنارة ثم حديقة الحيوانات ( زوو نيجارا ) ... ثم العودة للفندق

وعند العصر التوجه إلى حديقة بيردانا والجلوس هناك للمساء ...

وفي المساء التوجه لشارع العرب والتسوق والعشاء هناك ...

اليوم الثالث في ( كوالا )

جولة في باص ( الهوهو ) على أشهر معالم كوالا ... في الفترتين الصباحية والمسائية

وفي المساء التوجه إلى مجمع ( التايم سكوير ) بأخر شارع العرب للتسوق والعودة للفندق للراحة والنووووم

الغالي وحبيب القلب ( أبو نورة )

أبشرك ياغلاهم ( حطينا ) أفاموسا في الجدول فوق ... والله فعلا أفاموسا حلوة وتستحق الزيارة

لكن دائما ماأنصح بها العرسان ... لأني أحسها تناسب العوائل أكثر

لكن أنت ( ثقة وخبرة ) ورأيك له وزنه وثقله ... وطالما أعجبتك راح تعجب ( حبيبي فهد ) بأذن الله

مشكور ياغالي كفيت ووفيت

تحياتي لك

يالبى قلبك ياوافي

مشكور ياغالي وماقصرت عزالله اني تعبتك معي

وكلمة شكر قليله بحقك يابعد راسي

تدري انت حبيب الشعب مثل الملك عبدالله

لا خلا ولا عدم

تحياتي

توصل بالسلامة ياخوي فهد


بالنسبة لسيلانجور

اذا وصلت الظهر حاول ترتاح وفي المساء روح على النوافير الراقصه

واليوم الثاني روح ع مدينة الصن واي المائيه ، واذا صار عندك وقت بعدها تسوق في مركز الماينز



باقي التفاصيل راح آوافيك فيها اذا وصلت لنكاوي ان شاء الله

وترى يومين ماراح تكفيك في لنكاوي

لكن زي ماقلت اول زيارة


ان شاء الله تتيسر الامور وتنبسط

هلابك ( فهد ) حبيبي

تسلم على طيبك وجمال شعورك ... الله يسعدك ويرفع قدرك

السلام عليكم

صباحكم ورد

مشكور اخوي متعب على معلوماتك بصراحه حتى الشكر قليل بحقكم

جميعكم ماقصرتوا اخوي وافي واخوي ابونوره وانت كلامكم ورأيكم على راسي واسعدني اهتمامكم

الله يجزاكم خير وييطول بعماركم

لكم مني كل الود

فهد