الموضوع: استفسار سريع من اهل الخبره ارجوكم افيدوني

مرحباا

انا مسافره في 1 نوفمبر على ميلان وحجلس فيها 8 ايام وطالعه على جنيف 4 ايام بعدين من جنيف عالرياض


حابه اسأل عن اهم الاماكن واحلى الاماكن اللي لازم ازورها وياليت تساعدوني في ترتيب جدول رحلتي

رتبت جدولي كالاتي :
اليوم الاول ..وصولي العصر ويوم استكشافي في شوارع ميلان
اليوم الثاني ..طالعه على فينيس
اليوم الثالث ..الدومو ....& shopping في سيرفالي اوت لت
اليوم الرابع ..طالعه على بيزا
اليوم الخامس..shopping في فوكس تاون
اليوم السادس.. محتاره بين لوقانو وبين فلورنس
اليوم السابع .. ميلان ....
اليوم الثامن .. طالعه على جنيف بالقطار..
اليوم التاسع .. مونترو
اليوم العاشر.. انترلكن
اليوم الحادي عشر .. جنيف ...
اليوم الثاني عشر .. العوده ..باذن الله حتكون العصر

حابه اسأل ايش الاشياء اللي المفروض ماتفوت السائح في ميلان؟؟
وكمان عن فينيس وين اروح فيها؟؟.. علما اني رايحه وراجعه في نفس اليوم
وعن الشوبينق هذي الاماكن اللي راح اروح لها هي الاماكن اللي تضم كل الماركات اللي فيها اوت لت ؟؟

لوقانو او فلورنس .. ايش اللي تستحق الزياره اكثر؟؟ ... علما انو زوجي يحب صخب المدينه والزحمه ومايروقلو الهدوء !!!!

بيزا .. تستحق الزياره؟؟ وايش فيها غير برج بيزا المائل؟؟

وياليت تعطوني اسماء كذا مطعم رايقين فيها جلسه هاديه ورومنسيه

انا عارفه كثرت عليكم اسأله بس اعذروني ..

لانو انتوا عارفين هي زياره وحده لايطاليا بالعمر تكفي وانا من النوع اللي مااحب ارجع للدوله اكثر من مره ... يعني احب انوع كل مره بمكان .....
ومااحب يفوتني شي اذا رحت ...

اتمنى تفيدوني ..

مواضيع عشوائيه ممكن تكون تعجبك اخترناها لك:

• نصيحة يا عشاق ايطاليا
• اسعار التذاكر
• خبير ميلانو
• استفسار بخصوص التأشيره عاجل الله يخليكم
• مشكلة في الحجز عن طريق موقع السفارة للفيزا
• احتاج خط سير عشان احجز الفنادق
• ضيعت ريموت السيارة وش العمل؟
• شريحة جوال في ايطاليا؟
• سكن ومنطقه حلوه قريبه من ميلانو
• عااااااااااااااجل بخصوص التاشيرات والتذاكر الالكترونيه
• بخصوص حجز التذاكر لملعب السانسيرو
• جوله على ايطاليا في ديسمبر
• فنيسا كم تبعد عن انترلاكن
• مساعدتي بشهر عسل بايطاليا الرجاء الدخول واعطائي النصائح
• سوال خطير جدا
• أيام ماهي نصائحكم واقتراحاتكم
• مدة الاقامة المكتوبة على الفيزا ؟؟؟
• عندي تأشيرة شنجن سويسرية لمدة ستة أشهر هل استطيع أدخل بها ايطاليا ميلان
• خمس تذاكر لخمس دول اوروبيه
• رحله الى ايطاليا

21 مشاهده وولا رد

ثمان ايام في ميلان ليييييييييييييه !!!

هل اقدر اغير في الجدول شي او لا ؟

بالنسبه لميلان حسكن فيها بس حطلع على فينيس وبيزا ولوغانو او فلورنس

مو كلها في ميلان ....

وانا منزله الموضوع استفسر واخذ رايكم ياليت تساعدوني ...

انا حجزت الاوتيل 7 ايام في ميلان بس بالنسبه للاماكن اللي اطلع لها هل هي الاماكن اللي انا كاتبتها احلى اماكن ولا في اشياء غير ...

هلا اختي ريما ، مع كامل احترامي للخبير بس ميلانو عادي هالمده عليها طالما انتي بتتجولين بالمدن اللي حولها ، عندج كومو وفيرونا وسيرموني ولوقانو كلهن تقدرين تروحين لهن وترجعين بنفس اليوم ، بعدين اكو شغله مهمه اختي انتي الحين حاطه في بالك انك بتروحين لسيرفالي وفوكس تاون ، ترا سيرفالي زينته بهالشهرين لان بعدها ماتحصلين شي يسوا الا يمكن ملابس الاطفال . لو خاطرك باوت ليت ايضا عندكم بفلورانس اوت ليتين تمام ودائما احصل فيهم اشياء تناسبني . بعدين اذا انتي تحبين الشوبنق ( طبعا في حرمه ماتحب الشوبنق مستحيل ) امزح وياك ، عندك انواع الشوبنق بميلانو اهم شي جهزي الكردت كارد وعبيها لان الاشياء اللي هناك تغري . شنو بعد تامرين فيه انا حاضر

يعطيك العافيه اخوي فواز
وبكثر عليك اسأله ياليت تعذرني ..
اذا تعرف مطاعم جلساتها حلوه ومميزه وكمان لو تعرف كيف الجو في شهر نوفمبر

يعني بارد ولا باااااارد جدا

ياخوفي يصير ثلوج ومانقدر نروح لمكان

بعدين بالنسبه للطلعات ...

وش احلى فلورنسا ولا لوغانو ....


وايطاليا عامه تعتبر زي باريس من ناحية المصروف ولا زي برشلونه رخيصه ؟؟؟..

اذا عندك فكره كم يكفي تقريبا باليوم بس اكل وتنقلات بالمترو ؟؟؟...من دون شوبينق

واسعار التنقلات بالقطار لفينيس وبيزا وكومو ...


لاني حابه احط بدجت للسفره قبل لااروح وماعندي خلفيه عن ميلان ابدا ...

هلا باختي ريم ، شوفي من الحين مو تصيرين زي شهرزاد كل ماسألت تاسفت ترا انا ما احب جذي ، المطاعم وايده ومنتشره حوالين الدوامو لاتخافين البيتزا بتطلع من خشومكم ، المارقيرتا قااااتله ادمان بالنسبه لي والله مو بس هي كل المطعم الايطالي عشقي ، الجو بنوفمبر مو حيل بارد ، يعني جاكيت يكفيكم بس الله يعينكم على المطر ، من اي ناحيه احلى ؟ انا اشوف فلورانس احلى . واللي يحب الهدوء يروح لوغانو ، اذا بتستخدمون مترو ماراح تزيد صرفيتكم عن 150 يورو بدون اي شوبنق ، طبعا هال 150 شامله وجبة رسميه + كافيه ( تم التعديل - فيصل ) ، اسعار القطار تختلف بس ماتتجاوز ال 50 يورو للشخص . كومو ممكن تروحون مع شركه سياحيه ب 20 يورو توديكم وتجيبكم وحاضرين لخدمتك

ماشاءالله عليك اخ فواز
عندى سوال بغيت اروح اشوف ارينا
http://www.veronaticket.com/en/default.cfm

تفتكر يسوى اروح شنو رايك انا وولدى عمره عشرين وبنتى 10 سنوات

وبخصوص شوبينك فى 2 اوت ليت اى وحده احسن من ناحية الاسعار

صباح الخير
بخصوص فرونا العرض يسوى اروح مع او لا

اختي رأيي ان ارينا مالها سنع ، لحد يزعل من كلامي ، وانتي وين بتروحين على شان برشحلك اوت ليتين يحبهم قلبك ، وانتي تامرين امر اختي بس مابي منج الا تدعين لي

هلا اختي النور والبلور افا عليك تحت امرك ، انتو من وين تجون للدوامو ؟ اذا بالمترو اول ماتطلعون من الدرج حق المترو بتلقين الدوامو قدامك روحي يسار بالشارع اللي بينها وبين القاليريا ، اسم الشارع فيتوريو امانويل بتلقين اللاري ناتشينته يسارك والعلامه حقته بتلقين ارماني برا ، واول ماتدخلين للمبنى بتحصلين الدور الارضي خاص للعطورات وادوات التجميل وبتلقين بوجهك فوق اللوي فيتون وقوتشي وفندي ويسارهم دولتشي اند قابانا ويمينهم ديور وميو ميو ، واطلعي الدور اللي فوقهم بتلقينه خاص للرجال واللي بعده للاطفال . بيعجبك حيل المبنى . طيب مارحتوا للمونتينابوليونه ؟؟ ضرورري تروحون له وموقعه خلف المربع حق القاليريا واللاريناتشينته والعلامه على بداية الشارع محل اسكادا وبولغري وطووول الشارع ماركات ديور برادا اميليو بوتشي وجيمي شو ونهاية الشارع محل ضخم لارماني ويا الكافي . طيب كيف القاليريا ترا في مطعم رايق مره من داخل اسمه سافيني Savini البيتزا المارقيرتا تهبل عندهم ، واللي تامرين به انا حاضر

اخوي فواز شكلك مبدع بالاسواق ماشاء الله عليك علشان كذا اتمنى تفيدني

بالنسبه لفلورنس .... وين مواقع الاوت ليت اللي قلت عنهم بالضبط

واحسن اوت ليتات في ميلان وماجاورها .....والفرص اللي ماتتفوت بالتسوق لملابس الاطفال والكبار

لو سمحتوا بقط معكم بنفس الموضوع

اخوي فواز لوسمحت ممكن ترتب لنا اقامتنا بميلانو ------انا رتبتها لكن ما ادري مناسبة او لا ---ابي استفيد من خبرتك

4 ايام بميلانو

اولا-------- حابه اروح للدومو فينيسيا كومو والاوت لت

ثانيا------- هل اقدر اروح فينيسيا وارجع بنفس اليوم وباي وسيلة ومتى الوقت (لانو معنا طفل وعربة ويقولون صعب التنقل في فينيسيا بعفش وطفل وعربة بين الجسور والقوارب ---فاذا كنا بنروح ونرجع بنفس اليوم بنتحمل نستغني عن العربة )

ثالثا ------ميلان وفينيسيا فيها مطارات دوليه صح

رابعا------ البندقية نقدر نروح لها من ميلان 00وتسوى والا لا 000وكم المدة بالساعة 000وباي وسيلة

رابعا ------- سويسرا قريبة من ميلان---- اي المناطق الافضل في سويسرا وقريبة من ميلان لو حبينا نروح لها ومو مشكلة نزيد يومين ----- فيه امكانية

خامسا --------في ميلان ماهي افضل المناطق للسكن من ناحية الامان وتكون شوارعها بارزه وغير متفرعة ومخيفة000وش رايك ناخذ فندق قريب من الدومو

شاكرة لك وانتظر اجوبتك واقتراحاتك

هلا اختي ريما اخاف انصحكم بالامكان ويدعون علي ازواجكم شوفي اختي نمشي شبر شبر اولا عندك ميلانو اكو وايد اوت ليتات بس في جزء منها مو كلش ، بمعنى لازم تزورين سيرفالي اذكر برادا وكفالي وحق الاطفال اللي عندهم زين وايد حريم يظفون منه ، عندكم بعد فوكس تاون همين حلو واذكر برادا وفيرساتشي واكو بعد فلانتينو مرينا عليه في فساتين سهره حلوه ، نجي لفلورنس احسن مجمع يعجبني بصراحه ذا مول فيه برادا فندي وغوتشي وارماني وفرساتشي وميو ميو ودولتشي ان قبانا وفيه كذا ماركه زود ما اذكرهن ، وترا بعد فيه لاري ناتشنته بفلورانس بمنطقة ريبابليكا، طيب اللي يحبون برادا ترا فيه اوت ليت برادا بمنطقة مونتي فارتشه ، اكو شركة اذكرها توديكم لذا مول مع اوت ليت برادا جوله ب 20 يورو وهذا رقمها 0039055283200 عندهم برامج وايد حلوه للتمشيات حوالين فلورنس ،

اختي ستايلش ترتيبك حلو بس حايسه شوي بفينيسيا كنسليها وخليك على ميلانو كومو لوقانو السويسريه واذا وياكم سياره كملوا 40 كيلو داخل سويسرا في مدينه حلوه وهاديه اسمها لوكارنو سكنك خليه في ميلانو قريب من الدوامو ترا ميلانو صغيره لاتحسبينها كبيره ، يعني لو سكنتي بشارع بيونس ايرس تقدرين توصلين للدوامو بعشر دقايق بالمترو . لاتنسونا من دعواتكم

يعطيك العافيه من جد افدتني كثير ....


الف عافيه يارب

هلا

كومو ساعة الاربع من ميلان مدينة هادئه ورائعه........

تستحق الزيارة......خاصة للبحيرة..