الموضوع: سؤالي عن مكائن الصرف بالبحرين فيه عموله؟؟؟

الاخوه والاخوات
مساكم الله بالخير وعسى الجميع بصحه وعافيه
انا لاحظت من زياراتي الاخيره للكويت وللبحرين ان اجهزة الصراف بالبحرين ما تاخذ عمولة سحب دولي والسحب نفسه يطلع بالحساب 100 دينار ب 1000 ريال
بينما في الكويت وقبلها دبي لازم بالحساب يطلع زايد علينا 35 او 40 ريال عموله سحب دولي
هل لاحظتم مثلي ؟؟ وما السبب اذن ؟؟

مواضيع عشوائيه ممكن تكون تعجبك اخترناها لك:

• خبراء البحرين ارجو الدخول
• وايرلس في البحرين
• ابي وصف مطعم فريندز بالعدليه قبل الظهر انتظركــــم
• رحلة اليوم الواحد للبحرين
• شقق النورس بالبحرين
• بنااات البحريين ابي فزعتكم
• البحرين؟؟؟؟
• الدانة ريزيدنس ممتاز ولكن
• يـــــوم فـي الــبــحــريــن
• منتجع الدانة لمن يعرف ؟
• ساعدوني ربي يسعدكم
• أهل البحرينبغيت افضل فندق وأحلى الاماكن الترفيهيه والاسواق الشعبية
• فينيسيا تاور وش رايكم فيه
• استفسار عن مطار البحرين ترانزيت
• ما رايكم بالفندق هذا ؟
• يااهل البحرين اشاوركم بين منتجع الدانه و البندر
• غدا مسافر للبحرين بإذن الله
• استفسار عن محلات في البحرين
• شقق محمود بلازا البحرين حياكم الله
• البحرين وفيزا الدخول اليها

عزيزتي الأستاذة درة

بصراحة معلومة جديدة لدي

كنت قد سحبت من الصراف ولكن قبل فترة من الزمن ، وقد أخذ علي عمولة

ولكن ما قلتيه بصراحة جديد ،،،

حبذا أختي الفاضلة تذكرين اسم الصراف الذي سحبت منه

لك شكري الخاص

أخووووك

لازم يأخذون عموله في اي دوله في العالم ولكن في ناس ماتكتشفها

من الأفضل أن تقومي بالصرف في الدولة التي أتيت منها أولاً ثم التعامل في البحرين بالدينار البحريني،،
والأفضل من ذلك أن تقومي بصرف العملة في سوق البحرين مباشرة،، لأن أسعار الصرف في البحرين منافسة جداً،، وبهذا توفري مبلغ من المال للتسوق والتنزه ..؛
.
.
وكوني أعمل في هذا المجال (الصرافة وتحويل الأموال) أنصح جميع العرب المسافرون أن يقللوا قدر الإمكان من استخدام شبكات الصرف الدولية لأن عمولتها مرتفعة،، ولا يمكن أن تتم العملية من غير عمولة بالإضافة إلى سعر مرتفع لتبديل العملة ..؛
.
.
وإليكم أسعار العملات الخليجية مقابل الدينار البحريني (سعر البيع على شركات الصرافة):

- 1000 ريال سعودي = 100.250 دينار بحريني
- 1000 ريال قطري = 103،000 دينار بحريني
- 1000 درهم إماراتي = 102،500 دينار بحريني
- 100 دينار كويتي = 129 دينار بحريني
- 100 ريال عماني = 97،500 دينار بحريني
- 100 دولار أمريكي = 37،500 دينار بحريني

السلام عليكم إسمحوا لي بالمداخله

بالنسبة للسعر الرسمي لصرف الدينار البحريني مقابل الريال السعودي هو 9.94 لذلك فعندما يحسبه البنك بسعر 10 فالبنك هو المستفيد من الفرق (9 هللات) ويضاف إلى ذلك عمولة السحب بين الشبكة البحرينية (بنيفت) والشبكة السعودية (سبان) وهي تعادل تقريبا" 10 ريالات للعملية الواحده

تحياتي :24:

الاستاذة درة خذي الخبر

كل البنوك تستقطع مبلغ لأجل تحويل العملات ومنهم مصارف البحرين اما كلامج بأنك دفعتي مبلغ 100 بحريني وتبين عندج بأن السحب 1000 ريال فهو دليل بان البنك ياخذ عمولة لان 100 بحريني تساوي تقريبا 997،5 ريال اي أن البنك إستقطع حوالي 2 ريال ونصف (وهو عبارة عن سعر تحويل أوصرف + عمولة السحب من مصرف غير المصرف الذي تتعاملين معه بالسعودية)

وانا كذلك إشتريت بمبلغ 20 بحريني اي ما يعادل 15،400 كويتي ولكن تكلفة التحويل والسحب طلع علي المبلغ 16،100 أي أخذوا مني 700 فلس

أتصور وضح الامر

الظاهر مايبين عندك :114: يمكن الحساب كان :24: اوكيه .....
دايم اسحب من الصرافات بالبحرين ويسحبون عموله بس كم بالضبط مادري

شكراا للجميع على المشاركه بالرأي
بما ان الدينار البحريني اقل من 10ريال اجل اكيد البنك اخذ عموله
بس العموله قليله جدا لاني بصرف من مكينة الصراف الموجوده أمام اسواق الجزيره التي بالجفير صرفت 200 دينار وبعد مافتحت حسابي بالنت شفته سحب دولي/ 2000 ريال يعني كان حاسب بالضبط الدينار 10 ريال وفرق الهللات اخذها عموله
عموما عسى استفدتم مثلي من الردود على هالموضوع وجزاكم الله خيرا

اختي الاستاذه دره لا اعلم بالظبط ولكن الاخوة البحرينين مايقصرون انشالله بالنسبه لقطر اكيد راح تكون عموله ولكن عموله بسيطه المشكله الله يسلمج في هالزمن اللي احنا فيه كل شي عليه فلوس مافي شي مجاني ههههههه غير زمان اول راح زمان الشياب مال البحر يعطيج العافيه فمان الله

اخونا من قطر
شكرا بارك الله فيكم وفعلا في هالزمان كل شي ادفع اولا

كل عملية سحب ياخذون عليها عموله وهذا اللي حصل لي نسيت بالضبط كم المبلغ