الموضوع: الأكل في موريشوس

الأخوة والأخوات أعضاء المنتدى واصحاب الخبرة

السلام عليكم ورحمة الله

بإذن الله تعالى حجزي في موريشوس في أغسطس لمدة 7 ليال

4 ليال في الهيلتون وثلاث في البيل مارج. وحجزي هالف بورد (يعني الفطور والعشاء مشمول)

السؤال يتعلق بالأكل؟؟هل هو مقبوووول؟؟

هل أختار أي مطعم في الهوتيل وأتعشى فيه؟ ما هو مستوى المطاعم في الفندقين المذكورين

هل هنالك مطاعم عربية أو هندية مقبووولة؟؟

والأهم أنها تقدم الأكل الحلاال؟؟

ياليت من الخبراء انهم يفيدوني لأني عريس ومتوهق؟؟!!!!

مواضيع عشوائيه ممكن تكون تعجبك اخترناها لك:

• الرجاء من خبراء المالديف المساعدة
• فندق خمس نجوم المالديف
• استفسار هام
• ارجو المساعدة بخصوص دراسة ال cpa في امريكا
• وقت الاقلاع من مورشيز لدبي
• مساعده بخصوص المالديف جزاكم الله خير
• استفسار بسيط عن
• خبراء الجزر طلبتكم
• الأجواء في موريشيوس شهر 7 يوليو
• ماهو افضل شهر للسفرالى جزيره موريشيوس
• موريشوس ولا ماليزيا ولا ابهاإحراج
• لخبراء موريشس
• ما هي العملة المستعملة في قبرص
• كم تكلف مع التنقلات من والى المطار half board
• ودي اسافر ل جزر المالديف وماليزيا و اندونيسيا اسبوعين عسل
• الرجاء المساعده باسرع وقت بخصوص مورشيوس
• استفسار ارجوا منكم المساعدة خصوصا ابوعزيز
• ابى اسويلها سربرايز
• موريشيوس ايهما افضل ؟
• المالديف حلم حياتى في السفر واطلب مساعده

VARANGUE SUR MORNE وهو من أحد المطاعم الجميلة جدا نظرا لموقعه الشهير و جودة أطباقه و يمكن الوصول له عن طريق السيارة او الهيليكوبتر و يتطلب حجز مسبق و يقع في الجنوب الغربي في منطقة البلاك ريفير
Tel: +230 483.60.10


لا كابيتان : مطعم للأسماك و المأكولات البحرية و الطبق الشهير هو (ميكس سي بلاتير) مع الأرز الأبيض كما يقدم المطعم البرياني (لحم أو دجاج)

منقول من موضوع مشرفنا أبو عزيز
والفنادق هناك كثيره وكل فندق في مطعمين أو ثلاثه

بالنسبة لي جربت اكل الهيلتون كان عالمي
كل يوم بوفيه شكل مرة شرقي (لبناني) ومرة هندي ومرة ايطالي يعني العشاء مافيه كلام حتى الفطور
تلاقي حتى الشكشوكة
ولا تقدر تغير المطعم انت ملزم بالمطعم اللي في حجزك الهاف بورد

Missy والفهد
أشكركم على ردووودكم

فرحتوني وطمنتووووني

الله يوفقنا وايااااااكم

تروح وترجع بالسلالالالالالالالامة

طيب اخوي سؤال
انت ماخذ هوني مون باكج؟
لأنهم يسوون لك عشاء رومنسي اذا انت ماخذ هالباكج
ويسوون لك حركات تجنننننن زي الورد المنثور وزي كذا
عشان تكشخ عند عروستك

الاخت ميسي

لا الي أخذته ما اظنه هوني مووون باكج

أنا أخذت العرض من طيران الامارات
7 ليال في موريشوس
4 في الهيلتون و3 في البيل مار بلاج
شامل فطور+عشاء
والتوصيل من وإلى المطار بسيارة خاصة
وكلفني هذا العرض 14600 تذاكر وسكن وتوصيل

هل هذا العرض كويس؟ وكيف آخذ الخدمات حقت الهوني موون؟؟
بصراحة ودي بها اذا كانت رومانسية وحلووه

في انتظار اجابتك
ومشكووور مقدماً

حنا نفس الشي خذينا الباكج من الامارات للعطلات
بس قاللهم زوجي انه هني مون يعني مافي زياده فلوس ولا شي
بس عطهم خبر وتأكد انهم كاتبين كذا بالفوتشرات اللي يعطونك اياها وتأكد انهم معلمين الاوتيلات
وراح يسوون لك حركات رومانسيه ومره حلوه
مثلا ترحيب فيكم بالغرفه بكروت مثلا
ويحطون لكم بتلات ورد بالحمام الله يكرمك
ويسوون لك واحد من الاوتيلات عشاء رومانسي على ضوء الشموع يكون بمكان سبيشل مثلا جنب المسبح
ايه وبالطياره يجيبون لكم كيكه مكتوب عليها مبروك
حنا لخبطوا وجابوا لنا كيكه مكتوب عليها هابي بيرثداي
بس نصيحه لاااااازم تاخذ الهني مون باكج مرررررررره رايق

يعطيك العافية

أنا إن شاء الله بمر طيران الامارات وبأكد هليهم يحطووون هالأشياء

سؤال: وش تنصحين فيه.. هل أروح مع قرووب سياحي في التنقلات ولا أستأجر سيارة خاصة.

أيضاً وش أفضل الأنشطة الممتعة وإلي تنصحين فيها ؟ أحس ان بعض النشاطات صعب اني أمارسها أنا وزوجتي مثل الغوص أو الدبابات أو السباحة (لعدم وجود الخصوصية) ... فإيش الأشياء الي تنصحين اني ما أفوتها..

معليش طولت عليك في الأسئلة.. وعقبال ما أخدمكم في المستقبل..

تحياتي....

المشاركة الأصلية كتبت بواسطة KSA_Riyadh
http://www.arabtravelersforum.com/tr...9/#post1429159

يعطيك العافية

أنا إن شاء الله بمر طيران الامارات وبأكد هليهم يحطووون هالأشياء

سؤال: وش تنصحين فيه.. هل أروح مع قرووب سياحي في التنقلات ولا أستأجر سيارة خاصة.

أيضاً وش أفضل الأنشطة الممتعة وإلي تنصحين فيها ؟ أحس ان بعض النشاطات صعب اني أمارسها أنا وزوجتي مثل الغوص أو الدبابات أو السباحة (لعدم وجود الخصوصية) ... فإيش الأشياء الي تنصحين اني ما أفوتها..

معليش طولت عليك في الأسئلة.. وعقبال ما أخدمكم في المستقبل..

تحياتي....




لا بالعكس خذ راحتك وأسأل كل اللي في بالك

لا مااتوقع له داعي تروح مع قروب سياحي لأنك بتلقى برى الاوتيلات تكاسي اشكال والوان خذ لك واحد وخله يوديك للمكان اللي تبيه والسواقين هناك خلوقين ومتعاونين جدا يعني تحسه متحمس لك يبي يوريك كل شي حلو:115:
بس كاسر فيهم شوي
بالنسبه للنشاطات اللي انا شخصيا انبسطت فيها:

1-الهيلكويتر بالبيل مار كانت تجربه حلوه مره

2-الكواد بايكينق بمحميه ايتلوا كانت من احلى الايام بحياتي وهو عباره عن دباب كبير تركبه انت وزوجتك مع قروب
وتلطعون جبال وتوقفون بأماكن روووعه وطبعا السواقه لحالها تحدي لأنك تطلع وفيه مطر احيانا والارض تزلق يعني مغااامره:11ight:
حنا بالطلعه انا اللي كنت اسوق وبالنزله زوجي هو اللي كان يسوق

3-بالنسبه للغواصه انا مااعجبتني كثير بس زوجي مررررررررره اعجبته وعموما لازم تجربها لأنها حاجه جديده

4-وانت بالهيلتون خذ تاكسي وخله يوديك للشلالات والارض اللي بسبع الوان والبركان الخامد وعده اماكن بجنب بعض وهالنشاطات راح تاخذ تقريبا يوم كامل من الصبح للعصر

5-حدايق بامبليوس(الظاهر كذا اسمها) تجنن بس كبيييييره وتشوف فيها مناظر خضراء تشرح النفس

6- طبعا السباحه ماراح تقدر تسبح زوجتك وحتى انت لأنه برد
بس فيه بكل اوتيل نشاطات بحريه كثيره اختار منها اللي تبي:surf

7-فيه جزيره اسمها لو سيرف مافيها ذاك الزود لكن فيها العاب عالبحر حلوه مره
ومن ضمنها لعبه تركب زي القارب صغير مره وحتى مو قارب ماادري وش اسمه ويكون مربوط بقارب يمشي بسرعه مره وهو يجركم وراه طبعا انواع الترطيش والصراخ بس ممتع متعه:24:
واذا بتجربونها عطوا كميرتكم للرجال اللي بالقارب عشان يصوركم

وبالتوفيق يارب:106:
واذا عندك اي سؤال لا يردك الا كيبوردك:109:

الله يعافيك وهذ العشم فيك

تحياتي..

يعطيكم العافيه

تروح وترجع بالسلامة

حمستوني وايد


متخوف إني أروح

زواجي بشهر 4/2008

ومحتار بين ماليزيا وفينا وموريشس

وعجبتني فعاليات موريشس


بس عزيزي خالد بحاول اضيفك عندي أبي تفاصيل أكثر إذا رجعت بالسلامه

وخصوصا المصرف هههههه

وشرايكم أبي اقعد اسبوعين فيها بحكم اني بسكن مع اهلي ابي شوية برايفت بالسفر

تحياتي لكم

واعذروني على عفويتي بالطرح

الا على طاري الأكل (في العنوان بس)


ما عندهم أكلات شعبيه ... وش يطبخون وياكلون ... ههههههه



على ان نفسي شينه في الأكل ... الا اني أحب اذوق أكل الدوله اللي أروح لها ... طبعا اذا كان حلال

هلا عيون حبيبتي
فيه يوم بواحد من الاوتيلات اللي كنا فيها(مااتذكر اي واحد)
كان البوفيه موريشسي على ماقالوا
وحسيته اغلبه هندي وشرق اسيوي
يعني رز وانواع الايدامات
اذا كنتي تحبين الهندي زي حالاتي بيعجبك مره

والله محتار لأن ماودي اروح لدبي أكرها لأنها مزعجه

بس الشكوه لله شكلي بنجبر عليها


بس عندي واحد من ربعي راح لموريشس اسبوعين يقولي فله

بس بعد كلامكم بقلبها براسي وباخذ راي المره وبشوف

الكلمه الأولى والأخيره لها ولا كلامي مو عدل هههه