الموضوع: سلبيات وإيجابيات رحلتي للخبر والبحرين

السلام عليكم ورحمة الله وبركاته ،،،
استغرقت رحلتي للخبر 3 أيام وسكنا في فندق رمادا الخبر عجيييييب وليلته كانت بـ 800 ريال ( ما يقارب 60 دينار كويتي ) لكن الفندق يستاهل :24:
الأسواق كانت عجيبة وكثيرة احترت فيها ولكن الرحلة كانت مخصصة لعيالي ووناستهم :11ight:
طبعا رحنا السيرك الصيني عيالي كيفوا حييل وبعدها دخلنا لمجمع فؤاد وكان هناك عرض لصالة الألعاب بحيث تعبي كرت بـ50 ريال وتاخذ فوقهم 20 ريال زيادة إذا شاف تذكرة السيرك !!!
ورحنا الراشد ( زحمه ) وكارفور جميل جدا ورحنا تويز أر أس ( Toys r us ) لشراء الألعاب وفعلا استانسو العيال واجد ...
كان غدانا و عشانا يا من مطعم أصفهاني ( إيراني ) عجييب أو من بوابة الصين هم أكله حلو والريوق ( الإفطار ) طبعا بالفندق لأرفع من معنويات عيالي هاااا كشخه ؟؟ :109:
المهم الصراحة كنت مشتاقة للروحة حق البحرين بأسرع وقت لشراء الصوغة ( طبعا حلوى شويطر ) وتجربة ما تحدث عنه أعضاء منتدى البحرين من أماكن للأطفال وسكن ومطاعم وغيره ...
واتجهنا للبحرين وكان الطريق ميسر والحمد لله ودخلنا منطقة الجفير وسيده لشقق إليت 5 وكانت الليلة بـ 90دينار بحريني !!! وقلنا يلا ندور على غيره لأن المنافسة كانت قوية وتقريبا كل الشقق نفس المستوى ورحنا إلى شقق تربل أ سويتس ( AAA suits ) وكانت فخمة ولكن السبب في عدم السكن فيها هو وجودالتحف والمناظر الزجاجية اللي أعتقدت أنها ما راح يبقى منها شي عقب عيالي !!!!!
وبعد يوم شاق جدا ( لأن بصراحة ما في مستوى مثل رامادا ) شنسوي طماعين هااااا . وأخيرا سكنا الرورو وكان سعره خيالي بـ 35 دينار بحريني ( 350 ريال ) ولكن العيب الوحيد فيه أنه مافيه سجاد وصالاته وسيعة والتلفزيون نص المحطات ما تطلع ( طبعا اكتشفنا هالشي بعدين ) ...
وأوقف معاكم الحين وأواصل في وقت آخر لأن عندي تحضير دروس وإحنا طبعا مدرسات في المدرسة والبيت ....:110:
يالله انشوفكم في الحلقة القادمة ... ترى فيها بصراحة السلبيات والإيجابيات لكل منطقة ورأيي الشخصي أرجو ما يزعلون الأخوان في المنتدى ......:112:
مع السلامة ....
:106:

مواضيع عشوائيه ممكن تكون تعجبك اخترناها لك:

• بكرة السفرة ومحتار اين اذهب في البحرين
• الرحلات البحرية للعروسين في البحرين
• كيف الأوضاع الامنيه في البحرين
• مهم جدا بشأن المطاعم في البحرين
• استفسار عن جزيرة حوار
• من يدلنا على وحدة تخصص مكياج تاتي لنا للفندق
• حبيت اسأل عن محل Eternity في البحرين
• استفسار عن محلات في البحرين
• استفسار عنون
• السفر للبحرين بالطائرة استفسار
• هل يوجد شركات سياحية تقوم بجولات سياحية في البحرين
• يااهل البحرين او الي زاروها
• البحرين وجهة السياحة الخليجيه
• هل يوجد مكان مخصص لي الحقائب
• هل افتتحت كل محلات ستي سنتر؟
• اتمنى الافادة من اهل البحرين
• المقيمين فالسعودية وفيزا للبحرين
• معرض الحدائق البحرين
• عـــيـــدكـــمــ مــبـــاركـــ
• وين تنصحوني اروح فيه بالبحرين

الحمد لله على السلامة 000 الخبر مدينة سياحية وجميلة وكذلك والبحرين فيها اشياء لاتتواجد بالخبر مثل السينما وحلوى البحرينية 0

ننتظر بقية تقريرك 0

يعطيج العافية اختي والحمد لله عاسلامة....................

انشاء الله كانت الرحله سعيده والحمد لله على السلامة

الحقيقه اسواق الرائد حلوه من بعد العصر الى 7 المغرب وبعدها يبدا الزحام

فؤاد سنتر حلوو ولافيه زحمه لكن السوق صغير

وفيه الخبر موول حلو كذالك

وانشاء الله زرتي الواجهة البحريه

الله يسلمكم يا اللورد فيصل ومير Mr.sa ...
الحقيقة طلعت عيني على الأسواق وفي منهم بالمنيو ( اللسته ) لي الحين ما شفتهم لكن عقب هذي الرحلة إنشاء الله راح تتكرر في عطلة 25 فبراير عيد التحرير والاستقلال في الكويت وإللى يصادف عطلة لمدة 5 أيام وناااااااسة ......
إنشاء الله ماراح أخلي أي سوق بخاطري !!!!!!

يا حيا الله منتداي العزيز وأعضاءه الكرام ،،،
أطلب من الله تعالى إن الجميع بخير وسلامة !!! :24:
آسفة على التأخير .. تدرون مشاغل البيت والعيال ... ماعليه !!!
ولكم رأيي ( الشخصي ) برحلتي للخبر والبحرين ومقارنة بسيطة بينهم وتذكرو إن هذا مجرد رأي فقط والناس أذواااااق !!! :108:
الإيجابيات والسلبيات حسب أوجه المقارنة التالية :
أولا السكن :
1 - الخبر : الفنادق نظيفة وكلها محترمة ومواقعها استراتيجية !! وأسعارها مناسبة .
2 - البحرين : الفنادق غالية مثل جراند إليت والدبلومات وغيرها لكن الشقق الفندقية في الجفير أسعارها معقولة لكن الطرق أغلبها طين وتراب أتلف السيارة وعجزنا وإحنا نغسل فيها !!! وفي المنطقة الكثير من القطاوة ( القطط ) ماأدري ليش لكن العيال استانسوا عليهم !!! وأعتقد أن مجاري المنطقة تحتاج إلى صيانة !!
ثانيا الزحمة :
1 - الخبر : هناك زحمه فقط في الطريق إلى مجمع الراشد غير ذلك ما فيه أي زحمه وعجبتني طريقة الإشارات المرورية في العد التنازلي حركة حلوة بس ما أدري متى يحطونها بالكويت هااا !!
2 - البحرين : بما أنها منطقة صغيرة إلا إن الزحمة كانت مملة خصوصا عند الجسر الجديد ولكن الإشارات تفتح بسرعة .
ثالثا الأسواق :
1 - الخبر : أسواقها عجيبة وحلوة وكل شي فيها والبضاعة ممتازة على جميع المستويات أما الصوغة فسوق سويكت عجيب والخبر بلازا . بما أننا مسافرين فعندما ندخل السوق يأتي وقت الصلاة فتقفل الدكاكين حركة حلوة للمقيمين ولكن للمسافرين ما فيه وقت وإحنا مصلين قصر وجمع ونقعد ننطر وتحول عيوننا على ما يفتحون محلاتهم ..
2 - البحرين : أسواقها راقية وحلوة ولكن غالية جدا ولا تصلح لشراء الصوغة !!!! واكتفينا بحلوى شويطر والمتاي .... وفيه إيجابية إنه الأسولق مفتوحة على طول اليوم دون ما يسكرون !!!
رابعا أماكن الترفيه :
1 - الخبر : أعتقد إنه كورنيش الخبر أحلى والملاهي للأطفال أكثر وإنها أشرح من البحرين !!
2 - البحرين : الملاهي أيضا جميلة ولكنها صغيرة ومنفصلة عن الأسواق ماعدا السيف .

وأعتقد لاحظتوا إن الخبر عاجبتني أكثر من البحرين وانشرح صدري فيها أكثر ...
هذا احساسي ويعذروننا أهل البحرين ديرتهم حلوة لكن بالمقارنة مع الخبر عندي الخبر أحلى ...
وهذا رايي واعذروني إذا تماديت بالصراحة ...
وشكرا لكم يا أعضاء منتداي العزيز .... ونشوفكم في رحلات قادمة إن شاء الله تعالى ....
ومع السلامة .....

:101:

مشكورة يا أختي الفاضلة على موضوعك , ويا حبذا لو كان هناك تقرير مصور
طماعين شوي

:106: :101: :106: :101:

على العموم حياكم الله في السعودية

تحياتي

عـــــــــــا الهمة لـــــــــــــي

ياحياج الله اختي reeba شرفتي ونورتي مدينة الخبر يالغاليه وأهم شي أنكم أستمتعتم وقضيتم اوقات جميله فيها , ولو ندري كان قدمنا لكم كل المساعده وعطيناكم دليل متكامل للاماكن الي نتمنى أنك تزورنها وتستمتعون فيها, واتمنى تكونون زرتو مجمع الظهران مول بعد الي راح تتعبون فيه من مساحته الكبيره, والي حاليأ بعد شغالين في توسعه له , وانشاءالله مدينة الخبر مع نهاية هذا العام 2007 سوف تشهد أفتتاح 3 فنادق 5 نجوم وفندقين 4 نجوم , و3 مولات تجاريه ضخمه بالأظافه الى منتجعات وأماكن سياحيه اخرى سوف تحتضنها الخبر والآهم من ذلك هو برج المعلم الذي يقع في وسط البحر على كورنيش الخبر والذي سيكون احد أبرز معالم مدينة الخبر والذي سيكون في اعلى البرج مطعم يطل على الخبر بأكملها وكذلك قاعة شرفة تطل على المدينه يستطيع الزائر خلالها مشاهدة الخبر, ومعرض للهدايا التذكارية وغيرها


تحياتي: سلطان الشرقية

:36_1_13: :36_1_13: :36_1_13: :36_1_13: :36_1_22: :36_1_22: :36_1_21: :36_1_24: :36_1_24: :36_1_27: :36_1_33: :36_1_33: :36_1_34: :36_1_34: :36_7_9: :36_7_9:


حركات والله يالخبر خخخخخخخخخ

اختي الكريمه كلامك كله صح ... و انا صار يضايقني بالبحرين شي.... و هو اني بعض المرات ادخل محل مسوي فيها حركات و المحل فريد و تحفه بالديكور و يونيك ... و تلاقين اسعاره نأأأأأأأأأأأأأأر :36_1_18:

و بمجرد التدقيق في البضاعه اكتشف انها من رامز او سوق الحراج في الدمام :112: :36_1_28: :36_1_29:


نكته على الطاير
سألوا بحرينيه من بنى الكعبه؟ قالت رامز عليه السلام

:36_6_3: :36_6_3:

مشكورييين على الرد الجميل يا ( أبو أحمد 111 - عالي الهمة - سلطان الشرقية - eyesmax )
والله من كثر ما استانسنا هناك نسينا نصور لأنني إن شاء الله رايحة مرة ثانية وعزمنا يوم الأربعاء القادم وراح نعيد الكره بنفس الفندق ( رامادا ) وأتمنى يكون السيرك لي الحين شغااااااال !!!
وإذا الله كتب إن شاء الله بصور الأماكن إذا ذكرت !!! الصراحة ننسى روحنا هناك هاهاها ...
تسلمون وما قصرتوا ......

لحقيقه اؤيد اختنا الابله على حلاوة الخبر والدمام بعد جميله جدا بعد التغيير اللي صار فيها واصبحت المركز الرئيسي وخصوصا كورنيش الدمام روعه
وايضا الاسعار وخصوصا الفنادق والشقق المفروشه النظيفه اللي بالقرب من مجمع الراشد شقق راقيه وكل شي فيها وخصوصا الطلبات للمطاعم خدمه سريعه جدا
وايضا الامن والامان اللي يديمها علينا كلنا

لكن لفت نظري انج متضايقه من اغلاق المحلات في وقت الصلاه وهذا هو الصحيح ويجب علينا ان نشد على ايدهم حتى لو كنا مسافرين ومصلين جمع تقصير لانه هو الصحيح
وكانت الكويت بعد التحرير تغلق المحلات لكن الحين للاسف المؤذن يقول حيى على الصلاه ولا حد معطيه بال وهذا هو الغلط

المشاركة الأصلية كتبت بواسطة eyesmax
http://www.arabtravelersforum.com/tr...0/#post1097640

:36_1_13: :36_1_13: :36_1_13: :36_1_13: :36_1_22: :36_1_22: :36_1_21: :36_1_24: :36_1_24: :36_1_27: :36_1_33: :36_1_33: :36_1_34: :36_1_34: :36_7_9: :36_7_9:


حركات والله يالخبر خخخخخخخخخ

اختي الكريمه كلامك كله صح ... و انا صار يضايقني بالبحرين شي.... و هو اني بعض المرات ادخل محل مسوي فيها حركات و المحل فريد و تحفه بالديكور و يونيك ... و تلاقين اسعاره نأأأأأأأأأأأأأأر :36_1_18:

و بمجرد التدقيق في البضاعه اكتشف انها من رامز او سوق الحراج في الدمام :112: :36_1_28: :36_1_29:


نكته على الطاير
سألوا بحرينيه من بنى الكعبه؟ قالت رامز عليه السلام

:36_6_3: :36_6_3:




هاهاهاهاهاهاهاهاهاهاهاها:109: :109: :109: :109: :109: :109:
حلوة منك

المشاركة الأصلية كتبت بواسطة reeba
http://www.arabtravelersforum.com/tr...4/#post1098534

مشكورييين على الرد الجميل يا ( أبو أحمد 111 - عالي الهمة - سلطان الشرقية - eyesmax )
والله من كثر ما استانسنا هناك نسينا نصور لأنني إن شاء الله رايحة مرة ثانية وعزمنا يوم الأربعاء القادم وراح نعيد الكره بنفس الفندق ( رامادا ) وأتمنى يكون السيرك لي الحين شغااااااال !!!
وإذا الله كتب إن شاء الله بصور الأماكن إذا ذكرت !!! الصراحة ننسى روحنا هناك هاهاها ...
تسلمون وما قصرتوا ......




إختي ريبا إنشاالله احنا مسافرين بعد للخبر والبحرين (يمكن نتصادف ):101:

بالتوفيق بالسفر وفعلا الخبر بدات تاخذ صيت عند الكويتيين
(انا نصف الاهل والمعارف والأصدقاء شيشتهم وخليتهم يغيرون وجهتهم من دبي إلى الخبر والبحرين خلال عطلة العيد الوطني

يعطيج العافيه

حياكم الله في بلدكم الثاني السعوديه ياأهل الكويت الحبيب

تونا راجعين من الكويت انا وزوجي وطفلي والله حبيت الكويت واهلها وكل شي فيها حلو:36_3_13: :36_3_11:
وحبيت ادلك على اماكن حلوه في الخبر والدمام

في مطعم حلو مررررررره في الخبر وهو كوبرشندني هندي واكله لذيذ وهو على شارع البيبسي
وفي مطعم بيت التنور الجديد
مطعم جندولا ايطالي وايضا مقهى جوفريز وكلهم بالقرب من فندق رمادا
مطعم السنبوك بحري وغالي
التنور الصيني على الكورنيش

لكن ماعندنا شوكليت بار:24: !!!!!!!!!!!!!!!!!!!!!!!!!!!!!!!!!! انا ادمنته:4:





الاسواق في الخبر

مجمع الظهران وفيه جيان
مجمع جمعه سنتر
مجمع التركي على الكورنيش

الاسواق في الدمام
مارينا مول
مجمع الشاطئ
مجمع بن خلدون

وفي سوق حلو واسعاره حلوه يصلح لشراء الهدايا وهو
مجمع الحياه بلازا.... كبير مره وفيه كل شي
وايضا

سوق الحب في الدمام


للاطفال
قرية الالعاب
هابي لاند
شاطئ العزيزيه

واي سؤال انا حاضره

:smile127:

مرحبا فيكم اهل الكويت في الشرقية والبحرين وفعلا المرا الجاية لازم تروحون بعض المطاعم زي جندولا والسنبوك ولازم تروحون مجع الظهران ومجمع مارينا مول في الدمام .......واي استفسار عن البحرين والشرقية احنا جاهزين.

المشاركة الأصلية كتبت بواسطة فهد الأحمد
http://www.arabtravelersforum.com/tr...8/#post1098588

إختي ريبا إنشاالله احنا مسافرين بعد للخبر والبحرين (يمكن نتصادف ):101:

بالتوفيق بالسفر وفعلا الخبر بدات تاخذ صيت عند الكويتيين
(انا نصف الاهل والمعارف والأصدقاء شيشتهم وخليتهم يغيرون وجهتهم من دبي إلى الخبر والبحرين خلال عطلة العيد الوطني



حياك الله يابو احمداني :101:

و اي شي في الدمام والخبر تراني حاضر.... بس ترى ما عندي محل زي بعض الناس :109:

:

24: :24: :24:
مشكووووووورين على الردود الجميلة والله من كثر ما أسولف عن الخبر نص مدرسات المدرسة راح يروحون هالعطلة هااااااااااي !!!!!:106:
لكن هالمره ما راح أخلي مكان يطوفني إن شاء الله لا مطعم ولا سوق والله يعين زوجي علي !!!!! :112:

خلاص ياشباب و يابنات ....
:sofa:

هذي بوابة البحرين ... وانتوا كثرتوا كلام في الخبر ...........:101:


لا تزعلون علينا الحلوين اللي من البحرين ....:36_3_16: :36_3_15:



شباب و بنات كويتونا ... تعالوا بوابة السعوديه و لا لكم الا كل طيب ان شاء الله:36_11_3:

ما تقصرون يا إخوان
إنشالله لو إحتجنا لأي إستفسار ما يردنا إلا كيبوردنا هاها
عارفين إنكم بالخدمة ومتعاونين

وانا ولله الحمد من كثر ما اسافر للبحرين والخبر صرت أدل فيهم مثل الكويت إلا القليل من الأماكن وخاصة دواعيس الدمام إشوية أضيع فيها لكن المهم إني أدل الشاطئ مول والمارينا مول والقرية الشعبية وغيرها

بس سؤال عن الجو هاليومين إشلونه ؟؟؟
يعني نصف كم وإلا نلبس كم طويل (عشان أعرف شنو أحط بالشنطة)

الجو حلوووو مره خاصه بالليل ... معتدل ولا يحتاج شتوي .. لكن خذ معاك وحده احتياط يمكن يدور هوا.

بالنسبه للدمام... جرب تروح بن خلدون بلازا .. صغير لكن حلو.
والدمام فيها محلات ام 2 3 4 5 6 7 8 9 10 ريال كثيره والحريم هدهم و انساهم في الاماكن ذي ....

هاهاها تسلم أخوي آيز ماكس

إي والله يا أيز ماكس أنا نسيت عمري في بوابة البحرين ، شسوي الخبر ماخذه عقلي .... هاااااااي !!!
قبل كم سنة البحرين كانت حيل شادتني لكن جاها سيل غطى على سيلها وهي الخبر ...
لا تلومونييييييي !!!
يالله بروح أزهب الجنطة وأغراض السفر وخصوصا الألعاب حق السيارة علشان يلهون العيال !!
وإحنا نشرب كوفي لاتيه وهوت شوكليت من راعي القهوة إللي عند البنزين أول ما تخرج من المركز هاااااااا !!!!

توصلون بالسلامه ان شاء الله ....

على فكره انا لي اكثر من شهر امر كورنيش الخبر ابي اخذ شورما في محل مقابل الكورنيش اسمه رمانه ...اذا قدرتوا تطلبون منه قولولي ... العالم عنده طق اعصي ما ادري ليش.

المشاركة الأصلية كتبت بواسطة reeba
http://www.arabtravelersforum.com/tr...4/#post1100124

إي والله يا أيز ماكس أنا نسيت عمري في بوابة البحرين ، شسوي الخبر ماخذه عقلي .... هاااااااي !!!
قبل كم سنة البحرين كانت حيل شادتني لكن جاها سيل غطى على سيلها وهي الخبر ...
لا تلومونييييييي !!!
يالله بروح أزهب الجنطة وأغراض السفر وخصوصا الألعاب حق السيارة علشان يلهون العيال !!
وإحنا نشرب كوفي لاتيه وهوت شوكليت من راعي القهوة إللي عند البنزين أول ما تخرج من المركز هاااااااا !!!!



ياهلا فيكِ وياهلا باهل الكويت كلهم..
لاتنسين اختي الكريمه تزورين المقاهي اللي وراء مجمع التركي
على كورنيش الخبر من اجمل الاماكن...

إي والله يا أيز ماكس أنا نسيت عمري في بوابة البحرين ، شسوي الخبر ماخذه عقلي .... هاااااااي !!!
قبل كم سنة البحرين كانت حيل شادتني لكن جاها سيل غطى على سيلها وهي الخبر ...
لا تلومونييييييي !!!



هي فترة بسيطة وتعدي يا reeba بتشبعين من الخبر والدمام وبعدين مردك للبحرين وبتقولين بلادي قال

والله يا أخ ( بلادي البحرين ) أنا أتوقع تعديل في البحرين رهيب خصوصا إن العمران في زيادة من مجمعات وفنادق وشقق .
الله أعلم ... تصير ... يمكن أرد وأقول يا عيني عليج يا البحرييييييين !!!!
:24: :106: :24:

يا جماعة ما تتخيلون إش قد نفرح إحنا السعوديين لما يزورنا أحد ويطري سالفة تقفيل المحلات وقت الصلاة ... سبحان من جعل لهذا الدين ولهذه الشعيرة ( الصلاة ) رهبة في قلوب الكل ,, حتى غير المسلمين من غير ما يقولهم أحد أو تجيلهم الهيئة ( هيئة الأمر بالمعروف والنهي عن المنكر ) تلاقيهم على طول صكوا المحلات حتى ينتهي الإمام من الصلاة .

الشيء الثاني ندائي لزوار منطقتنا الحبيبة ( الشرقية ) أقول وبالفم المليان .. لا تستعجل وتدخل أول فندق أو مطعم تشوفه ,, والله إن في داخل ( أزقة ) السويكت والعقربية مقاهي ومطاعم أكثر من رائعة وبأسعار تهبل , ويمكن ما تصدق ( بضم التاء ) خصوصا للي جايين من أماكن بعيدة ...بس يحتاج الواحد يركد , ولو حصل ينزل الأسرة في الشقة ويبحث ويحدد لهم المكان المناسب ثم يرجع وياخذهم .. يكون أفضل !

المشاركة الأصلية كتبت بواسطة msawem
http://www.arabtravelersforum.com/tr...4/#post1102834

يا جماعة ما تتخيلون إش قد نفرح إحنا السعوديين لما يزورنا أحد ويطري سالفة تقفيل المحلات وقت الصلاة ... سبحان من جعل لهذا الدين ولهذه الشعيرة ( الصلاة ) رهبة في قلوب الكل ,, حتى غير المسلمين من غير ما يقولهم أحد أو تجيلهم الهيئة ( هيئة الأمر بالمعروف والنهي عن المنكر ) تلاقيهم على طول صكوا المحلات حتى ينتهي الإمام من الصلاة .

الشيء الثاني ندائي لزوار منطقتنا الحبيبة ( الشرقية ) أقول وبالفم المليان .. لا تستعجل وتدخل أول فندق أو مطعم تشوفه ,, والله إن في داخل ( أزقة ) السويكت والعقربية مقاهي ومطاعم أكثر من رائعة وبأسعار تهبل , ويمكن ما تصدق ( بضم التاء ) خصوصا للي جايين من أماكن بعيدة ...بس يحتاج الواحد يركد , ولو حصل ينزل الأسرة في الشقة ويبحث ويحدد لهم المكان المناسب ثم يرجع وياخذهم .. يكون أفضل !




حي الله استاذ الاملاء :109: ...
بالعربي كثر الكلام ما يصلح الله لا يهينك روح بوابة مملكة ابو متعب حفظه الله "عجبني امس في العرضه" :11ight:

و اكتب لنا موضوع عن الخبر .... كل يوم او يومين نبي منك شي جديد .....


وش رايك ... و لو عندنا شي جديد نساعدك.

على فكره وش سالفه الرسائل الخاصه....:114: انا ما عندي و اكثر من شخص يقولون عندهم حتى خوياي اللي من خارج المنتدى عندهم :110:

المشاركة الأصلية كتبت بواسطة eyesmax
http://www.arabtravelersforum.com/tr...0/#post1103000

.

على فكره وش سالفه الرسائل الخاصه....:114: انا ما عندي و اكثر من شخص يقولون عندهم حتى خوياي اللي من خارج المنتدى عندهم :110:



الله خلق وفرق ,,, وإدارة المنتدى لها نظرة فيمن يعطى هذه الميزة , ولا لأ

المشاركة الأصلية كتبت بواسطة msawem
http://www.arabtravelersforum.com/tr...0/#post1103470

الله خلق وفرق ,,, وإدارة المنتدى لها نظرة فيمن يعطى هذه الميزة , ولا لأ



:112: :112: :112:

الله يسامحك

ياخوي لا تزعل ,,, وتقبل مزح أخوك بصدر رحب ... بس أنت عارف تصرفات المراهقين مع الرسايل الخاصة ********( يبي يكحلها ..عماها )

الحمدالله عدت قبل يومين من الخبر والبحرين وزرت مجمع الظهران الجديد ماشاء الله المجمع رووعه من جميع النواحي ولاكني استغربت من شغلة مهمه وهي ان محلات اللي تبيع المكياج وكذلك الملابس النسائية الداخلية جميعهم من الرجال بس مادري وش الحكمة منها اول شغله انها تسبب احراج شديد لبعض النساء انها تطلب موديلات معينة او مقاسات معينة طيب ليه مايكون في بائعات من النساء وبعدين بالنسبة للمكياج نفس الشغلة اتمنى ان احصل على اجابة من احد الأخوان السعودين والسموحة منكم اهلنا في السعودية الغالية

المشاركة الأصلية كتبت بواسطة Kuwaity2
http://www.arabtravelersforum.com/tr...0/#post1112760

الحمدالله عدت قبل يومين من الخبر والبحرين وزرت مجمع الظهران الجديد ماشاء الله المجمع رووعه من جميع النواحي ولاكني استغربت من شغلة مهمه وهي ان محلات اللي تبيع المكياج وكذلك الملابس النسائية الداخلية جميعهم من الرجال بس مادري وش الحكمة منها اول شغله انها تسبب احراج شديد لبعض النساء انها تطلب موديلات معينة او مقاسات معينة طيب ليه مايكون في بائعات من النساء وبعدين بالنسبة للمكياج نفس الشغلة اتمنى ان احصل على اجابة من احد الأخوان السعودين والسموحة منكم اهلنا في السعودية الغالية




مرحبا اخ كويتي...

الحمدلله على السلامه ... و ان شاء الله الرحله كانت ممتعه لكم.

بالنسبه لاستغرابك... لك الحق

انا شخصيا مو عاجبني ابد وجود رجال في محلات الملابس الداخليه .. المكياج ما يهم... لكن الملابس الداخليه... الصراحه عيب لا و الاقبح ان ال(***) اللي يبيع داخل تلاقيه ينقي للحريم. شرايك بذي و شرايك بذي :112: ... بكل وقاحه.

لكن الحمد لله الحين بديت اشوف بعض محلات الملابس مشمعه و مكتوب عليها للنساء فقط. لان العاملات فيها نساء ... و عقبال الباقي

المشاركة الأصلية كتبت بواسطة eyesmax
http://www.arabtravelersforum.com/tr...3/#post1112823

مرحبا اخ كويتي...

الحمدلله على السلامه ... و ان شاء الله الرحله كانت ممتعه لكم.

بالنسبه لاستغرابك... لك الحق

انا شخصيا مو عاجبني ابد وجود رجال في محلات الملابس الداخليه .. المكياج ما يهم... لكن الملابس الداخليه... الصراحه عيب لا و الاقبح ان ال(***) اللي يبيع داخل تلاقيه ينقي للحريم. شرايك بذي و شرايك بذي :112: ... بكل وقاحه.

لكن الحمد لله الحين بديت اشوف بعض محلات الملابس مشمعه و مكتوب عليها للنساء فقط. لان العاملات فيها نساء ... و عقبال الباقي



الأخ الغالي eyesmax

الحمدالله كانت رحلة سعيدة وجميله جدا وخاصة كانت المدة كافية بسبب اجازة يوم التحرير رحنا يومين للبحرين والباقي في الخبر مدينة رائعه وجميله وكل شي فيها رائع واحنا بالنسبة لنا السعودية بلدنا تعرف صلة القرايب والنسب يعني عندنا اهل في كثير من مناطق المملكة بس انا قليل في زيارة الأسواق والموضوع هذا لفت انتباهي

تصدق صدر عندنا قانون في الكويت يمنع عمل الرجال في المحلات النسائية واعتقد بانه قرار ممتاز يحمي النساء من الأحراجات والمضايقات

اخوي كويتي .. كلامك صحيح و عين العقل بخصوص محلات المستلزمات النسائية .. و صدر قرار من وزارة العمل قبل سنتين على ما اعتقد بحصر العمل في هذه المحلات على النساء دون الرجال و اعطيت مهلة لاصحاب المحلات لتعديل اوضاعها .. لكن فيه لوبي تكون ضد هالموضوع اجهض الموضوع و الغي القرار قبل تطبيقه !! لاتستغرب ديرتنا ترا فيها الكثير من المتناقضات !!
انا شخصيا ما ارتاح ان اهلي يروحون يشترون من عند رجل .. فعشان كذا اخذهم لمملكة المرأه في مجمع المملكة يتقضون على راحتهم حتى لو كان اسعارهم مبالغ فيها..

الاخت الغالية ربى

سلمك الله انتى و ابنائك

اهلا بك في الخبر و انا من سكان الظهران القريبة من الخبر و اشكر شعورك و الحمد للة انكم ارتحتوا عندنا.

حبيت اقول ان فندق رمادا ليس بافضل بقية الفنداق بل يعد مستواة متوسط و ياليتك رحتى لقندق الشريتون في الدمام او الهوليدي ان الخبر - قرب نادي الاتفاق-

لم تذكري انك ذهبتي للعزيزية و هي منطقة البحر عندنا و فيها شايهات مجانية و هيصة و بها مدينة العاب صغيرة و جميلة و هناك كان يمكن تشوفون التطعيس في الرمال الموجودة وفيها مسابقات .

البحرين حلوة بس مثل ماذكرتي انها صغيرة وفنادقها غالية من غير سنع

مثل ما انتوا في الكويت تحبون السعودية احنا هنا نحب الكويت

مع الف سلامة و ان شاء اللة انك موفقة

توني أشوف الموضوع .. بالنسبه للخبر من زماااااااااااااااان ما رحتها .. لكن هي حلوة .. بالنسبة للبحرين توني راده منها .. وتجنن وتاخذ العقل.. ممكن تشوفين تقريري عنها يمكن تعجبج..

أما أنتي فريتي راسي على الخبر شكلي بأزورها قريب قبل لا يجي الصيف:101: ..

i am so soeey first of all that i am writing in english cuz my pc is writing in english only. however i have stayed in ruru tower and a lot of fully furnished apartment the problme in bahrain you don't get much bahraini servicing ,, but i realy didn't see a services like ROYAL HOUSE even personal services they do cus once we wanted to go to seef mall and we did not get taxi at that time belive it or not they gve us thier personal car ro go without any charges ,, till that level they are srevicing thier guests
any way hope you had a good trip and wish you all the fun in your next trip to where ever you go

best regards

Al Ghadeer