الموضوع: استفسارات عامه لرحلتي لشهر العسل بميلان وفينيسيا

السلام عليكم اخواني واخواتي
بصراحه استفدت كثييييرا من منتداكم والاعضاء اللي بصراحه اكثر من رائعين وماعمري مريت على منتدى واعضاء مثلكم... الله يعطيكم الف عافيه

اخواني ناوي ان شاء الله اسافر لشهر العسل ايطاليا وبعدين سويسرا وبعدين فرنسا بداية شهر 7
ناوي اجلس في ايطاليا يومين ميلان ... يومين فينيسيا وبعدين يومين ميلان وانطلق بعدها إلى لوغانو (سويسرا) وبعدين فرنسا

بس عندي كم استفسار بخصوص ايطاليا..

1- المترو.. بصراحه انا ولا عمري ركبت المترو من قبل
هل بالامكان اخذ الشنط والعفش معايي داخل المترو ؟
طريقة شراء التذاكر من هناك او اشتريها من النت افضل؟
هل استئجار سياره افضل لي او استخدام المترو سعرا وراحة ؟ مع اني اعرف ادبر اموري بالجي بي اس
كيف اعرف اي مترو اركبه ووين يكون مكتوب اسمه وكيف اعرف اي محطه انزل فيها ؟
ياليت لو تشرحو لي كيف انتقل من المطار إلى الفندق Starhotel Rosa وبعدين من ميلان إلى فينيسيا والعوده إلى ميلان وطريق الميترو إلى لوغانو،،، وهل يختلف الميترو لما يكون بين دولتين ؟


2- التاكسي .. هل من الآمن الركوب في اي تاكسي في ايطاليا ؟
- صحيح ان المشي والتسوق في الشوارع الايطاليه خطير وغير آمن ؟
- اقدر اخد تاكسي للسفر من ميلان إلى لوغانو في سويسرا ؟ وايهم افضل التاكسي ام الميترو سعرا وآمانا؟

3-بحكم خبرتكم .. ينفع اني اشتري اغراض كثيره من ايطاليا وخاصة اني بعدها رايح لسويسرا وبعدين طيران إلى فرنسا ؟

ماراح اسأل عن افضل الفنادق لأن موضوعها واضح والكل كفى ووفى بهالخصوص..

يعطيكم الف عافيه اخواني واخواتي

مواضيع عشوائيه ممكن تكون تعجبك اخترناها لك:

• السفر ثاني ايام العيد
• كم الميزانية الكافية لايطاليا
• كم تبعد عن باريس
• القطار السريع في ايطاليا ؟
• مباراة ميلان وريال مدريد تاريخ نوفمبر
• اتمنى منكم مساعدتي باسرع وقت ممكن
• خبيرين وخبيرات ايطاليا مساعده
• يا جماعه محتاجه المساعده الله يخليكم بسرعه
• استفسار عن رحلة اوروبيه إيطاليا سويسرا المانيا فرنسا
• تعلم اللغة الإيطالية في السعودية
• استفسار بخصوص ايجار سيارة في ايطاليا
• سنة اولى ايطاليا
• تريفيزو
• يا شيووووخ ايطاليا احدثيات فديتكم
• فينيسيا بلد الرومانسية
• استفسار عن الأماكن السياحية والحدائق
• ساعدوني بالغاء الحجز
• شهر عسل في ايطاليا النمسا المانيا
• السفارة الإيطالية تتلقى طلبات التأشيرات إلكترونياً
• شهر العسل في ايطاليا

- المترو.. بصراحه انا ولا عمري ركبت المترو من قبل
هل بالامكان اخذ الشنط والعفش معايي داخل المترو ؟

المترو طريقته سهله وفي مواضيع للاعضاء طريقة استخدامه تقدر تاخذها لو كانت قليله بس لو كثيره صعب عليك لان ماراح يوقف اكثر من دقيقه يعني بسرعه بسرعه تركب



طريقة شراء التذاكر من هناك او اشتريها من النت افضل؟
من هناك فيه بطايق مترو عند نفس المحطه

هل استئجار سياره افضل لي او استخدام المترو سعرا وراحة ؟ مع اني اعرف ادبر اموري بالجي بي اس
كيف اعرف اي مترو اركبه ووين يكون مكتوب اسمه وكيف اعرف اي محطه انزل فيها ؟

اخوي المترووو داخل مدينه وحده بس مايطلع برى المدينه يعني هو وسيله مواصلات للمدينه نفسها بدل ماتركب تاكسي وباص

وميلان فيها مترو لكن فينيسيا لا مافيها

والمترو ماينتقل من مدينه لمدينه
للانتقال بين المدن تستخدم قطار

والمترو له محطات كثير بنفس المدينه مثلا محطه بشارع معين لها اسم مكتوب عند كل محطه يكون اسم المحطه اللي انت فيها
وتشوف الخريطه واي محطه تبي تنزل فيها بالاسم وكل محطه عليها لافته على الجدار مكتوب فيها اسم المحطه


وبالنسبه للتنقل بين المدن اذا شهر عسل الافضل يكون بالقطار

ياليت لو تشرحو لي كيف انتقل من المطار إلى الفندق Starhotel Rosa وبعدين من ميلان إلى فينيسيا والعوده إلى ميلان وطريق الميترو إلى لوغانو،،، وهل يختلف الميترو لما يكون بين دولتين ؟

الافضل تاكسي من المطار للفندق ومن الفندق للمطار
ومن ميلان لفينيسيا قطار مو مترو والعوده كمان قطار



- صحيح ان المشي والتسوق في الشوارع الايطاليه خطير وغير آمن ؟

بالعكس اذا كان بالمناطق المعروفه والمشهوره بكل اوروبا آمان ومنطقه سياحه بس لا تروح المناطق البعيده وبالليل

- اقدر اخد تاكسي للسفر من ميلان إلى لوغانو في سويسرا ؟ وايهم افضل التاكسي ام الميترو سعرا وآمانا؟
لا طبعا التاكسي بيطلع مبلغه غالي مرررررره الافضل قطار
والقطارات باوروبا رحلاتها كل ساعه يعني وقتها ماتشيل همه بس تروح للمحطه وتاخذ تذكره وتطلع والقطارات آمنه


-بحكم خبرتكم .. ينفع اني اشتري اغراض كثيره من ايطاليا وخاصة اني بعدها رايح لسويسرا وبعدين طيران إلى فرنسا ؟

هذي باي مكان وباي سفريه راح تكون متعبه بالتنقل اذا كانت مره كثير الافضل يكون اخر نقطه هي مركز التسوق
عشان ماتتعبون بالاغراض والتنقل
بس هو عادي تقدر


هذا على حسب معلوماتي

السلام عليكم اخواني واخواتي





وعليكم السلام ورحمه الله وبركاته يالله حيه : )

بس عندي كم استفسار بخصوص ايطاليا..





1- المترو.. بصراحه انا ولا عمري ركبت المترو من قبل
هل بالامكان اخذ الشنط والعفش معايي داخل المترو ؟
طريقة شراء التذاكر من هناك او اشتريها من النت افضل؟





المترو بالعاده جوا المدينه يتنقل .. اتوقع قصدك القطارات اللي بين المدن .. ايه في القطارات تقدرين تاخذين الشنط وعفشك وكل شي معك عادي

طريقه الشرا التذاكر اقول اشتروها من هناك في المحطه احسن لكم ترا بكثير وترا غالبا فيه قطار كل ساعه او ساعتين بين المدن يعني وسعوا صدوركم بس اهم شي انتبهوا لشنطكم واغراضكم جوا المحطات يكثرون فيها بالعاده النشالين وكفى !





هل استئجار سياره افضل لي او استخدام المترو سعرا وراحة ؟ مع اني اعرف ادبر اموري بالجي بي اس
كيف اعرف اي مترو اركبه ووين يكون مكتوب اسمه وكيف اعرف اي محطه انزل فيها ؟



غالبا حبيبي جوا ايطاليا ما تحتاج السياره كثير والمترو يمكن بعد ما تستخدمه كثير ااغلب شي على رجولك موضوع سهل المترو ابقول لك ايه هذا كانك تقصد المترو واذا تقصد القطارات بعد سهله ايه






ياليت لو تشرحو لي كيف انتقل من المطار إلى الفندق








Starhotel Rosa وبعدين من ميلان إلى فينيسيا والعوده إلى ميلان وطريق الميترو إلى لوغانو،،، وهل يختلف الميترو لما يكون بين دولتين ؟



مدري كم عددكم حبيبي بس خلني اقول لك شي التاكسي غالبا ياخذ 80 يورو من المطار الى الفندق تسعيره ثابته اذاا كنتوا كثيرين شوي خذوه او واحد او اثنين خذوا باص يوديكم الى محطه القطار جوا المدينه تقريبا حول 10 يورو لشخص وبعدين منها خذ تاكسي يوديك للفندق ب 8 يورو

موضوع من ميلان الى فينسيا والعوده والروحه لوقانو عندك حلول كثيره .. تبي تستاجر سياره وتروح فيها .. تبي تستخدم القطار وتروح فيه وتريح راسك من وجع راس السواقه تبي باصاات وتروح فيها كلها موجوده ولك الخيار حبيبي






2- التاكسي .. هل من الآمن الركوب في اي تاكسي في ايطاليا ؟
- صحيح ان المشي والتسوق في الشوارع الايطاليه خطير وغير آمن ؟
- اقدر اخد تاكسي للسفر من ميلان إلى لوغانو في سويسرا ؟ وايهم افضل التاكسي ام الميترو سعرا وآمانا؟




ايه التاكسي امن ... شوارع ايطاليا امنه بس في الليل بتلقى ناس تتسكع في بعض الشوارع فهمت وهذا موجود في كل مكان

موضوع وش ارخص القطار حبيبي





3-بحكم خبرتكم .. ينفع اني اشتري اغراض كثيره من ايطاليا وخاصة اني بعدها رايح لسويسرا وبعدين طيران إلى فرنسا ؟



ايه ما فيه شي يمنع بس لا تنسى العفش الزايد وبما انك بتروح لسويسرا خلها قطارات ووسع صدرك حبيبي ومنها لباريس


تحياتي

0tulip0
cenuor

ربي يعطيكم مليون عافيه.. مشكورين وماقصرتو
ان شاء الله بعد الرجوع من السفر ننشر التقرير في المنتدى ونفيد غيرنا
سلملم

يعطيك العافية اخوي بغيت اسأل شنو نوعية الغرفة اللي خذيتها وبجم طلعت عليك الليله ؟؟