سلخيييييير


هلا خالدبن.....
ان شاءالله تروح وترجع بالسلامه يابعدي....

بالنسبة لوش افضل البارت تايم او الفل تايم ,, اكيد كل واحد بيختلف رده عن الثاني...
فيه ناس يفضلون البارت تايم وفيه ناس يفضلون الفل تايم...
انا كنت ماخذ بارت تايم لاني كنت مااحب اثقل على نفسي ,,, وبالظهر كنت اطلع انا وشخص اعرفه في المعهد اتمشى معه ونروح للمطعم مع بعض وماكان عربي فكنا نتكلم انجليزي ونفيد بعض...
وعلى فكرة ترا الحصص الي تكون بعد الظهر تكون خاصه بالمحاثة و مشاهده الفديو ,,, وانصحك انك تجرب اسبوع فول تايم وتجربه بنفسك لان الاذواق تختلف....

بالنسبة لطرق العمليه فنت خذها قاعد المعهد وتحديداً في الحصة ماراح تقدر تمارس اللغة لانهم بيركزون على القواعد واشياء ثانيه...
انت حاول تحتك مع الطلاب ,, ولا يهونون المدرسين رحلهم في وقت البريك وسولف معهم ...
وطبعاً العائله حاول تجلس معهم وتتكلم عن اي شي خاصتاً انك في الليل بتكون في البيت مع العائله ,,, وانصحك لاتستحي من الغلط لان الشخص اذا ماغلط ماراح يتعلم ابد....

الوسائل الي تخليك تتعلم هو القاموس بدرجة كبير ,,, والشي الثاني اي كلمه جديده تمر عليك اكتبها في دفتر خاص لك واذا رجعت للبيت حاول تحفظها وتقراها اكثر من مرة....
وعلى فكرة ممكن بعض الكلمات ماتلقاها في القاموس فأنت اكتبها واذا رجعت للبيت دور معناها على الانترنت وهذا شي حلو عشان ترسخ الكلمه في راسك...

بالنسبة للعائله فأتوقع ان كبار السن يكونون افضل ,, لانهم بيكونون جالسين في البيت وتقدر تسولف معهم....
انا سكنت مع عائله كانوا صغار وعندهم ولد صغير عمره 6 سنوات ,,, كانوا ماشاءالله اغلب وقتهم برا البيت ههههه...
وعلى فكرة ترا الاطفال الصغار مرة اتوقع مو زين ,,, خذلك كبار شوي يعني اعمارهم تكون من 10 الى 15 عشان تعرف تتكلم معه....

العطله الاسبوعيه تقدر انت تنسق مع مركز موجود في كل مدينه في نيوزيلندا اسمه انفرميشن سينتر وهم متخصصين في الرحلات...
يمرونك عند باب بيتكم ويودونك ويرجعونك ,,, وعندهم اماكن سياحيه كثيرة وانت تختار المكان الي تبيه....
واسعارهم معقوله مو غاليه مرة....

بالنسبة لدعوه لدين فماادري بصراحه اذا لها عواقب او لا....

اما بخصوص النصيحه...
اهم شي وانا اخوك حافظ على دينك ,,, واستمتع بوقت ....
وحاول انك تقضى وقت فراغك باي شي ,,, وعش حياتك وخلك سعيد لان كلها 6 شهور وماتدري هل بترجع للبلد مرة ثانيه او لا هههه

.الله يوفقك يابعدي وتروح وترجع بالسلامه.