الموضوع: نظام أستئجار الشقق في نيوزيلندا

السلام عليكم ورحمه الله وبركاته

الاخوة والاخوات الاعزاء

ما هو نظام تأجير الشقق السكنيه في نيوزيلندا هل:

1 -يوجد بالشقه المستلزمات الكهربائيه الرئيسيه؟
2-نظام التأجير شهري أو كل سته شهور أو سنوي؟
3-كم تكلفه شقه غرفه واحدة أو غرفتين في أوكلند؟

شكرا جزيلا

مواضيع عشوائيه ممكن تكون تعجبك اخترناها لك:

• العمله النيوزيلندية
• فزعتكم ياأهل نيوزلندا أنا قبلت في جامعة
• من اوكلاند الى روتروا ارجوا الرد ضروري ؟؟
• للمسافرون لنيوزلندا ارجو الفزعه
• إخوانكم في نيوزلاندا بحاجتكم
• ارجوا المساعده
• استفسار عن رحلة الى نيوزلندا على الخطوط الماليزية ؟
• فيزا نيوزيلندا
• استفسار
• الخطوط السعودية ونيوزلندا ياشباب
• مهم وعاجل للاخوة خبراء نيوزيلندا
• شارع التحلية يعتزل العمل النيوزلندي
• رحلة بوح الصمت الى كرايست شرج
• استفسار عن دراسة الغه في نيوزلندا
• سمعت ان نيوزلندا مب حلوة
• الشحن من نيوزلاند إلى السعودية
• اللي عنده خبرة عن نيوزلندا ارجو ان يدخل
• اللي يعرف مدينة هاميلتون
• اتمنى الجواب على اسئلتى قبل ان اسافر
• خبراء اوكلاند ابي مساعده بليييز

عادة الشقق فيها معظم الاشياء الرئيسية من اجهزة كهربائية (ثلاجة غسالة ..الخ)
والاجار يحسب بالاسبوع (والتسليم غالبا يكون شهري )... الكهرباء والتلفيون شهري طبعا ..
والسعر يختلف على حسب القرب والبعد من السيتي سنتر ومساحة السكن نفسه

في مواقع تقدر تدور سكن من بعض مواقع الاكومديشن ايجينسيس .. وتاخذ فكرة عن الاسعار بشكل عام

وعلى فكرة استديو روومز متوفرة وهي غرفة وحمام ...والمطبخ مشترك .. والحلو فيها انك ماتشغل نفسك بفاتورة الكهربا والتليفون والانترنت !

شكرا جزيلا

نصيحه اخووووووي دورللك عائله احسللك لاني اتوووقع ان الشقق غاليه مرررررررررره

انا اشف العائلة افضل في البداية إذا كنت اعزب
إلين تتعرف على البلد ويعلمونك العائلة النظام والاماكن والأماكن الرخيصة والاسواق والعائلة ارخص

شكرا بارك الله فيكم (عائلتي معي). فأرغب في سكن عائلي.

اخوي بن بطوطه الايجار مو غالي مره يعني شقه غرفتين تكون ب 300 نيوزلندي او ارخص ولاكن من غير ثلاجه وغساله يكونون عليك بس اذا تبي شقه مفروشه تكون اغلى بس مو بكثير والله اعلم ..بكره اشوفلك بالجريده واردلك خبر بس ولا مره شفت شقه مفروشه! كلها تكون شقق للايجار او يسمونه يونت وتقدر تأجر بيت ارخص لك ويكون كهربته معاه والماء ايضا واعتقد التلفون بعد.لكن من غير اثاث بس مفروش.ويكون فيها السخان يعني ماء حار وبارد وال ستوف او اعتقد اسمه طباخ! هه اللي في المطبخ ايه عموما يكون على كهرباء وكله عليهم مع تأجير البيت. بس طبعا انت تدفع الكهرباء والماء اعتقد نص عليك ونص عليهم لان فيه ماء نوعين اللي هو الماء الصافي او حق الشرب و اكرمكم الله المجاري ف اهم يدفعون حق نص والباقي عليك والتلفون عليك والدفع كل شهر بس الايجار كل اسبوع.

2-نظام التأجير شهري أو كل سته شهور أو سنوي؟؟؟هذا اقتبسته من كلامك ،وش قصدك في النظام؟يعني متى تدفع لهم او كيف؟مافهمت عليك اذا متى تدفع لهم ف اسبوعي والله اعلم يمكن من منطقه لمنطقه يختلف بس هذا اللي اعرفه

وبالتوفيق ان شاءالله

وبكره بشوف الجريده اذا فيها شقق مفروشه بقولك عن اسعارها

وينك غربة طفلة مارديتي علينا

وانتي تدرسين في اوكلند او فين وكم سنة لك وممكن تفيدينا عن الشعب وطريقة التعامل و...........

بن بطوطه

للاسف دورت شقق مفروشه بس مالقيت مادري عن نضامهم بس لقيت كثيير بيوت للايجار وجاهزه من ناحيه الكهرباء والماء والتلفون...

اهلا شوكلاته

نعم انا ادرس في اوكلاند ...مو كثير من فتره بس يعني صارلي كم سنه !

الشعب والله حلو وطييييييبييييين جدا فيهم العنصريين واللي اكثرهم بريطانيين بس انا اتكلم عن الكيويين او قصدي النيووزلندين جدا طيبين والماوريين بعد اذا احترمتهم وماضحكت على عاداتهموتقاليدهم بيحترمونك بعد ويفحرحون..ومافي اي مشاكل..وفيه ناس كثير من الجزر القريبه على نيوزلندا واكثرهم من ساموا و فيجي وجزيره ثالثه اصغيره على مااعتقد اسمه نوين
واكثرهم يحبون الناس اللي تجيهم من عادات وتقاليد وحضارات اخرى ويحبون يتعرفون على كل شي جديد حتى اللغه مره اذكر معي بالصف كنا مجموعه وكانو فرحين لاني معهم بالمجموعه ويبون بس اعلمهم عربي وينطقون بعض الكلمات مثلي! هههههه
بس والله ناس طيبين بس تبتسم بوجوهم وتختلط معهم وراح تشوف

1 -يوجد بالشقه المستلزمات الكهربائيه الرئيسيه؟ غالبا ايه
2-نظام التأجير شهري أو كل سته شهور أو سنوي؟ اقل شي شهر وغالبا اقل شي 3 شهور
3-كم تكلفه شقه غرفه واحدة أو غرفتين في أوكلند؟ استديواا تقريبا 230 دولار نيوزلندي اسبوعيا

ملاحضة ترااا اغلب الشقق يفرضون تأمين تسترده بعدين التامين يتراوح مابين 500 الى1000 دولار

شكرا كابتن جاك
بارك الله فيك