الموضوع: محتاجه اراء خبراء ايطاليا بالاخص وفرنسا

بسم الله الرحمن الرحيم

آشكر مجهودكم الواضح مع الاعضاء والرد عليهم والاستفاده من تجاربكم

رتبت لسفره لايطاليا وفرنسا بحيث تكون الايام في فرنسا ٦ آيام وايطاليا ٩ موزعه علي فينيس وروما وميلان

وحطيت الموضوع هنا لانه النصيب الاكبر لايطاليا فالسفره فحابه تساعدوني بالجدول والفنادق الزينه لشخصين مع الاسعار لانه حاطين للسكن ميزانيه متوسطه
وعندي كذا سؤال

هل روما تغني عن ميلان ؟ والا كل مدينه فيها شي مميز !
ونبتدي من ايطاليا والا فرنسا ؟ واذا بدينا بايطاليا من مدينه نطلع منها بالقطار لفرنسا !
وهل ايطاليا نحتاج فيها لتآجير سياره والا تكفي القطارات والمشي لاسكتشافها ؟
والسفر بيكون في سبتمبر إن شاء الله فالجو بيكون شلون !

وشكرا لكم

مواضيع عشوائيه ممكن تكون تعجبك اخترناها لك:

• هل طيران يخلوني اطلع معي لفوق بالطيارة كيلو
• ليلة في ايطاليا
• حياكم
• افيدوني بليييييييييز
• تكفووووووووووون
• احتاج مساعدتكم يا اخواني
• ابي منكم النصيحه والافاده
• مطلوب احد يدلني على مكتب لاستخراج فيزا شنجن في جدة
• قلعة بالاتزو غريتي
• ماهي اجمل المدن الايطاليه بطبيعتها
• لاااااااااااازم تردون على لااااااااااااااااااازم
• ساعدونى الله يفتح عليكم الابواب المقفولة
• تـم إعتماد المخطط وحجز الفنادقآرائكم ؟؟
• فرق بالقطارات
• اود التقديم علي شنقا ايطاليا
• نصيحة الخبراء الفزعه لأخوكم
• استفسار عاجل جدا
• ساذهب إلى إيطاليا و أحتاج نصائحكم القيمة
• ارجو المساعده
• من لندن الى ميلان

آشكر مجهودكم الواضح مع الاعضاء والرد عليهم والاستفاده من تجاربكم
العفو اختي وحنا في الخدمة
رتبت لسفره لايطاليا وفرنسا بحيث تكون الايام في فرنسا 6 آيام وايطاليا 9 موزعه علي فينيس وروما وميلان
حلوة التقسيمة بس احس فرنسا كثيرة أيامها هل بتكونون في باريس فقط ولا لا؟؟
وحطيت الموضوع هنا لانه النصيب الاكبر لايطاليا فالسفره فحابه تساعدوني بالجدول والفنادق الزينه لشخصين مع الاسعار لانه حاطين للسكن ميزانيه متوسطه
ان شالله راح نختار لكم فنادق مناسبة بس عطينا الجدول الأكيد والتواريخ بالضبط عشان نسويلك جدول مع سكنه ما يخرش الميه
وعندي كذا سؤال
راح أجاوبك عليها بأذن الله
هل روما تغني عن ميلان ؟ والا كل مدينه فيها شي مميز !
أنا ما اقارن روما بميلان أبدا ولا اقارن ايطاليا كلها بروما لان روما شي ثاني
مدينة قديمة فيها من المعالم والأثار الي تحبس الأنفاس وميلان أنا ما احبها كثير لأنها حقت يومين بالكثير وخلاص لكن روما 4 الى أيام حلوه لها
ونبتدي من ايطاليا والا فرنسا ؟ واذا بدينا بايطاليا من مدينه نطلع منها بالقطار لفرنسا !
أبتدي من أيطاليا روما وانتهي في فرنسا باريس
وهل ايطاليا نحتاج فيها لتآجير سياره والا تكفي القطارات والمشي لاسكتشافها ؟
ايطاليا انا أحب السيارة فيها أفضل من القطار لأانك تاخذ راحتك ولكن لا تاخذون السيارة الا في اخر يوم لكم في روما وتسلمونها في اول يوم في ميلان الا اذا كنتو بتروحون لكومو ولوقانو فروحو اول يوم ولما ترجعون ترجعون السيارة بالليل لان روما وميلان فيه شبكة ميترو تغنيك عن السيارة ومشاكلها واسرع وارخص بكثير من السيارة
والسفر بيكون في سبتمبر إن شاء الله فالجو بيكون شلون !
ودرجات الحرارة أتوقع من ال15 الى 25 يعني جو جميل جدا
وشكرا لكم
العفو واي سؤال حنا في الخدمة


تحياتي لك

بالنسبه لفرنسا ، المخطط نقعد في باريس بس لكن مايمنع نروح مدن ثانيه بس وين تنصحنا ! فكرت في آنسي بس حسيتها بعيدة

السفر بيكون من تاريخ ٣١-٨ لين ١٤-٩
وبالنسبه للسياره يعني نتسلمها في روما ونسلمها قبل لانروح فينيس ؟
ودي نمر على فلورنس وفيرونا ولوقانو هل يحتاجون المبيت فيهم والا عادي نزورها من روما؟
وبرايك نكنسل ميلان ! والانخلي لها يومين بس !

ماتقصر اخوي عالافاده

وبالنسبه لفرنسا نروح لها من فينيس صح ؟ وكم ساعه فالقطار بيكون

اختي أنا بكتب لك المخطط كامل وأنتي أختاري تبينه ولا لا

الوصول يكون في روما والعودة من باريس

الجدول كالاتي
4 أيام روما تكون لفيت روما كلها وفصفصتها فصفصه
يومين فلورنس وبيزا يوم لفلورنس نفسها ويوم لبيزا
يومين فينيس فينيس يومين حلوه لها تكونين درتيها شبر شبر ودار دار وزنقه زنقه
وانتو طالعين من فينيس لسيرموني تمرون فيرونا وتتمشون فيها وتتغدون وتكملون طريقكم لسيرمون
يومين سيرموني يوم لسيرموني نفسها ويوم لجاردا لاند أو موفي لاند
وانت جايين من سيرموني لميلان تدخلون ميلان بس ما توقفون وتكملون لكومو وتقعدون فيها الى الساعة 7 وترجعون لميلان وتسلمون السيارة أول ماتوصلون
يومين ميلان اليوم الأول هو الي ذكرته فوق تكونون في كومو واليوم الثاني في ميلان
تحجزون عن طريق طيران الأيزي جت من ميلان الى باريس
باريس 4 أيام يوم أو يومين لديزني لاند ويومين لباريس نفسها

هذا المخطط وأتمنى يعجبك

أنتظر ردك عشان نبداء بالفنادق والتفاصيل

تحياتي لك

بالنسبه لفلورنس ينفع اقعد فيها اليومين ومنها نزور بيزا ! لانه ماودي بتنقلات كثيره
وبالنسبه سيرموني هل تستاهل القعده فيها يومين لانه ودي اقضي ٦ ايام في فرنسا

والباقي كله تمام

بالنسبة لفلورنس السكن راح يكون فيها

لكن أول يوم على طول تطلعون لبيزا عشان تخلصون منها

واليوم الثاني تكونون في فلورنس تتمشون

وبالنسبة لسيرموني جدا تستاهل وشوفيها في تقريري وعطيني رايك

وبأختار لك فنادق تعجبك بأذن الله

وبعطيك كذا معلومة بس لما نثبت على جدول معين

انتظر ردك

تحياتي لك

خلاص اوكي شفت التقرير ماشاء الله ثبت سيرموني

بالتوفيق ان شاء الله

ومايحتاج قطار من ايطاليا الى فرنسا

تقدرون تجربون طيران ايزي جيت

افضل لكم وارخص من القطار

وعدد الايام في روما 4 ايام ممتازه

وفرنسا 6 ايام شويه

لكن ان شاء الله بتنبسطون فيها

عموما ايطاليا ارخص من فرنسا

بالتوفيق ان شاء الله

روما
http://www.booking.com/hotel/it/hote...ml?aid=1329869

---

فلورنس

http://www.booking.com/hotel/it/univ...ml?aid=1329869

-----
فينيس

http://www.booking.com/hotel/it/pens...ml?aid=1329869

----

سيرموني

http://www.booking.com/hotel/it/auro...ml?aid=1329869

----

ميلان
http://www.booking.com/hotel/it/brun...ml?aid=1329869

----

باريس ما اعرف فيها لكن هذا الفندق كثير مدحوه

http://www.booking.com/hotel/fr/rela...ml?aid=1329869

وتراني ما جربته

تحياتي لك

ماقصرتوا على تعبكم بس ممكن تقولون لي في كل مدينه شنهي الاماكن الزينه واللي تستاهل الزياره

والله صعبه جدا أسرد لك كل مدينة وش فيها

لكن ادخلي التقارير وراح تلقين كل شي موجود

تحياتي لك