الموضوع: بين بوعبدالعزيز ومحبينه استفسارات عن موريتشس

بارك الله فيك اخوي بوعبدالعزيز .. وان شاء الله جهدك وتعبك مع الاعضاء يكون في ميزان حسناتك
والله يخليك لأهلك ومحبينك


الغالي .. اخوك بو محمد من الامارات .. ان شاء الله ناوي ارووح لموريتشس شهر العسل
التاريخ بيكون 26-6 ولمدة 8 او 10 ليالي

وابغي اجرب سفرت الجزر لأول مره

والله كنت ناوي اروح ماليزيا في البدايه .. بس اللي اعرفه الناس هناك زحمة واخوانا الخليجيين ما شاء الله عليهم وايدين .. وبعد ما قريت تقريرك الرائع وتقرير اخوي فتى الشرقيه .. تفكيري راح لموريتشس .. بس المدام لحد احين تبغي تروح ماليزيا ..


ممكن تعطيني اساليب اغراء لها عشان تقتنع بموريتشس ؟؟؟

وان شاء الله بروح اليوم مكتب الامارات للعطلات واسألهم عن الاسعار .. وبخبرك بهالخصوص
لأني فعلا بحتاجك يا اخوي واايد ..

وتسلم يابوعبدالعزيز .. وخلينا على التواصل من خلال الموضوع

مواضيع عشوائيه ممكن تكون تعجبك اخترناها لك:

• مساااعدتك يااروع مستشار
• استشااااارة
• بليز ساعدوني
• تذاكر مورسيوش ؟
• مساعده في المالديف
• ابي نصيحتكم يا اخواني ودي اقضي شهر العسل
• سؤااااااااااااال ضرووووري
• عاجل تكفون لخبراء قبرص
• هل الطلوع من المطار الى الجزيره عن طريق الطيران المائي أو اليخت
• فزعتكم عريس يبي مشورتكم
• يا اهل الخبره ساعدوني
• الحمدلله اليوم وصلت من جنة الدنيا موريشيوس
• بإختصار أحسن فندق بالمالديف
• استفسار عن فندق كورومبا
• سؤال موجه لابو عزيز والخبراء الكرام
• رجاءً ساعدوني دفعت للفندق بس الطيران نكبني السيرلانكيه
• بالنسبه للخدمه الإنترنت في موريشيوسكيف النظام؟ أحد عنده خبر؟
• اقكر بالسفر الى المالديف
• اتمنى اشوف ارائكم
• ذاهب الى المالديف ليومين عمل ماذا تنصحوني

السلام عليكم
لازم ابوعبد العزيز ولا يصلح احد ثاني؟:106:
انا مداام جديده ورحت موريشوس بشهر العسل وبعدها ب6شهور رحت ماليزيا
عموما قل لمدامك اذا تبغين تحسينك محاطه بجميع انواع الخليجين وماتحسين بأي خصوصيه اوحميميه
روحي ماليزيا:108:
يعني انا رايحه والناس تدرس ومليااااااانه خليجيين فما كنت على راحتي ابدا
والجو رطوووووووووبه اذا كانت بتلبس عبايه او بتتحجب انواع الملصقه والقرف :110:
وفيه نقطه تهمنا حنا البنات الا وهي الشعر والبشره
شعري كان يخرب بسرعه بفعل الرطوبه
وبشرتي كانت تدهن :105:
وكل هالاشياء ماكانت تصير لي بموريشوس :113:
عموما ماليزيا مافيها زود الا الاسواق واسواقنا هنا بالخليج افضل بمراحل من الاسواق الماليزيه
والله يوفقكم ويهنيكم:115:

لا عادي يا اختي .. وبالعكس انا رااح استفيد وغيري بعد

ممكن تكلمينا عن الرحله كمن يوم رحتوا ..؟؟ واي تاريخ كان ..؟؟ووين سكنتوا ..؟؟ وكم التكاليف .. ؟؟

وشو انطباعج عن الرحله .. ؟؟ وشو الايجابيات والسلبيات ..؟؟

وياليت في النهايه لو تقارين لنا حق شهر العسل بين ماليزيا وموريتشس

والسموحه بتعبج وياي .. وان شاء الله يكون في ميزان حسناتج

بالنسبه للمدام .. انا كلمتها البارحه .. وقالت لي تخاف تروح جزيره .. اونه ما تحس بالامان .. والجزيره تكون منفصله ومستوحشه .. !!

شو رايج اختي الكريمه تكلمينها وتقنعينها .. وانا بقنع زوجج ما ياخذ زوجة ثانيه :24:

اسولف يا اختي .. والسموحه منج

الطيب أنا جلربت ماليزيا و موريشيوس
المدام كيفت على ماليزيا أكثر بسبة كل شي قريب من الفندق والطبيعة الحلوة

بس طبعاً في موريشوس الطبيعة خرافية وخيالية صراحة - بس المشكلة في بعد الأماكن عن الفندق.

يعني لا طلعت الساعة 10 صبح ما ترجع الا 5 أو 6 المساء خصوصا إذا كان عندك أطفال راح يتعبوا أكثر.

بس ما أدري دايمن موريشوس على البال
.

ا- ممكن تعطيها جوله على تقارير الأعضاء

2- ممكن ترتب لها تريبات خاصة للعرسان تبدأمن عشاء منفرد على الشاطيء وحتى حفل زفاف ثاني على شاطيء خاص مع التصوير

3- تهددها اذا ما رحت معاك تعرس عليها

------

ذهبت الى ماليزيا مرتين الأخيرة كانت بمثابة جولة في اسواق الخليج

تمشي وتسلم على الرايح والجاي

غير اللي تحصله فجأه سحب زوجته وعياله من الطريق امامك فقط لتجنب المواجهة؟

تخلف وزحام ورطوبه وامطار في الصيف كلها عوامل اددت الى قطع الإجازة

والتوجه الى سويسرا

عامل الجو مهم جدا كما ذكرت الأخت القديرة missy حيث في مثل هذا الوقت الجو في ماليزايا في اسوأ حالاته على عكس موريشس الذي يكون فيه الجو في احسن حالاته

الأمان في الجزيرة اكيد اكثر وافضل بمراحل من ماليزيا

والمواصلات في الجزيرة صحيح ضعيفة بعض الشيء لكن ما ذكره الأخ والعضو العزيز الإماراتي ناتج عن خلل بسيط في تخطيط السفر حيث من المفضل اختيار فندقين في كل جهة من الجزيرة

وعلى اساسه يمكن تنسيق وتوزيع الرحلات عليها حسب الموقع

طمنا عليك ولا تسخدم الخيار الثالث الا في الضرورة القصوى

تحياتي

ممكن تكلمينا عن الرحله كمن يوم رحتوا ..؟؟ واي تاريخ كان ..؟؟ووين سكنتوا ..؟؟ وكم التكاليف .. ؟؟
الرحله كانت 15 يوم 10 ايام موريشوس و5 ايام دبي
سكنا بالترتيب
هيلتونجنوب غرب الجزيره
ليجندزشمال شرق الجزيره
بيل مار بلاجشرق الجزيره
كلها كانت جونيور سويتز
التكاليف كلها على بعضها مع اوتيلات دبي(برضو سويتات)حوالي 40 الف ريال
واخذنا الباكج من الامارات للعطلات

وشو انطباعج عن الرحله .. ؟؟ وشو الايجابيات والسلبيات ..؟؟
والله رحله رووووعه قمه الهدوء والرومانسيه والحميميه
يعني خياليه لشهر العسل
الايجابيات كثيره جدا من اهمها الطبيعه والهدوء والراحه النفسيه والاسترخاء
وشعب هالجزيره طيبين بشكل وبشوشين ويفتحون النفس
والخدمه بالاوتيلات مريحه جدا وراقيه
يعني زوجي يقول درت العالم ماشفت مثل خدمتهم بموريشوس:24:
السلبيات
بالنسبه لي ماشفت سلبيات
بعد المسافات زي ماقال الاخ اماراتي ماكان مشكله لنا لاننا نقعد بالاوتيل كم يوم ونغطي الاماكن القريبه منه وبعدين نروح للاوتيل اللي بعدوه وهكذا
وحتى المشاوير البعيده ماحسيتها ثقيله دم ابدا لأن المناظر اللي تشوفها بالطريق تفتح نفسك وتنسيك البعد والمشوره:115:
فيه شي انه موريشوس مافيها تسوق كثير وممكن الناس يعتبرون هالشي سلبي
بس بشهر العسل ماتفكر ابدا بالسوق :106:

بالنسبه للمدام .. انا كلمتها البارحه .. وقالت لي تخاف تروح جزيره .. اونه ما تحس بالامان .. والجزيره تكون منفصله ومستوحشه .. !!
شكل المدام تحسب انكم بتكونون لحالكم عشان كذا خايفه:109:
قلها بالعكس موريشوس فيها امان وراحه نفسيه غريبه
وانه لا منفصله ولا موحشه بالعكس مليانه سياح
شو رايج اختي الكريمه تكلمينها وتقنعينها .. وانا بقنع زوجج ما ياخذ زوجة ثانيه :24:
:109: :109: :109: :109:
يارب اكون افدتك واي سؤال انا حاضره

مشكور اخوي اماراتي .. بس ممكن طلب صغير بحيث لا يمكن مشاهدته على ارض الواقع :11ight:
ممكن يا اخوي تكتب لنا عن رحلتك إلى موريشس .. مثل ما ذكرت الاخت الكريمه في ردها السابق .. من حيث الايجابيات والسلبيات .. التكاليف .. وين سكنتوا .. عدد الايام .. واي معلومه حاب تفيدها لنا يا اخوي وبارك الله فيك .. :101:


مشكور يا اخوي بوعبدالعزيز والله يبارك فيك وفي اهلك دنيا وآخره .. عجبني الخيار الثالث .. بس باخذ حرمه مورشسيانيه :surf لأنه دايما تبغي تزور اهلها في الجزيره :surf والعم والنسايب الموريشسيانيين ما راااح يقصرون على نسيبهم بالسكن والواسطات :surf

مشكورة اختي missy .. وما شاء الله رحله رائعه .. والله يهنيكم ويجمع بينكم على خير ولا يغير عليكم

المحاولات ان شاء الله راااح تستمر مع المدام .. وابشركم .. تراه المدام تتدخل هالموضوع وتتفرج على الردود .. بس الله يعينكم وانا مالي خص .. يا إنها تتدعي لكم أو عليكم ...
وان شاء الله ألاقي حد من الاصدقاء او الاهل راح موريشس من قبل ليقنعها اكثر واكثر :110:

مرحبا أخوي - ماليزيا و موريشوس كلهن بلاد ما تندم على زيارتهن أبداً
وأنا عكس أخواني الي قالوا أن ماليزيا كأنك ماشي في أسواق الخليج - لا بالعكس أنا عن نفسي ما حسين بهذا الشي وهناك كل واحد تراه في حاله.
طويل العمر سافرت 21/7/2006 لغاية 29/7/2007م يعني 7 ليال.
سكنت في فندق ليس بافليوس 4 ستار في جنوب غرب الجزيرة ( أفضل مكان لمشاهدة غروب الشمس والفندق قريب من الجبل الشهير ( أعتقد اسمه لي مورني).
أنا سكنت بس في فندق واحد طول السفرة لأني ما أحب أغير الفندق وأنتقل لفندق ثاني (أحسه صدعة راس ) وهو أحد الأسباب الذي ذكرتها قبل إنك لا طلعت الصبح ما ترجع إلا المغرب بسبة بعد الفندق عن العاصمة وعن الشمال ( جراند باي ). وشرات ما ذكر أخوي أبوعزيز أني ما أخترت فندقين في الرحلة وهذا طبعاً خيار ما أحبذه أنا لنفسي.
الجو كان بديع وشبه ممطر ( لا تخاف مطرهم منعش وما يخرب السفرة ).
الشعب صراحة ما أعتقد راح تشوف نفس طيبة هذا الشعب ( ودود بدرجة ).

كلفتني السفرة 11500 تقريباً - ( شاملة التذاكر والاقامة و( فل بورد: افطار+غداء+عشاء ) طبعاً الحجز عن طريق مكتب سفريات وليس من الامارات للعطلات.
تعاقدت مع تاكسي هناك يومياً بـ 180 درهم.
منظر ما أنساه في موريشوس ( لا شفت قوس قزح راح تشوفه كامل زاهي بكل ألوانه ) دايمن في بالي ما أدري ليش

أكيد ما راح تندم على هذي السفرة
رتبلك برنامج بعد قراءة مواضيع الأخوان
و دامك تسأل وتستشير - أكيد سفرتك بتكون متميزة وناجحة سواء ل موريشوس أو ماليزيا.
بس ها لا رحت موريشوس السفرة الثانية ل ماليزيا ( جنتج مدينة فوق السحاب ).

بالتوفيق.

تسلم يا ولد العم الاماراتي وبارك الله وفي زوجتك وجمع بينكم على خير ومحبه


ويا اخوك ما فينا نزعل الحرمه من اول سفره .. وان شاء الله بروح ماليزيا
وموريشس في البال .. للسفره القادمه ..
بس المره القادمه ما في خيار عليك بالاجبار


وتسلمون على الردود الطيبه