الموضوع: الحين دور البرنامج الميلاني المساعده يا اخواني

[center]تهقون بنطرد من المنتدى بسبب كثرة أسألتي ؟


يعطيكم العافيه مقدماً



بما اني وبفضل الله ومساعدتكم خلصت من حجز تذاكر الطيران لدولتين + حجز فندقين

الحين عاد بتفرغ لبرنامج ميلانو ابو 10 ليالي

[color="RoyalBlue"]بنوصل يوم الجمعه 15/7 بالليل يعني هاليوم بــــح طاير علينا وبدايتنا بتكون من السبت

مواضيع عشوائيه ممكن تكون تعجبك اخترناها لك:

• تذاكر مبـآراهـ يوفنتوس إنتـر
• مبروك خبير ايطاليا
• المساعده ترتيب شهر عسل
• حبيت اسال عن الطقس في المدن ميلانو جاردا فنيسيا فيرونا انسبروك
• كييف ارتب رحلتي؟؟؟
• أبغي أفضل موقع فندق في ساحة الدومو
• مساعدة يا خبراء ميلان
• نــدااااء للريــااااسه يالزعيمه تعالي
• اوقست في ميلانو سؤال عن المحلات
• ابي فنادق 3 نجوم قريبة من محطة القطار في فينيسيا ايطاليا
• ما هي أيام الرحلات السعودية إلى روما ؟؟
• تنظيم رحلتي لايطاليا
• للي عندهم خبره
• استفسار عن جزيرة كابري
• استفسار خطير ومهم وعااجل جدا وبدون مبالغه اتمنى من اهل الخبره يدخلون
• تعالوا بقولكم شي
• محتار ومخي بدى يوقف
• أيام في إيطاليا ميلانو فيرونا فينيسيا أرجو المساعدة
• سئله
• استفسار عن فندق في ميلان و كومو

طيب ليش ما تضيفين قاردالاند و موفي لاند لجدولكم

هلا اختي
بما اني زرت ستاد السان سيرو بميلانو يسعدني اني افيدكم
بالنسبة لتذكرة الدخول للستاد 14 يورو للشخص الواحد شاملة متحف النادي (راح يقولون لكم ممنوع التصوير بس بالكلام لأن الكل طايحله تصوير) وبعدين الدخول داخل الستاد على المدرجات وداخل غرف اللاعبين ومنطقة التصريحات الصحفية للاعبين والمدربين وطبعا بكل مكان يرافقكم القايد (: وآخر شي الذهاب لمتجر النادي
وأفضل طريقة للذهاب له من الدومو عن طريق الترام .. انا بالبداية رحت بالتكسي تقريبا ثلث ساعة اخذ مني 16 يورو ورجعت بالترام صج يطول بس ممتع (:

ATTENTION PLEASE



يا جماعه الي بسافر معاهم أهلي والله أهلي وأنا أدرى فيهم
رحنا دبي أربع أيام ، ولما رجعنا كل واحد ماد البوز ، ليـــش ؟!
والله ماكفتنا الأيام وقصوا علينا قالوا يومين ثلاث كافي ، مره ثانيه على الأقل بنروح اسبوع !!

هذي دبي ، اما لندن فكل سنه ثلاث اسابيع الى شهر ، بالله اشفيها زود عن الكويت !


بعد كل هذا بذمتكم منو سوقها أكبر دبي/لندن والا ميلان ؟؟؟



عشان جذي أقولكم وبكل ثقه ان 10 أيام يااااادوووب راح تكفيهم ، أنا من الحين محصله اعتراضات من البعض لأن الأيام شويه !


الشغله الثانيه ، هذي أول سفره لنا لايطاليا وعددنا 7 أشخاص ( امي وخالاتي + اخواني واعيال خالتي من 13-22 سنه ) يعني حركتنا بتكون ثقيييله مع عايلة سبع نجوم الله يسلمهم
كنا ناوين نروح روما ومنها ميلان وهذيل اساساً وبينهم نمر على فينيسيا وغيرها ، ولكن هالكلام لما كان عددنا 3 اما لما شفت العدد تكاثر قلت لا وألف لا خلونا جذي أبرك ، ترى حتى هالمناطق الثلاثه أنا حاطتها بكيفي وقايله نروح ونرجع بنفس اليوم عشان مالنا خلق عفسسسسسة الجناط الي عددها على الاقل 7 جناط سفـــر ، وتنقلاتنا راح تكون بالقطـــار فقط "لحد يقولي سياره ، مع وسواس الوالده الحمدلله ان قادرين نسوق بالكويت "


سر ... لو على الأهل مايبون غير السوق ، بس انا السوق بحياتي يكفيني يومين والباقي سياحه ، اما روما فهي اساساً الي كانت بخاطري لانها تاريخيه بحته وانا دراستي فيها عن هالامور واحبها ولكن الله المستعان




قلت لكم قصة حياتي الايطاليه ! عسى تقدرون ظروفي وشكراً على النصيحه



brb

كني أشوفك معاك ورقة وقلم وقاعده تكتبين أسألة جديدة
اي والله هذي بتكون آخر مرحله ، حالياً كل شي عاللابتوب والايفون وبعدها لازم ورقه وقلم لتدوم وتدوم وتدوم



أنا حضرت ميلان سبت وأحد
وكنت عادي جدا جدا
وحضرت صلاتهم بعد في الدومو
زين الحمدلله ، أهم شي صلاتهم قريتها بتقريرك واشتهيت احضرها بس مادري شنو بتكون ردة فعلهم وانا داخله عليهم بالحجاب



القلعة حلوة بس ترا موب ذاك الزود بسالحديقة الي وراها رووووووووووووووعة راح تنبسطون فيها ويبيلها نهار كامل عشان تدورونها كلها
بعد الواحد واصل ويبيله يشوف الموجود عن الحسافه ^ـــ^ ماتذكر الدخول لها بجم ؟



فيرونا على طريقكم لفينيسيا
يعني تنصح نروحهم بنفس اليوم ولا صعبه وتعب ؟

وبيزا 3 ساعات بالسيارة
مانتعامل بالسياره خير شر لانه محد بيسوق
ووايد دورت بالنت ومالقيت جم ساعه بالقطار

الا اشرايك هالاماكن نخليها بالأيام العاديه ولا بالويك اند شالأحسن ؟



وترا كل هالمدة في ميلان مرة واجد
ما تستاهل وربي
يعني حقها يومين وبالكثير 3 أيام
وهذي نصيحتي
لما أحط تقريري انشالله بتعرف اشلون ماتستاهل


ولا تفوتون روما تراها خياااااااااااااااااااااااااااااااااااااااااااااااا ااااال
يبيلها 3 أيام الى 4
نصيحة مني
مثل ماقلت بالرد السابق ، الله كريم
اصلا لو هالسفره تضبط باذن الله ، فأنا حاطه ايطاليا براسي بجو سنع مو بهالحرررر




أدري بتسألين زيادة لكن أنا انتظرك
هههههههه
ما سألت زياده بس كانت كلها اجوبه على اجوبتك



ماتقصر اخوي يعطيك العافيه ^ـ^





بالحبر السرّي : وين موضوعك الموعود عن قوقل ماب ؟

المشاركة الأصلية كتبت بواسطة leenaaa
http://www.arabtravelersforum.com/tr...4/#post5335014

طيب ليش ما تضيفين قاردالاند و موفي لاند لجدولكم



همممم ، هذا انا الحين اقرا عن قاردا لاند ، ولكن ماني لاقيه شي عن موفي لاند ، ممكن تفاصيل أكثر عن مكانها وبعدها عن ميلانو ومحتواها ؟









المشاركة الأصلية كتبت بواسطة عقنقل
http://www.arabtravelersforum.com/tr...2/#post5336072

هلا اختي
بما اني زرت ستاد السان سيرو بميلانو يسعدني اني افيدكم
بالنسبة لتذكرة الدخول للستاد 14 يورو للشخص الواحد شاملة متحف النادي (راح يقولون لكم ممنوع التصوير بس بالكلام لأن الكل طايحله تصوير) وبعدين الدخول داخل الستاد على المدرجات وداخل غرف اللاعبين ومنطقة التصريحات الصحفية للاعبين والمدربين وطبعا بكل مكان يرافقكم القايد (: وآخر شي الذهاب لمتجر النادي
وأفضل طريقة للذهاب له من الدومو عن طريق الترام .. انا بالبداية رحت بالتكسي تقريبا ثلث ساعة اخذ مني 16 يورو ورجعت بالترام صج يطول بس ممتع (:



السعر معقول جداً ، وأحلى شي سوق النادي ، السنه الي فاتت دخلت نادي مانشستر وكانت زياره ممتعه فعلاً ^ـ^
اذا التكسي ثلث ساعه عيل الترام اشكثر ! ماكو شي بين البينين ؟




شــكــــــراً لـكـــم

والله بيني وبينج سوق النادي ما عجبني ما اخذت منه شي . وانا افضل الترام لان نفس ما قلتلج صج يطول وكل شوي واقف بس يمشيكم بين السوقه وهالطريج الحلو .. جربوا الاثنين التكسي والترام انشالله منتوا خسرانين شي

قرأت عن موفي لاند في تقرير http://www.arabtravelersforum.com/travel37612-7/
عجبتنـــــي والله شكلها فله ^ـــ^

وعرفت انها تبعد بحول ساعه ونص بالقطار


الحين يعني عندي
ميلانو - فينيسيا = ساعتين ونص
ميلانو - فيرونا = ساعه ونص
ميلانو - سيرموني = ساعه ونص
ميلانو - بيزا = ؟؟؟


الله يستر مادري اشلون الواحد بيتفرفر بالحر والرطوبه ;\





عقنقل ،، هممممم والله مايمنع مع ان يقولون التكاسي غاليه بيملان بس يالله نجرب بالذات اني اتوقع هالطلعه بتكون شبابيه ^ـــ^

بيزا يمكن ساعتين و نص

المشاركة الأصلية كتبت بواسطة leenaaa
http://www.arabtravelersforum.com/tr...0/#post5337060

بيزا يمكن ساعتين و نص



يسلمو ، وننتظر التأكيد ^ـ^


الا صحيح هالأوقات الي انا حطيتها ، بالقطار السريع (يورو ستار) عدل ؟

برنامج فينيسيا


يوم الثلاثاء - من ميلان إلى فينيسيا
عن طريق قطار يورو ستار

جولتنا بتكون ب‬ساحة سان ماركو فقط :
1- Doge's Palace يعتبر قصر القضاه ومحاكمه المجرمين + جسر التنهدات
2- Higher Council Hall (Sala del Maggior Consiglio

3- Great Courtyard's Doges Palace

‎4- كاتدرائية القديس مرقس
5- ‎برج الاجراس St. Mark's Campanile (Bell Tower)
6- The Rialto Bridge هو من اشهر الجسور تم بنائه عام 1588م
7- ركوب الجندول

* احتمال نروح مصنع الزجاج ولكن مادري اشكثر يبعد




ها شو رايكون ، يكفينا نسوي هالاشياء بنفس اليوم ونرجع ميلان ؟
(( تهقون يمدي بعد فينيسيا نروح بيزا عشان البرج فقط وبعده نرجع ميلان ، والا أخلي بيزا مع يوم فيرونا أو مع يوم سيرموني ؟))