الموضوع: وصلنا بينانج اليوم

السلام عليكم وصلنا بينانج اليوم العصر
ابغى اعرف وين الاماكن اللي نروح لها محتارين
وتنصحوني اروح الحدايق ولالا ؟
ابغى جدول لي بينانج لمده يومين

مواضيع عشوائيه ممكن تكون تعجبك اخترناها لك:

• جنتق هاي لاند
• نويت السفر إلى ماليزيا
• استفسار لاهل الخبره
• لا تضحكون من سؤالي
• الافضل بين الفندقين؟
• استفسار بشأن جوازات السفر
• يا أهل الخبرة أريد إعداد برنامج استجمام ليلة
• استفسار عاجل ما هي جودة نظافة فندق Naza Talyya في ماليزيا
• أرجوا الرد بسرعة لإقتراب موعد السفر استفسار بخصوص فندق لنكاوي لاقون
• الله يجزاكم خير ساعدوني بروح ماليزيا وماعندي خبره
• شهر عسل ماليزيا
• استفسارات قبل السفر الي ماليزيا
• احتاج نصيحتكم لوضع آمن أكثر
• بخصوص اسواق كوالا لمبور
• برنامج سياحي لمدة 11 يوم شهر العسل اسعار خاصة
• اول زيارة الى ماليزيا ارجو مساعدتي
• فقط بقي اللمسات الأخيرة لسفرتي القريبه
• محتار بين شنغريلا راسا، او جولدن ساس ، ايهم أختار يا خوان ابي فزعتكم
• جدولي النهائي لرحلتي لشرق اسيا و استفسار بخصوص جزيرة بانكور
• فندق ريباك مارينا لنكاوي

صار لي اسبوع الان من رجعت من ماليزيا

طلعنا جولة ببينانج بس ما عجبتني ... حسيت لو قضينا اليوم بالمنتجع كان أحسن لنا

حديقة الفواكه ماتسوى أصلا .. كل اللي شفناه كم فاكهة تنعد وأسعار الدخول مو هينة

الشلالات .. يبي لها مشي وصعود .. تظل أفضل من حديقة الفواكه

مصنع القهوة مانزلته ..

وبالنسبة للحدائق حديقة الطيور والفراشات اللي بكوالا لمبور هما الأجمل

والمجمعات التسويقية بكوالا لمبور الأفضل

استمتعوا بلحظاتكم بالمنتجع ولا تفوتوا الأنشطة اللي عالشاطئ ..

وبالليل خذوا جولة بالسوق الليلي تراها حلوة

مجرد رأي

حياك الله ( الحلم المنتظر ) ...

أسأل المولى عز وجل أن يحقق كل أمانيك ... ويهنيك ... وينشر الفرح بكل أراضيك

وهذا الجدول ياغلاهم ... لمدة يومين في بينانغ

اليوم الأول في ( بينانغ )

الوصول والراحة في الفندق ثم التجول مساء في شارع الباتو فرينجي الشهير

اليوم الثاني في ( بينانغ )

الأفطار والجلوس على الشاطيء قليلآ ... ثم جولة خاصة لمدة أربع ساعات على بينانغ

تزور فيها ( الهضبة - الحدائق - مصنع الشوكلاته ) ... وأهم أماكن الجزيرة

وفي المساء كالعادة ... المشي في ( الباتوفرينجي ) لللتسوق والعشاء ...

http://img685.imageshack.us/i/63073087.png/

مشكووووورين
طيب وش رايكم برحله الصيد ؟

نسيت اقول لكم احنا في فندق بارك رويال
مرررره حلو والشاطئ اللي مقابل الفندق فيه فعاليات

اهلا اخوي حلم منتظر انا توي راجع من ماليزيااذا تبي رايي فلا تسمح للحرص بالوصول لافضل الاماكن يضيع عليك الاستمتاع بوجودك في هذا البلد. كل شي جميل الخضره المطر الهدوء الجمال في كل شي. بعنى اللي يعجبني يمكن ما يعجبك. لكن اذا رغبت فهذي بعض الاماكن 1- البوتانيكال قاردن وشلالااتها الجميله والسباحه مع الاهل او الاولاد من دون ما يعكر عليك احد
2- الهضبه
3- حديقة الفواكه والشلالات اللي بعدها وحديقة الفراشات
4- رحله بحريه الى الشمال الغربي من باتو فرنجي ممكن يرتب لك الدليل مكان خاص مع الشوي ممكن انت تشوي او ممكن يرتب لك شي جاهز
5- فيه في فندق قولدن ساندز مكان رائع للاطفال العاب وزحاليق رائعه جربها
يعتمد على رغبتك واذا اهلك او اولادك يحبون تجربة الباراشوت فهو متعه ركبته لوحدي وركبته مع بناتي جنا 9 سنوات ورزان 5 سنوات ثلاثتنا في طلعه واحده ما ينسونها
6- المشي على البحر في المساء او في الصباح بعد صلاة الفجر مباشره ...روعه
7- زيارة محل الشاهي والقهوه tea leaf.....جرب الكفي بالحليب بتعجبك متاكد المحل يستاهل الزياره ...يصلح تشتري منه هدايا
8-في القولدن ساندز مغاسل بفلوس يعني انت تقوم بالغسيل بنفسك خذ هلل من الرسبشن 15 رنفت للغسله الواحده و15 رنقت للنشافه. انا من الناس اللي مايحبون المغاسل العامه. شغلك بنفسك انظف واصح وتساعد المدام. حطو الغسيل وخذلك لفه انت واياها على البحر لين يخلص وما يلزم انك تكون ساكن عندهمز يعني لا تقول لهم
9- فيه مطعم هندي مقابل شقق الفلامنقو عنده سمبوسه على كيفك وكل الاكلات الهنديه اللي تخطر ببالك ومحل عليه حركه ونظيف لا يفوتك
10- على طريق حديقة الفواكه فيه سد تيلوك باهانق روعه وجميل لاخذ صور تذكاريه
هذا اللي يحظرني وبالتوفيق

لا يفوتك المركز التجاري الرائع ويستحق الزيارة كونسبي
http://www.arabtravelersforum.com/travel157415/
بحيرة ارتيم رائعـــــــة تستحق زيارة..... يوجد بالتوقيع تقرير عن بحيرة ارتيم

الرحلة بحرية رائعة الوصول جزيرة القرود وجبة شواء فري

اخذ الحجز من نفس الاشخص اللي يعطونكم الفعاليات البرشوت والدبابة

هم يوصولنكم لجزيرة القرود تستحق الزيارة

تحياتي اختكم نور قطر