الموضوع: افضل شركة باص سياحي

السلام عليكم



كنت ادور الباصات السياحية الموجوده في لندن و طلعت لي عدة شركات، مثل:

Golden Tours

The Original Tour

Big Bus



وغيرها

هل في شركة معينة ترشحونها لي استخدمها للرحلات السياحية؟

مواضيع عشوائيه ممكن تكون تعجبك اخترناها لك:

• اللي جرب مكتب انجاز لاستخراج التاشيره البريطانيه 😅
• استفسارات عاشق الشواطي ترتيب الرحلة الى لندن
• الرجاء المساعده
• مساعده واستفسار عن الفندق المناسب
• الفيزا وحجز الفندق
• كيفية حجز السكن مع عائلة لثلاثة اشخاص؟
• اي من هذه الفنادق افضل ؟
• انا رايح لـ ايرلنداا و بعدين لندن عندي كم استفسار
• اسعار الفيزاا والشنقن
• رأيكم بهذا الفندق PresidentialKensington
• فيه احد راجع من لندن قبل العيد
• شريحة هاتف ايفون
• المشرف ابو عبدالله تفضل
• احتاج مساعده في البحث عن شقه ايجار في لندن للاجازه
• استفسار عن فنادق لندن بليز تساعدوني
• حركة جديده فى مطار هيثرو
• استفسار ي أهل الخبرة
• هل يمكن الدخول الى ايرلندا بتأشيرة بريطانية ؟
• أفضل فنادق أربع نجوم في نيوكاسيل أبون تاين
• خبراء السكن في لندن ايش رايكم في

حياكم الله



big bus

موادع 1

كل الشكر اخوي ع الرد
بعض ذي الشركات عندها عروض لدخول بعض معالم لندن مثل مدام توسو و لندن اي في حالة شرينا تذاكر الجولات السياحية
هل تنصح بهالعروض؟ او الافضل عشان ما التزم و انحكر ف اشتري بروحي؟
ممكن تساعدني بأفضل وسيلة للوصول لعالم لكادبوري في برمنجهام؟

السلام عليكم

عذرا على المداخله عشان مايطردنا مشرفنا بومحمد


الافضل تاخذون تذاكر مدام توسو ولندن اي عشان مااتوقفون في الطوابير ..


ومصنع الكادبوري لازم حجز مسبق من خلال موقعهم على النت ولوا رحتوا بدون موعد ماراح تدخلون ..


واي خدمه احنا في الخدمه

عادي احسهم كلهم مثل بعض جربين 2 منهم ما فيه فرق

اخوي القطريشكرا ع الرد, تقصد الأفضل اشتريهم اون لاين لو من المكاتب السياحية؟؟

ماقصر العمدة



نعم الافضل من النت لتجنب الزحام



بالتوفيق

تحت امرك مشرفنا ^^ ..

او ممكن تاخذونها مع تذاكر البيق باص ..لما تشترون تذاكر البيق باص من الكشك الي ع زاوية ادجول رود واكسفورد اخذوا من عنده كل التذاكر ..
وبتطلع لكم رحلة نهريه مجانا مع التذاكر ومكانها تحت لندن اي مباشرة ..


واي خدمه احنا في الخدمه

العمدة ماعليك زود



رديت الديرة ولا بعدك

جزاكم الله كل الخير ع التوضيحموادع1
اخوي ما عليك امر جيك الخاص

القطري
الكشك ذي موقعه الوحيد بس في اوكسفورد و ايجور رود لو له مكان غير؟ اهو مكتب ال Big Bus يعني؟



اسعاره مثل اسعار التذاكر لو باخذها من المتحف نفسه لو اغلى؟؟


سامحوني ع كثر الاسئلة


ابي اروح استاد ارسنال و الكادبوري ورلدر
شنو افضل طريقه تاكسي لو قطار؟
انا خوافة ف افضل التاكسي اامن لي و لعيالي هاذي طبعا لارسنال لانه على ما سمعت جريب
بس طبعا الكادبوري طبعا قطار, اي محطة اذا انا ساكنه في Sloan street?
كم المسافه و كم ممكن يكلفني للمشوارين.؟

عفوا تعليق خارج السؤال اذا انت خوافة فالقطار اكثر امانا :/

هلا وغلا بومحمد ..

ان شاءالله شهر يناير انخلص ..دعواتك بالتوفيق ..


اختي غلا المنامه تذاكر البيق باص متوفره في اغلب الدكاكين ..والكشك هو الوحيد على زاوية ادجول رود واكسفورد ..


ملعب الامارات يوم رحنا له كان عن طريق الاندرقراوند في زون 2 والمحطه اسمها ارسنال ..على خط البيكاديلي ..
وتذاكر متحف الشمع وغيره نفس السعر ولكن الحلو انكم تتفادون الطوابير ..


اما مصنع الكادبوري عندكم خيارين ..


الاولى : تتصلون على شركة الفا وتسألونه بكم ايوديكم وايجيبكم ..


الثانيه : القطار ..وممكن اتقارنون الاسعار بينهم والمده وبعدها الشور لكم ..


واي خدمه احنا تحت امركم

Londoner 2004

سبب خوفي انا احنا عددنا كبير 9 اشخاص, 6 منهم اطفال, ف كله في بالي ما بيمدينا ندخل او احد بينصك عليه الباب و بيتم برع او بيكون زحمة ف بنكون اسهل عرضه للنشل

وبس

القطري

حبيت موضوع شركة الفا، ممكن رقمهم او ويب سايت اذا عندهم ما عليك امر

لا ابد لا تشيل هم... اهم شيء تكون موجود قبل وقت القطار بمدة طويلة... وممكن توزيع الاطفال كل 2 مع شخص كبير.. في نظري رحلة القطار اجمل حتى لو كانت اغلى... والرأي اولا واخيرا لك ^^

عسى الله يوفقك بومحمد وتيب الشهادة العودة



بالتوفيق



وعيدكم مبارك مقدما

عساكم من العايدين الفايزين جميعا

كل الشكر و الامتنان

يازين العيد بين ربعك واخوانك ..مجرد فضفضه بس ^^


وانت من العايدين والفايزين بومحمد وان شاءالله بكلمك بكرا ..


وعيدكم مبارك وتقبل الله منا ومنكم صالح الاعمال