في البداية

في مواضيع كثيرة بالمنتدى فيها جداول ، خذ لك جولة واقراها بتمعن وتلقى اللي يعجبك ان شاء الله

النقطة الثانية

أفضل طريقة من المطار لي الفندق انك تطلب سيارة توصلك خصوصا أنه عددكم 6 أشخاص ، وممكن تشوف هالموضوع بيفيدك
http://www.arabtravelersforum.com/travel535180/
http://www.arabtravelersforum.com/travel349761/


النقطة الثالثة
المنطقة اللي أنت فيها تكون ضمن زون 1 ، وأسم الشارع سيتي رود ، وهو يبعد عن وسط لندن أو بالاحرى الأماكن اللي يبيها السائح ، في محطة تبعد عنك حوالي مسافة 5 دقايق مشي وأسمها محطة angel وهي على الخط الأسود وللأسف أشهر مكان توديك له هي جسر لندن ( تاور بريج) ، وأذا كنت تبي تروح للأكسفورد ستريت أو أماكن ثانية كالهايد بارك لازم تبدل المحطات ، مثلا من محطة أنجل لي محطة كنق كروس ، ومن خلال هالمحطة تبدل لون الخط ، مثلا لو كنت تبي تروح الأكسفورد ستريت تاخذ الخط الأزرق الفاتح وراح ينزلك في محطة أكسفورد سيركس ، وللهارودز والنايتس برج والبيكادلي سيركس ، تاخذ الخط الأزرق الغامق والرجوع يكون بنفس الطريقة

النقطة الرابعة


بطاقة الميترو والباصات أسمها اويستر ، واللي تحتاجه زون 1 و 2 ، وقيمتها للبالغ حوالي 35 باوند ، أما الأطفال ماعندي فكرة ، وتقدر تشتريها من أي محطة قطارات

النقطة الخامسة
الجو يكون بارد ولازم تاخذ احتياطاتك من الملابس الشتوية ، ممكن بالنهار يكون الجو معتدل ، لكن بالليل يكون بارد


النقطة السابعة
مافي أي مشكلة باللابتوب والايباد ومحد يكلمك عليهم


النقطة التاسعة
أفضل شي تشتري الشريحة من أي سوبر ماركت وتكون قيمتها ب 3 باوند كأقصى حد لسعرها ، وتعبيها رصيد على قد احتياجك وتفعل الخدمة وانتبه من النصابين بمحلات التلفونات
وشوف هالموضوعين بيفيدونك

http://www.arabtravelersforum.com/travel797061/

http://www.arabtravelersforum.com/travel910460/

اسمح لي عاللقصور واتمنى اكون افدتك بشي

مواضيع عشوائيه ممكن تكون تعجبك اخترناها لك: