الموضوع: احتاج شوركم ومعلوماتكم ايطاليا أو ايـــطاليـــا؟؟؟

السلام عليكم ..
انا عضوه جديده بالمنتدى الاكثر من رائع ومااخفيكم اني سجلت عشان محتاجه معلوماتكم ونصايحكم لاني قريت اكثر من موضوع لعضو يسأل واجوبتكم تكون وافيه مشالله يارب انكم تفيدوني واني اقدر اكون عضوه فعاله وافيدكم

مابي اطول عليكم بدخل بالموضوع اول شي ماعمري سافرت اوروبا فـ حطو بالاعتبار انكم تتكلمون مع وحده ماعندها اي معلومه بالسفر حجز فنادق تذاكر تنقل ....الخ هاذي اول سفره لنا بعد تعب وجهد باقناع السيد الوالد وبما اني من عشاق ايطاليا وحلم حياتي ازورهافقررت لهم ايطاليا لكن مدري ليش احسها تنفع شهر عسل يعني لعروسين مو لنا كعايله ____

مواضيع عشوائيه ممكن تكون تعجبك اخترناها لك:

• افضل 6 اماكن سياحية في فلورنسا
• استفسار الانتقال من روما الى لوغانو
• ما هي اهم الاماكن في ميلان ؟
• بطاقة اجرة الطريق السريع في ايطالي
• الشنقن من ايطاليا بمكتب الرياض
• مباراة ميلان برشلونة السان سيرو
• عاجل ابغي مساعدة اهل الخبر
• كم المدة الكافية لايطاليا
• ياااااااااااشيوخ ايطاليا
• شنجن من القنصليه الايطاليه
• إيطاليا والنمسا
• الي طلع فيزا الشنجن من السفاره الأيطاليه يتفضل الله لايهينه
• السفر الي ميلان وفينيسيا
• صالون تجميل للمحجبات في روما ؟؟
• سؤال بخصوص فيزة شينقن
• مساعدة في السفر الى إيطاليا بعض الإستفسارات
• ارجوكم مساعدة
• اجواء ايطاليا في نصف مارس
• عندي بلاك بيري وابي افتحه في ايطاليا و سويسرا
• محتار بين الفندقين

هلا وعليكم السلام

شوفي اختي انا صراحة بعد من عشاق ايطاليا وسافرت لها 2 لكن مع دول اوربيه ثانيه
ايطاليا تجمع بيت التااريخ والطبيعه وكل شيء
وانصحححك جدا في ,كومو, نفس طبيعه سويسرا وتبعد عن لوقانو السويسريه ربع ساعه فقط
فانا انصحك بشده عليها بس يعيبهاا الحراره والحراره بس موجوه في روما اكثر شيء وهي تصلح للعوائل يوجد كثير من العوائل الخليجيه هناك والمدن اللي انصح فيها روما وفنسييا وكومو ووبرج بيزا هو جميل بس المدينه يوجد فيها الكثير من السرقاات انا عن نفسي مرتتين ترضت للسرقه من المغاربه اللي يتواجدون يكثره هناك بس المره الثانيه خفت مارحت للمدينه
واي سوال انا حاضره
وبالتوفيق اختك ام سلمان ...,

اهلا بعضوتنا الجديده ......
ايطاليا تنفع عوائل و معاريس وعزابيه وجميع الفئات ......
40 الف تكفيكم ان شاء الله وممكن معكم النمسا وسويسرا بس انت ماعطيتينا كم يوم عندكم حتى نشوف الجدول المناسب ........؟؟؟؟؟؟؟؟؟؟؟؟؟؟؟؟؟

ام سلمان و اطليانو اشكركم على ردوودكم كثير وحمستوني بزياده معليش تحملو اسئلتي بليز


1)اول شي اختي ام سلمان شكرا انك وضحتي سالفة السرقات صدق اني تحطمت لان المعلومه هاذي لو اقولها للوالد راح يتكنسل كل شيي _ كومو بعيده عن روما او ميلان كثير؟ يعني لازم نغير السكن ؟ والا عادي لو نروحها يوم ونرجع

3) اخوي اطليانو اقصى مدة ممكن نقعدها 3اسابيع بس اذا المبلغ مو كافي نقدر نخلي مرورنا سريع وتكفينا اسبوعين ماادري انتو ابخص وش المده المناسبه للمبلغ اللي معانا

4) واخر سؤال صحيح انو اسعار التاكسي بايطاليا غاليه؟ واذا تقدرون بحدود كم اكون شاكره
وشكرا شكرا شكرا لكم

المشاركة الأصلية كتبت بواسطة rzan.m.b
http://www.arabtravelersforum.com/tr...4/#post4882406

ام سلمان و اطليانو اشكركم على ردوودكم كثير وحمستوني بزياده معليش تحملو اسئلتي بليز


1)اول شي اختي ام سلمان شكرا انك وضحتي سالفة السرقات صدق اني تحطمت لان المعلومه هاذي لو اقولها للوالد راح يتكنسل كل شيي _ كومو بعيده عن روما او ميلان كثير؟ يعني لازم نغير السكن ؟ والا عادي لو نروحها يوم ونرجع

3) اخوي اطليانو اقصى مدة ممكن نقعدها 3اسابيع بس اذا المبلغ مو كافي نقدر نخلي مرورنا سريع وتكفينا اسبوعين ماادري انتو ابخص وش المده المناسبه للمبلغ اللي معانا

4) واخر سؤال صحيح انو اسعار التاكسي بايطاليا غاليه؟ واذا تقدرون بحدود كم اكون شاكره
وشكرا شكرا شكرا لكم





هلا فيك مره ثانيه

السؤال الاول مافيه تقريبا سرقات كثيره بس المكان اللي ذكرته سابقا

2 ماتلكف كثير شيء رخييص جدا .. انا قصدي روما اللي فيها حراره ولا كومو وفنيس جوهم راااائع

3 كومو بعيده عن روما بس عن ميلانو تقريبا ربع ساعه بالقطار

4 اذكر انا لما وصلنا لروما اخذنا اول تاكسي قبالنا والفندق كاان بعيد من المطار واخذ مننا حوالي 70 يورو بس الاماكن القريبه افضل تروحون بالباصات اللي موجوده

واي سؤال انا حاااضره

هلا اختي انا باجاوب على الشئء اللي اعرفه يعني مو على كل الاسئلة لان في ناس ابخص


روما مدينة فيها كل شئ تقريبا

تاريخ بالذات .. تسوق .. طبيعة وتكفي 3 ايام وحتى 4 عشان تمرون على كل معالمها

وانصحك بالباص السياحي 110 الاحمر بدل التكاسي

15 يورو الشخص ويمر على اغلب المعالم السياحية فروما ويوقف عندها وتنزلون .. ووقت ماتخلصو تركبو الباص مرة ثانية ويوديكم معلم ثاني وهكذا .. ومدة التذكرة حقت لباص 24 ساعة كاملة

واسكنو قريب من شارع فينيتو وماراح تحتاجون تكسي ابدا .. تلفو برجلكم كل الاماكن الحلوة تقريبا الا لو كان معكم كبار في السن


بالنسبة لفينيسيا .. ماتحتاج تاكسي ابدا لانها متعتها الحقيقية في المشي بالاقدام وهي صغيرة اصلا

بس اركبو الباص المائي اول ما توصلو محطة القطار اللي في فينيس .. واسكنو بالقرب من جسر ريالتو

واذا تبو توصلو جهة الجسار خذو الباص المائي من محطة الباص المائي فيروفيا .. يوصلكم مباشرة على محطة ريالتو

وبكذا توفروا اسعار التنقلات فروما وفينيس باختياركم المكان المناسب فالسكن

على فكرة سعر تذكرة الباص المائي 6,5 يورو للشخص .. ولازم لما تشتريها تفعليها من جهاز تفعيل التذكرة تلاقيه جمب شباك التذاكر .. يعني الامر بسيط ان شالله

وربي يوفقكم فرحلتكم وتنبسطوا

يعطيج العافيه

وريه صور طبيعه في ايطاليه وبيستانس

1)اول شي اختي ام سلمان شكرا انك وضحتي سالفة السرقات صدق اني تحطمت لان المعلومه هاذي لو اقولها للوالد راح يتكنسل كل شيي _ كومو بعيده عن روما او ميلان كثير؟ يعني لازم نغير السكن ؟ والا عادي لو نروحها يوم ونرجع
من ميلان اقرب ساعه ........تقدرين تروحين الصبح وتردين المساء الساعه 7-8 المساء...

3) اخوي اطليانو اقصى مدة ممكن نقعدها 3اسابيع بس اذا المبلغ مو كافي نقدر نخلي مرورنا سريع وتكفينا اسبوعين ماادري انتو ابخص وش المده المناسبه للمبلغ اللي معانا
تكفي ان شاء الله اسبوعين وممكن اكثر على حسب صرفيتكم ......من اكل ومطاعم وتمشي ,...
مثلا
روما 3 ليالي
فلورنس 3 ليالي
ريتشيوني لياتين
جاردا 3 ليالي
انسبروك النمسا ليلتين
زيورخ ليلتين
انتر لاكن 3 ليالي
ميلان 3 ليالي
اسعار الفنادق خوذو اقصى شي 200 يورو لاتزيدون .....3-4 نجوم
التنقل الاوفر تستاجرو سياره اكثر متعه وافر من القطارات ............
4) واخر سؤال صحيح انو اسعار التاكسي بايطاليا غاليه؟ واذا تقدرون بحدود كم اكون شاكره
وشكرا شكرا شكرا لكم
ايه غاليه على حسب المسافه مثلا طريق 10 دقايق ياخذ 20 - 25 يورو.....استاجرو سياره ........