الموضوع: الفندق رفض دخول الاطفال رايكم بالفندق المقترح منهم

السلام عليكم

اشكر الجميع على هذا الطرح الرائع.

قمت بالحجز غرفة في فندق Shaftesbury Metropolis London Hyde Park حسب توصيات الاخ القطري

اتصل بي الفندق بعدها بفترة وذكر انهم ماراح يقدروا يسمحوا لي بالاقامة لان الغرفة لاتسمح بتواجد طفلين. ويجب حجز غرفة triple
وهذي غير متوفرة بهذا الفندق بل متوفرة بالفندق The Park Grand London Paddington بزيادة 250 باوند تقريبا
الاقتراح الثاني منهم ل Shaftesbury Premier London Paddington


مارايكم في الفندق المقترح كموقع ونظافة حيث ذكروا ان المسافة بين الفندقين خمس دقايق مشي. وهل فعلا راح يعترضوا لو جيت الفندق بالطفلين (الاول 6 سنوات والثاني سنة وشهرين) حيث اقدر اعمل شيك ان والاطفال بالخارج ثم ادخل معهم بعدها.

ياليت تفيدوني



حاليا لست بلندن الحجز في شهر 8

مواضيع عشوائيه ممكن تكون تعجبك اخترناها لك:

• استفسار بخصوص المحلات هذه الفترة
• يرجى تثبيت التقارير المميزة؟؟
• احد يقدر يساعدني في حجز تذاكر الى التون تاورز
• تقرير مختصر عن لندن ديسمبر
• اهل الخبرة استفسار عن فندق كراون بلازا
• استفسار بخصوص فيزا الاطفال
• حجز تذاكر مدام تسو و لندن اى اونلاين
• سؤال مهم بخصوص احسن نظام لانترنت للاب توب
• الجو في لندن والريف في منتصف يونيو
• لندن وكم استفسار بسيط
• هذي الاشياء مسموح اخذها؟؟؟
• اريد تخطيط رحلتي جلاسكو و لندن
• ايش رايكم في هذا الفندق في لندن
• الى أهل الخبرة
• فندق هيلتون لندن ميترو بول
• الايام الاولى لي بلندن
• رحلة أيام الى بريطانيا غير لندن وش نجرب ؟
• الفزعة بترتيب الاماكن
• رحلة الى لندن وفرنسا اشخاص وطفل مساعدة
• الدفع الالكتروني بموقع الفيزا البريطانية ؟؟

اخي الفاضل كم الاعمار الاطفال

المشاركة الأصلية كتبت بواسطة أبــوعبدالله
http://www.arabtravelersforum.com/tr...8/#post8264035

اخي الفاضل كم الاعمار الاطفال




مثل ماذكرت بالاعلي اخوي بوعبدالله

سنه وكم شهر والثاني 6 سنوات

اخي الفاضل انا العام الماضي ساكن في فندق هلتون متربول لمدة شهر الغرفه لشخصين وكان معاي اطفالي 6 سنوات وثلاث سنوات طبعا ماتكلمت يوم وصلت لندن دخلت ومعاي اطفالي اول يوم تكلمو قالو مايصير ممنوع من الشرطه بكل الاحوال يبون زيادة فلوس والغرفه اللي ماخذه واسعه قلت انا اتحمل كل شئ

وحتي في دزني لاند فندق دريم كسيل نفس النظام حجزت غرفه مزدوجه وفي كانت غرفه روباعيه بس طلعت غاليه علي ومكتب السفريات قالي اخذ المزدوجه ارخص لك

وفعلن اخذت غرفه مزدوجه ويوم وصلت الفندق في دزني لاند قالي الموظف الاستقبال معاك اطفال لازم تاخذ الرباعيه قلت اوكي راح داخل ورجع مافي غرف روباعيه

وعطاني المزدوجه

ممتاز يعطيك الف عافية.

اذا اتكل على الله واخلي الحجز مثل ماهو.

وقت التشيك ان ماراح ادخل الاطفال. بعمل شيك ان لوحدي ونروح نتغدى ونرجع بعد الغدا للغرفة مباشرة

هذا افضل ش

واذا بغيت اي خدمه احنا حاضرين

شوف ياخوي انا معاي طفلين ودايم اسافر وياهم وخبرتي بالفنادق كالتالي :

اذا جيتهم رسمي بيكونون رسميين معاك يعني مجرد ماترسل ايميل لهم مجبورين يردون عليك بالنظام اللي عندهم وكذلك ليستفيدون من فرق السعر للغرف الاكبر


لكن انت خلك طبيعي وروح الفندق بعضهم بيعلق على الاطفال ويمكن يحسبون مبلغ اضافي قليل
وبعضهم بيحاول بقدر مايستطيع يبين لك رفضهم لاجل تاخذ غرفة اكبر هذا اذا شفته قله نادلي المدير وتفاهم انت معاه واتركه عنك اذا رفضوا الشكوى لله اقبل بالواقع ولو تسكن كم يوم عندهم وتدور لك فندق ثاني ارخص ويقبلون الاطفال


وبعضهم متعاااااااون بشكل كبير وهم الأغلبية وممكن يرقون حجزك لغرفة اكبر بدون تدفع شي زيادة وادع ربك ان الله يرزقك واحد ابن حلال يسهل امركم

تسلم اخوي فارس.

هم ماعندهم غرف اكبر، هذي اكبر غرفة عندهم. لذلك رشحوا فنادق ثانيه تابعه لهم.

عموما شكلي بتوكل على الله وبروح ولو رفضوا بقابل مديرهم وبقوله انا ذكرت هالشي في بوكنج وماعترضتوا من الموبايل

السلام عليكم ورحمة الله
والله أنا أرى ان فنادق لندن قلق شوي ويدققون على كل حاجه مو مثل دول أوربا الثانية، فعشان ترتاح عطهم المعلومة الصحيحة لأنهم سبق أن قالوالي في فندق Commodore Hotel قبل سنتين وكان معي طفلة 4 سنوات ان تعليمات الجهات الامنية تطلب أن كل شخص في سرير عشان يعرفون في حالة الحريق والمشاكل كم شخص في الغرف. طلبت نفس الفندق في شهر 9 الجاي ومعاي طفلتين 4 /6 سنوات رفضوا غرفة وحولوني على شقة وسعر دبل. لكن حولت وحجزت في فندق Blakemore Hyde Park وطلبت غرفه وحددت عدد الأطفال 2 بـ 6500 ريال، أرسلوا لي موقع بوكينج ان الفندق يطلب رفع الاقامه الى سويت وزياده 50 باوند لليلة على طول وافقت لانه صراحه اوفر من الأول خاصة ان الاول الشقق بدون مصعد. (الأول الشقه 13500 ريال والثاني 8500 ريال لعدد 6 ليالي) على العموم أنا اخترت الفنادق من تقييم العرب في موقع بوكينج يمدحونه وتقيمه فوق 8 . والله يسهل أمر الجميع..