الموضوع: انا من الامارات وابا اروح لندن ومتخوفة واريد مساعدتكم

السلام عليكم

طبعا اخواني عارفين المشاكل الي صارت من شهر
المهم اني نويت اروح لندن ولاني متخوفة بروح انا وزوجي بدون عيالي وعندي كم سوال واريد منكم الاجابه الله يسعدكم دنيا واخره




اولا بالنسبه لسكن اهم شي عندي تكون منطقة امااان وفيها حركة وقريبة من كل شي بس ماعندي خبره بلندن


وش رايكم لقيت شقتين
هاذي الاولى
بكامدن
So Quartier NW6


34A - 36 Kilburn High Road, كامدن, لندن, NW6 5UA (اعرض الخارطة)
والثانية
Think Tower Bridge


4 Maltings Place,169 Tower Bridge Road , ساوثوارك, لندن, SE1 3LF (ا
ساوثوراك عند البرج




اي منطقة افضل واقرب للاماكن السياحية وفيها حياة اكثر يعني اقدر اتمشى فيها سيرا على الاقدام وهل ساوثوراك قريبه من بق بن ولندن اي وكم تبعد ؟


ثانيا
انا حاولت افهم خريطة الاندر جراوند بس ماقدرررت ولقيت ان الباص اسهل وممكن افهمه اسرع
بس احسه انه في الحالتين يبالي احفظ كل مناطق لندن واساميها ويبالي افهم كل باص من وين يجي وين يروح
طيب احفظها من وين لي الخرايط ؟ هل الفنادق توفرها ولو مثلا رحت المحطة الي جمب الفندق ولنفرض ابا اروح اكسفورد ولقيت الباص مايروح اكس فورد شو اسوي ؟


وانا افكر اسكن في وحدة من هالمنطقتين ياريت تحطون لي كيف اقدر اوصل لباقي الاماكن السياحية
مثل الباكديلي واكسفورد وهارودز والبيق باص وتوسو


واكيد لي رجعععة لكم لان احتمال اسافر بعد 7 ايام بس منتظرة الفيزا تطلع وبحجز الفنادق

مواضيع عشوائيه ممكن تكون تعجبك اخترناها لك:

• استفسااااار صغيرووون
• استفسار عن الشحن
• البومي المصور من مانشستر متجدد بإذن الله
• ساعدوني بالجدول
• خبراء لندن استفساااار مهم افيدووني الله لايهينكم
• استفسار عن الفنادق في لندن
• موقع للشقق احد جربه؟
• إستفسار عن القطار
• انا في لندن ومحتاج توجيهكم ياخوان
• استفسار عاجل
• ابي اشتري ايفون
• رحلتنا لصيف ونصائح من القلب لكل المسافرون
• اي واحد ؟
• الباص المفتوح وباقي الاماكن السياحية
• بخصوص نهاىي الابطال
• كيف اصل لقرية قلينرايدنق مباشرة من لندن؟
• ما هي افضل شريحة اتصال ونت في لندن
• ابي اسماء وعناوين محلات للبدل والفساتين الراقيه غير هارودز؟؟
• والله تعبت من استخراج الفيزا
• عادي لو تاريخ حجز الطيارة يكون سابق موعد المقابلة في السفارة ؟

توكلي على الله رحلة موفقة لكن تخنبي مواضع الازدحام

مشكورة ع المرور مازلت منتظرة ردودكم اي فندق ترشحون لي وبقية الاسىلة

Think Tower Bridge جربناه وهو راقي لكن بعيد عن المحطة وعن وسط لندن… لكن المنطقة جميلة جدا ...

كامدن ما اشجع السكن بها بالمرررة

محد يحفظ خرايط متوفرة بكل المحطات،،،، وهناك مكاتب للمساعدة وممكن تخططين الرحلة هنا قبل الخروج

http://www.tfl.gov.uk

المسافات القريبة الباص مريح لكن البعييدة لا شك الاندر جراوند افضل واسرع….

مشكوور ع المرور والرد وفرصة جميلة تكون جربت الفندق يعني اش المناطق القريبة من الفندق ؟؟ هل هي نفس المنطقة الي موجوودة فييها البق بن ولندن اي ؟ وهل المنطقة فيها حركة وحياة يعني مطاعم قريبةوكافيهات وغيره
ومنتظرة بقية الردود

لاااا بعيد شوي عن ويست منستر (لندن اي وبيغ بن)

قريب من جسر لندن بالشرق الجنوبي.. والقلعة… منطقة جميلة وحي راقي،… لكن قلما تجد محلات عربية مثلا….

لا اشجع السائح لأول مرة بالسكن في هذه المنطقة رغم انها جميلة لكن ينبغي ان تكون خبيرا في التنقل والا سيضيع اليوم….

هناك من نفس السلسلة الفندقية ثينك في ايرلز كورت وفوكسول اقرب للمناطق السياحية الاخرى…….

مثل http://www.booking.com/hotel/gb/park...ml?aid=1329869

بالنسبة للوضع مطمئن و أنا جاي قبل اسبوع
و لكن من باب الاحتياط يتجنب الشخص البهرجه و المبالغة في اللبس والمجوهرات و حمل النقود الورقية الكثيرة
لكي لا يلف النظر و هذا في كل بلد تزوره ليس لندن فقط.
منطقة البكاديللي لا أنصح بالسكن فيها و زيارتها بعد غروب الشمس بساعتين
لأن معظم الاماكن بالليل ملاهي ليلية و يخرج منها ناس فاقدين الوعي.

أرشح السكن في
هايد بارك

http://www.booking.com/hotel/gb/jarv...ml?aid=1329869

كينجستون


http://www.booking.com/hotel/gb/adri...ml?aid=1329869

هاذين الفندقين يمدحونها اكثر الناس
للمعلومية منطقة كنجستون هادئة جداً

بالنسبة للتنقل سهل و كل شي قريب
أهم شي معك كرت للمترو والباص حق اسبوع لمنطقة 1 و 2 و التنقل فيهم سهل
و كل فندق فيه خدمة الاستعلام يرشدك كيف تتنقل

تمنياتي لك برحلة موفقة

طيب ليش ماتنصح بالسكن في كامدن ؟؟

في كاليبرن لقيت الي سكنو هالشقق يمدحونها ويمدحون الموقع والموظفين واغلبهم عرب عشان كذا عجبتني

كنت اتردد عليها كثيرا بحكم العمل والمنطقة غير مريحة وغير امنة ولكني اتكلم عن كامدن وليس كلبرن….
كلبرن منطقة عرب ولا بأس بها… لكنك لست قريبا للسنتر الا لو كنت راح تعتمد ع الباصات… الاندر جراوند هناك غير متشعب كثيرا

نت اتردد عليها كثيرا بحكم العمل والمنطقة غير مريحة وغير امنة ولكني اتكلم عن كامدن وليس كلبرن….
كلبرن منطقة عرب ولا بأس بها… لكنك لست قريبا للسنتر الا لو كنت راح تعتمد ع الباصات… الاندر جراوند هناك غير متشعب كثيرا

هو مكتوب كامدن بس لما شفت موقعها شارع كالبرن العاامم ونهاية الشارع الاجوررود والي سكنو فيها يقولون موقعها جميل وقريب من شارع العرب والمناطق السياحيه


تبعد NW6 So Quartier Apartments حوالي 25 دقيقة سيراً على الأقدام عن ملعب Lords Cricket. تقع استوديوهات Abbey Road Studios الشهيرة على مسافة 15 دقيقة على الأقدام، كما يقع Notting Hill النابض بالحياة على بعد 2.4 كيلومتر، كما أن استخدام قطار الأنفاق لمدة 15 دقيقة يصل بك إلى Oxford Circus للحصول على جميع احتياجات التسوق الخاصة بك. يمكن للضيوف أيضا الاستفادة من الصالة الرياضية Fit4less في الطابق الأرضي من So Quartier NW6.


هاذا الي هم كتبوه


سوري والله تعبتكم

هل هذه الشقة؟


http://www.booking.com/hotel/gb/so-q...in?aid=1329869

اذا كانت هي فالمنطقة لا بأس بها ليست وسط كامدن لكن ريفيوز من سكن بها لا تشجع بالمرة…

الي اعرفه شقق شركة سو تتبع لمجموعة من الهنود وليست بذلك المستوى… والله اعلم،،،،

ايوة بالضبط هي هاذي الشقة بس لما فتحت صفتحك لانها بالانجلش ماطلعت لي الردود العربيه الي شفتها شجعتني خخخ حولي بوكينج بالعربي واقري خخخ الكل يقول ان الموظفين كلهم عرب وخدومين وحبابين وانه المنطقة جميله وقريبة من كل شي وماعرف الصراحة انا شفت كثير بس احس ارتحت لهاذي
والمشكلة احس اسعار الفنادق جدا غالية
قبل سافرت اوربا المانيا والنمسا وايطاليا وسويسرا وفرنسا لمدة 20 يوم مجموع الفنادق كان 9 الاف وشي وهاذي 7 ليالي ب 5 الاف ولان عليها عرض واحس ماريد ادفع اكثرلاني لوحدي ومابطول
المشكلة فيه غرف في فنادق بس احس الغرف جدا ضيقة واجمل لما يكون فيه مطبخ مع اني اكيد مابسوي شي الا لو اندومي خخخ مادري ليش اصر ع المطابخ
بس مومشكلة لو تعرفين فندق في موقع جميل وسعره طيب واهم شي جمبه محطة باص دليني
ويسلموووووووووووووووووووو والله يسعدك دنيا واخره محد عبرني غيرك

اخر سوال عشان تردين مرة وحدة خخخاشرايك طيب في السكن في جرينتش لقيت شقق بسعر طيب والتقييم ممتاز

Chelsea Bridge Apartments



وهاذا خلاص خلاص اخر فندق صدقيني خخ

هلا بك ولا يهمك احنا بعد ناخذ شقة بمطبخ ومانطبخ هههه بس العيال يتوسعوا…

سو سيننا سيئة جدا وهذي الي شفتها ناس من الجماعة كانوا نازلين فيها العام الماضي وغيروها مررة سيئة ويديرونها هنود مايتلتزمون بالاتفاقات

شلسيا بريج شكلها ممتازة وشخصيا تعجبني المنطقة راقية جدا ولا تقارن بكامدن او حتى كلبرن (احياء شعبية جدا للمهجرين) لكن حطي ببالك راح تعتمدي عالباص في التنقلات لأنها بعيدة عن الاندر جراوند… او تستخدمين الاوفر جرواند وهو الافضل عندي…

بالنسبة لجرينتش منطقة حلوة وهادية لكنها بعيدة كثير وبيضيع اليوم في التنقلات…. اذا انك ناوية عشرق لندن ربما كناري ورف افضل لك وتحاولي تسكني قريب من الاندر جراوند الي يمر بها الجوبيلي لاين سريع يوصلك لويست منستر وبوند ستريت في اكسفورد في اقل من ثلث ساعة…….

واي سؤال من عيوني خيتو … انا نازلة قريب في هالشقة شوفيها يمكن تعجبك…

http://www.booking.com/hotel/gb/trev...D2&aid=1329869

جميييله جدا الشقة لاكن مافيها حجز حتى ماطلعت لي الاسعار خخ انا ترى مسافرة يوم الخميس وللحين ماحجزت فندق خخعشان كذا بليز استحملوني وساعدوني هيءءءءءء


المشكلة عندي الحين محتارة بين اثنين شلسيا والثانية So Quartier Apartments
الاولى بس مدحو اكثر شي فيها الامان وهاذا مهم طبعاا
والثانية سو مدحو فيها الموقع وهاذا اهم


انا مشكلتي حامل اريد شي قريب من كل شي ومفكرة استخدم الباصات لاني اتوقع انها اسهل اريد الباص يكون قريب موهامني شكل الشقة بس اريد منطقة امان وفيها عرب وماتكون بعيدة من الاماكن السياحية الي لامليت انزلها


بليييز الثااني اريدج تشيكين عليه وشوفي موقعه في خريطة قوقل مادري انا احس موقعه جمييل احسك تتكلمين على مكان ثاني خخ




ياريت البقية يشاركون لو يقررون لاني بنام ومن اقوم لازم احجز ماتمم وقتتت

الحين توني اكتشف شي بخراىط قوقل التجول الافتراضي ماعرف شوو لما شفت فندق سو مدري ايش صح المكان اقل من عادي وفيه حفريات بس الفندق يقع على شاررع كالبرن الرىيسي وبالضبط موقف الباصات تحت الفندق
اما الثاني شلسيا المنطقة جميلة جدااا وانيقة لاكن تعبت احوس بالشوارع الي حواليها مافيها باصات ولاممرات باصات وشو السوااه لو بنرجع متاخر والواحد خصوصا في الرده مافيه حيل يمشي


ووشو الترتتيب الحييين ؟؟؟؟؟؟؟؟؟؟

هلا خيتو… شقة شلسيا حولها محطة باص خمس دقايق مشي منها… اسمها

Battersea Park يمو=ر فيها عدة باصات منها

137

452

وجنبه بارك حلو برة (باتريسيا) كنا نحب نتردد عليه…. فيه بعد حديقة حيوانات ومحل فراشات على ما اتذكر… ومطعم جلسته عالنهر داخل البارك….

ما ادري القرار لك بس عن نفسي اكيد افضل شلسيا لو كنت مكانك عن سو،،،،، وكل ينام عالجنب الي يزيحه :-)

http://www.nationalrail.co.uk/posters/BAK.pdf

هذا جدول الباصات حولها ^^

http://www.tfl.gov.uk/bus/stop/49000...ion?lineId=137

للاسف ان الشقة راحت علي بس الغلط مني انا مابقي من سفري شي وللحين ماحجزت

الخيرة فيما اختاره الله طيب عطيني تواريخك والقى لك شي باذن الله يعجبك ويناسبك ظروفك….

شوفي هاذي الشقق احس المكان جميل الموقع لما شفته بقوقل بس المصيبة ماشفت باصاااات خخ

73 Studios

من 29 مايو لين 5 يونيو هاذا الي كتبتها موقعها عجبني بس المشكلة هي صغييرررة يعني غرفة
بس مسوين فيها ركن على اساس مطبخ مافيها منطقة جلوس مستقلة


اش رايك سويت 73 ولا هاذي
10 Pembridge Gardens

هلا بك خيتو ما اعرف ليه ما تلقي الباصات ههههه

شوفي الثنتين مرة وسط مناطق العرب حتى شارع ادوارد يمديك تتمشين له نص ساعة لو فيك طاقة….

الاولى اقرب محطة باص رويال اوك (عشر دقايق)….. بس الاندر جراوند مرررة قريب لك 5 دقايق….

والثانية مرة عند محطة الباص دقيقتين مشي (Notting Hill Gate/Pembridge Rd)…

انا حبيت الثانية كثير لأنها مصنفة 4 نجوم واراء النزلاء افضل وايضا اقرب للهايد بارك مشيا…. وبرضة الباص اقرب…. شوفي انت ويش تستقري عليه ^^

تدرين صرت استحي اكتب هنا خخخالحين شلسيا لقيتها ردوها خخخ
بس المشلكة احس ماحولي حد صح الشقة جمميلة لاكن قدامي حديقة بس اما هاذيك سويت عجبتني تحتي محلات ومووول وحياااااااة جميلة يحبها قلبك
مابى حدايق اريد كذا محلات ومطاعم خاطري اتواصل معاك بطريقة اسرع بس مو عارفة كيف لاني خلاص اباا احجز ومترددة


وشفتي الاولى سوو مدري شو لما شفت التجوال الافتراضي قسم تحتهم حياة حلوووة خخخ بريماك وماكس سبنسر ومكدونالدز

وشوفي هاذي
onefinestay - Ladbroke Grove




هاذي في منطقة سكنيه بحته مافيها محلات بس موبعيدة
عن هالشق
10 Pembridge Gardens



الا 9 دقايق مشي بس ميزتها ان سعرها اقل وشقة كبيرة محترمة فيها صالة وبلكونه ومطبخ مستقل




ع العموم انا احترررررررررت بين هالاربع


انتي رجحيلي الاثنين الي كتبتهم الحين وسو كوارتر خخ

يوه 29 مايو ولسة ماحجزت؟؟؟

انت شلك ميالة لكلبرن خلاص توكلي ع الله ما عندك وقت للمساومات خخخ

حبيبتي اذا يهمك التسوق في المقام الاول وماعندك مانع تسكنين بشقق سو اقترح عليك شبردز بوش جنب ويست فيلد مول …..

الي اعرفهم حجزوا هذي الشقة ولما شافوها ما اعجبتهم تختلف عن الصور… تالي اعطوهم شقة بشبردز بوش جنب المول…. بس ما اعرف اسمها

http://www.booking.com/hotel/gb/so-s...ml?aid=1329869


وهذي مجربة ممتازة ووسط البلد وفيها حتى شطاف وانت بكرامة

http://www.booking.com/hotel/gb/arli...ml?aid=1329869

او توكلي على ربك وحجزي سو كيلبرن المهم قبل لا يجي موعد سفرك تحجزي هههه

اوف ماريد اشكي من زوجي قدام الناس خخخ المشكلة امس قدم الفيزا حقه هو امااراتي وقالو اليوم الصبح بتطلع وللحين ماطلعت وانا حقي جاهزة

متابع بصمت

مادام معاك الأخت روضة ماعليك خوف بأذن الله يقولون اذا حضر الماء بطل التيمم

خخخ اهم شي متابعينا بصمت انا حاسة انه احنافي الواتساب خخشكلي في الاخير بسافر وانا ماحجزت وبقعد عندها خخ

كنت حابة أفيدج لكن للأسف ما أعرف الأماكن لي ذكرتيها
الله يحفظكم

بااك روووضة تخيلي تخيلي اني فاتحة كنت شلسييا وهاذيك جاردن من اول راحت المهم شلسيا واستديو 74 وسو كوارتيير وطلعت ورجعت بعد كم ساعة لقيت شلسيا راح بس ماستغربت كان باقي شقه الصدمة استديو راح مع انه كان فيه شقة وفيه استديو وكذا عد كاتبين لا تتوافر غرف في تواريخك
المهم طبعا مابقيلي الا سو كوارتيير وحجززززززززززززززت خخخ قلت ماكان من الاول وكمان زادت قيمته يمكن 400 خخ


المهم الوعد شارع كالبرن قابليني هناك خخخ

يلا ماعليش الظروف حتمت واحيانا التجربة الشخصية تكون افضل برهان^^…. المهم اعطينا انطباعاتك عن الشقة والمنطقة عموما… هي كلبرن حبابة ولكن عيبها عندي كأنك ببلد عربي مو لندن ههه….

للأسف ما ابنلحق انا رايحة 26 لندن وبنرمضن هناك هالسنة …. ولكن قبلها بنداخل لفة على كم مكان….




ان شاد الله تبسطي يارب بالسفرة وتجي تحكي لنا… بالمناسبة اسمي رودة (مو روضة ولا رضا كما يظن الاعضاء)… فرصة سعيدة خيتو…. واكيد الحين بيتقفل الموضوع دام مشرفنا متابع لول….

لا ماراح اقفله لاني ادري بسوالف الحريم ماتخلص خخخخخخ هههه

صبري شوي بتسألك عن اخر مسكره وعطر ههههه

هههههههههه اعجبني اخر شيمسكره وعطر







طيب ماله داعي افتح موضوع جديد
انا حجزت بفندق ابو مطرقه وتحسفت
ابي اغير لشقه اوسع
اذا احد عنده نظيفه وراقيه وتكيف اهم شيء


اغسطس 7 الى 17

شكرا للمرور مشرفنا الكريم…

فتوني… ماله داعي العبرة خيتو… عندك السلفرج وفيه كل الي تحبيه :-))))

طيب شيكت تواريخك على بوكينق اغلب الشقق الي احبه محجوزة!! فيه 1 فقططط

http://www.booking.com/hotel/gb/thin...74&aid=1329869

شخصيا تعجبني وسكنتها اكثر من مرة… العادة نحب نجرب كل سنة شيد جديد ومنطقة مختلفة… لكن كل مرة مايعجبنا السكن نحول لثينك سلاح الضيق ^^

هذا الفرع جنب الاندر جراوند ايرلز كورت وسهل التنقل لكل المناطق وايضا للمطار وهي مكيفة… وممكن خدمة تنظيف يومية برسوم…

http://www.booking.com/hotel/gb/step...in&aid=1329869

هذي شكلها حلوة لكن مو مجربتها…

والله الاوضاع بين بريطانيا والامارات ماتطمنن سياسياا والله يستر شكلها بتطيح في راسي خخخالمهم الحين للاسف ماخذيت التذاكر حق البيق باص ولندن اي من السفارة وش رايكم اخذها من المطار ?
السوال الثاني اريد جدول يالله ياروده خخخ
طبعا حتى مدام تايسو كنسلته احس مايستاهل يقولون معاد فيه شخصيات عربيه
وماحب الحدايق ولا المتاحف


يعني ابغى اسواق في اسوااق في اسواق والاهم الاسواق الشعبيه خخ خخ في شوارع جميلة واماكن وكافيهات وجلسات وميداين


سوولي جدول حق 6 ايام
واليوم الي بوصل فيه احتمال اوصل 7 لين اخلص واروح الفندق اتوقع 8 ونص هل ينفع اروح مكان ولا اقضيها تحت الفندق وانام

بحال ما حجزتي الفندق اقدر افيدك بشقق فندقية فخمة في منطقة الجروفنر هاوس او باديجتون او لانكستر قيت

للاسف انا قد حجزت مشكلتي سفرري تاريخ 29 يعني يعتبر بكرة وحجزت امس عشان كذا كان ماعندي خيارات


تدرون كان فيه موضوع في منتدى ثاني اسمه جدول سياحي ل 21 يوم في لندن
جممممممممممممممممممممميل الموضوع ومفصللل كل مكان وكيف الواحد يقدر يروحله وبالصور
المشكلة ماكنت قادرة انسخ وحتى التحميل مازبط معاي واليوم ع النحاسة كل مافتح تجيني الصفحة ايرور


ابغى رابط موضوع كذا يبين الاماكن السياحية وويين اقرب محطة لكل مكان

بالتوفيق و سفره موفقه باذن الله

خلاص تم حزم الحقاىب ووداع الاطفال هيءءءء يحزنون عيالي اول مرة بخليهم وان شالله الصبح ماشين ع المطار دعواتكم والله يردنا سالمين يارب ومشكورين كل الشكر وفديت قلبك يارودا ماقصرتي

توصلون و ترجعون بالسلامة
و عليكم بدعاء السفر

الله يسلمكم يارب ذهاب واياب…. وان شاء الله تنبسطوا...