السلام عليكم
كيف الحال وأخوان وأخوات
اشكر كل شخص استفدت من تقاريره في هذا المنتدى الرائع
بدون مقدمات ......ذهبت إلى قطر أو بالعامية رحت قطر في تاريخ 22-11-2013م
تقريري راح يكون على شكل أسئلة ويخالطها بعض الدعابة....أن شالله تستفيدون منه
س1 / متى رحت قطر ؟
مكتوب فوق ههههههه
س2 / السفر كان عن طريق طائرة ولا سيارة ؟
سيارة
س3 / من وين نقطة الأنطلاق ؟
من الدمام إلى قطر
س4 / كيف كان الطريق ؟
من الدمام إلى الأحساء جدا ممتاز ....يوجد ساهر
من الأحساء إلى منفذ سلوى نقدر نقول أنه ممتاز ...لايوجد ساهر ...لكن لاتسرع لأن روحك غاليه
س5 / وين سكنت ؟
في فندق كونكورد الدوحة
س6 / من وين حجزته ؟
من موقع olotel.com
أول مره أسمع فيه... يعني أسعارة زينه وهل موثوق؟
بالنسبة لسعر الفندق اللي كنت ابحث عنه حصلت عنده أفضل سعر وهو 378 لليلة الواحدة بدون فطور لكن كان سعرة في بوكننق حوالي 500 ريال.
الناس تفكر أن بوكنق رخيييص لا لا ياحبيبي ... من خبرتي البسيطة لم أجد موقع بوكنق رخيص نهائيا
س7 / طيب ..أجل ماتنصح في موقع بوكنق ؟
أنا أقولك قارن السعر مع مواقع ثانية وفي مواقع تعمل لك مقارنة مع أكثر من موقع مثل hotelcombaiend أو hotel compaire
بالنسبة لي أحب أستخدم هالموقع لمشاهدة الغرف وموقع الفندق وأشياء زي كذا لأن صرحة الموقع جدا مرتب والصور فيه واضحة
س8 / طيب .. ماقلت لنا عن الفندق رايك فيه ..يستاهل السكن ولا فندق فاشل ؟
الصراحة الفندق ممتاز وهو خمس نجوم ..مريح ..هادئ
س9 / اوك... عيوب الفندق ؟
لايوجد به شطاااف أكرمكم الله
س10 / طيب بعض الصور لدورات المياة موجود فيها ؟
كلامك صحيح يوجد في بعض السويتات ومش كلها .. أما الغرف مافيهاااااا
س11 / الحين هالفندق قريب من مواقع سياحية ؟
نقدر نقول قريب من سوق واقـف
س12 / شرايك بـ سوق واقـف .. والأماكن اللي زرتها ؟
والله السوق وسيع صدر .. تغير جو فيه... أما ألاماكن اللي زرتها هي:
فيلاجيو مول ... مجمع تجاري جميل وفخم
اسباير زون... حديقة جميلة ...المواقف مجانية .... ولكن بالنسبة لي تعتبر عادية لأني متعود على كورنيش الدمام والخبر
كتارا... عبارة عن مطاعم ومقاهي مقابلة للبحر...يستحق الزيارة...لاتنسون محل جباتي وكرك رهييييب
لؤلؤة قطر.... موقعه بعيييييد وهو عبارة عن مقاهي ومحلات تجارية ناااااار يعني غالية ومرسى للسفن..... من وجهة نضري إذا عندك وقت فاضي روح له ... لأني أشوفه عادي....هذي وجهة نضري
س13 / أجل شكلك ماشالله تدل في قطر ؟
لا والله ماأدل ولا شارع... الله يخلي شاشة السيارة هي اللي توصف اللي الطريق أو أحيانا أستخدم الأحداثيات
س14 / كيف وجت قطر ؟
يكفي انها بلد خليجي...مريحة فيها وساعة صدر ....قريبه من القلب...بلد جالس يتطور أكثر
س15 / طيب لو خيروك بين قطر ودبي ؟
بكل تأكيد دبي
س16 / أنت شخبارك ؟
والله تمام ههههههههههههههه
اتمنى غطيت كل الأسألة اللي تدور في بالكم
دعوة في ظهر الغيب تغنيني عن الشكر
مواضيع عشوائيه ممكن تكون تعجبك اخترناها لك:
- فندق الجديد
- منتجع فريج شرق يدشن فيلا بيت الشيوخ
- محتاج مشورتكم في اختيار فندق مناسب لليلة واحدة او اثنتين على حسب البرنامج
- مطار قطر
- فندق لاسيجال لايفوتكم
- صور للمطر اللي نزل على قطر من تصويري
- بخصوص شرائح الموبايل مهم جداً
- سيلكور قطر تقدم عروض وباقات علاجية للمرأة
- سـآعدوٍني فديتكم
- تكتل خليجي لبناء أعلى برج في منطقة الشرق الأوسط بارتفاع طابقاً في قطر
- الخطوط القطرية تزيد عدد رحلاتها لألمانيا إلى أسبوعيا
- بكره الصبح جاي قطر
- كم قيمة ايجار السيارات في قطر ؟
- رأيك يهمني فلا تبخل على أخوك
- تأجير السيارات في قطر ؟؟
- مشوره سياحية نطلبها من اهل الكرم والجود
- أوعدكم بأحلى تقرير لما أرجع من قطر بس بعد مساعدتكم لي تفضلوووووووووو
- شباب في رحلة الى قطر
- مساعدة عاجلة بليز محلات فساتين زفاف ناعمة بالدوحة؟
- يايتنكم قطر
رد مع اقتباس
المشاركة الأصلية كتبت بواسطة sada alnesean25
المشاركة الأصلية كتبت بواسطة عيد824
المفضلات