الموضوع: ميلان استشارة

السلام عليكم جميعاً
اتمنى انكم بصحة وعافية جميعاً

ما ابي اطول عليكم

انا عندي كذا سؤال عن ميلان ... بس السؤال الأهم والأخطر .. واللي مشغل لي بالي هو

رحلتي من الدنمارك إلى ميلان (مطار مالبينسا - تيرمنال 2) راح توصل الساعة 12:05 PM
ورحلتي من (مطار مالبينسا - تيرمنال 2 ) إلى السعودية المغادرة الساعة 2:10 PM

يعني الفرق ساعتين فقط .. ايش رأيكم ؟؟؟ يمديني الحق على الرحلة .. ولا اجي باليوم اللي قبل وانام بميلان .. مع العلم اني حجزت وسوويت كللل شي قبل شهر .

تكفون جاوبوا ضروري ..

مواضيع عشوائيه ممكن تكون تعجبك اخترناها لك:

• احتاج فزعتكم يا خبراء ايطاليا لاهنتوا
• شباب كيف فلورنس وكم تكلف
• ابو القروشه استفسار بطاقة الفيزا للتقديم للشنقن
• ابي الفزعة من خبراء ريتشوني وفينيسيا
• ارجو المساعدة طالع شهر عسل في مايو المقبل
• هوتيلات سورنتو
• أبغي رايكم وين أفضل مكان للتبضع والشراء؟؟
• هل تعرف هذا الهوتيل ’
• أيام بلياليهن في إيطاليا كيف واين وبكم اقضيها؟ أرجو المساعدة
• محتارة بين فندقين بروما
• فينيسيا والسياره ؟؟؟
• فندق ميلان
• سؤال بسيط لمن زار ايطاليا
• لا أستطيع أخذ موعد في السفارة الإيطالية
• هل إيطاليا تنفع لشهر العسل ميلان و فينيسيا
• شهر العسل فييييين ارجو الرد
• اخر ما وصلت له في تخطيط الرحله
• ايطاليا تدق ناقوس الخطر حول تاثيرات االاحتباس الحراري على الحوض المتوسط
• طلب المشورة للسفر إلى أوروبا والنمسا تحديدا
• هل ضروري يكون مبلغ كبير في كشف الحساب البنكي

هلا اخوي
اذا انت توصل قبل اقلاع الطائرة بساعتين
ومثل ماقلت حاجز قبل شهر
وماتقدر تغير حجزك فيبيلك اول ماتنزل المطار
تروح سيدة على كونتر السعودية وتطلع البوردنق
وان شاء الله يمديك ترى السعودية بمطارات الخارج
ينتظرون زي الحلاوة محترمين
واذا حاس بخوف تتاخر الرخلة الى مطار ميلان
من الدنمارك ويمديك تاخر اوتقدم بحجوزاتك
افضل غير موعد الحجز للاأحتياط
دمت بود

الله يعطيك الصحة والعافية يبو طلال على ردك السريع..
والله صعب تغيير الخطة الحين ...
طيب ابسألك .. وش الاجراءات اللي اسويها بعد النزول من الطائرة .. اقصد يمديني اخلصها خلال ساعة ... ؟
والرحلة الثانية .. عادي لو جيت قبل الرحلة بساعة ... وللمعلومية .. معي شنطة كبيرة لازم تروح مع العفشششش .

اجلس يووووم بميلان و تسوووق و استانس

http://www.arabtravelersforum.com/user251227/
انا بأجلس فيها يومين .. بس بالبداية
يعني من البداية .. السعودية - ميلان (يومين) - الدنمارك - فرنسا - الدنمارك - ميلان - السعودية

بس اذا انت تشوف انه مايمديني الحق على الرحلة ... شورك وهداية الله .... بس خلني اشوف اراء الأعضاء .

حبيبي لاتخاف اجرائت العفش
سريعة ويمديك ان شاء الله
اول ماتنزل راح تستلم شنطتك خلال عشر دقايق بالكثير
واذا كان معك احد خلة يروح على طول للكونتر الرحلة اللى عالسعودية
ويطلع البوردنق ويقول للكونتر موعد وصول رحلتة وراح يتفهمو وضعك
وتسهل امورك ان شاء الله

مرحبا اخوي تبي نصيحتي اخرها يوم اقولك ليش
الوصول 12 وخمس اوكيه الطائره يبيلها 15-20 دقيقه حتى توقف وتنزلون يبيلك 15-20 دقيقه الجوزات ووغيره بعدها انتظر ربع ساعه او اكثر حتى يجي العفش بعد تسحب الشنطه والمرمطه روح كونتر الخطوط اذا مافيه زحمه زين بس على خبري قبل الرحله بساعه زحمه يعني كم ضاع من الوقت؟؟؟؟؟؟؟؟؟
ولاتنسى تر الطائرات مو دايم على الوقت يعني مرات تاخر نص ساعه او اكثر اذا المطار زحمه او حاله الجو المتقلبه
حط قدامك كل الاحتمالات فالافضل اجلها يوم
واذا مافيه فايده لازم مارثون..............والله يوفقك

هلا

انا معاهم....لان ساعتين قليله جدا

انا مرة طالعة من مطار مالبنسا الى مطار لندن ومنها الى البحرين...وكان الفرق ساعتين وترانزيت يعني ما اخذ الشنط

تدري وش صار.....!!!!

اول شي الطيارة تأخرت 20 دقيقة على الاقلاع عشان في طيارة بتقلع قبلها

وبعدين يوم وصلنا الى لندن قعدنا بعد 20 دقيقة بالطيارة عشان يدورون مكان يوقف فيه الطيارة وننزل

وبعدين صرنا نركض من مبنى الى مبنى اللي نفروض نأخذ ب نصف ساعة اخذناها ب 10 عشر دقايق ركض

فما بالك العفش لازم ينزل من الطيارة الاولى ويروح الى الطيارة الثانية.....وكنا عائلة ومعاي اطفال اكبرهن 10 سنوات

طبعا وصلنا الى الطيارة في اللحظة الاخيرة وبعدها سكروا باب الطيارة بس عفشنا ما جا الا بعد يومين لانه ما مداهم

يجبونه الى الطيارة اللي حنا فيها...........(صار مسلسل تركي)

انا اشوف يوم واحد ما يضرك.....وتوكل على الله

انا مع الجميع يوم واحد تجلس فيه وتريح بالك

وتروح للمطار وانت مرتاح ومرتب امورك ازين

ربي يوفقك

انا رأي مثل الاخوان انك تقعد يوم في ميلان
وبعدين ايش الى مطيرك اقول اقعد وسم بسم الله

اخوي خالد الحل عندي ومادري وش راي اخواني الخبراء فيه

في حالة ان طيرانك من الدنمارك لايطاليا ومن ايطاليا للسعوديه نفس الخطوط قص البوردنق من مطار الدنمارك مره وحده بحيث تصير تنزل لمطار مالبينسا في ميلان ومايحتاج تقص بوردنق ولا تشيل شنط لانها دايركت بتروح على الرحله وانت تروح على طول اول ماتنزل من الطياره لبوابة السفر للسعوديه على طول الموجود بالبوردينق

اكيد اخوي مسي اقتراحك حلو بس ,لو كانت رحلتة دايركت وعلى نفس الخطوط السعودية
ماكان احتاج كل هالاقتراحات منا الاخ طالع من الدنمارك على خطوط اخرى غير السعودية
فديتك ياميسي على حبك لمساعدة الاخوان بالمنتدي وتسلم ايدينك
دمت بود