[align=center]بسم الله الرحمن الرحيم[/align]
الحمدلله رجعت لأرض الوطن الجمعة الماضية بعد أن تمتعت برحلة لمدة21يوم
قضيت فيها أحلى أيام في ايطاليا
ايطاليا الجمال ايطاليا الرومانسية ايطالياالخيال ايطاليا وايطاليا وايطاليا......
لوبوصفها بالكلام بكتب مجلد فيها
فالشكر الجزيل للقائمين على هذه البوابة ولكل من ساهم في كتابة مواضيع عادت علينا بالفائدة وعلى رأسهم الأخ ايطالي اللي مابخل علينا بإجاباته على جميع استفسارتنا
والأخ ايطالي مسافر أفادنا كثير بكل مواضيعه عن ايطاليا
والعزيزة سوار وموضوعها اللي استفدت منه كثير
طبعا الرحلة شملت روما هالمدينة الرائعة بشعبها وساحاتها ومعالمها التاريخية وزحمتها وشمسها وكل تفاصيلها ومنها سوينا زيارة خاطفة لتيفولي ومتعنا أنظارنا بفيلا دستي ونوافيرها وخضرتها والجو الراااائع في هالمنطقة .
وبعدها شدينا الرحال لفلورنس مدينة الفنون والرومانسية بصراحة هالمدينة حبيتها مرة وكنت راح أندم كثيييييييير لو مازرتها ...ومافاتنا طبعا زيارة برج بيزا المائل رحنا ورجعنا بنفس اليوم بعد مشاهدة واحد من عجائب الدنيا السبع.
وكملنا الرحلة لريمني وريتشوني الصراحة ماانبسطنا ابدا فيهم وتحسفنا على الأيام اللي ضيعناها فيها المدينة كانت كئيبة شوي وهادية بزيادة والجو كان باااااااااارد جدا وممطر والشاطئ شبه مهجور غير كذا كانت المدينة تنام بدري شوي مقارنة بروما وفلورنس ومافيها غير اهلها يعني ماشفنا سواح ابدا.
وبعدها رحنا لفينيسيا أجمل مكان زرته في حياتي لدرجة اننا مددنا اقامتنا فيها من 3ايام ل5ايام طبعا كان هذا على حساب سرميوني اللي كنسلناها عشان نمدد وبعدين تندمت كثييييييير اني مازرتها مع اني كان نفسي أشوف الجاردا لاند بس الحمدلله الجلسة في فينيسيا ماتنمل ابدا وراح تظل ذكرياتها محفورة في الذاكرة بجناديلها وجسورها وممراتها وساحة سان ماركو ومنظر الحمام اللي يملى الساحة وأحلى شي منظر غروب الشمس واحنا في الجندول شي يفوق الوصف..على كثر ماقريت وسمعت عن فينيسيا الا ان الوصف شي والشوف شي ثااااااااني.
ومن بعد فينيسيا رحنا لوقانو في سويسرا الله على هالمدينة وبحيرتها خصوصا لما نصحى الصباح بدري وننزل نتمشى على البحيرة وأتسلى بإطعام البط الجو كان بارد شوي وضباب شي خياااااااااااالي بصراحة المدينة كلها كانت حلوة واستمتعنا فيها.
وختمناها بميلانو طبعا مافيها شي غير التسوق وبما اني كنت مأجلة التسوق لميلانو ماضيعت اي لحظة وفورا بديت رحلة التسوق اللي تكللت ولله الحمد بالنجاح.
وانتهت أحلى رحلة طلعت منها بأحلى ذكريات ومجموعة كبيرة من الصور اللي صارت لها قصة خلتني شوي وأصيح..
وبصراحة ماألومكم أبدا في هالعشق الكبير لإيطاليا فشكرا لكم اولا واخيرا...مواضيع عشوائيه ممكن تكون تعجبك اخترناها لك:
- دلوني يااهل البيتزا والباستا
- سوال عن قارمن نوفي
- كم المدة الكافية لايطاليا
- المدن الممكن زياتها حول ميلان
- منتجعات تابعة للماريوت كلوب
- استفار بخصوص احتساب وقت الفيزا
- ارجوكم ساعدوني
- معضله غير متوقعه
- برنامجي في ميلانفيرونافينيسيا إستفسار
- شهر عسل في مارس
- ايام في ايطايا
- قبل الرحلة ظهرت المخاوف من
- لحجز الفنادق على النت
- استفسار عن تعديل حجز فندق عن طريق
- خبراء إيطاليا إقتراحاتكم لخط سير مناسب
- هل السائحين ممنوعين من لبس النقاب
- ياريت حد ايفيدني
- سحر كابري
- تحيه طيبه الى اخواني وارجو مساعدتي
- ياهل الخبرة افيدونا موضوع خاص للمبتدئين بالسفر ولكم منا جزيل الشكر
المفضلات