الموضوع: حضور مباراة في الدوري الانجليزي

السلام عليكم ورحمة الله وبركاته

يا اخوان انا مسافر لندن بتاريخ 17 مارس وراجع بتاريخ 23 مارس


وابي احضر مباراة تشيلسي وارسنال بتاريخ 22 مارس ، افيدوني لاهنتوا بكل شيء احتاجه عشان احضر المباراة !


وش انسب طريقة اني اروح للملعب
وين احصل التذاكر
ومتى احضر المباراة
وكيف احصل مقعدي
واي شيء ممكن يفيدني لاهنتوا ، لاني اول مرة اسافر بريطانيا واول مرة احضر مباراة خارج السعودية !

مواضيع عشوائيه ممكن تكون تعجبك اخترناها لك:

• استفسار
• مسااااعده تكفوووون يااهل الخيرررررر
• سنة أولى لندن،،، استفسار عن الأندرقراوند
• انا في حيره من امري هل من حل
• بخصوص لندن والمدة ومدينه ثانيه
• موضوع الدراسة بأيرلندا والتأشيرة
• المرجو المساعدة !!
• ¨° عبر الزمن بين مانشيستر والبحيرات ولـنــــدن
• دوره في جامعه شرق لندن واحترت و ين اسكن وكيف الوصول
• تحويل من بنك بريطاني باوند الى بنك سعودي
• ارجوا الافاده ياخبراء لندن واساتذتنا
• أستفسار عن سوبر ماركت
• لدي فقط ساعة لأمضيها في لندن وأنا بحاجة لمساعدة الخبراء
• استفسار عن اوت لت في ايرلندا
• لندن أول مره ازورك استفسار ؟
• خبراء لندن ممكن مساعدتكم بالسكن ؟؟
• ثـــــلـــج لـــنــــدن
• مسافرين لندن اسئله عن السكن والمواصلات والسكارى
• ابي شقق رخيصة ونظيفة بلندن شهر مايو
• لندن واكتوبر

افيدوني اللي عنده خلفية الله يجزاكم خير.

راح اجاوبك بس تقولي تشجع من ، اذا نفس الفريق الي اشجعة راح اعطيك المعلومات
امزح اكيد ههه

المباره باي نادي راح تكون ؟
السوال الاول : الحجز يتم عن طريق الملعب (اونلاين) الي راح تكون فيه المباره او مواقع مساعده للبيع و اذا خلصت تروح النادي وعند الشباك يبيوع التذاكر الي استرجعوها الناس
السوال الثاني : مش فاهم السوال بس تحضر المباره بيوم المباره طبعا
السوال الثالث : على ورقة الدخول مكتوب لك اي بوابة تدخل و كرسيك على اي لاين و كم رقم الكرسي

اي استفسار اخر ؟

^ يعطيك العافية اخوي بس تذاكر المباراة اون لاين انباعت كلها ، وقصدي هل احضر المباراة بوقت مبكر او قبل المباراة بساعة او ساعتين ؟طبعا انا ما اشجع اي نادي منهم لكن هذا حدث كبير وصادف بسفرتي ولازم احضره ، واميل لتشيلسي اكثر !


ابي طريقة الله لايهينك مضمونه لحضور المباراة يعني مافيها ايه او لا بالعربي مستحيل ما القى تذاكر بالطريقة هذي !
يعني مثلا ممكن اني اروح لشباك التذاكر وما القى ، فوقتها راح احزن حزن شدييييييييد


طيب كيف طريقة الدخول للكرسي هل هي معقدة او ممكن اني اضيع او بسيطة ؟


اللي عنده خلفية او سبق حضر مباراة في الدوري الانجليزي يفيدنا بتجربته لاهنتوا !

للرفع ......

للرفع ........

هلا فيك أخوي الفاضل
تذاكر المباريات بالدوري الانجليزي صعبة جداً و ممكن مستحيلة انك تحصلها على مواقع الاندية اون لاين .
و تحصلها فقط عن طريق الوكلاء للتذاكر
و أنا حضرت أخر مبارة في ملعب تشيلسي بين تشيلسي و توتنهام في 3/9 و اللي فاز فيها تشيلسي 1/4 .

و اسعار التذاكر للمباريات العدية مع الفرق متوسطة المستوى تبدأ من 175 باوند حسب الموقع
اما مباريات الدربي الجماهيرية
تبدأ من 300 باوند و اكثر حسب الموقع


و اي خدمة انا حاضر لك

و بالتوفيق لتشيلسي 🇬🇧 من الموبايل

جزاكم الله خير london4all , Dr Haz

كنت متوقع اكثر من منتدى كبير زي هذا ، لكن ما قصروا الاخوان فوق ^ الله يعطيهم العافية

http://www.viagogo.co.uk/chelseafc

لشراء التذاكر

اتوقع الوقت متأخر للرد على هالموضوعلكن علشان افيد غيرك
التذاكر العادية من قبل ما يبدا السيزن مبيوعة بالكامل للمشجعين اللي عندهم عضويات بالنادي نفسه
يشترون تذكرة سيزن كامل
اللي ينعرض عادة على مواقع الاندية اونلاين (طبعا على حسب المستضيف)
تكون تذاكر ال في اي بي
و تتراوح بين 2000 الى 3000 ريال التذكرة
تشمل غداء بمطعم فاخر قبل المباراة و توصيل للملعب بعد الغداء (اذا كان المطعم مو جوا النادي نفسه)
و جولة في الملعب وخصم 20% على المتجروحضور المباراة طبعا


اذا كانت تذاكر ال في اي بي مبيوعة بالكامل ايضا
مالك الا السوق السوداء تروح للملعب قبل بداية المباراة وتشوف العروض والله يعينك ع الاسعار :$
المواقع اللي تتدعي انها تبيع تذاكر اونلاين كلها نصب بنصب
فلا احد يغامر يا من موقع النادي نفسه او السوق السوداء امام الملعب قبل المباراة (واحتمال ما تلقون بعد)