الموضوع: مبروك للقطريه وعلى الاماراتيه والسعوديه ان ينتبهوا

الحقيقه لا اخفيكم اني اتعذب عندما تكون لي رحله على السعوديه ... مشاكل بالحجوزات وتأخير الرحلات ولخبطه وحوسه ... ولكن هناك شيء وحيد يميزها وانها تأخذ جائزة السلامه كل سنه منذ عام 2000
ولكن جاء تصنيفها من ناحية الخدمات غير مرضي ابدا وباعتقادي
خساره مليارات الريالات .. غلاء بالاسعار .. تأخير في الرحلات ... اكيد راح تاخذ 3 نجوم .. والمفروض نجمه وحده وتخب ...
اما بالنسبه للاماراتيه ... فهي الى السنه الماضيه وهي مية فل ... ولكن لا اعلم ماللذي حصل لها هذا العام وتراجعت خدماتها مما جعل تصنيفها ايضا يقل وبمراحل عن العام الماضي
اما القطريه ... فمبروك ... ولكن همسة لاداريي الشركه ... الوصول للقمه سهل ولكن المحافظه عليه صعب...

كشف تصنيف سكاي تراكس العالمي الاخير عن تصنيف خطوط الطيران على النحو التالي :

اولاًَ :

الخمس نجوم :

Cathay Pacific Airways

Malaysia Airlines

Qatar Airways

مواضيع عشوائيه ممكن تكون تعجبك اخترناها لك:

• فندق وشرايكم فيه؟
• الـفورزيسون فـــــــي قـــطــــر
• فندق واقف
• سؤال عاجل ومهم
• قطر السعوديه
• زيارتي لقطر واقامتي في شقق القيروان
• عاااجل ،،، ابي رأيكم في بوفية افطار فندق كورال الدوحة
• الشقق الشاليهات بقطر
• اسأل عن محل او وكيل الي يبيع منتجات طيور الجنه
• استفسار عن المجمعات في قطر
• وش رايكم بفندق Holiday Villa Hotel & Residence City
• الغاليه بنت قطر
• صورة لقريــه فويرط الساحليـــــة
• كورنيش الدوحة في الليل
• السكن والمواصلات
• استفسار
• ابغى نصيحتكم السكن في الليوان للاجنحة الفندقية في الدوحة
• القيروان للشقق الفندقية
• بكرا بسافر وابي اتأكد من الاماكن ضروري
• حرررررررررررررر

للأسف

أحتكار وغلاء في الأسعار ولاتزال الخدمة سيئة .

التخصيص وفتح باب المنافسة هو الحل .

حتى الامارتيه .. والله تغيرت اسعار عاليه .. والفندق اللى فى العوده وقفوه !! ليش لانه صار عندهم

فلوس كثيره ... اللى عاجبه .. والا شف خطوط ثانيه !!!! انا قررت على القطريه ......

بالمناسبة هل يعمل معكم هاتف الخطوط السعودية للحجز المركزي !!! هذا بحد ذاته مأساة مع أن الشغلة
بسيطة فكيف ما هو أعظم !!

القطرية صنفوها من ضمن الخمس نجوم لأن قوانينها صاااارمة جدا
*****يعني مثلا لما تحجزون على أي بلد وتستلمون التذاكر وتسافرون وحلت لكم البلد وحبيتوا تمددون وتقعدون أسبوع زيادة أو أنكم شفتوا البلد ماتستاهل القعدة أكثر من كم يوم وأنتوا حاجزين فرضا أسبوعين وبغيتوا تغيرون المواعيد في رحلة العودة (اللي تطلبه القطرية 190 ريال قطري على كل تذكرة غرامة تغيير المواعيد)
*****الحاجة الثانية إذا أصابك لا سمح الله ظرف قبل السفر وحبيت تلغي السفرة وتسترجع نقودك (أنسى أن فلوسك ترجع لك)
*****لكل شخص 40 كيلو بالتذكرة وهذا عادي لكن لكل شنطة 32 كيلو إذا كان الوزن بالشنطة أكثر من 32 كيلو تدفع الباقي يعني لكل شنطة 32 كيلو وإذا شنطتك بها 33 كيلو تدفع ثمن الكيلو الزيادة وإلا طلع هالكيلو وحطه بشنطه ثانية
*****الهاند باق 7 كيلو وبس
*****والله قوانينهم واااايد لكن هذا اللي أذكره
ولكن حسب ماعرفت أن القوانين هذي بالصيف بس لكن بعد 15 أغسطس تعود القوانين القديمة بالنسبة للحجز والغرامات يعني يلغون الغرامات وممكن يكنسلون الحجوزات أذا بغيتوا

أما الكاثي باسيفيك ... فهي تستحق بجدارة هذا اللقب ...

سافرت عليها اربع مرات .....

القطرية واهل قطر والنعم ...

أخي أحس أن التصنيف فية بعض ألأجحاف بحق بعض الخطوط هذا من وجهة نظري

مشكور اخوي
في ظني انه تصنيف واقعي جدا واظن ان الخطوط السعوديه لا تستحق ثلاث نجوم انما ربع نجمه
ومبروك من كل قلبي للاخوه القطريين وتساهل القطريه

مبروك للقطريه
مبروك للامارتيه
هارد لك للخطوط السعوديه والسنه القادمه ان ما تحسنتو بيحطونا خارج القائمه وكثيييييييييييير علينا ربع نجمه

التخصيص يمكن هوا الحل يممممكن مو اكيد

Kuwait Airways تصنيفها 3 نجوم كفوها

المفروض يصنفونها من ضمن باصات النقل الجماعي او القطارات

والنعم والله بالقطرية

أنا قد سافرت معاهم مرتين وكانت بالمرة محترمة

الكاثي باسفيك رائعة بالفعل ,, اسعار ممتازة و خدمات مميزة و الطائرة مريحة و ممتازة , اما طيران الخليج فاسعار غالية و خدمات متواضعة ؟!!

طيران الامارات غالية ايضا ,

الكاثي باسفيك دائما فل !! لانها اسعارها الافضل و خدماتها الاكثر تميزا .

المشاركة الأصلية كتبت بواسطة خجـول

أخي أحس أن التصنيف فية بعض ألأجحاف بحق بعض الخطوط هذا من وجهة نظري

أوافقك الرأي أخي 100% .... معقولة Etihad Airways تصنف من الفئة 3 نجوم !!!!!!

مالي خبره الا بالسعوديه واشوف انهم ظلموها بالتصنيف هذا
المفروض
5 نجوم تحت الصفر
والله اسعار غاليه وطيارات كنها باص وقت الهبوط الله من شنطه تطل عليك من فوق هذا زين ان ماخبطت على راسك وحده:suprise:
وكمان وقت الهبوط الانوار تستهبل وتصير تولع وتتسكر كنك ببيت الرعب:36_1_18:
ونجي عند الاكل اذا انت جوعان الله يرحم حالك اول ماتفتح الاكل بتقول الجوع ارحم
مافيها زين الا دعاء السفر
ياليت يتعدلون هالفلوس وين تروح؟؟؟؟؟!!!!!!

الف مبروووووك للقطرية
جربتها لبيروت في شهر مايو كانت من اروع ما يمكن

الف مبرووووووك للقطريه يستاهلون أهل قطر والى الأمام دائما، نتمنى من باقي شركات طيران دول مجلس التعاون أن تتنافس وتشد حيلها للوصول للقمه.

مبروووك للقطرية

تستاهل

لكن إدارة القطرية إدارة استفزاز لا أكثر للقطريين

أما بالنسبة للطيارات فهي أحسن طيارة ركبتها

واذا بعضكم يشتكي من الأسعار في الخطوط السعودية ترى احنا مثلكم

وانا استغربت الخطوط الهولندية شلون صنفووها من فئة 3 نجوم

؟؟؟

ومشكوووور اخوي العريس

يعطيك العافيه عالموضوع المهم