المشاركة الأصلية كتبت بواسطة عاشقة الترحال


- العرب الموجودين في ايطاليا كانوا ملاك الرحمة بالنسبة لي وكنت انبسط لما يمر احد ويقول السلام عليكم .. كنت اسألهم كثير لقيت ناس ضايعين مثلي ولقيت ناس عايشين بالبلد وفاهمين وساعدونا الله يجزيهم خير .

9- بالنسبة للتسوق في ايطاليا السوق عبارة عن شارع وفيه محلات وكلها اسعارها غريبة يعني ماركات واسعار من ابو اربع ارقام طبعا تقدر تشتري وتطلب التاكس فري عشان لما تسافر تسترجعها بس بصراحة الماركات موجودة عندنا انا اتعرفت على ايطاليين ودلوني على اسواقهم الرخيصة وفيها اشياء روعة وتهبل بعد .. اول شي شارع اسمه ماركو انا كان قريب من فندقي بس اتوقع اللي يبي يروح للسوق ياخذ با ص من تيرمني لهانك اتوقع باص رقم 611 . وفيه اماكن ثانية بس والله ما عرفت الاسماء حقتها .. لقيت البنطلون عندهم بما يعادل 10 ريال وتي شيرتات بما يعادل 20 ريال وتكون مرة حلوة وقماشتها ممتازة بس سوق ماركوني كبير وعلى الناحيتين محلات . هذي صور للمحلات وفيه صورة مكتوب 99 يورو يعني الحين هذا عرض خاص والمفروض لما تشوفه يعني تقول رخيص 99 يورو يعني 500 ريال تقريبا



13- ساحة نافونا ساحة حلوة والجلسات فيها تهبل .. اجلس بأي مقهى واطلب متوسط الطلبات للشخص 10 يورو مثلا ايس كريم او اناناس مثلا ما انا طلبت .. الاناناس عندهم في ايطاليا زي السكر طعمه يجنن .. . بالمناسبة احنا جلسنا هناك عشان الله يكرمكم كنا نبي دورة المياه وجلسنا بالمقهى عشان هذا السبب ولكن الايس كريم والاناناس والقهوة والجلسة نفسها كانت روعة .
الساحة طويلة وفيها ناس يبيعوا بضايع مقلدة وغالية اصحكم تشتروا موجودة نفس الاشياء المقلدة في سوق وشيقر وعويس وطيبة .. وبعدين الشنطة عندنا ب 15 او 30 ريال تشتريها هناك ب 50 ريال .. ونصابين بالحيل تقول كم هذا يقول 35 يورو تقوم تمشي يجيك يقول خذيها 20 يورو خذيها 15 يورو وفجأة بقدرة الله من كثر ما يلح رح تشتريها وتلاقي الشنطة لفها في كيس وصارت بيدك .. لزقة تراهم بقوة صوماليين وصينين يبيعوا هناك وفي ناس رح تلاقيهم يكتبوا الاسماء بالصيني وفي واحد يسوي الاسماء بالحديد انا شجعتهم عشانهم مسلمين وشريت هدايا وكذا .

صور من ساحة نافونا والمقهى الذي جلسنا به وبعض المشتروات




15. طبعا لما توصل الجوال رح يقولك مرحبا بك في ايطاليا ويعطيك رقم الخطوط السعودية والسفارة غلط .. عشان كذا خذ رقم الهاتف 06844851







18- لو كنت تبي توفر الدخولية لحديقة الحيوانات فيه مواقف السيارات برة فيها مدخل للحديقة جنب البوابة اللي تدخل منها انا لو ادري كان دخلت منه والله ضاعت الفلوس في الدخوليات ..




فعلا العرب ممتازون في كثير من الاحيان

لكن اياك واياك من الثقه الزائده

9- بالنسبه للسوق ابو اسعار رخبصه فلك كل الشكر على هذه المعلومات .

13- فعلا ساحه في غاية الروعه وجزاك الله الف خير على تشجيع المسلمين.

15- نصيحه في غاية الروعه.

18- كل دقه بتعليمه :101:

مواضيع عشوائيه ممكن تكون تعجبك اخترناها لك: