الموضوع: فزعتكم أحبتي وش الحل ما فيه حجوزات؟

السلام عليكم..
كل عام وانتم بخير..أحبتي هل هناك خيار آخر لمن لم يجد حجز للذهاب الى سوريا؟وش الحل؟
ماودي يضيع الأسبوع الجاي هدر..
ممكن الله يوفقكم شرح مفصل بالمسافات للطريق البري من الرياض..
تقبل الله منا ومنكم صالح الأعمال..

مواضيع عشوائيه ممكن تكون تعجبك اخترناها لك:

• سوريا تنظم حملة خليجية للترويج لمعالمها السياحية
• ممكن رد عاجل
• بـرج حمـص الحصيـن وجـامـع الأربعيـن ؟
• آستفسـآر بخصوص الآنترنتُ
• الخطوط من جدة الى القريات مقفلة
• فنادق حلب
• الاتصال من سوريا لأمريكا على الأرضي
• رحلات سياحية من دمشق إلى تركيا
• من سيسافر عن طريق جمرك الحديثة عليه التأكد من هذا القرار الجديد ؟
• كيف الوضع؟
• وصلت بحمد الله الى بلاد الشام
• الأخبار السياحية والاقتصادية محدث يومي
• طريق مختصر للوصول الى سوريا عن طريق الاردن
• ما جرى بيني وبين موظف السفارة
• أستفتاء خاص بالبوابه السوريه
• صور من سوق الحميدية
• وشلون اروح لسوريا
• مطعم ومقهى المدينة في حمص
• عندى مشغل ومحتاجة كوفيرة سورية
• عندكم محل حلويات أسمه أبو العرب حيدر

الله يفرج همك يارب ورحلة موفقة ان شاالله احد الاخوان يكون مشى هالطريق ويفيدك كان ودي اخدمك بس خبرتي المدينة - تبوك - أو المدينة القريات
لك كل التقدير

نصيحة رح بر

وإذا كان معك شباب يا سلام

بيتعبك طريق طبرجل والقريات والباقي يعني يمشي الحال

خيووو sarisari
يا هلا ومرحبا فيك
وما فيه احلى وامتع من السفر يالسيارة صحيح المسافة بعيدة والمشوار طويل
بس اذا معك خوياء راح تنبسطون مع بعض ومع السوالف يضيع هم المشوار
من الرياض الى القصيم 320 كم
القصيم الى حائل 240 كم
حائل الى الجوف 330 كم
ومن مفرق الجوف الى جمرك الحديثة اكثر من 300 كم
ومن الحديثة الى جمرك نصيب 180 كم
ومن الحدود للشام 100 كم
بس قبل تطلع من حائل فلل السيارة بنزين وخذ ما تحتاجه من اكل وماء وغيره
لأن هالطريق من حائل لمفرق الجوف ما عليه ولا محطة يعني مقطعة
وما فيه غير بقالة صغيرة ويمكن تلاقيها مقفلة او ما عنده اللي تبي
وانتبه من هالطريق لأنه الى الآن لم ينتهي ولم يفتتح رسمي يعني العالم هي اللي فتحته
والأفضل انك تمشي عليه بالنهار
وقبل تطلع من الحديثة بعد فلل سيارتك بنزين
واذا دخلت الحدود الأردنية لا تسرع لأنه فيه نقاط تفتيش ورادار سرعة والمخالفة بدك تدفعها فوري وعندهم
واذا ما معك فلوس اردنية راح يأخذ اوراقك ويقول لك روح اصرف وتعال سدد
لذلك لا تمشي اكثر من 90 كم
واتمنى لك سفرة ممتعة وموفقة

ما قصرت بالذيب
ان اشهد انك ذيييييييييييييييييييييييب

80 أحسن

وتراهم نشبه ينشبون

تخيل وقفونا وقالوا معكم شراب قلت يالله صباح خير تونا داخلين

المشاركة الأصلية كتبت بواسطة الذيب الشمالي
http://www.arabtravelersforum.com/tr...7/#post2373307

خيووو sarisari
يا هلا ومرحبا فيك
وما فيه احلى وامتع من السفر يالسيارة صحيح المسافة بعيدة والمشوار طويل
بس اذا معك خوياء راح تنبسطون مع بعض ومع السوالف يضيع هم المشوار
من الرياض الى القصيم 320 كم
القصيم الى حائل 240 كم
حائل الى الجوف 330 كم
ومن مفرق الجوف الى جمرك الحديثة اكثر من 300 كم
ومن الحديثة الى جمرك نصيب 180 كم
ومن الحدود للشام 100 كم
بس قبل تطلع من حائل فلل السيارة بنزين وخذ ما تحتاجه من اكل وماء وغيره
لأن هالطريق من حائل لمفرق الجوف ما عليه ولا محطة يعني مقطعة
وما فيه غير بقالة صغيرة ويمكن تلاقيها مقفلة او ما عنده اللي تبي
وانتبه من هالطريق لأنه الى الآن لم ينتهي ولم يفتتح رسمي يعني العالم هي اللي فتحته
والأفضل انك تمشي عليه بالنهار
وقبل تطلع من الحديثة بعد فلل سيارتك بنزين
واذا دخلت الحدود الأردنية لا تسرع لأنه فيه نقاط تفتيش ورادار سرعة والمخالفة بدك تدفعها فوري وعندهم
واذا ما معك فلوس اردنية راح يأخذ اوراقك ويقول لك روح اصرف وتعال سدد
لذلك لا تمشي اكثر من 90 كم
واتمنى لك سفرة ممتعة وموفقة



والله انك ذيب وما قصرت

يعطيك العافيه

الله يوفقكم يالنشاما...بيض الله وجيهكم...
طيب اخر طلب لاهنتم..وين تنصحون السكن...فندق او شقق...ترانا اول مره نطب الديره...
الله يوفقكم جميعا...لكل خير.

أكيد شقة أو خذوا بيت (فله صغيرة بحوشها وحارسها ومسبحها)

ونصيحتي أسكن ببلودان ورح للي تبي

السعر 2000 ليرة تقريباً لا تزود عن 3000 ليرة


فيه مكتب العامل الي فيه رهيب مرة بس إذا سويتوا عقد قل كل 4 أيام بجدد ويكون العقد ضمن الإيجار لا تعطونه حق العقد سو نفسك جيت لسوريا 200 مرة مكان المكتب إذا جاك مفرق الزبداني تحت وبلودان فوق (يعني الزبداني سيده وبلودان يمين) {شكله زي راس المثلث} تلقى 5 محلات على اليسار بقالة ومحل بلاط ومكتب عقاري ومدري وش أدخل المكتب بتلقى واحد له عارض أستأجر من عنده

الله يوفقك اخوي من جد...طيب النيه بعون الله بالطائره...الى مطار دمشق...وش رايكم؟

المشاركة الأصلية كتبت بواسطة sarisari
http://www.arabtravelersforum.com/tr...4/#post2376024

الله يوفقك اخوي من جد...طيب النيه بعون الله بالطائره...الى مطار دمشق...وش رايكم؟




تسلم يا بوي

الطائرة راحة بس حاول تستأجر سيارة عشان ترتاح من هم التكاسي وخاصةفي أماكن ما تلقى فيها تكاسي (الأماكن ماني قايل وشهي)

إيجار السيارة باليوم غالي شوي بس يهون مع راحة البال

نسيت أقولك أنتبه من مساكن برزة:112:

وأسكن ببلودان حلووووووة

الأخ الذيب
:24::24::24::24::24::24::24:

ماشاء الله عليك

وبالتوفيق ،،،