وعليك السلام ورحمة الله
خيووو VOLCANO_KSA
بالنسبة للفندق ما اقدر افيدك بشيء لأني صار لي مدة ما سكنت في فندق ومطلقهن بالثلاث :109:
لكن هذا رابط الفندق ادخل وشوف وش عندهم


http://www.carltonhotel-syria.com/home.htm


ايضا مكتب الصفا ما اقدر افيدك عنه إلا اني اعرف انه مشهور بين الناس وخاصة لزوار حي السيدة زينب
وفيه احد الإخوان اعطانا معلومة انه كويس ومدحه لك
وانت اذا وصلت على خير اجلس بفندق كارلتون ليلة اذا اعجبك كمل الليلة الثانية او غيره
وبالنسبة لفندق السيدة زينب اعتقد انه 5 نجوم وما راح يضحكون او يلعبون عليك بالحجز يمكن هذي طريقتهم
لكن انت بعد ما توصل للشام لابد انك تروح لفندق السيدة وتتأكد من حجزك
وبالنسبة لدمشق فيها اماكن كثيرة تستحق الزيارة وتحتاج إلى اسابيع عشان تقدر تلف وتمر على هالأماكن
واذا تبي تتعرف اكثر على اهم وافضل الأماكن في دمشق ميل على هالموضوع


http://www.arabtravelersforum.com/travel176098/


اما المطاعم افضلها
الكمال .. بوابة دمشق .. الميدان زمان .. الصحي .. القرية .. .. قصر النبلاء .. مروش .. ست الشام
مطاعم دمشق القديمة
الخوالي .. بيت جبري .. بيت جدي .. قصر الأمويين .. دمشق القديمة
بالإضافة إلى بعض مطاعم الربوة مثل توشكا والعجلوني
وهذي ثلاث مطاعم مميزة بأكلها الطيب وقدمها
أبوالخير ويقع مقابل جامع الدرويشيه
أبوالعز بجانب الجامع الأموي في الحميدية
سحلول بساحة المرج
وبالنسبة افضل الأأسواق
عندك سوق الحمراء وسوق الحريقة والشعلان وبعض المحلات في باب توما
اما الحميدية خلوه زيارة وتمشية ومرور على المسجد الأموي وميلوا على بوظة بكداش او دمشق ولا تنسوا عصير التوت بآخر السوق
لكن ما انصحكم تشترون منه شيء لأنهم غالين ونفس بضاعتهم موجودة بأسواق ثانية وارخص
وهذي اسواق ومولات جديدة
شام سيتي سنتر
و يقع هذا المجمع في كفر سوسة
مجمع تاون سنتر
على طريق اوتستراد درعا
سيتي مول
يقع في المزة بين مزة الجبل ومزة الأوتستراد
ومثل ما قال اخوي اشرف
فيه الزبداني وبلودان ما هن بعيدات عن الشام
وبالنسبة للصرف احد الإخوان اعطانا قيمة الصرف
واتمنى لك رحلة سعيدة وممتعة

مواضيع عشوائيه ممكن تكون تعجبك اخترناها لك: