الموضوع: اريد برنامج سياحي لمدة ايام لقطر

السلام عليكم والرحمة ياجماعة..انا داخلة بمعرف زوووجي وابغا برنامج سياحي طبعا الوصول يوم الجمعة 23_1__1434الرياض قطر ..
الفنادق... اماكن سياحية...الحدائق لان معاي اطفال ثنين.. وافضل الاسواق اللي تستحق الزيارة. ولكم جزيل الشكر.

مواضيع عشوائيه ممكن تكون تعجبك اخترناها لك:

• بنات قطر الغاليات
• للأخوة القطريين ممكن رقم وكالة تويوتا
• جاي قطر بعيد الاضحى وعندي استفسارين
• اهالي قطر الطيبين والخبراء الحلوين ا ستفسار بسيط
• قطر يا أهل قطر
• عددة اسأله لاهل قطر ووللي سافروا برا من الرياض لقطر
• إلى كل الأحبة بلا استثناءالرجاء الدخول
• معرض الأعراس وعروض الأزياء ينطلق مايو
• استفسار مهم جدا جدا
• الفزعة ياهل قطر
• منتجع جراند حياة الدوحة بالصور
• برج الصفا للشقق الفندقية يستعد لدخول السوق القطري
• استفسار يا اهل الدوحة
• اريد برنامج زيارة لمده يومين
• اخواني القطريين بصراحة انصدمت
• هل مسموح بالصلاة على الطائرة التابعة للخطوط الجوية القطرية؟
• محتاج للمساعدة ضرورى
• أبي إفادتكم بأسرع وقت أخواني الكرام أبزور قطر نهاية الإسبوع بس معي رضيعه بدون جواز
• المجلس القطري يضئ ليالي رمضان بفندق فريج شرق
• ابي شقه غرفتين وصاله فقطر ؟

اهلين فيك اختي
اول شي تنورينا

وثاني شي انا عندي اعتقاد ان اجهل ناس في البلد هم اهلها لانهم ما يسون سياحه فيها

اول شي ان شالله معاكم سيارة ؟

بالنبسة للفنادق : تقدرين تشيكين عليها من موقع بوكينج وانا ارشح لك هالفندق من ناحية سعره و اناقته وموقعه K108 Hotel Doha سعر الليلة فيه 394 واذا تبين شي غالي وفخم ورفاهية قولي لي بعد وبطلع لك .

بالنسبة للاماكن السياحية راح اقولك الاماكن الي جنب الفندق هذا :
1/ الكورنيش
2/ المتحف الاسلامي
3/ سوق واقف ( سوق شعبي + مطاعم + مقاهي اجوا حلوه نهار وليل حلو تروحين تفطرين فيها او تتعشين فيه و تتسوقين منه الاشيا المميزه الي موجوده في قطر)
ونصيحة اذا رحتي محلات البهارات اطلبي شي اسمه ( زرشك) هذا مافي منه عندكم اعتقد هو عباره عن رمان صغار تعطينه فوق الرز مثل الصنوبر له طعم حلو و يعطي نكه وغريب حلو تقولين لضيوفك انه من قطر *_-

أماكن سياحية أخرى :
1/ كتارا ( الحي الثاقفي) اطلالة جميله ع البحر و مطاعم و مقاهي افضل المطاعم (ماميك والمطعم البحري لوزار) و مري ع محل كرك وجباتي احنا مشهورين في هالشي
هذا موقع كتارا بالعربي فيه كل شي عنه وتابعي الفعاليات يمكن يعجبك شي وتحبين تحضرينه http://www.katara.net/arabic/
2/ اللولوه جنب كتارا اطلاله ع البحر قوارب او تكسي بحري و محلات عالمية ومقاهي ومطاعم .

كتارا والولوه جنب بعض بس انا ما انصح ينراح لهم في يوم واحد لانهم تقريبا نفس الاجوا

الاسواق :
1/ الستي سنتر مجمع كبير جدا و متعب شوي ومافي محلات مميزه وانا شخصيا اذا جوني ضيوف ما اوديهم له الا اذا تبين تلعبين الصغار فيه فوق العاب لهم .
2/الاند مارك المجمع المفضل لدى الغالبيه لمساحته المتاسبه في التسوق و تنوع المحلات والمطاعم وفي منطفه لالعاب الاطفال
3/ فيلاجيو احلى مجمع من ناحية التصميم و اغلب الماركات العالمية تلاقينها في قسم الماركات وفيه العاب للاطفال راح تكون ممتعه لهم بيعجبك جدا ن شالله

الحدائق:
حديقة سباير : جنب فيلاجيو اضخم و اجمل حديقة في قطر حلو تطلعين تقعدين فيها بعد العصر وقهوه وشاي او مشي .

شلون ترتبين الاربع ايام

اختاري الظهر مجمع و العصر والليل اماكن مفتوحه .
مراح تنزعجين من اي ترتيب لاماكن جنب بعض واطول مشوار 20 دقيقه
حاولي تطلعين قبل 12 الظهر عشان زحمة الدوامات والمدارس من 12 الى 2:30 تقريبا زحمه زحمه


واذا تبين اي استفسار انا موجوده وحياكم الله

المحترمة / Jawahar _ Qatar
أشكرك على هذه الإفادة الرائعة والمتكاملة ولا تحرمينا من إبداعاتك القادمة
دمتي بحفظ الرحمن

حرم الأستاذ / صالح السلامة
إليكِ رابط المواقع والأماكن التي تستحق الزيارة على الخارطة ( https://maps.google.com.sa/maps/ms?m...ee2396d5&msa=0 )
وتروحون وترجعون بالسلامة

المشاركة الأصلية كتبت بواسطة ســـــعـود
http://www.arabtravelersforum.com/tr...5/#post7425463

المحترمة / Jawahar _ Qatar
أشكرك على هذه الإفادة الرائعة والمتكاملة ولا تحرمينا من إبداعاتك القادمة
دمتي بحفظ الرحمن

العفو .. واجبنا

مشكورة اختي جواهر.وماقصرت اخوي سعود. الله يعطيكم الف عافية.