الموضوع: فزعتكم لاول سفره لي لماليزيا

السلام عليكم

حابه ازور ماليزيا انا وزوجي لتجديد شهر العسل

لمدة عشره ايام في شهر نوفمبر بس بعدنا مانحجز
ادري اتخرنا مفروض نحجز قبل
لان كنا مترددين وين نسافر واستقرينا على ماليزيا الساحره

الهدف من السفر تجديد شهر العسل وحابين تكون السفر للاستمتاع بالطبيعه فقط بعيد عن الازدحام والصخب والسوق والمتاحف يعني خضره وبحر وشلالات وهدووؤ

وياريت مايكون فيه تنقلات واجد يعني لو كانو جزيرتين متشابهين نزور للافضل مولازم نزورهم ثنتينهم

وحبيت اسال هل ميزانية 13 الف كافيه لو نزود

ماعليه سالت واجد اسمحولي
بس اني شفت كيف تجاوبكم ويا استفسار الاعضاء وهدا اللي شجعني اخد راحتي في الاسئله

مواضيع عشوائيه ممكن تكون تعجبك اخترناها لك:

• برنامج سياحي بماليزيا لمدة 14 يوم لعائلة 2 كبار وطفل 2017 مع الهدايا
• رقم الحجز اير اسيا
• تكون محتاج مشورتكم بخصوص السفر برفقة الأطفال
• {مدينة كوالالمبور} اهم المعالم السياحية فيها
• استفسار عن اتمام الحجز طيران اير اسيا؟
• سؤال بسييييط قبل السفر
• السعودية إير لآين
• استفسار بخصوص التنقل داخل كوالالمبور
• عروووض طيران الامارات
• أفتونا مأجورين
• فندق دورست ريجنسي والاطفال محتاج مساعدتكم ضروري
• يا أهل الخبرة أحتاج مساعدتكم ورأيكم في جدولي
• الحمدلله اخترت واستخرت ابي رايكم
• أرجوا المساعدة أول مرة أسافر الى ماليزيا
• استفسار وارجوا الافادة
• شهر العسل
• أرجو المساعدة في رحلتي لشهر العسل
• الوزن الزائد في الطيران الداخلي الماليزي
• وش رايكم في القطار ؟؟
• استفسار رحلة ماليزيا سنغافورة بالنسبة للصرف

هلا أختنا الكريمة ...

أسأل الله لكم التوفيق في الدنيا والآخرة

طبعا أول وأهم خطوة ... حجز الطيران الدولي ... وكل اللي بعده سهل

والأفضل تكون الرحلة ( 10 أيام ) صافية من غير يومي السفر

وهذا التقسيم الأجمل :

يومين سلانجور ...

أربعة أيام لنكاوي ...

ثلاثة أيام كوالا ...

يوم البورت ديكسيون ...

ملاحظات :

* التنقل بين هذه المناطق ( سهل ) .... ومن أسهل مايكون

* الجدول ( رااايق ) ... وبأذن الله يعجبكم

* الفنادق حسب الميزانية عندكم ... كم يناسبكم ... وأحنا نرشح لكم

http://img692.imageshack.us/i/52271078n.png/

شكرا لك اخي وافي
وان شاء الله بتبع الجدول اللي حطيته معنى فيه اربع مدن واني حاطه في بالي ثنتين او وحدها لان ما شاء الله انت موسوعه واخ المغادرون 77 على ما اعتقد
عندكم خبره كبيره

وايهم الافضل الاخطوط السعوديه ام الماليزيا ؟


وطرق التنقل بين المدن المذكوره كيف
بالعاده اشوفك تكتب
بس اني ماحفضتهم الاني احس بعدني مشتته

وان شاء الله زي ماقلت يكون رايق
الميزانيه بحود 13 الف وادا موكافيه مافي مشكله نزيدها

هلا أختي الكريمة ...

طبعا الأفضل هي الخطوط الماليزية ثم القطرية والإماراتية ثم السعودية

وبخصوص الجدول فهو ( سهل ) ... رغم أن المدن أربع ...

لأنها كلها بجوار بعض ... والمسافة بينهم قريبة

* من المطار إلى سلانجور ( تاكسي 35 دقيقة )

* من سلانجور إلى لنكاوي ( طيران 50 دقيقة )

* من لنكاوي إلى كوالا ( طيران 50 دقيقة )

* من كوالا إلى البورديكسيون ( تاكسي ساعتين )

* من البورت ديكسيون إلى المطار ( تاكسي 50 دقيقة )

وعندك حل ... تقدرين تحذفين ( البورت ديكسيون ) وتخلين هاليوم في كوالا

وبخصوص الفنادق ... أرشح لك التالي :

سلانجور ( بيراميد ) ... لنكاوي ( فوربوينت شيراتون ) ... كوالا ( دورسيت ريجنسي )

وطبعا لو تحجزين من النت ... بأذن الله تكفيكم ( 13000 ريال ) لكل تكاليف الرحلة

أنتي بس ( أحجزي ) الطيران الدولي ... وتعالي هنا ... نحجز مع بعض الفنادق والطيران الداخلي

وصدقيني وأنا أخوكِ :

كل العالم تحجز من النت .... بكل سهولة ... وبساطة ..

وأحنا معكم خطوة بخطوة بأذن الله ... لاتشيلي هم أبد

http://img337.imageshack.us/i/20188505.png/

كتبت
فابدعت

وأنت بطيبتك ...

( أجبرت ) وافي ... يحبك

http://img545.imageshack.us/i/49225171.png/

السلام عليكم
اول ببدا بالخطوط
علما بان الرحله ناوين ان شاء الله الانطلاق 4/11 والوصول 13/11
دخلت على الخطوط الماليزيه ما شفت حجز وسعر الخطوط السعوديه تقريبا نفس القطريه والقطريه يوكن فيها ترانزيت

وبسال كيف الجو في هالوقت برد ؟
يعني ينفع نلعب في الالعاب المائيه ؟
وبسال عن المايوه الاسلامي
كيف شكله ( ادا ممكن صوره له )ومن وين اقدر اشتريه من الشرقيه

والحين بكون الجدوال
يومين سلانجور
4 ايام لنكاوي
2 ايام كوالا
الايام اصبحت ثمانيه لضروف الاجازه
وكون هدفنا الاسترخاء والتمتع بالطبيعه الجميله كان لنكاوي النصيب الاكبر
يعني ابداء كيف
المطار..... لسنلانجور (بتكسي 35 دقيقه)
سلانجور..... لنكاوي (طيران 50 دقيقه)
لنكاوي...... لكوالا (طيران 50 دقيقه)

ووبالنسبه للفنادق بكون فيه مسبح خاص

كولا... لارض الوطن

هلا أختنا الكريمة ..
تفضلي توجيهاتي ... وتعليماتي ... على شكل نقاط مهمة

* الأفضل تحجزين على السعودية ( طالما ) هي دايركت ... ومافيها ترانزيت

* هذه الفنادق الأجمل ... في سلانجور ( صن واي القون ) ... وفي لنكاوي ( شيراتون ) ... وفي كوالا ( ماريوت )

* تنقلاتك ( صح ) ... والمسافة ( صح ) ... هي التنقلات الأسهل

* بخصوص الأسئلة الباقية ... تجدينها في هذا الموضوع المميز للأخوات ...

http://www.arabtravelersforum.com/travel675157/

http://img715.imageshack.us/i/96915377.png/

شكرا لك اخي وافي

بخصوص فندق لنكاوي في تقرير احد الاعضاء دكر انه ندم يوم حجز فيه معنى توه قبل سنه نازل فيه

وش رايك في وستن او اندمان

هلا أختي الكريمة ...

ذاك فندق ( فوربوينت شيراتون )

أما الشيراتون فهو فندق عالمي ... وله أسمه ومكانته ...

وإذا تبين التغيير ... أرشح لك ( فندق آندمان ) ... وهذا تقريري عنه

http://www.arabtravelersforum.com/travel692623/

طبعا الأندمان ( حده يومين ) ... واليومين الباقية شوفي ( الويستن )


http://img715.imageshack.us/i/96915377.png/

اي ما ركزت في الاسم كامل

يومين وستن ويومين اندمان
بتكون احلى ان نجرب الاثنين

شكرا لك

أيه نعم

كما ذكرت لك ... يومين أندمان + يومين الويستن ...

وبأذن الله تعالى ... راح تكون ذكرى ... لاتنسى

http://img715.imageshack.us/i/96915377.png/