الموضوع: العرب المسافرون دواء لكل اللي مايعرفون وينكم

السلام عليكم ورحمة الله وبركااته ..
صباح/مساء السعادة
في البدايه الف شكر لكل القائمين على هذا الموقع ..
ومن النهايه اخوكم فالله مسكت معه يسافر ماليزيا لأول مرة والمشكله
طرت السفريه وحجزت أمس عن طريق الخطوط السعوديه لي ولزوجتي والرحله بتكون الاسبوع الجاي بتاريخ 18 سبتمبر وموعد الوصول هو اليوم الثاني ظهرا يعني خربتها خخخخخ والعوده بتارخ 1 أكتوبر
وجيتكم طاير ادور الفزعة بحكم ضيق الوقت الله لايضيق علينا فريت فالمنتدى وحصلت المفيد ولكن المخ تشتت
ولا عاد أدري وين أعطي

مواضيع عشوائيه ممكن تكون تعجبك اخترناها لك:

• عريس جديد يبي يسافر لماليزيا اقترحاتكم وأرائكم تهمني ،،
• استشارتكم بتوقيت الحجز لرحلتي
• سفري الى ماليزيا قريب ومحتاج فزعتكم يا خبراء ماليزيا
• استفسار عن حجز غير مسترد
• استفسار عن شرائح الاتصالات
• رايكم في هذه الفنادق ابحجز بكره رايكم وابتوكل على الله
• استفسار عن اجواء ماليزيا خلال الشهر القادم
• خطــــطت الجدول عطونــي رأيــكم ياحلــويــــــن
• شهر العسل في يناير
• من واقع التجربة طيران فاير فلاي
• مساعده لترتيب رحله
• فزعتكم بأحلى شهر عسل
• طامع في نصائحكم ياأخوان
• نكبة في طيران اير آسيا خانة اضافة الرضيع غير مفعلة ؟
• بسبة للفلوس فارجوا المساعدة
• ارجو مساعدتكم
• جنتق هاي لاند
• عاجل للمتواجدون حاليا في ماليزيا
• فندق Impiana KLCC Hotel
• افيدوني بخصوص السفر الى لنكاوي

ياهلا فيك مليون ومايكفون


سيلانقور - لنكاوي - بينانق - كوالا ومنها يوم لجنتنق

لاتحرم نفسك من لنكاوي ولا من بينانق لان كل مدينه لها وضعها ولها اسلوبها


انا في بينانق حاليا انتظر الباص رايح لكوالا ياهي اجواء في ماليزيا جنااان روعه

عز الله انك بتنبسط

التنقلات انا رحت من سيلانقور الى لنكاوي عن طريق اير اسيا

ومن لنكاوي الى بينانق برضو اير اسيا


والحين من بينانق الى كوالا بباص ايرولاين vip


بالنسبة لسيلانقور انصحك تسكن بالبراميد لان لو رحت فندق ثاني لازم تكسي لكل تنقلاتك والتاكسي غالي في هالديرة

واما المدن الثانية التكاسي بالهبل ورخيصه وبالاتفاق بالساعه




الفنادق اللي سكنت فيها كلها ممتازة واسعارها معقولة

فندق البراميد سيلانقور

فندق فور بوبيت لنكاوي

فندق بارك رويال او هوليدي ان بينانق لانها جنب بعض واحسه افضل مكان


فندق دورست ريجنسي كوالا


وبالتوفيق وعسى يكتب لك سفره سعيدة اقوى شي من الموبايل

يامراحب فيك يامبارك وعسى ربي يبارك لك في حياتك ويوفقك

كم تكلفة التنقل ..؟
1- من سيلانقور الى لنكاوي عن طريق اير اسيا
2- ومن لنكاوي الى بينانق برضو اير اسيا
3- من بينانق الى كوالا بباص ايرولاين vip

وماهي افضل طريقة لتقسيم الايام ع المناطق .؟

واسعار السكن يامبارك كيف بحكم انك في ماليزيا الحين عسى ربي يهنيك بالرحله وييسرها معك
وانا ماعندي بطاقة فيزا عشان احجز عن طريق النت
ومامعي الا عن طريق المكاتب السياحيه الا اذا تشوفون احجز لمن اروح هناك

وينكم ياعربنا المسافرون

افااا ياعشااق ماليزيا

ياهلا بك ... ومرحبابك ... يالحبيب

عندك ياغلاهم ( 12 يوم ) صافي ... من غير يومي الذهاب والعودة

وهذا الجدول الأجمل بصراحة

يومين سلانجور ... فندق البيراميد

ثلاثة أيام لنكاوي ... فندق البلانجي بيتش

ثلاثة أيام بينانغ ... فندق البارك رويال

أربعة أيام كوالا ... فندق الرويال شولان

طريقة التنقلات بين المدن :

* من سلانجور إلى لنكاوي ... طيران air asia والمسافة ( 50 دقيقة )

* من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )

* من بينانغ إلى كوالا ... الباص ( نايس ) بسعر ( 74 رنقت ) والمسافة أربع ساعات ..

توجيهات "

* أنصحك تحجز من النت ... وراح توفر كثير بأذن الله

* سعر تذكرة الطيران للشخص ( 160 رنقت ) من النت ... وطبعا من المكتب ( دبل )

http://img827.imageshack.us/i/85087785.png/

هلابك يالمستعجل

ياخوي ترى النت سهل جدااا طلع الفيزا او شوف احد من اقاربك معه فيزا واحجز منها ترى الموضوووع سهل جدا

تحجز كل شي وانت جالس على الجهااز من الألف إلى الياء وبسهوله ماتتصورها

لان المكاتب للاسف راح تعطيك بكج غاليه كثير

هلا والله يالوافي

توزيعك للايام مميز مثلك واعجبني كثيير وان شاء الله هو المعتمد
وش رايك لو سحبت يومين من ايام كوالا واضفت جنتنق أو يوم واحد أم اكتفي بزيارتها من كوالا والعودة بنفس اليوم
وشلون احصل على ارقام سائقين ثقه

ومثل ماقلت الحجز عن طريق اسهل وافضل ولكن ماعندي فيزا وبحاول اطلب اذا هم بيعطوني بدري
لأن الوقت ضيق والرحله جت مستعجله وبتكون الثلاثاء بمشيئة الله

ولو حجزت اول يومين عن طريق المكاتب السياحيه وباقي الايام احجزها لمن اوصل هناك من المطار
هل احصل على اسعار مناسبة ولا لا

والف شكر لك ياوافي الوافي ياوفي

هلابك ياخوي

انت تبع اي بنك..!؟

يالغالي فيه بنوك عندهم بطاقة فيزا مسبقة الدفع موب اللي خبرك

تعني تكون فاضيه مافيها رصيد وانت تحول لها من رصيدك الجاري المبلغ اللي تبي ورسوومها رخيصه مرره حتى فيه عروض عليها من بعض البنوك مجانيه

انصحك فيها انا بعد مثلك عندي فوبيا فيزا

وبعطيك معلومه حتى لو اخذت فيزا من احد اصدقائك او اهلك وتكون حجوزاتك كلها مسترده ترى ماراح يسحبون الفنادق منها اي مبلغ إلا لما تجيهم
يخيرونك بين انهم يسحبون المبلغ من الفيزا او تعطيهم كاااش

يعني الدعوه بسهوله جدا
اعرف الراجحي والاهلي عندهم بطاقات مسبقة الدفع يعني تحط فيها الرصيد بكيفك

الله يعطيكم العافية وماقصرتوا بس أبي أعرف أسعار التذاكر من:

1-سعر التذكرة من سيلانقور الى لنكاوي
2-سعر التذكرة من لنكاوي الى بياننغ
3-تكلفة الباص من بياننغ الى كوالا
4-تكلفة التاكسي من كوالا الى جنتنق