السلام عليكم و رحمة الله وبركاته
وعليكم السلام ورحمة الله وبركاته
و كل عام و انتم طيبين و الله يجعلنا و اياكم من المقبولين يارب
وأنت بخير وصحه وسعادة - أمين يارب
عندي كم سؤال بحكم انه راح تكون زيارتي الاولى للدوحة
تفضل بجاوبك بالي أعرفه وأعذرني على القصور
1/ المصروف اليومي في الدوحة لعائلة من انا و زوجتي و طفلين صغار
المصروف في كل مكان بالعالم يختلف من شخص لأخر مثلاً في ناس تحب تأكل بالمطاعم الى مش موجودة عندها ببلدها وفي ناس لا تحب تأكل من ماكدونالدز وكنتاكي وطبعاً الاسعار تختلف وبيختلف المصرف أكيد . المطاعم الامريكية السريعة أسعارهم نفسنا أما المطاعم الثانية فنوعاً ما غالية .
تقريباً أنت وزوجتك وطفلين تمشي و أكل ولعب أطفال بالملاهي يومياً 250ريال
2/ سعر ايجار السيارات من المطار و سعر البنزين لليوم الواحد
الايجار ماعندي علم لأن عمري مأجرت البانزين دبل سعره بالمملكة تقريباً
3/ هل يوجد ساهر وكاميرات مراقبة للسرعة
نعم يوجد بالطرق السريعة وبغض النظر أنصحك لاتستعجل
4/ افضل فندق من ناحية الموقع يفضل يكون 4 او 5 نجوم يكون قريب من الاماكن السياحية و المولات
فندق رمادا أنكور مرتب وحلو وسعره معقول وقريب من سوق واقف .
أخوي لا تشيل هم كل شي بقطر قريب من بعض بس أنصحك يكون معك ماجلان يوفر عليك الوقت
5/ كم يوم تكفي في الدوحة
3 أيام أذاكان جدولك منظم تكفي .
مثلاً تقوم الصباح الساعة 9 تفطر وتطلع للمجمعات ( تفتح 10 وتسكر10 ) وترجع للفندق الساعة 2 وتريح شوي وتنام وتطلع مرة ثانية الساعة 5وترجع للفندق الساعة 11 بتستانس وبتشوف أماكن كثيرة حلوة
و شكرااا للجميع
العفو

مواضيع عشوائيه ممكن تكون تعجبك اخترناها لك: