الموضوع: ضروري اسئلة كثيرة اتمنى الجواب عليها

السلام عليكم ورحمة الله وبركاته
بأستفسر عن كم سؤال يدور في بالي ..
1/ هل يسمح بحمل البسكويت والاندومي بحقائب السفر *الي بالشحن*
2/ مطاعم رخيصه في لندن خصوصاَ بشارع الأكسفورد
3/ كم أسعار المياه هناك؟
4/ماهي الأسئله المتوقعه في مطار لندن ؟
5/محلات ملابس رخيصه ؟
6/افضل فئه تكون معي يعني "5،10،50"
7/فلوسي ؟ اخليها بالفيزا ولاكيف؟ ولا ببطاقتي؟
8/الحين اذا صرفت من البنك يأخذون عموله؟ واذا اخذو كم يأخذون ؟ بطاقتي بطاقة الراجحي
9/ الجو في *9 / اغسطس اتوقع رايح يكون 2 العيد* وش راح يكون الجو ؟ برد حر ولاربيع وش الملابس الي اخذها ؟
10/ ابي تقارير غنية جداً ومفيدة في لندن ..

11/ رحلتنا من الرياض الى البحرين الى لندن بأذن الله ، وين راح يقصون البوردينق ..وكيف راح اعرف ان هذا مكاني لختم الجوازات والأسئلة وكذا ؟وين القى شنطي؟

مواضيع عشوائيه ممكن تكون تعجبك اخترناها لك:

• متى تبدأ تخفيضات لندن الحقيقة وكم تخفيضات في السنة لديهم ؟
• التنقل من بورمث الى لندن
• استسفار عن فنادق لندن
• اود الذهاب الى باريس
• التكسي؟
• من جرب هذا الموقع
• ابغى منطقة ريفية مثل الافلام الانجليزية
• اتمنى المساعده بالريف الانجليزي
• حجزت فندق مو نتكالم بسعر مغري من موقع بوكينق
• أسهل طريق بين باريس ولندن
• محلات البنااطيل في لندن
• استفسار عاجل ما هو سعر الكيلو الوزن الزائد في الخطوط السعودية الي بريطانيا
• استفسار هام ارجود الرد عليا
• ارجو المساعدة في حجز القطارات
• عاجل سعر القطار الفين ريال معقوله
• شقه في لندن لشخصين وطفلين
• استفسار عن الباص السياحي ف يلندن
• استفسار بخصوص الأمطار بـلندن ؟؟
• استفسارات اسبوع لندني
• استفسار مهم عن خطوات ومكان تحصيل التاكس فري من مطار هيثرو

المشاركة الأصلية كتبت بواسطة Ja_0
http://www.arabtravelersforum.com/tr...1/#post7937815

السلام عليكم ورحمة الله وبركاته
بأستفسر عن كم سؤال يدور في بالي ..

وعليكم السلام ورحمة الله وبركاته


ابجاوب ع الأسئلة اللي أعرفها وإذا فيه إضافات من أحد الشباب فإننا ما نستغني عنهم
1/ هل يسمح بحمل البسكويت والاندومي بحقائب السفر *الي بالشحن*
يسمح
2/ مطاعم رخيصه في لندن خصوصاَ بشارع الأكسفورد
3/ كم أسعار المياه هناك؟
4/ماهي الأسئله المتوقعه في مطار لندن ؟
تعطيهم الكرت اللي وزعوه عليك في الطيارة وفيه معلومات رحلتكم ورقم جوازك ونوع الفيزا ومكان السكن و.... وبعض الأحيان يسألونك كم بتجلس في بريطانيا ويين بتروح و....
5/محلات ملابس رخيصه ؟
6/افضل فئه تكون معي يعني "5،10،50"
أفضل فئة 5 و 10
7/فلوسي ؟ اخليها بالفيزا ولاكيف؟ ولا ببطاقتي؟
توزع بين الفيزا والكاش وبطاقة الصراف احتياطا
8/الحين اذا صرفت من البنك يأخذون عموله؟ واذا اخذو كم يأخذون ؟ بطاقتي بطاقة الراجحي
نعم يأخذون عمولة ومقدار العمولة ثابت سواء سحبت باوند أو أكثر إذا بغيت تسحب من الصراف قدر المبلغ اللي يكفيك لفترة طويلة علشان ما تسحب كل شوي ويصير على كل عملية عمولة والافضل تسأل البنك عن العمولة وتمرهم قبل السفر علشان لو يحتاجون تحديث بيانات منك وأنا بروحتي الأخيرة حولت عن طريق بنك الراجحي اللي في مطار الملك خالد الدولي وأخذت معي باوند علشان أمشي نفسي بها اول ما آصل
9/ الجو في *9 / اغسطس اتوقع رايح يكون 2 العيد* وش راح يكون الجو ؟ برد حر ولاربيع وش الملابس الي اخذها ؟
حسب علمي يفضل الملابس الصيفية مع إحضار مظلة وجاكيت واحد احتياطا
10/ ابي تقارير غنية جداً ومفيدة في لندن ..
يمكنك زيارة قسم التقارير
http://www.arabtravelersforum.com/travelarab129/


11/ رحلتنا من الرياض الى البحرين الى لندن بأذن الله ، وين راح يقصون البوردينق ..وكيف راح اعرف ان هذا مكاني لختم الجوازات والأسئلة وكذا ؟وين القى شنطي؟


البوردينق بتآخذه من الرياض وعادة يصير شامل لرحلة الرياض البحرين وبوردينق ثاني لرحلة البحرين لندن , الشنط تلقائيا بتروح لندن والأفضل تذكيرهم وقت الحصول على البوردينق في الرياض إن الشنط أبغاها في لندن , الشنط بعد نهاية الجوازات في مطار لندن اتبع التعليمات ولوحة Luggage وشوف السير اللي عليه رقم رحلة البحرين لندن , ختم الجوازات بعد دخولك المطار بتصير ماسك سرا وفيه موظف يحددلك رقم الكاونتر اللي يختم لك جوازاتك

وبتحصل بقسم التقارير والاستفسارات إجابات شافية ووافية لكل استفساراتك





ختاما أتمنى أكون أفدتك ولو شيء بسيط


رحلة سعيدة وموفقة بإذن الله

1/ هل يسمح بحمل البسكويت والاندومي بحقائب السفر *الي بالشحن*




ياما وياما اخذت معاي بسكوتات ومعمول وكل شي بس طالما انه مغلف وعليه تاريخ صلاحية لاخوف عليك
وللامانة انا نصابة شوي اكتب لهم بالاستمارة اللي تتتعبى بالطيارة انه ما معي اكل

طبعا في استمارة يعطونك اياها بالطيارة وتعبيها بياناتك وبيانات السكن واذا انه معاك اكل او لا






2/ مطاعم رخيصه في لندن خصوصاَ بشارع الأكسفورد



اممممم بصراحة مادري بالنسبة لي ارخص شي ماكدونالدز





3/ كم أسعار المياه هناك؟



بتلقاه ممكن ب 80 بيني , وممكن باوند وممكن باوند ونص وممكن باوندين وممكن باوندين ونص
يختلف حسب المنطقة والمحل مافيه سعر ثابت ..





4/ماهي الأسئله المتوقعه في مطار لندن ؟



وش سبب الزيارة ؟ وين بتسكن ؟ تعرف احد في بريطانيا ؟
من وين جيت وعلى اي خطوط وممكن يقولون ليش ماجيت عالخطوط السعودية ؟ سبق وسالوني وقلت مالقيت حجز
طبعا تراها اسئلة روتينية يعني مايبون منك شي





5/محلات ملابس رخيصه ؟



6/
بريمارك تقريبا هو الاشهر بإنخفاض الاسعار + تقدر تاخذ تاكس فري





افضل فئه تكون معي يعني "5،10،50"



20 واقل
لان كثير يتضايقون من فئة 50 ولازم يشيكون عليها اذا هي صدق والا تزوير !!





7/فلوسي ؟ اخليها بالفيزا ولاكيف؟ ولا ببطاقتي؟



الفيزا تخلي فيها فلوس الفندق وتزود احتياط
اما بطاقة الصراف اذا فيها الشريحة فانت تقدر تحاسب بالمحلات لكن البنك بياخذ نسبة من كل عملية
وتقدر كمان تصرف من الATM
من رأيي تخلي معاك كاش + فيزا+بطاقة صراف
للاحتياط يعني ,






8/الحين اذا صرفت من البنك يأخذون عموله؟ واذا اخذو كم يأخذون ؟ بطاقتي بطاقة الراجحي



طبعا لازم ياخذون عمولة بس كم بالضبط ماعرف





9/ الجو في *9 / اغسطس اتوقع رايح يكون 2 العيد* وش راح يكون الجو ؟ برد حر ولاربيع وش الملابس الي اخذها ؟



حر بس طبعا مو نفس الحر حقنا
وممكن يقلب الجو يبرد وممكن يجي مطر وممكن هواء يعني توقع كل شي من لندن
بس الاغلب تاخذ لبس صيفي + جاكيت احتياط خصوصا لليل الجو يبرد





10/ ابي تقارير غنية جداً ومفيدة في لندن ..



طب واختار ادخل قسم التقارير وماشالله بتلقى اشياء جميلة وشروحات بتنفعك ان شالله




11/ رحلتنا من الرياض الى البحرين الى لندن بأذن الله ، وين راح يقصون البوردينق ..وكيف راح اعرف ان هذا مكاني لختم الجوازات والأسئلة وكذا ؟وين القى شنطي؟



البوردينق بينقص بالرياض اذا ان رحلتك كونكتد
اما لو الرحلة من الرياض للبحرين منفصله عن رحلة البحرين لندن بتقص كل بوردنق لحاله
اما مكان ختم الجواز والشنط الحق الناس شوف وين يروحون واتبعهم
او اقرا اللوحات الارشادية ..
وانتبه لما تصف مع الناس عند ختم الجوازات تروح من جهة الغير اوربيين
لان الاوربيين لهم مسار خاص وباقي الجنسيات مسار ثاني
والامور تساهيل ان شالله ماراح تضيع ولاتخربط كل شي واضح وقدامك
وبتلقى ناس تدلك لو لا سمح الله ضيعت

وينكم ؟

المشاركة الأصلية كتبت بواسطة Ja_0
http://www.arabtravelersforum.com/tr...1/#post7937815

السلام عليكم ورحمة الله وبركاته
بأستفسر عن كم سؤال يدور في بالي ..
1/ هل يسمح بحمل البسكويت والاندومي بحقائب السفر *الي بالشحن*
أهم شي يكون عليها تاريخ انتاج و تاريخ انتهاء
2/ مطاعم رخيصه في لندن خصوصاَ بشارع الأكسفورد
3/ كم أسعار المياه هناك؟
4/ماهي الأسئله المتوقعه في مطار لندن ؟
العادي ... اش جاي تسوي ؟ وين راح تسكن ؟ ... الموضوع مره سهل اهم شي خليك ريلاكس و لا تقول الا الصدق
5/محلات ملابس رخيصه ؟
6/افضل فئه تكون معي يعني "5،10،50"
7/فلوسي ؟ اخليها بالفيزا ولاكيف؟ ولا ببطاقتي؟
8/الحين اذا صرفت من البنك يأخذون عموله؟ واذا اخذو كم يأخذون ؟ بطاقتي بطاقة الراجحي
9/ الجو في *9 / اغسطس اتوقع رايح يكون 2 العيد* وش راح يكون الجو ؟ برد حر ولاربيع وش الملابس الي اخذها ؟
10/ ابي تقارير غنية جداً ومفيدة في لندن ..

11/ رحلتنا من الرياض الى البحرين الى لندن بأذن الله ، وين راح يقصون البوردينق ..وكيف راح اعرف ان هذا مكاني لختم الجوازات والأسئلة وكذا ؟وين القى شنطي؟





شوف هذا الموضوع جداً ممتاز
http://www.arabtravelersforum.com/travel861123/

طيب كم الميزانيه ؟

المشاركة الأصلية كتبت بواسطة Ja_0
http://www.arabtravelersforum.com/tr...1/#post7948071

طيب كم الميزانيه ؟



كم شخص وكم المدة ناوين تجلسون ؟؟


خلصت من حجز الطيران والسكن ولا بعدكم ؟؟

احتاج مطاعم عربية "حلال" في شارع الأكسفورد لم فندق كمبرلاند ؟

أخي
المطاعم الحلال كثيره جدا وخاصه في شارع العرب (اجوار رود) وهو يتقاطع مع اكسفورد

بالنسبه للميزانيه

أنا راح أفترض أنكم إقتصاديين في صرف الفلوس
فأتوقع
العشاء 60 باوند
الفطور 30 باوند
ولك تحياتي

بالنسبة لعمولة البنك لما تسحب من الصراف بطاقة الراجحي على كل عملية سحب تقريباً 25 ريال

ممكن تاخذون معكم جبن معلبات و اي شي بسيط دام مافيها شي مثل ما قالو الاخوة و الاخوات بالمشاركات السابقه خصوصا انه فيه ناس كثير ياخذون معهم اكل


علب المويه اللي هنا بريال هناك سعرها باوند او باوند و شوي للحبه بس اذا بتشترون مجموعه بتطلع بسعر اقل


حنا هناك اشترينا جبن و زيتون و مربى و غيرهم على شوي شوي عشان اللي ما يلحقون على فطور الفندق يلقون شي ياكلونه