الموضوع: انا متوهق في معهد بخصوص فيزا هل من مساعد

السلام عليكم ورحمة الله وبركاته اخواني الافاضل راح ادخل على طول في الموضوع


انا ناوي انشاءالله بذهاب الي لندن لمده شهرين لدراسه لغه الانجليزيه


طبعا خلال بحثي الشخصي خلال الانترنت توصلت الي معهد اسمه kaplan في لندن
طبعا ان حصلت المعهد بصدفه واعجبني وراسلت المعهد وعطيتهم شروطي من حيث العايله والدراسه وكافه التفاصيل ،انتهينا


المهم وصلنا الان الي دفع المبلغ طبعا كلفت 22 الف مدري رخيصه ولا غاليه


قالو لي اليوم ارسل لنا صوره جوازك وفيزه الدراسه طبعا انا انصدمت




لاني معي تاشيره الي لندن لمده سنتين مطلعه العام وساريه المفعول بس فيزه سياحه


مادريت انا ان فيه شي اسمه فيزه دراسه ؟


كلمت اليوم واحد في احد المكاتب قلت دبرني في فيزه الي لندن دراسه قالي مع نفسك حبيبي العالم زحمه ولا في امل تطلع قبل شهر


انقهرت


وش اسوي علما باني خلاص حددو لي وقت الدوره قالو تبداء في 17 رمضان الاسبوع الجاي


وانا كنت مستانس ان كلشي معي تذكره وحجزت وعايله وخلصت وجوازي وجاهز


باقي دفع الفوس ورتب شنطتي


الحين طلع لي هالموضوع الي هو فيزه دراسه ؟؟؟؟ وش الحل ياناس


مع اني قريت في المنتديات بان فيزه الدراسه للي يبي يدرس مده طويله مثل ماستر ولا دكتوره


انا ابو شهرين يعني ؟


فضلا عن ذلك انا كنت في شهر 6 الماضي قبل شهر في لندن عندي دوره في معهد عالمي لمده اسبوعين ودرست واخذت الشهاده وداخل لندن بالفيزه السياحيه ولا قالو لي شي سالوني فقط في المطار وش عندك جاي وش اسم المعهد وش اسم الدوره ولا قال وين فيزا درسه ولا هم يحزنون




الزبده هل الموظف الي كلمني نظامي جدا وقامط العافيه ؟ او انه يقدر يتجاوز هالطلب ويقبلني


ولا انسى الموضوع واسترجع التذكره وحوله الرياض - مكه اصرف




تكفون ياشباب افيدوني بليز

مواضيع عشوائيه ممكن تكون تعجبك اخترناها لك:

• استفسار عن اجواء لندن اواخر شهر ومنتصف شهر ؟
• استفسار عن تغيير الطيران في هيثرو و الحاجة لفيزا ترانزيت
• اين يقع سوق الجمله فى لندن
• يا اهل الخبره في لندن
• ترشيحكم لمدينة الالعاب
• قدمت طلب للفيزا من الموقع
• لندن مدينة الضباب ارجو المساعده 😊
• المشاركة للجميعالأماكن السياحية بلندن و أقرب أندرقراوند يوصلك لها
• اين اذهب يوم العيد في لندن؟
• استخدام الدراجات الهوائية في لندن للتنقلات القصيرة
• اللي يعرف عن فندق يفيدني أو يعطيني اسم فنادق عائلية
• العون والمساعدة لاهنتو للضرورة
• أفيدوني في خطة سيري
• الللي لغته على قده
• ارغب بحصول على معلومات عن مدية هيستجن Hastings في بريطانيه
• استشارة بخصوص جدولنا الى لندن
• تنظيف الاقدام بواسطة الاسماك في لندن
• ابحث عن شقة في لندن لمدة عشرة ايام
• عندما تتحدث عن التاريخ
• كيف اذهب من مطار هيثرو لمدينة باث؟

فيه شي اسمه student visitor
اللي هو طالب سائح مدري سائح طالب وهي للكورسات القصيرة

والمعاهد يدققون على هذي الشغله خصوصا اذا انها لغة

جرب تروح لقسم vip ممكن تطلع باسبوع او اسبوعين !
لكن تأكد قبل كذا لان يبدو انها فترة زحمة

سالت عنها طال عمرك قالي المندوب انه مقفل vip ولديهم زحمه

يعني خلاص مافي امل احضر الدوره


والله قهر


صدق الرسول صلى الله عليه وسلم ( اقضو حوايجكم بالكتمان )


الناس ماتعطي خير


للاسف امنيه وطارت قهر

الخيرة دائما فيما إختاره الله

جرب تراسل المعهد وتوضح لهم وضع الفيزا والتأخير اللي قد يصير في الإجراءات


واسألهم عن وضع فيزا السياحة هل تمشي بما إنك داخل دورة قبل فترة

انشاء اللهدعواتكم

الله يعيينك أخوي
مالك الا تراسل المعهد وتشرح لهم وضع الفيزة الحالية اللي عندك ، ووضع طلبات التأشيرات وزحمتها

ممكن يتساعدون معاك

وبالتوفيق

المشاركة الأصلية كتبت بواسطة لوبكيت
http://www.arabtravelersforum.com/tr...5/#post7937575

انشاء اللهدعواتكم



اسأل الله لنا ولك للجميع التوفيق وأن ييسر الله أمورك وتنال مبتغاك

صباح الخير / اولا شاكر ومقدر اهتمامكم وتلطفكم معي جميعا ..
بصراحه الانجليزي ذبحوني وروسهم ناشفهم في الحوار
كلمتهم اليوم حوالي فوق 22 اميل بينا قلت له ياسيدي الفاضل لماذا لاتقبلني بالفيزا السياحيه تكرم منك
لان عمليه استخرج الفيزا لطالب تستغرق الوقت الطويل , وفضلا عن ذلك السفاره البريطانيه لدينا موقفه المواعيد وطلبات vip وهذا جزى اخر من المشكله اتمنى ان تتعاون معي طالما اني املك التاشيره لدخول الي اراضي بريطانيا فضلا عن ذلك كنت في بلدكم في شهر 6 الشهر الماضي وحضرت دوره لمده 14 يوم وحصلت على الشهادة وبنفس الفيزا السياحيه ( علما اني ارفقت له صوره الشهاده وصورة ختم الجواز على التاشيره لدخول ) ايضا ان في بلدي اعمل في وظيفه لا تتيح لي السفر في اي وقت بل مقيد باوامر فان اعمل ضابط في منشئه عسكريه فاعمري ليس اقل من 18 اي بمعنى اني راشد بالغ لاتخاف , فاتمنى الاهتمام كرما

ماش رد علي وقال للاسف لاستطيع مساعدتك لدينا قوانين وانظمه لتخولك بالدراسه دون تلك الفيزا

قلت له اوكيه/ طيب ممكن ترسل لي الدكومنت والمتطلبات الخاصه لاستخراج فيزا طالب من السفاره البريطانيه لك اذهب واحاول في ذلك ! رد علي وقال لا استطيع ان ارسل لك اي شي قبل ان تدفع المبلغ ؟؟------------------ يستهبل ذا

قلت كم المبلغ ؟ قال كامل الدوره 25 الف ؟؟ قلت لماذا؟ لنفرض بان السفاره لم تصدر لي فيزا ماذا افعل / اجاب سوف نرد لك فلوسك --------مع نفسك حبيبي

رفع ضغطي حيسيت ان الدعوه تحجير واستشعرت بانهم غير متعاونين ودخلني الماء قمت اهوجس اقول لايصير قاعد الان انا مقدم على معهد فاشل وحرميه وانا مدري ودخلت في حيره

علما باني وجدت الموقع الخاص بهم بصدفه من خلال بحثي على الانترنت ووجدته معهد عالمي ولديه اكثر من فرع في عدة دول مما زاد انجذابي له يوم شفت مقطع اليوتيوب والجدول الدراسي والرحلات حسيت انه اكه !! طبعا اسمه كابلن

المهم قعدت افكر وش اسوي كلمت راعي مكتب قال والله مافي امل / قلت اسمع يابن الحلال وش رايك اروح انا وياك وندخل على السفره واكلم المسؤال عندهم لعل لم يستمع لوضعي يتخذ اي اجراء مناسب ينفعنا لان حالتي انا ليست تتطلع تاشيره لدخول لا بل طلبي زياده خاصيه معينه اثناء وجودي في لندن الا وهي السماح بممارسه الدرا سه لا اكثر ولا اقل / قال خلاص اوكيه عادي مرني الاحد ونروح بس جب معك قبول من المعهد !!!!!!!!!!!!!!!

قلت بعد هذه مصيبه الثانيه من وين اجيب لك ياخي يقول ادفع واعطيك / قلت له انا عندي لهم اميل محتوه يقول شكرا لحجزكم معنا ونفيدكم بانه تم قبولكم لدينا ولضمان استمراريه التاكيد نرجو ارسال المبلغ على حسابنا ادناه .
وش رايك ماتعتقد ان هذا اميل يؤكد بانهم قبلوني / ارسلته الاميل يطلع عليه ورد علي بكل برود لا هذا مايفيد

قمت واتشت معي بصراحه وطفشت وحامت كبدي وهذاني قاعد ابربر عليكم من الضيقه ابوه ديره

عاد الحين افكر اني اروح بس يوم الاحد اجيب الاوراق والجواز والصور والاميل وادخل على سفاره
اطق البدله واخرش امهم برتبه واقول ابي السفير انا العراف يالمبي ههههههههههه

واشوف تضبط ولا / وش رايكم

وشوي اقول تدري ياولد ارسل الفلوس وخذ القبول قبل ماتجي اجازتهم الويكند والاحد خذ القبول واوراقي ودز لسفاره بدون موعد وقابل السفير مدري وشو اكيد هندي طبعا

ولعله لا شاف التاشيره جاهزه والجواز جديد والقبول بيدي / حن علي وقالي ابشر


وش رايكم حايمتن تسبدي

ادعو لي تكفون

ونوروني بقتراحتكم ان متعمد اطول بالهرج وخاصه باسلوب عمي ابيك تعيش الحاله لعلك
تطلع بتصور ماخطر على بالي

بانتظاركم ياملوك

وهذا مقطع فديو للمعهد

والله اني اشيله همك من امس ههههه الحمدلله انك عملت لنا ابديت

شوف السفارة ماعتقد يعطونك فيزا دراسية بدون اثبات من المعهد
والمعهد ماراح يعطيك بدون دفع فلوس
فاذا تبي الرأي حول لهم بكرة الصبح فلوسهم بس تأكد انهم مداومين
ويعطونك رسالة القبول
وتتوكل على الله وتروح للسفارة وان شالله تتسهل
والميزة ان المعهد بيرجع فلوسك لو ماطلعت لك الفيزة ..

بس صدقني السفارة مستحيل تتساهل وتعطيك تأشيرة دراسية بدون اوراق من المعهد
يعني لاتخاطر وتضيع وقتك

شوف انا عندي لك حل كويس


طبعا السفاره ماراح تقبل تعطيك فيزا الا بورقه قبول من المعهد وهي بتوصلك عن طريق الايميل ..

ف الطريقه الوحيده والاضمن

انك تقول للمعهد ابي الكورس حقي 3 اسابيع او اسبوعين .. و واكيد بيكون السعر اقل ... ف ادفع لهم و وبيرسلون لك الخطاب ..
ولا رحت بريطانيا ادفع لهم زياده اذا حاب تمدد الكورس حقك .. وبكذا تطلع بآقل المخاسير

واتا دخلت معهد عن طريق موقع اسمه http://www.languageinternational.com

هم وسيط بينك وبين المعهد .. و ماعطوني الخطاب من المعهد الا لمن دفعت الفلوس .. وللامانه جدا تعاملهم سريع و مضمونين

عن تجربه .

ادخل الموقع واختار الكورس و المده ويطلعون لك المعاهد ويوفرون لك سكن وتوصيل من المطار

انت ادفع الفلوس و خذ الاوراق و بحال ما اعطوك الفيزا يرجعون لك الفلوس و طبعا بما انه كتب هذا الشي بالرسالة تطمن يعني ما راح ياخذون حقك
مع احترامي للعرب بس انت تتعامل مع بريطانيين مش همهم الغش و النصب و البقشيش والخ


موفق اخي الكريم

الله يجزاكم خير
والله اني اجلت اليوم الموضوع بسبب تعب امي الله يقومها بالعافيه وضاق صدري وخرب جوي من جد

دعواتككم بالله لامي المريضه ماعندي غيره

اذا اشوت انشاء الله كملت الاجراءات الي قلتو لي الله يحفظكم واذا شقت الوضع مايسمح الشكوى لله
وكنسلت اجازتي وخليتها لم ربي يفرجها

يارب عفوك / الله يخليكم

أخي
السلام عليكم ورحمه الله
اذا حاب قبول من معهد في مدينه نورويتش شمال لندن 100ميل
راسلني ع الخاص
وإن شاء الله تتيسر

الله يجزاك خير

ابي تكفى قبول في لندن ..