الموضوع: ممكن مساعدة ؟ للي زايرين هونج كونج 

ان شاءالله بعد اسبوعين راح اسافر ل هونج كونج بغيت اعرف بعض المعلومات من اللي زايرينها.
اولا شارع نيثان شنو اهم الاسواق اللي فيه ؟؟؟
واذا بغيت اسكن في فندق الانتركونتننتال جم المسافه بين الفندق وشارع كانتون وكيف اوصل لهذا الشارع ؟؟
والمطاعم الاسلامية وين الاقيها بتكون جريبة من الفندق ولا ؟
اغلب التقارير مادحين كانتون اكثر عن نيثان .. ممكن تعطوني معلومات عن كانتون اكثر 
والدولار الهونجكونجي جم درهم اماراتي ؟؟

والسموحة  من الموبايل

مواضيع عشوائيه ممكن تكون تعجبك اخترناها لك:

• حان وقت الإستعداد للسفــــــــــــــــــــــــــــــر
• اخر مستجدات فيزا الصين مهم
• هيب هوبب ضروري الدخول ممكن مساعدة
• رحلة كوانزو والاعاصير
• من يدلني على ماركات صينيه للملابس النسائيه
• ماهي أفضل البضائع الصينية اللي عليها اقبال في السعودية
• أين تقع مدينة شوزو متخصص فى بيع الفساتين
• أخوي أبو ضرار لاهنت
• تحذير تقليد تاجر غشاش تاكد قبل الاستيراد من الصين الشعبية
• استفسار عن تجديد الجواز السعودي والفيزا الصينية السارية المفعول
• جدول مواعيد القطارات من شنغهاي الى ايوا
• لللاخوه والاخوات اللي بهونغ كونغ او كوانزوو
• محتار فى سوق جمله أدوات الصيد كوانزو أم ايو افيدونى بارك الله فيكم
• اش احسن التذاكر من الرياض الى كوانزو
• استسفار بخصوص الشحن من كوانزو الى ميناء الدمام بوجه السرعه الله يجزاكم خير
• فزعه من المقيمين ببكين
• تكفون الفزعه تكفووون
• الي سبق استورد مواد غذائية الي الصين يفديني الله يجزاكم خير
• شقة و الا فندق؟؟
• سياحة وهدايا او تاثيث وتشتطيب

ممكن مساعدة ؟ للي زايرين هونج كونج 

حياك الله .. اكيدان شاءالله بعد اسبوعين راح اسافر ل هونج كونج بغيت اعرف بعض المعلومات من اللي زايرينها.

اولا اقول لك ونعم الاختيار.
اهم المعلومات اللي ماعرفتها الا وانا هناك
1) لا تخاف ترى تعتبر من اكثر المدن امانا ومعدل الجريمة فيها منخفض
2)انا توني راجع من هناك.. لازم معاك جاكيت او بلوفر ويفضل تكون ملابسك صيفية لان البرد في اماكن محددة مثل the peak, stnly street وغيره. اما الباقي يعتبر صيف
3) اللغة الانجليزية ماراح تفيدك كثير مع التكاسي استعد لاستخدام المترو والباصات والرحلات مثل BIG BUS TOURS

اولا شارع نيثان شنو اهم الاسواق اللي فيه ؟؟؟

لا تشغل نفسك باسماء الشوارع يكفي ان تعرف اقرب محطة للفندق اللي مستاجر فيه
شارع ناثان فيه اغلب الفنادق وهو تقريبا (البطحاء) بس حقتهم

واذا بغيت اسكن في فندق الانتركونتننتال جم المسافه بين الفندق وشارع كانتون وكيف اوصل لهذا الشارع ؟؟

يازين الانتر كونتننتال. والله اعلم انه على البحر جمب الSTAR FERRY
او المشهور بشارع النجوم. لو هو اللي وصفته انصحك توقف في محطة TSIM SHA TSUI بالمترو وتتجه مشيا نحو الفندق

وترى عموما المشي في هونج كونج ممتع وفي اي مكان ممتع فيها

والمطاعم الاسلامية وين الاقيها بتكون جريبة من الفندق ولا ؟

المطاعم الاسلامية اكثرها مقابل جامع كولون واللي هو في شارع ناثان القريب من شارع كانتون اللي ذكرته انت

اغلب التقارير مادحين كانتون اكثر عن نيثان .. ممكن تعطوني معلومات عن كانتون اكثر 
اساسا هو بجوار بعض لاتتوقع انها حتفرق لكن ناثان لو مشيت فيه بيرسخ في بالك اكثر لانه ازحم شارع وزي ماقلتلك (البطحاء) حقهم واكثر صرافين العملات عندهم

باقي اقول لك شي ياليتني صورته بعد الجامع اللي بشارع ناثان فيه مجمع محلات يغلب عليها العمالة الهندية
صراحة ماحصل لي بس بعد حولت فلوسي لعملتهم اكتشفت هالمكان اللي ممكن يوصل فيه سعر الدولار الامريكي ل 7.74 دولار هونكونجي اي ما يقارب 0.48 درهم اماراتي
مع العلم ان اغلب الصرافين عندهم الدولار المريكي 7.6 ومرات توصل 7.05


وبالتوفيق

نسيت اقول لك شي مهم بالنسبة للمترو:
حمل ابلكيشن اسمه MTR Mobile من الاب ستور للايفون
حط اسم المحطة الابتدائية والنهائية ويعطيك خطة رحلتك
وفي كل محطة من محطات المترو تقدر تطلب البروشور اللي يبينلك خريطة اقرب الاماكن والفنادق وحتى المطاعم للمحطة

اتمنى اكون افدتك..

واذا رحت قولهم اني راجعلهم هههههههههههههههههه