[align=center]وفي اليوم الخامس مشينا من روما الى فلورنس عن طريق القطار.

في ايطاليا اكثر من نوع لشركات القطار وكل شركه لها سعرها الخاص على سبيل المثال من اغلاهم يورو ستار بس تعتبر من افضل الشركات ومرات اسرعهم ولا يروح كل المدن.

وافضل طريقه علشان تعرف اوقات القطار واسعارها من موقعهم في الانترنت يوضح لك كل التفاصيل.

http://www.trenitalia.it/en/index.html

و في شركات لمن تشتري تذاكرها ما يكون محجوز لك كرسي وتقدر تحجز كرسي باضافه 3 يورو. بس بنفس الوقت مرات ما يتحتاج تحجز كرسي لان القطار يكون فاضي. اما اليورو ستار سعر التذكره شامل حجز مقعد.
"كاني طولتها وهي قصيره"

و اما اماكن الحجز تقدر تحجز من نفس المحطة بس دايم يكون زحمه خصوصا في المدن الكبيره او من مكاتب السياحه. الاسعار نفسها ما عدا مره مكتب في ميلان قالي ترا اسعارنا اغلى رح للمحطه واشترها تطلع لك ارخص. والمحطات الكبيره مجهزة بأجهزة كمبيوتر للحجز وشراء التذاكر انا احس انها سهله واسرع من الطوابير الموجوده.

عندي كذا صوره للطريق من روما الى فلورنس بس ما طلعت واضحه وهذي وحده منهم



و فلورنس حلوه للي يحب الفنون و المعارض الفنيه بس بحكم اني ما احب الفنون ولا ادري وين ربي حاطني ما دخلنا ولا معرض ولا فكرنا ندخل.

وهذي خريطة فلورنس ولا مثل ما يسمونها الطليان Firenze



الا على طاري Firenze قمت اوسوس لمن قريت مكتوب بالتذكره Firenze يمكن ما فهموا وش ابي وحطوا لي مدينه ثانية

جلسنا في فلورنس 3 ليالي وتعتبر كفايه. يومين في فلورنس والثالث بيزا.

وصلنا الى فلورنس وارتحنا شوي بالفندق وبعدها نزلنا نتمشى وكان جنبنا

Piazza san Lorenzo

هالصوره بالليل و يمكن يكون عندي صور اوضح في الايام الجايه



وفيها مجموعه من الكشكات تفتح بالنهار الى وقت المغرب تقريبا

ومنها الى

Piazza del Doumo



وشفنا الدومو وبعدها تمشينا حتى وصلنا الى

Piazza della Signoria



وفيه مجموعه من المطاعم و مبنى مكشوف داخله مجموعة من التماثيل بس ما ادري وشو



ومنه الى الجسر المشهور في فلورنس واسمه

Ponte Vecchio



رهيب منظر النهر من الجسر



و حلو فكره المحلات الي بالجسر ومشينا فوق الجسر حتى وصلنا الى

Piazza dei pitti



ورجعنا مره ثانيه للجسر و رحنا الى ساحه حلوه وكبيره وفيها مجموعه من المطاعم والكافي شوب اسمها

Piazza della Republica





وفي الساحه هذي يجون ناس يعزفون موسيقى ويعطون جو حلو.



وفي نفس المنطقه اسواق وحلات بس ناسي اسم الشوارع لان ما عندي الخريطة

وكذا انتهى اليوم الخامس

اليوم السادس كان اغلبه في بيزا بس بكتبه بعد ما اخلص من فلورنس [/align]

مواضيع عشوائيه ممكن تكون تعجبك اخترناها لك: