الموضوع: فزعتكم يا اهل قطر بشأن أماكن سياحية جدول سياحي لمدة أيام

السلام عليكم
قررت اني اقضي اجازة العيد بقطر
و مدة اجازتي 5 ايام
و اول مرة بطب قطر و ماعرف فيها شي

فا ارجو من اهل الخبرة يدلوني على الاماكن السياحية و ابي جدول سياحي حق 5 ايام

و شاكرلكم

مواضيع عشوائيه ممكن تكون تعجبك اخترناها لك:

• وش ذا البخل ياساحة قطر
• قطر مرة ثانيه
• افضل فندق في قطر
• اوت لت في الدوحة
• رحلتي لفندق الانتر كونتنانتل بالعيد
• ضرورى فديتكم ردوا؟؟؟
• آخر صيحات فنادق قطر
• بسبب هذا الخبر و للاسف الغيت رحلتي لقطر و ننتظر افادتكم
• آستفسـار بخصوص المكتبات في قطـر
• تقرير سفرتي من المملكة المغربية لدولــة قطر
• انا في قطر
• عاجل اطلب المساعدة بشقق حلوه وسعرها مناسب
• زيارتي الاولى لقطر واريد المساعدة
• اللي يعرف قطر زين مازين يدخل الله يجزاه خير
• اربعة أيام في الدوحة
• استفسار عن فندق
• عرض مطعم المميز في فندق رتاج لرمضان
• الدخول الى قطر بالبطاقة
• الصيف والموفمبيك تاورز
• خدمه بسيطه

(( لي رجعه للموضوع بإذن الله ))

المشاركة الأصلية كتبت بواسطة ســـــعـود
http://www.arabtravelersforum.com/tr...5/#post7141585

(( لي رجعه للموضوع بإذن الله ))

بانتظارك اخوي

لا هنت على هذا الإطراء الطيب وكثر الله من أمثالك
والله يحفظك ويسعدك وإن شاء الله تكون رحلة ممتعة والله يوفقك في كتابة التقرير
وتروح وترجع بالسلامة

تم تثبيت وجهة السفر و تم اخذ الاماكن الي ذكرها اخوي سعود
رايتك بيضه

و جاري البحث عن الفنادق
اذا في فندق معين ابالكم لاتبخلون علينا

تحياتي من الموبايل

جزاكم الله خير و ماقصرتو
قربت ساعة السفر و راح يكون برنامجي كالتالي:
راح اطلع من الكويت اليوم الجمعه عقب صلاة العصر ان شاءالله الى البحرين و المبيت ليلة وحده
السبت عقب العصر ان شاءالله ننطلق الى الدوحه و المبيت فيها لمدة 4 ايام و السكن في فندق هوليدي فيلا
و اليوم الخامس نطلع من قطر ان شاءالله و نرجع البحرين و نقعد فيها 3 ليالي و من ثم نسلك طريق العودة الى الكويت

و بالنسبة للاماكن الي راح نزورها ماضفت شي على الاماكن الي ذكرها اخوي سعود و اوجه له كل الشكر على مساعدتي
غير حديقة الحيوان و اذا اسعفني الوقت راح ازورها

و ان شاءالله راح يكون في تقرير جميل بعد العودة
و كل عام و انتم بخير
و عساكم من عواده
و عيدكم مبارك من الموبايل

رحلة موفقة وممتعة وسعيدة بإذن الله ــ وتروح وترجع بالسلامة

أخي العزيز
رأيي الشخصي هو أنك ما تروح أول يوم البحرين
إما تنطلق مباشرة للدوحة وإما تنام في الخبر أو الأحساء لأن فترة العيد غالبًا تكون الجمارك زحمة شديدة وبحكم إنك راح تجيها مرة أخرى فما انصح إنك تدخلها مع زحمة الجمارك
ومنها فرصة تتعرف على الخبر أو الأحساء
في شغلة أخرى إذا قررت على برنامجك وهو أول يوم في البحرين فاحرص على الدخول والخروج في الفترة الصباحية راح يكون أقل زحامًا
الله ييسر أموركم

تحيه تقدير واعجاب بما قدمه وذكره
مشرفنا سعود .. وتم حفظ الموضوع فى المفضله

طبعا ولا يهون غالينا ابو نعوم رأى صائب وجميل
بتجنب السفر يوم العيد للبحرين

جزاك الله خيير يابونعوم و ماقصرت عالنصيحه
الحمدلله دشينه البحرين و طلعنه منها دون ماتحوشنه اي زحمه و الحدود سالكه و مافي اي تعطيل و لله الحمد من الموبايل

شاكرلك اخوي حبو على مرورك الكريم و ماقصرت من الموبايل

يمدحون شاي كرك بالدوحه
شنو المطعم الي تنصحون نشرب عنده كرك؟
و شنو احلى شاورما بالدوحه؟

و بخصوص مجمع فيلاجيو فتحو ولا ليلحين مسكر؟
سالت الاستقبال بالفندق قالولي اخر خبر وصلهم ان فتحو و سكرو مرة ثانيه
فا الي عنده علم يبلغني جزاكم الله خير

و عيدكم مبارك
و عساكم من عواده
و كل عام و انتو بخير من الموبايل

يمدحون شاي كرك بالدوحه
شنو المطعم الي تنصحون نشرب عنده كرك؟
و شنو احلى شاورما بالدوحه؟
بالنسبة للكرك / حسب إطلاعي فقط وليس التجربة
كفتيريا النعيمي ــ رقم واحد في الكرك ــ ولا أعرف وين مكانه بالضبط
وعندك عدد من المقاهي تقدمه في سوق واقف
وعندك محل تشباتي وكرك في الحي الثقافي ( كتارا )
و بخصوص مجمع فيلاجيو فتحو ولا ليلحين مسكر؟
سالت الاستقبال بالفندق قالولي اخر خبر وصلهم ان فتحو و سكرو مرة ثانيه
فا الي عنده علم يبلغني جزاكم الله خير
( المجمع مغلق ولا يوجد أي خبر رسمي ومؤكد عن موعد أفتتاحه )

يعطيكم الف الف الف الف مليون عافيه
على تعاونكم و تفاعلكم معاي

الحمدلله ردينه بالسلامه يوم السبت و وايد استمتعنه بالرحله و ان شاءالله بضبط اوراقي و انزل التقرير

و بخصوص الشاي حصلت كافتيريا النعيمي بمحطة البانزين الملاصقه لمجمع لاندمارك

و خذيت منهم سندويشات فلافل بطاط بعد و فعلا شي عجيييب

و يعطيكم العافيه مجددا

تحياتي