المشاركة الأصلية كتبت بواسطة فارس الجبيل
http://www.arabtravelersforum.com/tr...5/#post7927375

السلام عليكم

اختي اول شي السفارة البريطانية مالها شغل بالمواعيد شغلها تيها الجوازات جاهزة من مكتب استخراج الفيزا المتعاقدين معاه هم المسئولين عن المواعيد واستلام الجوازات وتسليمها
هذا للتوضيح
اما بخصوص ان الموعد انلغى بالامكان التوجة لهم مباشرة والاستفسار من المدير العام واذا فرع الخبر انا اعرفه شخص محترم ومتعاون ولانزكي على الله احدا
يجوز حصل خطأ ما ادى لالغاء الحجز لكن سفرتكم في سبتمبر وعندكم وقت لاستخراجها استفسروا عن موعدكم او ارسلوا لهم ايميل والاكيد ان شاء الله انهم يتجاوبون كم مره انا ارسلت لهم لاستفسارات بسيطة وكانوا في قمة التعاون والرد السريع او الله يعينكم ادخلو vip ولو لمجرد شخص واحد مثلا وعند الدخول تكون جميع اوراقكم معه لتوضيح مسألة الغاء الجواز ولعل وعسى يستجيبون وبتعاونون وان ماتعاونوا الله يعينكم تدفعون للجميع او تابعوا موقع المواعيد وستحصلون على موعد ان شاء الله


انا مره مالقيت مواعيد من موقعهم وقمت وارسلت لهم ايميل ان هل يوجد مشكله في موقعكم ؟ لاني مو قادر احصل على موعد والموقع مقفل المواعيد
ردوا علي ثاني يوم جرب الان الموقع وبالفعل جربت وحجزت 4 مواعيد مو واحد بنفس اللحظة
تفائلي بالخير اختي وان شاء الله تتيسر الامور وتسافرون وترجعون بالسلامة وتتذكرون هالصعوبات والتغلب عليها لاتمام رحلة تكون خالدة بالذاكرة سنين طويلة


تحياتي وكل عام وانتم بخير تقبل الله منا ومنكم صالح الاعمال



انا في الرياض
اللي مضايقني كيف المكتب يلغي الحجز من الباب للطاقة
هل الأبليكيشن او المعلومات فيها شيء يعني
وهل من حقهم يعملوا كذا


عموماً ..
الله يجزاك خير
ان شاء الله تتسهل الأمور وبنحاول نرسل لهم ايميل وان شاء الله تتسهل الأمور
ماتصدق كيف ردك ريحني ومايهون أخوي أبو عبدالله بعد ماقصر
الله يسهل عليكم ويوفقكم ويفتح لكم أبواب الرزق والخير من حيث لا تحتسبون


والله من اليوم وانا على أعصابي ومتضايقة
الله يجزاكم خير ومايضيع لكم تعب


وتقبل الله منا ومنك

مواضيع عشوائيه ممكن تكون تعجبك اخترناها لك: