الموضوع: رشحولي أفضل خطة سير وأسعار الفنادق النار

بسم الله الرحمن الرحيم


السلام عليكم ورحمة الله وبركاته ..

جزاكم الله خير وجعل ماتفعلونه بمساعدة الناس في موازين حسناتكم
وفرج عنكم كربكم وفتح لكم خيرَي الدنيا والآخرة ،، دعوات لكم من القلب والله ..

كنتم خير معين لي في رحلاتي السابقة ( دبي - تركيا - النمسا - صلالة مع اني رحت لها قبل أعرف عن المنتدى 😊 )

ومانستغني عن اقتراحاتكم ومعرفتكم في رحلتي الجاية أيضاً ..

في البداية كانت الوجهه ماليزيا لكن أنا لا أفضل جنوب شرق أسيا أبداً مدري ليه
بعدين غيرناها الى اسبانيا قلنا أكيد الجو بيكون حار والطبيعة أقل هناك
آخر شيء اتفقنا على لندن وهي كانت خياري من الأول وبدينا بالتجهيزات

مبدئيا راح يكون السفر من 3 سبتمبر الى 17 سبتمبر
التذاكر تقريباً بـ 6آلاف وشوي لشخصين على الخطوط السعودية لأن مافيها ترانزيت وهو عدونا الأول في الرحلات

حالياً أجا جالسة أبحث عن فنادق ،، وهنا كانت صدمتي*
فئة الـ 5 نجوم مايتكلمون بأقل من 2000 ريال لليلة
والـ 4 نجوم أقل شيء 1700
بصراحة الأسعار مرة مرتفعة .. معقولة مافيه 5 نجوم بـ 700-800 ريال مثل النمسا وتركيا

قلت أستشيركم (ايش السوات) مع الأسعار هذي ..
مع العلم اني اطلعت على كل المواضيع عن الفنادق في المنتدى

فـ اذا ممكن ولا عليكم أمر رشحولي خطة سير (أو اذا عندكم خطة سير أفضل)
وفنادق بأسعار معقولة لكل مدينة اذا ممكن ولا عليكم أمر*...

1/ لندن - البحيرات - لندن
2/ لندن - برايتون - لندن
3/ لندن - منتجع في احدى القرى - لندن من الموبايل

مواضيع عشوائيه ممكن تكون تعجبك اخترناها لك:

• شركات الشحن من لندن الى الخليج؟؟؟؟ انقذوني
• رشحولي فندق ياشباب
• القطرية تسير خمس رحلات لمطار هيثرو
• بروح لندن اول مرة و استفسارات بالدرزن
• اول مره اسافر الى لندن
• اسفسار عاجل بخصوص عرض في والمواصلات
• استفسار عن الفيزا
• استفسارات لندن
• ايش رايكم في هذا الفندق في لندن
• فندق مونتكالم والحجز من موقع بوكينق
• مشكلة في حجز موعد
• ماهي اقرب اوت لت للمدن التاليه
• استفسار عن مزرعة الفواكه
• الجو الآن في لندن
• انوى السفر الى مانشيستر بالمملكة المتحده فى شهر يوليو
• استفسار بخصوص القطارات
• احتاج شقة في لندن ضروووووري
• هل لندن آمنة بعد هجمة باريس الارهابية مؤخرا ؟
• مساعدة بخصوص الفيزا
• فندق

معقولة ولا رد لا من المشرفين ولا حتى من الأعضاء اللي لهم خبرة ..

أنا قلت بتصير البوابة أنشط من البوابات الثانية لأن بريطانيا شوي وتصير عربية من العرب الي فيها والناس اللي يروحون لها

حياكم الله

لندن البحيرات لندن

بخصوص الفنادق شوف الموضوع المثبت واختار السعر اللي يناسبك

وهاي اسعار لندن

قول آمين .. الله ييسر لك أمورك ويفتح لك أبواب الخير ..

سألت عن البحيرات قالوا لي برد في سبتمبر
شرايك لو قلنا لندن - منشستر - برايتون يوم - لندن ...

الخطة المعتمدة الأخيرة ان شاء اللهلندن - البحيرات -برايتون يوم - لندن


فيه عندي موقع أبارتمنت اذا ممكن تقولوا لي ايش رايكم فيه
اسمه Apatment Stay


مع اني لا أفضل الشقق أتوقع الفنادق أنظف لكن مجبر أخاك لا بطل .. أول شيء عشان السعر ثاني شيء عشان الغرف تكون أوسع طبعا اذا كان فيه شيء نظيف
اذا ما لقيت شقق نظيفة راح أخذ فندق حتى لو كان فيه مساوء

http://www.apartmentstay.co.uk/apart...cester-terrace

هذا رابط الموقع تبع الشقق من الموبايل

السلام عليكم

رحلتكم في سبتمبر ان شاء الله عندكم وقت ترتبون فيه اموركم
لا اخفيك اختي الكريمه ان لندن اسعارها غاليه جدا وخاصة الفنادق اللي بالسنتر لكن اذا انتم شخصين فقط لامشكله يوجد الكثير من الفنادق الجميلة وسعارها بحدود 700 ومو شرط يكون بالسنتر ولكن قريب منه وافضل موقع بوكينق او اقودا او اكسبيديا ويوجد تفاوت بالاسعار بينهم وارخصهم اقودا جربي وشوفي وش الانسب لكم
وانا خلال هالايام بحاول ابحث لكم شي مناسب وان لقيت حطيته لك هنا


البحيرات ماانصحك تروحين لها بما انها اول سفره لكم لان مشوارها بعيد عن لندن خلك في لندن اذا ايامكم قليله وزوري المناطق القريبه من لندن كبرايتون ووندسور وتغنيك عن البحيرات انا رحت لها مره ماشفت فيها شي غير طبيعة جميله صحيح لكن مشوارها يقطع الظهر وخاصه اذا معكم اطفال واللي بتدفعينه في تذاكر وفندق للبحيرات خليه لفندق جميل في لندن اوفر لكم
اذا حبيتي رومانسيه وخيال روحي لها يومين بالكثير ولاتكثرين




الحين من استفساراتك اشوف مشكلتك بس الفندق ؟ صحيح لو لا


اذا فندق فقط الامر سهل وبسيط شوفي المواقع اللي قلت لك وبتلقين ضالتك اكيد


والله يوفقكم ويسعدكم

المشاركة الأصلية كتبت بواسطة فارس الجبيل
http://www.arabtravelersforum.com/tr...5/#post7890265

السلام عليكم

رحلتكم في سبتمبر ان شاء الله عندكم وقت ترتبون فيه اموركم
لا اخفيك اختي الكريمه ان لندن اسعارها غاليه جدا وخاصة الفنادق اللي بالسنتر لكن اذا انتم شخصين فقط لامشكله يوجد الكثير من الفنادق الجميلة وسعارها بحدود 700 ومو شرط يكون بالسنتر ولكن قريب منه وافضل موقع بوكينق او اقودا او اكسبيديا ويوجد تفاوت بالاسعار بينهم وارخصهم اقودا جربي وشوفي وش الانسب لكم
وانا خلال هالايام بحاول ابحث لكم شي مناسب وان لقيت حطيته لك هنا


البحيرات ماانصحك تروحين لها بما انها اول سفره لكم لان مشوارها بعيد عن لندن خلك في لندن اذا ايامكم قليله وزوري المناطق القريبه من لندن كبرايتون ووندسور وتغنيك عن البحيرات انا رحت لها مره ماشفت فيها شي غير طبيعة جميله صحيح لكن مشوارها يقطع الظهر وخاصه اذا معكم اطفال واللي بتدفعينه في تذاكر وفندق للبحيرات خليه لفندق جميل في لندن اوفر لكم
اذا حبيتي رومانسيه وخيال روحي لها يومين بالكثير ولاتكثرين




الحين من استفساراتك اشوف مشكلتك بس الفندق ؟ صحيح لو لا


اذا فندق فقط الامر سهل وبسيط شوفي المواقع اللي قلت لك وبتلقين ضالتك اكيد


والله يوفقكم ويسعدكم



الله يجزاك خير ويسهل لك أمورك .. آمين


بصراحة أنا لو علي جلست الإسبوعين كلها في لندن بس المشكلة عندي زوجي يحب الإستكشاف ومايبي يجلس بمكان واحد يبي يروح كذا مكان
ولا أتوقع منطقة البحيرات ماراح تكون أجمل من زيل آم سي بالنمسا خصوصاً ان احنا 2 وما معانا أطفال يبي ينطلق قبل يقيدون حريته الأطفال
(بشاوره بالموضوع ان شاء الله يقتنع ..)


بالنسبة للفنادق هي الي جالسة اشتغل عليها حالياً ( بحثت في العم بوكينق شكله آخر شيء بيطردني من كثر ما أحوس فيه)مشكلتي الوحيدة اني عجزت أعرف تقسيمة لندن
أهم شيء عندي تكون نظيييييفة وقريب لها محطة الاندرجراوند الي منه بنوصل لكل شيء ان شاء الله
خصوصاً اني أبحث عن فندقين بمكانين مختلفين

وعلى حسب الفنادق بيكون الجدول



فيه شيء بسأل عنه اذا ممكن .. أبحث عن جهاز كهربائي مطبخي اسمه كيتشن ايد (عجانة ) جهاز أمريكي وين ممكن أحصله في لندن بنفس أسعار أمريكا

وجهة نظري
5 أيام لندن تسكنون بالقرب من أكسفورد و الريجنت
و ال 5 الأيام الأخرى تسكنون بالقرب من هارودز

المشاركة الأصلية كتبت بواسطة مسافر عالمي
http://www.arabtravelersforum.com/tr...7/#post7894457

وجهة نظري
5 أيام لندن تسكنون بالقرب من أكسفورد و الريجنت
و ال 5 الأيام الأخرى تسكنون بالقرب من هارودز



الله يعطيك العافية شكراً على الفكرة الجميلة ، كنت استنى اقتراح زي كذا ...


بس مشكلتي للحين عجزت أعرف المناطق وكل منطقة ايش الأماكن الي حولها
يعني مثلً الخمس أيام الأولى اللي راح تكون باكسفورد ايش الأماكن الي أطلع لها من هنا
والخمس الأيام الأخيرة راح تكون بالقرب من هارودز ايش الأماكن اللي اطلع لها من هنا


أعرف الأماكن بس ما أعرف كيف أقسمهم ...😖

الحمد لله عملنا النموذج تبع الفيز وحجزنا موعد ب نص رمضان تقريباً .. بس عندي سؤال .. شيبون فيني اروح لهم غير البصمة
انا خوافة من كل شيء جديد .. اتوقع ادوخ عند الباب وأعجز ادخل من الخوف هههههه
المهم وش بيسألوني عنه اذا تعرفون ،،،؟؟

سمعت عن شركات سياحية تاخذك جولة كم يوم في ريف لندن ايش رايكم فيها ،،،!؟

مافيه شي يستدعي الخوف الموعد فقط لاستلام الاوراق واخذ البصمة واللي بيستقبلك هناك بنات سعوديات فيهم الخير والبركة والسالفه مو امتحان ولا شي فقط استقبال اوراق واخذ بصمة

الامر جدا جدا سهل وبسيط وخليك كوووول




الشركات السياحية جيدة بما انك اول مرة تروحين لندن بتفيدك وهي كثيره ومنتشرة

المشاركة الأصلية كتبت بواسطة فارس الجبيل
http://www.arabtravelersforum.com/tr...3/#post7911713

مافيه شي يستدعي الخوف الموعد فقط لاستلام الاوراق واخذ البصمة واللي بيستقبلك هناك بنات سعوديات فيهم الخير والبركة والسالفه مو امتحان ولا شي فقط استقبال اوراق واخذ بصمة

الامر جدا جدا سهل وبسيط وخليك كوووول




الشركات السياحية جيدة بما انك اول مرة تروحين لندن بتفيدك وهي كثيره ومنتشرة





الله يعطيك العافية ماقصرت


أشكرك على افادتك .. وطمأنتك


الله يسعدك ويسهل عليك ،،،