الموضوع: موقع يورو ستار ؟

السلام عليكم

اشلونكم عساكم بخير

حجزت عن طريق موقع يورستار قطار من لندن الى باريس

وسمعت ان يدزون التذاكر عن طريق الايميل

و فعلا اندز بس المشكلة ان مو مكتوب رقم الريفينوس بس موجودة ارقام المقاعد والاسماء

وغير جذي

هل يحتاج اني اروح المحطة أأكد الحجز والا عادي خلاص على جذي

والمفروض الساعة جم اكون بالمحطة !؟

مواضيع عشوائيه ممكن تكون تعجبك اخترناها لك:

• هل يوجد تكييف بفندق كمبرلاند
• ي اخوان احد يفيدني أرجوكم
• مليت من لندن
• استفسار عن السفر الي برشلونة عن طريق لندن
• استفسارات من خبراء لندن
• انا من الامارات وابا اروح لندن ومتخوفة واريد مساعدتكم
• التاكس فري في مطار هيثرو صاله
• هدوء سآحل صورة من تصويري
• عاجل وأبي نصيحتكم قبل ماابتدي
• ابغى اعرف الجو في لندن في شهر اكتوبر
• ماأجمـــــــل أيـــامك يالندن تقريري في رحلتي
• فندق بارك بلازاوستمنستر تجاربكم
• فنادق اسكتلندا
• لندن وتوابعها
• عاجل جدا جدا جدا
• مساعده ضروري
• اريد فندق قريب من شارع اكسفورد لخمسة اشخاص وبسعر مناسب
• سؤال عن الـ
• التنقل ف لندن
• فندق ابي فزعتكم

للرفع !!!!!!!!!

ايه والله انا مثلك وعندي استفسار الله يعافيك

الحين الاسعار فية فرق بينهم قوي


السياحيه غير مسترد بس ب 39 جنيه ..! تنصحوني اخذ فيها


وش الفرق بين السياحيه والمتوسطة .. والفايدة من انو التذكره غير مرن ونص مرن ..!


معذره ع الدرعمة بموضوعك بس حسيت انسب مكان اسال

هلا أخوي jnanl وأختي om deem

بالنسبة عن سؤالك أنا جربت الحجز بالنت من لندن إلى باريس على قطار اليورستار

أول شي تطبع التذكرة إللي معاك وهي تكفي بس أهم شي يكون فيها الباركود إللي على شكل خطوط لأن يسوون لها Scan عند بوابة الدخول قبل شباك الجوازات .. وفي بعض الاحيان يطبعون لك ورقه حق دخول قاعة الانتظار عند بوابة القطارات وأحياناً يكتفون باللي عندك إذا كانت مطبوعة بشكل واضح ... ومافي داعي تروح المحطة عشان تأكد الحجز بس كل إللي عليك يوم السفر تروح قبل الموعد بساعة أو ساعة وشوي لأن أاجراءاتهم شبيه بإجراءات المطار

الفرق في التوقيت ساعة واحدة بين لندن وباريس

مدة الرحلة بالقطار ساعة وربع تقريباً

الحجز في التذكرة بتكون المغادرة بتوقيت لندن ووقت الوصول بتوقيت باريس

في تقريري إللي بالتوقيع عن لندن فيه شرح بسيط عن المحطة في نهاية التقرير تقريباً

الدرجة السياحية زحمة ومو ذاك الزود من وجهة نظري
الدرجة الأولى أفضل

شكرا يعطيك العافية

وبالضبط نفس ما قال الاخ شنو المقصود بكلمة مرن وغير مرن!

السلام عليكم
انا حابة انتقل من برنموث الى باريس كيف؟؟ هل لازم انزل الى لندن الي اعرفه ان برنموث اقرب لباريس من لندن ؟؟
ياليت الي له خبره يفيدني

طبعا التذكرة عن طريق الايميل مافيها باركورد!!!! بس موجود رقم الريفيرونس

المشاركة الأصلية كتبت بواسطة jnanl
http://www.arabtravelersforum.com/tr...1/#post7886211

طبعا التذكرة عن طريق الايميل مافيها باركورد!!!! بس موجود رقم الريفيرونس



يمكن تغير الإجراءات، بس يبقى الهدف واحد لكن الرقم إللي ذكرته راح يغني عن الباركود إن شاء الله (وتراه مو مشكلة)
وعموماً هم متعاونين جداً وإجراءاتهم ميسره
لا تحاتي وتوكل على الله
كل شي له حل عندهم ما راح تتوهق أبد بإذن الله

مشكور اخوي ما قصرت يعطيك العافية

الله يعافيك، حاضرين وبالخدمة