الموضوع: اول مره اسافر لبريطانيا

السلام عليكم

انا الحمدلله تسهلت الامور وراح تكون اول سفره لي لبريطانيا ورحلتي في 11 اغسطس


بس عندي اسئله ودي تساعدوني


1- افضل خطوط وارخص للحجز في فتره الصيف .. وابي احجز ويظل الحجز فتره وبعدين ادفع عشان انا استنى فيزا قريبتي و ودي نحجز عشان نضمن
الخطوط وصلت 7000 ريال .. اذا فيه ارخص يعني بحدود 3000 وشي كذا ياليت تعلموني


2- ايش الاجراءات في مطار هيثرو علما بأني طالب زائر .
واخاف اضيع صراحه بالاجراءات


3- التنقلات كيف استخدمها بالتفصيل ياليت


4- بالنسبه للدفع ايش تنصحوني يكون معي كاش اكثر ولا استخدم الماستركارد
واذا في طريقه تكون امنه في الاستخدام لاني سمعت تحدث سرقات


5- الميزانيه انا مدفوع السكن بس احتاج ميزانيه تسوق و والاكل لمده 3 اسابيع
وماني عارفه ايش احط ميزانيه ياليت تعلموني




واي اضافات او نصايح بالمطار افيدوني

مواضيع عشوائيه ممكن تكون تعجبك اخترناها لك:

• القطري وابو عبدالله
• سؤال عن فندق كراون بلازا مانشستر ؟
• الماريوت بارك لين من سكان فية
• أجوبة سياحية عن لندن و بريطانيا حسب خبرتنا مجاناً
• ما رأيكم بهذا الفندق
• عدة استفسارات الجو نهاية التأشيره
• استفسار عاجل لو تكرمتوا
• استفسار عاجل بخصوص مشفى كنج كوليج هوسبيتال
• بلييييز بسافر لندن اول مره ابى مساعدتكم
• عروس ومتبهذلة وسفرتنا طويلة وايد ومانعرف شي بالأماكن؟؟
• أسئلة مسافر إلى مدينة مانشستر
• تقرير عن Camden Town في بريطانيا
• بس للبنات شنو مشترياتكم من بريطانية ما لقيتو ها أو أحسن من مشترياتكم فى الخليج
• صور من عرض للفلم الجديد ومرور مائه عام على مجمع سلفرجز
• رقم سااائق
• في ليفربول ؟
• لندن الحلم احتاج للمشوره في جدول الرحله
• أرجو ممن لديه الخبرة والتجربة
• ارجوا الدخول للضروره
• سفرتي الى لندن بعد يومين وعندي بعض الاستفسارات

ياليت الاعضاء يفيدونا كوني مسافرة لاول مرة ايضا
بالتوفيق....

ارجو المساعده يا اعضاااااء

-




افضل خطوط وارخص للحجز في فتره الصيف .. وابي احجز ويظل الحجز فتره وبعدين ادفع عشان انا استنى فيزا قريبتي و ودي نحجز عشان نضمن
الخطوط وصلت 7000 ريال .. اذا فيه ارخص يعني بحدود 3000 وشي كذا ياليت تعلموني



كلما بكرتي بالحجز كلما لقيتي حجز ارخص







2- ايش الاجراءات في مطار هيثرو علما بأني طالب زائر .
واخاف اضيع صراحه بالاجراءات



ولا شي صعب او يستحق الخوف
اهم شي تعبين الورقة اللي يعطونك بالطيارة
فيها بياناتك وسبب زيارتك ومكان سكنك
ويكون معاك اوراق تثبت من المعهد او الجامعة انك تدرسين عندهم
التزمي بقوانين المطارات ماتشيلين معك سوائل تتعدى 100 مل
وانتبهي من الموية لانهم بيرمونها لك بالتفتيش,
والعطورات خليها بالشنطة اللي بتشحنينها
ومايكون معك مواد حادة سكينة او مقص ,,

بيسالونك بالمطار عن سبب الزيارة وعن مكان سكنك

وانتبهي تقولين انك تعرفين احد لانهم بيبلشونك يبون عناوينهم وارقام تلفوناتهم
خليك هادية وواثقة ومرتاحة ومبتسمة وبتتسهل امورك ان شالله






3- التنقلات كيف استخدمها بالتفصيل ياليت



اندرقراوند وباص وفيه بالمنتدى هنا مواضيع كثيرة تشرح لك عن طريقتها





4- بالنسبه للدفع ايش تنصحوني يكون معي كاش اكثر ولا استخدم الماستركارد
واذا في طريقه تكون امنه في الاستخدام لاني سمعت تحدث سرقات



خلي معك كاش للاحتياط بس مو مبالغ كبيرة والفيزا حاولي ماتحاسبين فيها الا باماكن ثقة
زي الفندق او مستشفى او المحلات الكبيرة اللي لها سمعة






5- الميزانيه انا مدفوع السكن بس احتاج ميزانيه تسوق و والاكل لمده 3 اسابيع
وماني عارفه ايش احط ميزانيه ياليت تعلموني



للاسف اني فاشلة بتحديد الميزانيات بالنسبة لي اخليها على الله


وسعي صدرك وانبسطي واستفيدي من كل دقيقة تقضينها هناك
خليك حريصة ماتبالغين بالكشخه ماتلبسين مجوهرات او ساعات غالية
لاتعطين اللي يكلمونك بالشارع وجه ابدااا لان فيه منهم ناس نشاله يحاكونك ويشغلونك وينشلون من شنطتك بدون ماتحسين
يفضل تلبسين شنطة كروس عشان تقدرين تنتبهين لها

عالعموم الوضع بشكل عام آمن
وبصراحة ما قد تعرضت لاي موقف سرقة او محاولة سرقة الحمدلله
رغم اني 24 ساعه داجة بالشارع ليل ونهار

وعليكم السلام باجاوبك من تجربتي الشخصية وان شاء الله تكون وافيه وشافيه
1- انا حجزت عن طريق البريطانية بتاريخ 28-8 بسعر 2870 ريال واتوقع سعر مره رائع بالمقارنه مع باقي الخطوط طبعا على الاقتصاديه الايكونمي


2- لاتخافي ترين مره متعاونين بس يبوء يتكادوو انكم واثقين من كلامكم اصلا هم عارفين من الاوراق ويعرفوا انا عرب لغتنا مو ذاك الزود بس يبو يتاكدوا انا سارت لي مشكله بالمطار وكانت والله صعبه لو بغير بريطانيا راح يدققو ولاكن مره مره كانت سهالات كوني واثقة وان شاء الله ربي بييسرها


3-الكاش مهم بس خل معك من فئة 10 و 20 باوند كثير والفيزا خليها للضروره بس مهمه جدا الفيزا تريحك ببعض الاماكن مثل الفنادق بعضها ماتقبل كاش


4- اتوقع لو تحطي ميزانية يوميه وانتي طالبه الاكل من عند العائله بس ممكن الغداء من برا وبعض المشروبات 10 باوند يوميا والويكند زوديها حق السينما والتمشيات بصراحه هناك الاجواء ماتخليك تجلسي بالبيت مره روعه وخصوصا روعه وجمال بعض اماكن بريطانيا اهم شي يكون عندك هدف الدراسة بس لاتحطيها هاجس اهم شي تنبصطي وربي تجي اللغه بس انتي خلك حريصه وربي يوفقك وييسر امرك يارب


نصيحه خلي يوم بالاسبوع لاتذاكري ولا شي خليه يوم بس للمتعه وايام الاسبوع شدي حيلك واخر يوم وهو الاحد ريحي نفسك وخليه شوبنق واغراض تشتريها من المول

ممكن نفيدك بميزانية السكن و التنقلات وفقاً للمواصفات الي تبينها و برضو تكاليف زيارة الأماكن السياحية و المنتزهات
لكن صعب أحد يحدد لك ميزانية التسوق .. لأن تحديدها أمر نسبي يختلف من شخص لشخص حسب وضعه


بالنسبة للكاش خلي معك 200 باوند نقداً احتياط ف جيبك و أنتي مسافرة و الباقي في البطاقة .

المشاركة الأصلية كتبت بواسطة ثلج لندن
http://www.arabtravelersforum.com/tr...9/#post7901409

ممكن نفيدك بميزانية السكن و التنقلات وفقاً للمواصفات الي تبينها و برضو تكاليف زيارة الأماكن السياحية و المنتزهات لكن صعب أحد يحدد لك ميزانية التسوق .. لأن تحديدها أمر نسبي يختلف من شخص لشخص حسب وضعه بالنسبة للكاش خلي معك 200 باوند نقداً احتياط ف جيبك و أنتي مسافرة و الباقي في البطاقة .



السكن خلاص مدفوع .. طيب التنقلات كم اخصص لها ميزانيه ؟ والاكل ايضا ؟وايضا ميزانيه الاماكن السياحيه

لندن غاليه احسب حسابك 150-200 باوند مصروفات يومية