الموضوع: مسافر قطر و أحتاج مساعدتكم

السلام عليكم جميعاً

ناوي إنشاء الله أزور قطر أول مرة عن طريق البر من البحرين و أحتاج شقق فندقية أو فنادق محترمة لي و العائلة.

أكون شاكر لو تعطوني مواقع أو عناوين تشاعدني.

و شكراً

مواضيع عشوائيه ممكن تكون تعجبك اخترناها لك:

• تكفون ابي شقق فخمه ونظيفه نجوم قريبه من الشيراتون
• فندق الجديد
• المحرم ؟
• الاجازه على الابواب ايش ماوي تسوي
• منتجع عائلي في دوحة العز
• أريد مساعدتكم الله يخليكم لكل عين تحبكم رجيكم
• الوعد دوحة الخير أبي فزعتكم
• متحف قطر الوطني؟؟
• هل المقيمين في قطر بحاجة الى تأشيرة لدخول الأردن
• دعوة خاصة لكم ؟؟
• استفسار عن الفنادق في قطر
• منتجع شاطئ السلطان قطــــر
• زيادة عدد الرحلات الجوية بين قطر والعراق
• رحلتى الى قطر يوم واحد التشويق المتعه والتعب
• اين اجد مجمع دار السلام مول في قطر
• مساعده عن الفنادق عدة استفسارات مهمه
• كم المسافة بين قطر والرياض او الدمام
• الى سفيرتنا قطر
• استفسار دبي الدوحة
• روتانا تخطط لافتتاح فنادق جديدة بالإمارات وقطر هذا العام

المشاركة الأصلية كتبت بواسطة abusalman


السلام عليكم جميعاً
ناوي إنشاء الله أزور قطر أول مرة عن طريق البر من البحرين و أحتاج شقق فندقية أو فنادق محترمة لي و العائلة.
أكون شاكر لو تعطوني مواقع أو عناوين تساعدني.
و شكراً




شباب عطوني ويه عاد شالسالفة ما في قطارى بهالمنتدى. يعطيكم العافية

فيه قطريون بالمنتدى لكنهم قليلون فيما يبدو عموما الدوحة لاتعتبروجهة سياحية مشهورة رغم جمالها لكن ليس فيها مشاريع واماكن سياحية وأنصحك بعدم الذهاب لها أن كان سفرك فقط من أجل السياحة وليس لغرض آخر
عموما يوجد بالدوحة فنادق وشقق مناسبة ورخيصة وتماثل الأمارات بالأسعارلكن أن عزمت السفرلاتنسى هذه الشاليهات الجميلة شف أبومطريحجز لك ههههههههه
http://travel4arab.com/vb/showthread.php?t=66074

الطواف

مشكوور

السيد الفاضل أبو سلمان
أهلا بك في بلدك الثاني .. قطـــر وجهة سياحية عائلية جميلة تستحق الزيارة ، ولكن شأنها شأن بقية دول الخليج حيث لا تصلح للسياحة صيفا بسبب حرارة الجو ، وفي الدوحة تجد العديد من الفنادق والمطاعم والحدائق والمتاحف بالإضافة إلى الأسواق القديمة والحديثة ، وقد أفرد العديد من الاخوة القطريين صفحات عدة في العاصمة القطرية تستطيع العودة إليها بسهولة .
أعطيك بعض المعلومات بشكل موجز علها تفيدك :
الفنادق : الريتز - الشيراتون - ماريوت - انتركونتننتال - فورسيزون - رامادا - ريجنسي - جراند ريجنسي - مروب السد - ريدجز - موفينبيك - جنة الخليج - البستان .... إلخ
الأسواق : سوق واقف أصبح بعد تطويره تحفة معمارية تستحق الزيارة ، فالزائر لا يمل من مشاهدة فن العمارة القطرية القديمة بكل تفاصيلها ويكتظ السوق بالسواح الأجانب ويتمتع بموقع استراتيجي في قلب دوحتنا الجميلة .
المولات الحديثة : السيتي سنتر عبارة عن مجمع تجاري ضخم متعدد الأدوار يحوي الماركات المعروفة والمطاعم المشهورة ودور السينما وتستطيع أن تقضي فيه يوم كامل دون أن تشعر بالملل .
حياة بلازا - اللاندمارك - المول - رويال بلازا - تاون سنتر - سنتر بوينت - الصالون الأزرق ..إلخ
بالإضافة لمنطقة الأسواق ( الجبر - العسيري - الأحمد - الديرة - فالح )
والعديد من الشوارع التجارية
ويمكنك زيارة شاليهات مسيعيد شرق البلاد بالإضافة إلى شاليهات الغارية في الغرب ومنتجع السلطان في مدينة الخور الساحلية
وفي الدوحة متاحف جميلة وحدائق متميزة وأماكن ترفيهية رائعة .
أرجو أن أكون قد أضفت شيئا مفيدا وحياك الله في قطــر .

ستجد في هذا الرابط مبتغاك
http://www.travel4arab.com/vb/showthread.php?t=21962

الحقيقه اذا تبي تسكن في قطر انصحك في الرتاج ريزدنس وهو شقق مفروشه ممتازة وفخمه وسكنت فيها اخر السنه اللي طافت 2005 وشوي غاليه لكنها تستاهل وكان الفندق توه فاتح يعني فرش جديد وقطر تستاهل واهلها ناس طيبين وخصوصا المسافه بينكم قريبه يعني مو بعيده وايد والطريق حلو وامن
تروح وترجع بالسلامه ولاتنسى مطعم شجاع لازم تمرة اللي ما يتعشى في مطعم شجاع يعني ماراح قطر

ناااااصر

ببببببببذذذذذذذذذبحك انت ويااا مطعم شجااااع هااااي

ههههههههههههههههههه

اما سالفة مطعم شجاع ،، بصراحة ,,ياناصر ،، ذابحك هالمطعم .


اخي العزيز
اسف على الرد المتاخر ، اذا بغيت افضل الشقق الفندقية في قطر تحصلها في توقيعي ..تحت هذا الرد .
وهي الرتاج ريزيدانس وهي غرفتين وصالة وحمامين ومطبخ . وفيه غرفه وصالة ومطبخ ووو

اضغط على الرابط تحت وبتحصل اللي تبيه .

وكذلك اذا بغيت خطط لبرنامجك انصحك في ضغط على الرابط في توقيعي خمس ليالي في قطر ..

واتمنى لك التوفيق ،،

وحياك في بلدك الثاني .


واذا بغيت فنادق افضل الفنادق طبعا الريتز كاليرتون ولكن هناك فندق توه مفتوح في قطر حلو ورائع اسمه غراند ريجنسي وهو بقرب الشقق اللي ذكرتها لك . وكلاهما عند دوار مستشفى الولاده .


تحياتي
رجل شرقي

تصدقون عاد مارحت حق شجاع بس عندي صديق قطري يوصفلي هالمطعم ويوم زرته قلته ابي مطعم شجاع صد عيني وقال تبي تتسمم وابتلش فيك ا

عندي سؤال ليش كل الفنادق يم مستشفى الولاده ؟؟؟؟؟؟؟

والله شغله المفروض عند الكورنيش مو عند الولاده عادو انا ذلك اليوم بسوي جك اوت وقالولي ان المكينه مالت الفيزا خربانه روح اسحب كاش وقلت لهم وين اقرب شي قالولي مستشفى الولاده رحت له الله وكيلكم زحمه سيارات الكل يبي يطلع زوجته وكل واحد واقف يم الباب يشيل اغراضه وزوجته ومولوده اليديد وقعدت تقريبا ساعه بس اشوف علامات الفرح للعرسان الجدد ماشاء الله شي حلو واللي ماسك زوجته شوي شوي ويركبها السيارة الله يبارك لهم ويزيد اهل قطر ويكبر مطعم شجاع ويصير مطعم صجي

احبكم اهل قطر ومانستغني عنكم

المشاركة الأصلية كتبت بواسطة na9erq8


تصدقون عاد مارحت حق شجاع بس عندي صديق قطري يوصفلي هالمطعم ويوم زرته قلته ابي مطعم شجاع صد عيني وقال تبي تتسمم وابتلش فيك ا

عندي سؤال ليش كل الفنادق يم مستشفى الولاده ؟؟؟؟؟؟؟

والله شغله المفروض عند الكورنيش مو عند الولاده عادو انا ذلك اليوم بسوي جك اوت وقالولي ان المكينه مالت الفيزا خربانه روح اسحب كاش وقلت لهم وين اقرب شي قالولي مستشفى الولاده رحت له الله وكيلكم زحمه سيارات الكل يبي يطلع زوجته وكل واحد واقف يم الباب يشيل اغراضه وزوجته ومولوده اليديد وقعدت تقريبا ساعه بس اشوف علامات الفرح للعرسان الجدد ماشاء الله شي حلو واللي ماسك زوجته شوي شوي ويركبها السيارة الله يبارك لهم ويزيد اهل قطر ويكبر مطعم شجاع ويصير مطعم صجي

احبكم اهل قطر ومانستغني عنكم



يا ناصر انت تعال وانا اوديك مطعم شجاع ، بس مطعم شجاع بس كباب ويشتهر في رمضان وهو صغير ما يجي 3 امتار في 3 امتار ولا به مكان تقعد ابد ، وفيه ساحه قدامه مستغلها وحاط طولات بلاستيكية ويقدم عليها الكباب او يجيب الكباب وانت في السيارة .
ومثل ما قلت لك يشتهر في رمضان .واعتقد بان صيخ الكباب ب ريال ونص
تعال وانا اوديك ولا يهمك ..!!
وانا اوعدك انك ما راح تطري مطعم شجاع على لسانك .خخخخخ


بالنسبة للفنادق حول مستشفى الولاده .

لا بالعكس ما فيه الا الفندقين بس فندق غراند رجنسي بجنب الدوار بالضبط والثاني شقق رتاج ريزيدانس عند بوابة مستشفى الولاده الغربية ( قريبه من الدوار ) اما الفنادق الثانية متنشره في الكورنيش و البدع و السد و المنتزه وسط الدوحة وحول المتحف .

اقولك ، انت تعال قطر وخلني دليلك السياحي .
ولا تخاف راح اكل معك من مطعم شجاع ، هذا اذا ما صكرته البلدية ،،خخخ



تحياتي
وامانه لاجيت قطر لا بد تكلمني ،،


رجل شرقي
الدوحة