الموضوع: استفسارات بخصوص السفاره البريطانيه

السلام عليكم

عندي استفسار انا برا الرياض ولا راح ارجع الا بتاريخ 23 رمضان


دوام السفاره يقفل برمضان والعيد ولا لا .!


وتنصحوني لو ابي اطلع فيزا اخلص اموري من الحين واحجز موعد اذا كانو يداومون برمضان


ولا اول اول يوم دوام بعدالعيد .. يمديه تطلع باسبوع الفيزا لان المفروض الرحلة


بشهر 10 هجري ب 12 او 13 يمديني .!!


ولو اجلنا السفره ل عيد الاضحى كيف اجواء لندن .. يكون التاريخ 9 اكتوبر شهر 10

مواضيع عشوائيه ممكن تكون تعجبك اخترناها لك:

• ماخاب من استشار 20 يوم في لندن و باريس و سويسرا
• التركية للطيران لديها مكتب في لندن
• ๑۩©۩๑«« رحلة إلى انجلترا »»๑۩©۩๑
• فنادق لندن للميزانيه المتوسطه
• مكان سياحي صغير وعجيب في بريطانيا بالصور
• ساعدوني يا راعين بريطانيا
• الرجاء من اخواني الاعضاء ابداء الراي
• راكم في فندق
• أرجو وضع مخطط لسفرتي
• هل احتاج فيزا لايرلندا ؟؟
• الريف في بريطانيا
• السيرك في لندن
• هـنـا تـقـبل الـتـهـانـي والـتـبريـكات بـمـناسبـة عـيـد الـفـطر السعيـد عيدكم مبارك
• رايكم بهذي الشقق
• خساااره يالندن طلعتي مو مثل ماتوقعتك
• ابي اسماء وعناوين محلات للبدل والفساتين الراقيه غير هارودز؟؟
• مساعدة تكفون
• ابلكيشن الفيزا اخترت family visitor
• رايق مروّق بلندن
• استفسار بسيط عن التكاليف

السفارة يداومون برمضان و يعطلون فقط إجازة عيد الفطر 3 أيام .

شاكره لك المعلومه اخوي ثلج ..

طيب بالنسبه لو طلعت الفيزا vip رحت لهم مثلا بتاريخ 26 رمضان


ممكن تطلع قبل تاريخ 19 اغسطس اللي هو 12 / 10


وكيف الجو بهالتاريخ هناك ..شتاء والا صيف


الله يعافيكم انتظر الاجابه

مرحبا جميعا



اجلت الرحلة الى اكتوبر لضيق الوقت ..


الله يعافيكم عندي كذا استفسار لرحلتي


شهر اكتوبر كيف الاجواء هناك ..!


الوصول بيكون في 12 اكتوبر ..السكن المشكلة الي واجهتها
ابي سكن قريب المناطق الاساسيه السياحيه لانو اول مرة اروح لندن مابي اضيع


يهمني يكون نضيف ومكانه قريب .. لو شقة كمان عادي انا وزوجي فقط


يهمني السعر السعر لانو السكن بيكون للنوم فقط .. ابي شي من 500 الى750
تتوقعون الاقي


الفلوس استفيد منها انا بالشوبنق ..


بالنسبه لتذاكر المترو اقدر احجزها من النت ولا مابستفيد منها


لانو ابي اروح اهم شي لاوتليت فليج .. اكسفورد ..متحف الشمع ..الخ من المناطق الاساسيه


العملة ايش اخذ معي دولارات الافضل برايكم ..


الرحلة بتكون 8 اايام وبعدها بتجهه لباريس باذن الله ..


يعطيكم الف عافية

هذا القسم على كثر المشاهدات يالله نلاقي جواب واحد بالكثير

اتوقع الجو بيكون بارد بس محتمل ولطيف هي لندن عموما بارده حتى بالصيف بالنسبه للاوتيل انا افضل على الاكسفورد بس اغلى من الميزانيه الي قلتيها بس ممكن تلقين افتحي بوكنق وحددي السعر الي تبينه وشوفي الخيارات انا دخلته تو وحطيت اكتوبر وشفت لك اسعار الفنادق بين 500 - 800 اكثرها شمال الهايد بارك وجنوبها وانا عن نفسي افضل جنوبها لان منطقه حيويه اكثر الي هي ساوث كنسينغتون بس شمالها اقرب للاكسفورد الي هو مكاني المفضل
اذا وصلتي اشتري بطاقة اسبوع للاندرقراوند والباصات وفيه مواضيع مثبته كيف طريقة استخدامهم وحتى الاوت لت تروحين له من الاندرقراوند بس بيكون فيه تغيير لانه خارج لندن اقري عنه افضل
اكسفورد ومتحف الشمع ولندن اي...الخ كلهم تقدرين توصلين لهم بالاندرقراوند والباصات الموضوع سههههل وارخص لكم من التكاسي بس تحتاجين تقرين شوي عنها وانتي لسى مطوله رحلتك قدامك وقت طويل

بقولك طريقتي قبل ما اسافر بشهوور هههه ادخل قوقل ماب واتمشى في حارة الاوتيل وادور في المدينه كلها وكل ماقريت عن مكان اشوف الاتجاهات وكيف اروح له من قوقل ماب برضو حتى احيانا يطلعلي رقم باصات لندن
رحله ممتعه ان شاالله

Ss,, i

الله يعافيك يارب مشكورة حبيتبي ع الرد


طيب لو سكنت شمال الهايد بارك اقدر اروح مشي يعني ل الاكسفورد واللزي حولة


وجنوبها ايش متميز اكثر فيها يعني عشان اميز ايش الفرق بالمنطقتين


واشوف الانسب

انصحك كم يوم تخصصينها لمنطقة البحيرات تروحون عن طريق الباص اذا يهمكم الريف
انا للحين مارحت لكن حاجز فيها

اذا سكنتي في شمال الهايد بارك تقدرين تنزلين للهايد بارك بسرعه لانها قريبه بس تراها كبييييييره يعني البحيره بعيده شوي والاكسفورد كمان بعيد بس على حسب وين بتاخذين ممكن بعيد ربع ساعه مشي ممكن اكثر ممكن اقل انتي حطي عنوان الاوتيل في قوقل ماب وروحي للاتجاهات وخلي الاتجاه الثاني الماربل ارتش الي هو بداية الاكسفورد وشوفي كم المسافه بالمشي جنوب الهايد بارك منطقه حيه زي الاكسفورد فيها هارودز والنايتسبريدج وسلون ستريت محلات ومطاعم
وبالنسبه لمنطقة البحيرات اذا انتي بتروحين بس 8 ايام للندن وهي اول مره تروحين لها احس خليك كل المده بلندن والمره الجايه ان شاالله روحي للبحيرات واي سؤال عندك اسالي انا جاهزه بس ادعيلي تطلع الفيزا بسرعه

يارب تطلع ي حبيبتي ان شاء الله تتسهل لك يارب..

شكككرا لك ي قمممر ع الاجوبه اول مرة استوعب السالفة خخخخخ خصوصا اول مرة اروح لندن يعني مافهم مصطلحات اللي رايحين وعارفين لها


طيب لو سكنت بجنوبها احس ربشه احلى كيف اوصل ل الاكسفور بالباص ممكن او المترو ..


تقدرين تنصحيني بكذا فندق بالمنطقة هذي وانا بتفرج واشوف واستشيركم باللي لقيت


ياحبي لك والله مشكورة ..

انتي شكلك مره حابه الاكسفورد وما الومك انا احب اسكن فيه عشان كذا الغي فكرة جنوب الهايد بارك لانها بعيده عن اللكسفورد اكثر من شمالها وبعيد لندن في كللللل مكان فيه باصات تقرب لك كل شي

Commodore Hotel هذا الاوتيل الي حطيتيه كاتبين عشر دقايق عن الاكسفورد بالباص طبعا يعني كويس بس اقري التقييم وشوفيه في ترب ادفايزر لاني ماقد جربته
شفتي المنطقه الي فيها هذا الاوتيل؟ دوري فيها لمن تلقين اوتيل يناسبك وزي ماقلتلك قبل ادخلي قوقل ماب وشوفي الاتجاهات ووين اقرب محطة باص ووسعي صدرك ترا لندن حلاتها بباصاتها والمشي فيها والله يسهلك من الموبايل

لا عادي ماتعبتيني ولا شي ..
طيب اذا عجبك الاوتيل الي حطيتيه وقريتي التقييم وتحسينه ناسبك خذيه لانه خطوتين للهايدبارك وعشر دقايق للاكسفورد بالباص
واذا تبين في جنوب الهايدبارك عندك the remprandt مكانه على نفس صفة هارودز اقل من عشر دقايق مشي منه والهايد بارك قريبه انا ماسكنته بس اعرف ناس سكنو فيه يقولون نظيف ومرتب بس الغرف صغيره وهذي طبيعة اوتيلات لندن
اقري عن الاوتيلات وشوفي الي يناسبك * من الموبايل

عندي سؤال الله يعافيكم

الحين لو حجزت موعد من السفاره عشان الفيزا واكتشفت بعدها ان جوازتنا بتنتهي


وجددتها يتغير رقم الجواز طيب يروح علي الحجز يعني ولا يقبلون الجواز ؟؟

سؤال ثاني الحين حجز القطار بين لندن لباريس


http://www.raileurope-gcc.com/spip.p...e_oper=results


من هنا ولا


http://www.eurostar.com/uk-en



شالفرق بينهم