الموضوع: استفسار عن هالفناق ومواقعها

السلام عليكم

انا ان شاء الله رايح ايطاليا في شهر اكتوبر ..

وحجزت هالفنادق ..

ياريت بس احد يخبرني شنو مركزها .. وهل هي قريبه من محطار القطار ؟ والا لازم آخذ تاكسي علشان اروح لها ..

وكم المسافه بينها وبين المحطه ؟ عشان اعرف هل تصلح امشي في هالمسافه والا اركب تاكسي ..

وياريت بعد احد يخبرني عن الجو هل هو بارد في روما وفينيسيا والا يكون عادي ؟

اسماء الفنادق ..

روما : residenza D&D
فينيسيا : ambassador tre rose


وشكرا

مواضيع عشوائيه ممكن تكون تعجبك اخترناها لك:

• مخطط الغرانيق
• أول مرة الى ايطاليا ... احتاج مساعدة
• يوم الاحد
• استفسار بسيط بخصوص السكن في روما
• استفسارات عن السكن والقطار
• تكفون عاجل جدا وهام
• آلنقآب في إيطآليــآ
• ناوي على سفريه أوروبيه بعد كم شهر إذن الله خبراء سفريات أوروبا تفضلووو
• اعضاء البوابة السويسرية في حاجة الخبراء الايطاليين
• ايطاليا شهر فبراير ارجو المساعده
• اخذ الفلوس كاش ولا ببطاقة الصراف
• تكفووووون افيدوني بخصوص التنقل
• تكفووووون محتاااجة مسااااعدتكم
• فزعتكم يامشرفين ايطاليا كلها ايام ومسافر
• فلورنساالمدن القريبه منها
• طلب مساعدة
• كيفية التنقل من ميلانو الى ميونخ
• بليز مسااعده
• لكل من لدية المعلومات عن ارووبا يضيف معلومه
• الله يفرج للي يساعدني

للرفع .....

بالنسبة للفنادق ياليت لو تحطين الروابط حقت الفنادق عشان اشيك عليها


بالنسبة للجو في اكتوبر في ايطاليا بيكون حلو


تحياتي...................

بالنسبة للفندق مو بعيد عن الفاتيكان .. بالجهه المقابلة للنهر اللي بين فندقك و وبينه

وفي نفس جهتك من النهر فيه مبنى المحكمه .. شيئ مهيب مره مبنى قديم ويلازم تشوفه

وفيه مطعم قدام المحكمه بالبسطات .. اللي يبيعون مصريين

ووراكم شارع نازيونالي بس بعيد شويه ... فيه ساحه عمرانه للساعه 2 بالليل بالايام العاديه ( نافوره)

ووراكم ايضا نافورة دتريفو ايضا مو بعيده عنكم ....

على العموم كل شي قريب .. والمشي حلو ... انا ما اركب المتروا ابدا مع العلم ان محطة التيرمني مو بعيده

سفره سعيده

الليث ..
ترى اسمي أحمد هيهيهي يعني رجال ..

وهذي مواقع الفنادق الرسميه

الاول : residenza D&D
http://www.residenza-dd.com/


الثاني : ambassador tre rose
http://ambassador.hotelinvenice.com/


ياريت بس احد يخبرني شنو مركزها .. وهل هي قريبه من محطار القطار ؟ والا لازم آخذ تاكسي علشان اروح لها ..

وكم المسافه بينها وبين المحطه ؟ عشان اعرف هل تصلح امشي في هالمسافه والا اركب تاكسي ..

وياريت بعد احد يخبرني عن الجو هل هو بارد في روما وفينيسيا والا يكون عادي ؟

--------


اخوي السفير

شكرا ما قصرت .. ان شاء الله استمتع بالمشي في شوارع روما

اسف مانتبهت للاسم



بالنسبة لفندق روما

قريب من حديقة بورقيزي

و بعيده عن محطة القطار مسافة كيلو تقريبا فافضل حل هو
انكم اول ماتصلون المحطة تاخذون تكسي الى موقع الفندق او الميتروا بس ان كان عفشكم كثير فاتكسي افضل
من المرمطه



بالنسبة لفندق فينيسيا

فهو قريب جدا من ساحة سان ماركو الشهيرة بس لما تصلون محطة القطار افضل تاخذون التكسي وتعطونه عنوان الفندق ويوصلكم



بالنسبة للجو رديت عليك سابقا

ان كانك تقصد عن نوعية الملابس

فانصحك تاخذ ملابس خفيفة وملابس شبية ثقيلة يعني مايمنع جكيت واحد احتياط

انا كانت لي رحلة في اكتوبر وكنت ططاقة برمودا وتي شيرت بينما استغرب من الايطالين وهم مشتين بملابسهم
رغم ان الظهر يكون مشمس الجو بالليل يبرد الجو شوي يعني حق لبس بلوفير كم طويل وجنز


تحياتي.................

تسلم يالغالي غلى الرد ..

يعني اذا كيلو ممكن ان نروح مشي الى الفندق ونتمشى في شوارع روما وفينيسيا ..

بس ممكن ما عليك امر تذكر المسافه من المحطه مالت القطار اللي في فينيسيا والفندق عشان اعرف تسوى امشي والا آخذ تاكسي ..

وفي عندي بعض الاسأله بس خلني ارتب جدولي علشان خلاص احط النقاط على الحروف وبعدين راح اسألك ..

وآسف على الازعاج اخوي ..

اخي في كل الاحوال مانصحك تتنقلون بعفشكم بالطريق بيكون متعب عليكم

لان الفنادق تبعد مسافة عن محطة القطار بيكون مزعج عليكم والرصيف في روما ماهو مستوي يعني بيتعب شوي

خلها ياتكسي او ميترو


تحياتي.....