اهل قطر الطيبين سؤال وبرنامج

**ahmed1** · 01-23-2015, 08:36 AM

السلام عليكم

صباح الخير للجميع

انا قادم بإذن الله للدوحة يوم الاحد القادم مساءا ولمدة ليلتين يعني العودة الاربعاء عصرا للسعودية

مارأيكم بفندق رمادا انكور يقع بشارع احمد بن محمد بن ثاني حيث انني حصلت على سعر 900 ريال غرفة قياسية لشخصين ( انا وزوجتي ) ..

رأيكم من ناحية النظافة
من ناحية الموقع
من ناحية السعر

وماهي الاماكن المقترحة زيارتها لهذه اليومين ...

شاكر لكم

مواضيع عشوائيه ممكن تكون تعجبك اخترناها لك:

**ahmed2** · 01-23-2015, 08:37 AM

مرحبا اخووي ماانصحك فيه بهذا السعر وموقعه يعني مب لين هنااك .....انا مستغرب من السعر مع انه اربع نجووم.......عندك كورال الدوحه احسن منه والليله ب 500 رياال الا اذا كان في شي هالاسبووع وكل الفناادق رافعه اسعارها .....عندك كورال الدوحه ورتاج روياال اسعارهم ممتاازه

**ahmed3** · 01-23-2015, 08:37 AM

انه مو من قطر بس كانت لي زياره اولى لها الشهر الي فات

الفندق ما عندي فكره عنه بس اذا كان هذا السعر الى الليله الواحده فهو جدا مرتفع احنا سكنا في خمس نجوم وموقع ممتاز وباقل حوالي 700 لليله

بالنسبه للاماكن فعندك سوق واقف عجيبه تراث تتمشى فيها وفيها مطاعم ممكن تقعد وتاكل في احدها
ذا بيرل (اللؤلؤه) عجيب تروح الصبح تقعد في مطعم تفطرون (برج الحمام مثلا) المكان راقي جدا وحلو
كاتارا احلى مكان عجبني تروحون ليه قريب المغرب يعني على 4 ونص وتقعدون لليل تتمشون وتقعدون في كوفي شوب او تتعشون في احد المطاعم المكان جدا جدا جميل (من وجهة نظري) انصح بيه
تقدرون تروحون فيلاجيو مول وبعد ما تخلصون تروحون تتمشون في اسباير جديقه كبيره مثل الهايد بارك ويمهم يكون استاذ رياضي كبير