الموضوع: تكفون فنادق او شقق فندقية لاهنتم

الأخوه والأخوات رواد منتدى المسافرون العرب المحترمين
حياكم الله
وآمل مساعدتي في المشورة بالسكن في لندن بشقق فندقية او بفندق ساسافر بصحبة اسرتي عددنا 6 اربعة اطفال دون الرابعة عشر
ماذا تقترحون علي ومن خلال تجربتكم دلوني على فنادق او شقق فندقية تكون نظيفة ومريحة وآمنة واسعارها معقولة وقريبة من الهايدبارك واكسفورد
وماهي احسن طريقة للصرف واستخدام العملة هناك بالدولار او يورو او بالجنيه وهل اصرف كاش من السعودية او من هناك احسن من مطارهم او عن طريق ماكينة الصراف وماذا تقترحون علي من برامج وزيارة اماكن خلال عشرة ايام في لندن مناسبة للاسرة
تكفون ادلو بدلوكم ونورني من خبرتكم وتجربتكم في لندن وحطونا بالصورة ولكم مني وزوجتي الدعاء
وشكراً لكم

مواضيع عشوائيه ممكن تكون تعجبك اخترناها لك:

• ضيفة في بوابتكم تحتاج مساعدتكم
• عندي ترانزيت طويل ساعة في مطار هيثرو
• القطري ساعدني ابي سكن لمده اشهر
• هل فندق ميليا وايت هاوس قريب من شارع اكسفورد
• هل حجز بوكنق معتمد لدى السفارة البريطانية ؟؟
• جوله في نادي مانشستر يونايتد - تصويري
• خطاء في بيانات الطلب فزعتكم
• سؤال لو سمحتوا
• أفضل خط وخدمة الأيفون ؟
• الفيزا البريطانيه
• التاكس فري ياجماعه الخير
• زيارة خطافية لمانشستر يونايتد وترافورد سنتربالصور
• ثيستل ماربل ارش
• السفر بطيران الامارات ام البريطانية افضل ؟
• هل هذا الفندق زين ولا بلييز
• الانترنت في بريطانيا
• طلبات الفيزا للكويتين ؟
• فندق
• خاص لمشرفنا ابو عبدالله والقطري ولا يهينون البقيه مع الشكر
• احتاج شقق فندقيه في وسط لندن

http://www.arabtravelersforum.com/travel819328/

http://www.arabtravelersforum.com/travel724241/


http://www.arabtravelersforum.com/travel166776/


الصرف بالباوند الجنية الاسترليني


افضل لك الصرف من هنا افضل بالقيمة وسعر الصرف امس في العمودي بالخبر 5.82 ريال لكل باوند


البطاقات افضل في الاستخدام وتجنبك عدم حمل مبالغ كبيره معك


برامج الزيارة


http://www.arabtravelersforum.com/travel395938/

http://www.arabtravelersforum.com/travel199757/

http://www.arabtravelersforum.com/travel645656/






اسمتع بالقراءة

تسلم مشرفنا الغالي على تفاعلك ربي يسعدك ويوفقك
استاذي الكريم فارس ماذا تقترح علي بالسكن في فندق او شقق فندقية وإذا تعرف شيء جيد مجرب قريب من الهايدبارك واكسفورد ياليت تكتب لي اسمه وموقعه وسعره
وكم سعر التاكسي من المطار للفندق الذي قريب للهايدبارك واكسفورد التعامل بالعداد هناك ولا قطوعه
وانتظر اقتراحات وإفادات الكرام الخبراء بلندن الله لايحرمنا من الطيبين
ودمتم بخير

http://www.booking.com/hotel/gb/pres...ml?aid=1329869

بسم الله الرحمن الرحيم
الاخ بيور لايف:
بالنسبة للسكن لمدة 10 ايام ما انصحك بالشقق لان نظامهم الدفع اسبوعي اما الفندق الدفع يومي وبالنسبة للفنادق في اكسفورد عندك فندقين انا جربتهم
1- ذا سيتل ( مناسب جدا للعوائل ) احجز غرفتين بينهم باب وهو مناسب واقتصادي وبتلقى اهل الخليج كلهم فيه ودايم تلقى عليه عروض - للأمانه انا ما احبه - وبوفيه الفطور عنده زين لكنه زحممممه
2- الكمبرلاند حلو ومجددينه وبوفيه الفطور زين عنده واسعاره مناسبه
نصيحه : احجز عن طريق النت وخذ معاك صورة الحجز افضل من المكاتب
بالنسبة للتنقل: بصراحه على كثر ما رحت عمرنا ما حجزنا من الدوحه
بالنسبة للصرف : اصرف مبلغ بسيط بالباوند_ هم مايعترفون الا فيه - والباقي اعتمد على البطاقة احسن واامن
بالنسبه لبرنامج الزياره ،الاخ فارس الجبيل ماقصر بس فيه مكان حلو للاطفال في البيكادلي اسمه جنغل كافي ( محل لللأطفال وداخلة مطعم ) يهببببل العيال استانسوا فيه تدخل المطعم كأنه غابة استوائيه والجرسونات لابسين لبس الصياد ويشرحون حق اليهال وفجأه تسمع البرق والرعد والمطر عقبه زئير الاسد
بصراحه وناااااسه دور عليه في غوغل بتلقى العنوان بالضبط وروحله بتكسي اظمن عشان ما تظيعون

تسلم مشرفنا الكريم فارس ماقصرت يالغالي ربي يحفظك
----------
تسلم اخي الكريم هلو لندن على تفاعلك ربي يحفظك
وبالنسبة للفندقين الذين ذكرتهم وين موقعهم يالغالي وياليت إذا ماعليك كلافة تكتب لي الاسبلنق حقهم لأدخل عليهم بالنت
والجنقل كافي قريب من الفندفين نروح لمه مشي على الاقدام ولا بالباص ولا تاكسي
والتاكسي الخنفسانه كم اخذ منكم بمشواره من المطار إلى السكن بالعداد ولا قطوعه
وإذا فيه اماكن قريبة من الفندق مناسبة للعائلة اذكرها لي
شاكر ومقدر تفاعلك وآمل ان لا أكون تعبتك باسئلتي ربي يسعدك ويسهل دربك

الاخ الفاضل : بيور لايف اشكرك على الدعوه ولك بالمثل ان شاء الله
1- thistle marbel arch هذا الفندق الاول وهو موجود في الاكسفورد وبتلقى اسمه فوق محل نكست وتدخل له انك تلف يسار بعد نكست ويكون نكست على يسارك تمشي شوي تلقى لفه يسار عندها كوفي شوب وباب الفندق جنبه على طول وعيب هالفندق ان الاستقبال فوق يعني تدخل تلقى جدامك سلم طوييييل وجنبه سلم كهربائي خربان دائما يعني يبيله لياقه
2- cumberland hotel london , وهذا موجود جنب كافيه بريت يعني تلطع من الفندق وتاخذ يسار تلقى جدامك الماربل ارتش ويسارك بريت وتلف عقب الكافي يسار وتتلقى نفسك في اكسفورد
( نصيحه : بالنسبه لبوفيه الافطار انصح بعدم تناول النقانق او المرتديلا حتى لو كان مكتوب عليها دجاج او خروف )
3- المطعم اللي ذكرته بعيد عنهم هو في البيكاديلي سيركس وحاولت احط الرابط لكن مشاركاتي قليله فانت اكتب
the rainforest cafe london
وبيطلع لك الموقع ان شاء الله
4- بالنسبة للتكسي كان عداد يحسب وخذ علينا مابين 90 الى 120 باوند مب ذاكرة بالضبط
5-الاماكن القريبه للأطفال في اكسفورد هي عبارة عن محلات مش اماكن لعب يعني عندك disney store في اكسفورد وفي البيكاديلي سيركس عندك متحف صدق او لا تصدق حلو ومحل ام اند امز وفيه مجمع قديم اسمه التروكاديرو ولدي يحبه عشان الحبال اللي يربطونهم فيها ويقلبونهم بالهوا والثور الهايج وفي داخله محل تصوير يلبسون اليهال ملابس قديمه ويصورونهم
6- عندك مدام توسو حلو وعند لندن اي فيه محل العاب لليهال فيها السيارات اللي تتصادم والعاب الكترونيه وتدخله من باب المكدونالدز
7- اذا كنت ناوي تطلع ملاهي خارج لندن انصحك بألتون تاور احلى من ديزني فرنسا وفيها العاب لجميع الاعمار وتقدر تأجر سياره خاصه توديك او تروح عن طريق قروب من المكاتب في الادجوار رود
فيه مكان بعد حلو لكنه للأكل
واذا ذكرت شي ثاني راح اذكره بعون الله

مقهى الاطفال في البيكاديلي تخلي متحف صدق ولاتصدق على يمينك وقاب على يسارك تمشي شوي تحصل المقهى على يمينك

http://www.therainforestcafe.co.uk/

تسلمون ياكرام على تفاعلكم الله يوفقكم
ولظروف طارئة ستكون بمشيئة الله سفرتنا للندن العام القادم
وأشكركم على المعلومات المهمة المفيدة التي لاشك ساستفيد منها مستقبلاً
ماقصرتوا ربي يسعدكم
تحياتي لكم

شكله روعة هالكافي