الموضوع: اكثر فندق موقعه استراتيجي في لندن

السلام عليكم جميعا .. بغيت اسأل شنهو احسن فندق في لندن من حيث الموقع


قريب من شارع العرب الهايد بارك الاكسفورد والمحطات يعني بالنص بين هالاماكن .. واقل مدة مشي ممكنة ..


أنا أفكر في ماريوت سكوير .. ولكن محتاجه رايكم ..

ومشكورين مقدما ..

مواضيع عشوائيه ممكن تكون تعجبك اخترناها لك:

• بغيت سكن مناسب للشخصين وطفل
• برمنجهام المدينة العائمة
• السفارة الغت الموعد بدون سابق انذار ليه وايش الحل ؟
• استفسار عاااجل عن الفيزا
• اهل الخبرة
• لندن
• مخطط رحلتي الى لندن
• استفسار بسيط عن الفيزا
• هدوء سآحل صورة من تصويري
• منطقه ممتعه للسكن فيها في لندن؟ وأفضل وسيلة تنقل
• ياليت اللي عنده خبره في شقة نظيفه في لندن
• اخيراا تم الاختيار لندن
• بلييييييييييييييز مساعدتكم يالنشامى ؟
• اسعفوني ياخوان
• مستعجل ساعدوني
• هل تكفي تذاكر الدخول للمتاحف ورقية ام الكترونية
• كامدن تاون
• استفسار مهم
• اخواني وخواتي الكرام
• هل تأشيرة ريارة العمل لبريطانيا تصلح للسياحه ؟؟؟؟

تستل ماربل أرج



كمبرلاند




هيلتون ميتربولي




مونتكلام

أنا أقصد من حيث قربه من الهايد بارك شارع اكسفورد و من حيث خدمة السياح ( الكونسيرج) .. مش مهم السعر و لا مهم الاتساع لأن معظم اليوم بنكون برا .. ومشكووورين

الماريون والا لاند مارك ؟؟

السلام عليكم

هلا وغلا نور

وحياكم الله بين اخوانكم وخواتكم وان شاءالله اتفيدون وتستفيدون

الماريوت بارك لين الافضل من الناحية الموقع ..

على تقاطع اكسفورد والبارك لين وادجول رود ومقابل الهايدبارك ..

واي خدمه احنا في الخدمه

ملاحظه : الاند مارك بعيد اشوي عن الاماكن المطلوبه

يعطيك العافيه يالقطري ولاهنت ..

From my experience personality Cumberland hotel its suitable and good location get everything easy
For example all the interaction places its near from youAlso under the hotel there is plenty restaurant & coffee & shopping and also the most places interesting for all the Hayed park just cross the road Best wishes for you and safe trip inshallah

انا اشوف غلط الكل ينكب على هالفنادق بذي الاماكن يصير تكدس ، وتقل الجودة ويرتفع السعر

مثلا الفنادق عند البق بن جدا ممتازة من كل النواحي ، واركبي المترو ودقيقتين وانتي عند الهايد بارك او الاكسفورد ، ليه اسكن بوسط الزحمة دام متوفر الباصات والمترو .

المشاركة الأصلية كتبت بواسطة عاشق شواطي
http://www.arabtravelersforum.com/tr...2/#post7732332

انا اشوف غلط الكل ينكب على هالفنادق بذي الاماكن يصير تكدس ، وتقل الجودة ويرتفع السعر

مثلا الفنادق عند البق بن جدا ممتازة من كل النواحي ، واركبي المترو ودقيقتين وانتي عند الهايد بارك او الاكسفورد ، ليه اسكن بوسط الزحمة دام متوفر الباصات والمترو .



ياخي حبيتك من أول مشاركة هههههههه ، قسماً بالله كلامك صحيح وأيدة 100% لكن المشكلة فينا حنا ، يعني بضربك مثال فيه فنادق راقية جداً ونظيفة وارخص بفرق ...... وتحصل ربعنا كلهم يا كمبرلاند يا ثيسل يا هيلتون متروبلي (نظام الشياب ههههه) ....... يعني قبل فتره فيه واحد من الاخوان كان يسأل عن فندق بستانا تشيلسي بريج هوتيل تفاجأت بالاخوان كلهم ينصحونه بالفنادق المعتادة مع أنه فندق راقي وكان عليه عرض خيالي يعني تاخذ الغرفة (واسعة ونظيفة جدا) بسعر اقل من 100 باوند بالليله ولا موقعها مقابل اجمل حديقة عامة (حسب تقييمي) وهي بيترسي جاردن ، وكنت بأنصحه لكن فتحت متأخر على الصفحة ولقيته حجز بمكان ثاني قلت مالي داعي النصيحة ، شغلة ثانية الربع وصلو شارع اجووارود السما مع انه شارع تعيس جدا ويعج بالنصابين والشحاذين والعالم الفاضية .

فعلا الاندرجراوند يقرب المسافات المهم الاوتيل شوفيه بالخريطه وهل جنبه اندرقراوند اولا لانه سريع جدا وتوصلون بسرعه

عندك فندقين تستل ماربل أرج هذا قريب من كل شي و المشي قليل ,, وايضا ماريوت بارك لين يقع على زاوية شارع اكسفورد وعلى رأس زاوية الهايد بارك و مسافات خطوات من شارع العرب ,, انصح فيه ,,

تنوع الافطار فالفندقين قليل ,, وفندق تستل ماربل أرج قديم نوعا ما ,, والإثاث مال أول ,, الحمامات بعضها مش وايد اوكى ,, من ناحية الصيانه ,,

Welcome back ..

I hope you have spent a nice holiday

My warm regards,,

أنا جربت ماريوت جروزفينور سكوير جداً ممتاز

قريب من أوكسفورد و ايدجورد رود و الهايد بارك والنايتس بريدج والماربل آرتش

الحمدالله على السلامه اختي

انا جربت ذا مونتكالم وايد حلو وراقي بس الغرفه ضيقه مايعيبه اي شي وموقعه خطير وايد حبيت مكانه اذا بتروحون مره ثانيه جربوه بيعجبكم ان شاءالله

انا وجهة نظري ضد اللي يقول السكن مو مهم .. انا اشوف السكن من اهم الاشياء بالسفر ومتى ماكان مريح راح ترتاح في باقي السفرة

انا من ناحيتي جربت السكن في هيلتون ميتروبول صراحه الفندق جدا رائع وارتحت فيه كثير

نظافة واتساع غرف وخدمة وفطور ممتاز وموقع اكثر من رائع وكل شي قريب جنبه

اندرقراوند ومحطة قطارات وسوبر ماركت ومطاعم الفندق رائع

وانا ان شاء الله لو برجع لندن راح اسكن فيه