الموضوع: رحلتي إلى بلاد الطليانبالصور

[align=center]بسم الله الرحمن الرحيم[/align]
[align=center][size="4"]اوآ سوري جدآ على التأخير بس خلوها على الله كل ما اقول خلصت مشكله طلعتلي جديده ... ايه ماعلينا :101:

طبعآ انا راح احتسي بالعاميه لأن اللغه العربيه يبيلها واحد معه لياقه :11ight:

مواضيع عشوائيه ممكن تكون تعجبك اخترناها لك:

• مساعدة وتوضيح من فضلكم
• هل فيرونا ممكن تكون محطة انطلاق
• أحلى مطعم بيتزا زرته في
• الفزعه يالخبراء ايطاليا
• فينيسيا
• مول في برجموميلان
• الصيف قرب والسفر حان طاريه وانا ماخططت ولا فيزت ولا حجزتالى خبراء العرب المسافرون
• فندق اقتصادي في روووووووما
• تاريخ البيتزا في نابولي
• جربتوا فنادق حلوه واسعارها مناسبه ؟ عطوني اياها بلييييييييييز
• من مطار روما لمحظة القطار
• أسعار حجوزات الطيران
• استفساري عن فندق بميلانوارجو الرد ليتم الحجز اليوم
• مطار ميلان مالبينسا و مطار فينيسيا ماركو بولو ومطار لشبونة الدولي الحقونا يالخبراء
• فنادق رائعه بأجمل مناطق روما السياحيه الحيويه
• ايطاليا في نوفمبركيف يكون الطقس؟
• عندي موسوعة استفسارات ارجو المساعدة يانشامى
• محتاره بملابسي وجو ايطاليا
• مساعدة في فينس وميلان
• اللي يعرفون بالأسواق بليييييييييز

[align=center]اليوم الثاني في روما ...[/align]
[align=center][/align]

[align=center]صورة من ساحت الفاتيكان [/align]

[align=center]طبعآ شراء خريطه للمكان الي انت موجود فيه امر مهم جدآ عشان تعرف وين تروح بدون ماتقعد تسأل كل شوي [/align]

[align=center][/align]

[align=center]صورة من بعيد للفاتيكان وانا متوجه ل قلعة سانت انجلو [/align]

[align=center][/align]

[align=center]صورة لأحد الجسور على نهر التيفر مأخوذه من إحدى الشرف في قلعة سانت انجلو ((بدت ترجع اللياقه)) :101: [/align]

[align=center][/align]

[align=center]صورة من بعيد ل قلعة سانت انجلو .. من على الجسر الي تو صورته سعر الدخول للقلعه اتوقع إذا ماخانتني الذاكرة انه 6 يورو او 10 المهم مو اكثر من 10 يورو ((في إطار الصورة على اليمين خال يبيع ل حرمه شنطه والظاهر انها تكاسره ولا اعجبة السعر :109: .. في إيطاليا يصلح المكاسر والمفاصله في بعض الاماكن والمحلات))[/align]

[align=center]بعدها توجهت انا وخويي ل ساحة نافونا [/align]

[align=center][/align]

[align=center]صورة إحدى النوافير الموجوده في الساحه [/align]

[align=center][/align]
[align=center]صورة ل نافورة تريفي اكثر مكان مزحوم في روما كلها زحمة لا تطاق يالله صورة [/align]

[align=center]بعدها دزيت إلى الادراج الاسبانيه طبعآ كل المواقع السياحيه في روما قريبة من بعض ابعد شيء حديقة فيلا بورقيزي من الامكان الي زرت اما الباقي دقيتها كعابي بين بعضها واستمتع بالمشيء [/align]

[align=center][/align]
[align=center]صورة اخرى للادراج الاسبانيه وفي اسفل الصورة تظهر نافورة ديللا باركاتشا [/align]

[align=center][/align]

[align=center]صورة ل نافورة ديللا باركاتشا من قريب [/align]

[align=center]اليوم الثاني في روما انتهى[/align]

[align=center]اليوم الثالث في روما [/align]

[align=center]رحت ل قرية تيفولي الجميله والهادئه والتي تقع على قمة جبل قريبه من روما حوالي ساعه ما بين قطار وباص لين توصل انا اخذت اندر جراوند لاين Bونزلت في اخر محطه ربيبليا واخذت باص يودي ل تيفولي من امام مواقف الباصات الي تجي في وجهك اول ماتطلع من محطه ربيبليا [/align]

[align=center][/align]

[align=center]صورة من اعلى تيفولي [/align]

[align=center][/align]

[align=center]صورة قرية تيفولي المتربعه على قمة جبل ((حركه اللغه العربيه)) :107: طبعآ هي قريه صغيرة مافيها إلا حديقة تيفولي موقعها هومايميزها قرية هادئة جميله حقت استرخاء رحنا لها من نفس اليوم ورجعنا ولا امدانا نروح للحديقه لأن باقي حوالي نص ساعه وتسكر لأنا رحنا متأخرين ل تيفولي راحت علينا نومه بالفندق وطلعنا متأخرين [/align]

[align=center]عمومآ هذا كل شيء عن روما ... والي عنده اي سؤال عن روما يسأل لأني عارف اني ماتكلمت كثير فقط اهتمامي كان اكثر بالصور ... على فكرة روما ماحبيتها ابد ابد وكانت اسوء مكان رحت له في إيطاليا في رحلتي يومين كافيه على زيارة اهم المعالم في روما .. فيها غلاء اكثر من غيرها المويه تشتريها من كوشك قدام الكولوسيم ب 2 يورو واحينآ ب 2 يورو ونص لكن ابعد عن الاماكن السياحيه وترخص الاسعار .. وفي تيفولي ارخص وارخص المويه والمطاعم ..ايضآ سبب سوء روما من وجهت نظري هي زحمتها بشكل كبير ونفسيات الناس الي فيها سيئه مش زي الي شفناهم في تيفولي وباقي الاماكن الاخرى في زيارتنا ل إيطاليا ..

اليوم الرابع تحركنا من روما إلى ساليرنو للذهاب إلي شاطىء آمالفي [/align]

هلا اخوي موضوع رائع وفي انتظار التفاصيل الباقيه...........

[align=center]آمالفي [/align]

[align=center]اليوم الرابع من روما تحركنا في الصباح من محطة روما تيرمني إلى مدينة ساليرنو ومن ساليرنو تروح بالباص او بالتاكسي ل قرية آمالفي قصينا تذاكرنا على قطارات ترين ايتاليا درجه ثانيه حوالي الواحد 20 يورو إذا ماخانتني الذاكرة بالحدود هذي على العموم مدة الرحلة ساعتين ونصف بعد الوصول إلى مدينة ساليرنو سألنا وشلون نروح ل آمالفي قال لنا واحد فيه باصات تودي ل آمالفي ب 2.80 يورو رخيص جدآ ... بس خويي الله يهديه كان مستعجل وقال خل ناخذ تاكسي رحت للتكسي وقلت بكم تودينا قال ب80 يورو((طبعآ بدون عداد لو بيحسب بالعداد كان خذ منا مليون يورو قال بدون عداد)) قلت غالي قالي الطريق كله لفات وطلوع ونزول وضيق جدآ المهم كاسرته لين 70 يورو ورحنا معه وطلع كلامه كله صحيح الطريق جدآ ضيق وطلوع ونزول والبلده بعيده اخذت الرحلة بالتاكسي حوالي 45 دقيقه اما مع الباص تاخذ ساعه وشوي وب 2.80 يورو وهذا متأكد منه ((طبعآ رجعنا مع الباص بعد الانتهاء من آمالفي)) المهم ركبنا مع التاكسي اول ما ركبت والله يا سيارته تفوح منها ريحت الكحول وحتى وهو يكلمني من فمه انواع روائح الكحول ... الرجال فاقد الظاهر ... قلت الله يستر المهم اثناء روحتنا ل آمالفي قمة في الاسمتاع والروعه بماتشاهده في الطريق الضيق بين الجبال والشاطىء على يسارك كل شوي طالع وكل شوي نازل روعه كان المنظر مابين جبل اخضر وشاطىء جميل ((من جد فلللله ينبهر الواحد إذا شاف المنظرهذا))

المهم وصلنا للفندق اخيرآ ... كان فندقنا 3 نجوم وكان في مستوى اعلى مع فندقين اخرين من باقي الفنادق في آمالفي لذا كان له إطلاله اجمل من باقي الفنادق على البحر طبعآ فندقنا تمشى 10 دقايق نزولآ لين توصل ل قريه آمالفي [/align]

[align=center][/align]

[align=center]صورة للبحر من شرفة الفندق ... روعه تناول الفطور في الصباح الباكر من هذا المكان .. اليومين الي جلسنا فيها ب آمالفي كنا نفطر هنا مع بعض السياح والاغلبيه يفطرون تحت جوا الفندق [/align]

[align=center]طبعآ اليوم الاول يوم وصلنا دخلنا الفندق وصلينا وتروشنا وبدلنا ملابسنا ونزلنا لوسط القريه مافيها شيء كثير يذكر فقد للاسترخاء والاستمتاع بالطبيعه الجميله والجلوس في المقاهي المنتشره في وسط القريه والاستمتاع بالعروض الموسيقيه في المساء او الدخول للمحلات التي تبيع التحف وغيرها او الاستمتاع بالتمشي على شاطىء البحر [/align]

[align=center][/align]

[align=center]صورة التقطتها وانا نازل لقرية آمالفي والواضحه على يسار الصورة وتشوفون الشجر والشاطىء الرملي هذاك شاطىء القريه [/align]

[align=center][/align]

[align=center]صورة من وسط القريه [/align]

[align=center][/align]
[align=center]صورة من وسط قرية آمالفي ((شوفو الجسور اعلى الصورة الي تربط بين البنايات من اليمين إلى اليسار جميله)) :101: [/align]

[align=center][/align]

[align=center]صورة للعروض الموسيقيه ... في الليل صراحه كانت حلوه وخاثرة

كنت توني متعشي بيتزا ولازانيا من الي هيا :107: بعدها جلست على احدى طاولات المقاهي وخذت لي شاهي مع نعناع وتكيت استمتع بالمعزوفات الجميله خصوصآ وان الطقس جدآ رائع في الليل ولكن النهار الشمس قويه شوي [/align]

[align=center]هذا بخصوص اليوم الاول ..[/align]

[align=center]اليوم الثاني[/align]

[align=center]بعد ماقمنا وصحصحنا وافطرنا في الفندق في ذيك الشرفه الجميله وشربنا الكاباتشينو وبعدها ليصت المعده بعصير ليمون :109: بعد مادبيت في الفطور نزلنا ل البلده وقلنا بنروح ل جزيرة كابري قالو الوقت متأخر الحين الساعه 9 الصباح كل الرحلات من 8 تقدرون تروحون ل بوسيتانو ومن بوسيتناو تروحون ل كابري ... قلنا وش رايك نردها في بوسيتانو وبس خصوصآ ان لازم نرجع بدري شوي عشان نروح ل قرية رافيللو .. توجهنا بالباخرة ل قرية بوسيتانو ب 5 يورو الشخص الواحد ذهاب بس والعودة ب 5 يورو المهم تقدرون تروحون ل بوسيتانو هذي بالباخرة او بالسيارة طبعآ رحنا بالباخرة ونزلنا في بوسيتانو[/align]

[align=center][/align]

[align=center]هذي صورة من الباخرة اثناء المغادرة من آمالفي والاتجاة إلى بوسيتانو [/align]

[align=center][/align]

[align=center]صورة ل قرية بوسيتانو جزء من مباني القريه والذي يقع في موقع مرتفع [/align]


[align=center]طبعآ قرية بوسيتانو اكبر من آمالفي واكثر حركه واكثر محلات واكثر تواجد للسياح من آمالفي ولكن شاطىء آمالفي اجمل وموقع آمالفي افضل خصوصآ إنها مركز للانطلاق لباقي الامكان مثل رافيللو وبوسيتانو وكابري وغيرها ولكن بوسيتانو اجمل.. السكن في آمالفي افضل وكل يوم رح لمكان وارجع ل آمالفي إضافه إلى ان آمالفي اقرب ل ساليرنو من بوسيتانو .. طبعآ الساحل هذا ساحل آمالفي تقع عليه العديد من القرى وتتميز القرى التي توجد على سلسلة الجبال المقابله للبحر بأشجار الليمون يعني الليمون علاة القرى هناك هذا ماتشتهر به .. طبعآ مو اي ليمون حجمه كبير مرة كبر حبة الشمام او الجرو او الخربز [/align]

[align=center][/align]

[align=center]صورة ل شاطىء بوسيتانو :surf [/align]

[align=center][/align]

[align=center]صورة لجزء اخر من القرية الكبيرة والجميله [/align]

[align=center][/align]

[align=center]صورة ايضآ من موقع اخر لهذه القريه الاخاذه ((حركه الاخاذه)) :109: [/align]

[align=center][/align]

[align=center]صوره حلوه للشاطىء :surf وشوفو الجبال تسلسلها جميل[/align]

[align=center][/align]

[align=center]هذا هو الليمون الي قلت لكم عنه :106: [/align]

[align=center][/align]

[align=center]صورة اخرى للشاطىء من بعيد[/align]

[align=center][/align]

[align=center]صورة ل قرية بوسيتانو ونحن نغادرها راجعين ل آمالفي [/align]

[align=center]الان وصلنا ل رافيللو قرية قريبة جدآ من آمالفي 20 مع التاكسي و 40 دقيقه مع الباص ولكن موقعها عجيب تقع بين الجبال وجزء منها يطل على البحر والاجزء الاكبر بين الجبال ... قرية رائعه جميله جدآ للاسترخاء فقط مافيها شيء تسويه إلا انك تطلع فوق وتتعشى وتشرب كاباتشينو او شاهي وتمتع بالمناظر الطبيعيه من حولك والاجمل من كذا ياناس بالليل روعه لاتوصف بعد ان يحل الظلام تشوف اضواء البيوت الخافته على اجزاء متفرقه من الجبال فوق وتحت ويمين ويسار وكأنك تشوف ((الثريا)) روعه ياناس هذا احسن شيء في رافيللو[/align]

[align=center][/align]

[align=center]صورة من رافيللو للبحر[/align]

[align=center][/align]

[align=center]صوله لي وانا جالس في وسط الساحه الي بالقريه ..[/align]

[align=center][/align]

[align=center]صورة اخرى من رافيللو للبيوت التي تتناثر على الجبال المحيطه بالقريه[/align]

[align=center][/align]

[align=center]صورة روعه من رافيللو وقت الغروب شيء جميل شوفو آمالفي تحت اضواء القريه [/align]

[align=center]هذا مايخص هذا الشاطىء الجميل قرية آمالفي وبوسيتانو ورافيللو

شاطىء للاسترخاء والتمتع بالجو اللطيف جدآ والاستمتاع بالطبيعه الساحره للابصار مافيه شيء كثير تستكشفه صراحه عجبني جدآ جدآ هذا الشاطىء ....[/align]


[align=center]بكمل بعدين الباقي بيزا وفنيسيا وليجو دي جاردا وميلانو وكومو ((تعبت قسم بالله))[/align]

جميل جدا انا عن نفسي انتظر تفاصيل بيزا وفنيسيا وليجو دي جاردا وميلانو وكومو


وماااااااااااااتشوف تعب انشالله

رااااااائع ما شاء الله عليك

وأحلى شي إكتشاف هالقرى الجميله

تقريرك راائع ومميز والصور جداً رااائعه ما شاء الله عليك

ننتضر باقي التفاصيل

[align=center]جراتسي للجميع يعطيكم الف عافيه [/align]

[align=center]ــــــــــــــــــــــــــــــــــــــــــــــــــ ـــ[/align]


[align=center]بيزا[/align]


[align=center]اليوم الاخير في آمالفي تحركنا بالباص من آمالفي ل مدينة ساليرنو ب 2.80 يورو للشخص الواحد بعد الوصول ... طبعآ قاصين تذاكرنا من مكتب سفريات في آمالفي مقابل تقريبآ الواحد 45 يورو المسافه بعيده وقاصين التذاكر من مكتب سفريات اكيد بتكون غاليه شوي لو قصيناها من المحطه نفسها ارخص .. عمومآ كان المفروض تكون الرحله مدتها 6 ساعات ولكن القطارا سلك طريق اخر بسبب انهم يقولون حصلو (قنبله) في سكة الحديد بين نابولي وبين روما ومحطة روما ترمني لاتستقبل القطارات الان وراح القطار من طريق اخر ابعد خذنا حوالي سبع ساعات ونصف .. توقفنا في فلورنس وغيرنا القطار إلى بيزا المهم بعد الوصول إلى بيزا على طول كنا جايعين وتعشينا في ماكدونالز الي في المحطه وبعدها قصينا تذاكر لبكرة ل فنيسيا بعد ماخلصنا من كل هذا رحنا للفندق على رجلينا قريب جدآ ولا 200 متر من المحطه
عمومآ بيزا بلدة صغيرة وهادئة ورخيصه ارخص مكان رحنا له في إيطاليا كلها .. دخلنا الفندق وريحنا شوي وبعدها رحنا نتمشى في المدينه الصغيره وخذنا لنا جيلاتو على الطريق ((صار من الاساسيات)) :107: ورحنا للنهر الي فيها وبعدها رجعنا للفندق ونمنا وبعد ماصحينا على طول افطرنا ورحنا لل بيازا دي دومو يعني الساحه حقة البرج المائل والكنيسه الي عنده والمتحف الصغير والمقبرة ..طبعآ رحنا على رجولنا لأن البدلة صغيرة والساحه كانت قريبة منا [/align]


[align=center][/align]

[align=center]هذي صورة للكنيسة الي في الساحه ويظهر جزء من البرج ... وواحد حاط عليه اكس من مشجعين الميلان وانا مشجع للانتر حتى النخاع :109: [/align]

[align=center][/align]

[align=center]صوره اخذتها من اعلى البرج لمدينة بيزا ويظهر ملعب نادي بيزا [/align]

[align=center][/align]

[align=center]صورة ل برج بيزا المائل .. وسعر التذكرة للدخول للبرج 15 يورو ... من جد تحس بميلان البرج وانت تصعد له وفي احد الادوار قبل الدور العلوي تحس وانت تدور على محيط البرج بالميلان فعلآ
طبعآ انا مصور صور كثيرة للساحه والمتحف والمقبرة وللنهر وساحه صغيرة في وسط المدينه ولكن تعرفون عدد الصور الي صورتها كثير جدآ 360 صورة تقريبآ لذلك اخترت افضل الصور والجديده ونزلتاه يعني لو تشوفون موضوع فؤاد الي مثبت وتشوفون صور بيزا تقريبآ زي الي صورة بالضبط يعني ماحبيت اكرر ..طبعآ مدينة بيزا هادئة جدآ ورخيصة ايضآ ارخص مكان رحنا له في إيطاليا ومافيها شيء يذكر غير البرج والساحه الي عنده فقط نهر صغير وبعض الاسواق الصغيرة طبعآ مدينة بيزا الطبيعه الي تحيط فيها جميله وكلها خضرة واشجار وجبال شوفو الصورة الي صورتها من فوق البرج وتعرفون طبعآ سكان القريه هذي نفسياتهم زي العسل افضل من سكان روما وآمالفي بالتعامل

المهم بعد ماخلصنا زيارة الساحه رجعنا للفندق وسوينا تشك اوت وعلى طول لمحطة القطارات للذهاب ل فنيسيا ... وبكذا انتهت زيارتنا القصيرة ل مدينة البرج المائل بيزا ...[/align]

[align=center]فنيسيا [/align]


[align=center]فنيسيا او فينيس كما يقولها الإيطاليين مدينة الاحلام والرومانسيه المدينة العائمه الحالمه المدينة التي طالما سحرة العقول الابصار نعم إنها فنيسيا يالها من مدينه فعلآ هي التي انبهر بها شعراء اوربا وأدبائهم وكتبوا أفضل مالديهم فيها أسألو شكسبير عنها او بروست ... حقآ إنها فريده من نوعها وعجيبه
وداعآ لزحمة السيارات وادخنتها الخانقه اهلآ بالجندول [/align]


[align=center]الرحلة استغرقة حوالي 3 ساعات من بيزا إلى فلورنس او فيرنزي ومنها إلى فنيسيا طبعآ فنيسيا لها محطتين الي يبغى يروح ل فنيسيا المائيه عليه النزول في المحطة الثانيه واسمها سنتر لوشيا
اول ماوصلت بالسلامه طلعت مع المحطه وعلى طول اول ماشفت القوارب والقناة المائيه وقفت دقيقه منبهر ما اتكلم من روعه وغرابة ماشاهدت كان اول منظر اشوفه شيء ... بعد كذا رحت وشريت خريطه ل فنيسيا وعرفت وين موقع فندقنا وأستفسرت من العاملين في محطات السفن اي محطة انزل وقالو لي ركبت مع السفينه الي بتمر على هذي المحطه ((على فكرة السفن هذي زي الباصات في المدن خخخخخخ :109: )) ركبنا انا وخويي ومعنا عفشنا اخذ علينا احنا الاثنين 5 يورو مع العفش المهم وصلنا لمحطتنا ونزلنا ... وسحبنا شناطنا لين الفندق ماكان بعيد مره وكان موقعه فعلآ رهيب مشي حوالي 10 دقايق لين توصل ل ساحة سان ماركو الشهيره ... والمشي عاد في فنيسيا غير إذا لبست ذاك الشورت والفنيله الكت والجزمه الرياضيه المريحه وتمشيت في ازقتها الضيقه وعبرت القنوات المائيه مرة طالع من جسر ومرة نازل من الثاني ... فعلآ تستمتع ... :113: [/align]


[align=center][/align]

[align=center]هذي صوره ل اشهر جسر في فنيسيا جسر ريلاتو عنده الحركه نشطه جدآ وتلقى على الجسر زحمه والجسر نفسه كبير وعريض جدآ على الجسر محلات وجنبه الاسواق والمطاعم ..وهو يطل على القناة الكبرى او الجراند كنل [/align]

[align=center][/align]

[align=center]صورة ل جزء من فنيسيا و ل قصر الدوج او قصر الابداع او قصر الامتاع او قصر الجمال او قصر الفن او قصر العجائب سمه ماشئت ... قصر تجد داخل صالاته الفسيحه افضل فنون الرسم الجدران والاسقف كلها لوحات كبيرة جدآ جدآ وزخارف مزينه بالذهب .. ادخل وتمقل بالسقوف حقة القصر سعر الدخول 12 يورو :109: [/align]

[align=center][/align]

[align=center]صورة للساحه الشهيره ساحة سان ماركو اخذتها وانا اعلى برج الكامبنيل او برج سان ماركو [/align]

[align=center][/align]

[align=center]صورة ل كنيسة سانتا ماريا وإلى اخر جزء من القناة المائيه الكبرى .. الجراند كنل[/align]

[align=center][/align]

[align=center]صورة ل إحدى جزر فنيسيا الساحره وتظهر إحدى الكنائس عليها ترميم[/align]

[align=center][/align]

[align=center]صورة لواجهة ساحة سان ماركو ويظهر العمودين الذي كان في السابق يتم الإعدام بينهما للمحكوم عليهم بالإعدام ((الله يكفينا الشر)) :108: [/align]

[align=center][/align]

[align=center]صورة من ساحة سان ماركو لبرج سان ماركو الكامبنيل وإلى بازلياكا سان ماركو او كنيسة سان ماركو
سعر الصعود للبرج 15 يورو وسعر الدخول للكنيسه فيها قسم للسياح وبعض المعروضات من تحف 4 يورو حقيقه هذه الكنيسه تتميز بالرسومات الجميله في اسقفها [/align]

[align=center][/align]

[align=center]صورة لأحد اشهر الجسور في فنيسيا جسر التنهدات ...وهو الذي يربط مابين السجن على اليمين وقصر الدوق على اليسار [/align]

[align=center][/align]

[align=center]صورة للقناة الكبرى او الجراند كنل ..اخذتها وانا على جسر ريلاتو وكان زحمه مرة بالعافيه صورة[/align]

[align=center][/align]

[align=center]صورة لإحدى القنوات المائيه الجميله .. ويظهر على اليسار الجندول بكل فخامه واناقه
اسعار الجناديل من ال50 يورو وفوق طبعآ الفخم شوي غالي اكيد المهم كاسرهم تراهم يلعبون على بعض السياح السبايك :109: [/align]

[align=center][/align]

[align=center]إحدى القنوات المائيه .... هذي شوارعهم خخخخخخخ :109: [/align]

[align=center][/align]

[align=center]صورة ل إحدى القنوات المائيه وقت الغروب منظر رائع [/align]

[align=center][/align]

[align=center]صورة ل قصر الدوج من الامام .. تشوفون الجسر الي على اليمين هذا دائمآ عنده واحد يعزف على الجيتار عزف روعه دائمآ مسنتر عنده :107: [/align]

[align=center]هذا كل شيء عن المدينه الرومانسيه فنيسيا او مدينة التنكر ياحب اهلها للأزياء التنكريه والاقنعه هذي علامه فنيسيا او ماتشتهر به ايضآ تشتهر بصناعه الزجاج ... من اطرف ما مر علي هو ان العالم دائمآ يقولون ان فنيسيا غاليه وهي في اسعارها غاليه شوي بس مو كثير يعني لافرق يذكر بينها وبين المدن الايطاليه هذا الي جربته .. المهم اقولكم الغريبه ان ارخص مويه شريتها في رحلتي كلها في إيطاليا إلي سويسرا إلى باريس كانت في فنيسيا كان سعرها 65 سنت بس ولا عمري شرية مويه بأقل من يورو ونص
......ايضآ انتبهو اكثر من مرة اشتري من محل في إيطاليا ويرجع لي قطع معدنيه يورو وبعدين احصل بينها ليرة إيطاليه :109: مرتين حصلت لي والثالثه رجعتها للمحل قلت يمكن الايطاليين نصابين خخخخ يوم رحت ل باريس تغدينا في مطعم فخم نوعآ ما المهم رجعت لي قطع يورو وبينها دولار استرالي خخخخخ
ناديتها قلت يالحبيبه انا الحين في باريس مو في استراليا ووريتها الدولار الاسترالي خذته وعطتني يورو والظاهر انها كانت مدبرتها اشوفها تضحك بخبث مع واحد من الجراسين :109:

في فنيسيا ... ذاك اليوم دخلت لمطعم ولقيت ذاك النادل المغربي قلت بس جابك الله يابو الحبيب وش عندكم سباجيتي زينه مافيها خنزير قال سباجيتي فواكه البحر ... انا جربتها وإلا ماجربتها من بعدها ادمنت عليها إدمان ياناس لذيذه مرة ....صرت ادورها دواره في كل منيو :109:

وبكذا انتهينا من هذه المدينه الجميله .. الغنيه عن التعريف والتقديم اتمنى اني مانسيت شيء :101: [/align]

وااااااااااااااااايد حلو مشكووووووور

سلام

موضوع رائع تسلم يمينك..

[align=center] :x1: :x1: :x1: :x1: :x1: :x1:

موضوع رائع .. وصور أروع ..

بس عندي سؤال .. رحلتك كانت أي شهر ...؟!!!









المشاركة الأصلية كتبت بواسطة مبدع إيطالي


[ حديقة كبيرة وفيها منظاد كبير ركبناه في احسن وقت وقت الغروب حوالي الساعه ثمان ونص سعر تذكرة المنظاد 15 يورو



المنطاد كان ودي أركبه بس بنت عمتي حلفت أني ما ركبه ..أقولها عادي يابنت الحلال إن شاء الله ما راح يصير فينا شي .. بس راكبه راسها مافيه راكبه يعني مافي ركبه .. يمين يسار .. ما في أمل .. :112: :112:
كنت عادي بفجر حلفتها وكيفها تصوم ثلاث أيام .. بس حزنتني .. كانت خايفه علي لدرجه أنا شوي وتبكي علينا .. اللي يقول أحنا راح نموت .. وفي النهايه رحنا وفخاطرنا نركبه .. بس ماراح أخلي شي في خاطري .. روحتي إن شاء الله الجايه راكبه المنطاد ومالي دخل فيها ..

مشكوووووووووووووووررر على الصور الحلوه .. والله ذكرتنا بمغامراتنا باايطاليا .. :101: :101: [/align]

السلام عليكم

ماشاء الله تقرير وصور تعور القلب بصراحة ميته تبي تروح :110:

واعجبتني قرية آمالفي والقرى القريبة منها وايد ... المناظر وايد حلووووه

وطبعا فينيسيا هم اعجبتني واتمنى اوزرها ولو لمدة يومين :107:

ياربي كل يوم اكتشف شي حلو بإيطاليا :114:

مشكور على التقرير الرائع :113:

بنت البحيرن ... العفو وإيطاليا حلوه وفنيسيا اروع

ـــــــــــ

سوار رحلتي كانت في شهر 6 الماضي

العفو والمنظاد ماينتفوت ... بس مايستاهل ترجعين عشانه

[align=center]بحيرة ليجو دي جاردا [/align]

[align=center]بعد ماخلصنا من فنيسيا توجهت ل بحيرة ليجو دي جاردا القريبة نسبيآ من فنيسيا استغرقت الرحله بالقطار حوالي ساعه وكان سعر التذكرة 11 يورو ... وبحيرة ليجو دي جاردا عليها عدة قرى بس مافيه إلا قريتين تستقبل القطارات وهي قرية peschiera وقرية desenzano وهذي الاخيرة من حسن حظنا ان فندقنا فيها ... [/align]

[align=center]http://www.gardavacanze.com/garda-map.html[/align]

[align=center]المهم كنا ساكنين في فندق اولفيتو اربع نجوم مقابل البحيرة على طول بينا وبينها شويرع :101:
البحيرة روعه بكل مافيها .. افضل مكان زرته في إيطاليا مع آمالفي موية البحيرة صافيه ونقيه جدآ تشوف الاسماك بكثرة عند جال البحيرة قريبة .. البحيرة رائعه جدآ جدآ
طبعآ جلسنا فيها اربعه ايام وأستأجرة سيارة صغيرة للتجول في البحيرة لأن السيارة بالذات افضل وسيلة للتجول على ضفاف البحيرة توقف في المكان الي يعجبك وتحرك منه متى مابغيت لأن القرى الي على البحيرة كثيرة مرة المهم كانت اجرة السيارة يوميآ حوالي 35 يورو بعدد محدد من الكيلومترات بس تخطيناه من كثر الفرفره ...كان محدد 300 كيلو متر رجعناها لهم ماشيه 500 كيلو متر وشوي :109:
اول يوم وصلنا فيه كنا مبكرين شوي على طول دزينا بسيارتنا نتمشى فرينا في ديز نيزانوالي كنا ساكنين فيها وطلعنا ل بيستشارا وبعدها رحنا ل سيرميوني وتعشينا فيها وهذي الاخيرة صرنا يومين نتعشى فيها ونتكي لليل كله فيها ... موقعها حلو جدآ والقعدات الي فيها حلوه ... كان فيه مقهى حلو فيه وحده مملوحه كنت اتكي كل يوم عندهم :101:

من بكرة على طول توجهنا ل مدينة الالعاب الجردلان كان موقعها بعد ماتتعدى بيستشارابشوي تجيك
سعر الدخول ب 24 يورو وتلعب لمى تمل وتشبع بعد :101: بس رحنا يوم الاحد وكان زحمه شوي[/align]

[align=center][/align]

[align=center]صورة من امام مدخل الجردلان[/align]

[align=center][/align]

[align=center]شفتو اللعبه الي وراي هذي احسن لعبه في الجردلان كله بالنسبه لي ادمنت عليها كل ما اخلص ادخلها ثانيه حفظو شكلي :109: واحسن مكان الكرسيين الي في الاول المتعه فيها غير بس خطر علي رقبتك شوي[/align]

[align=center]المهم بعد ما خلصنا من الجردلان .. رحنا ل قريت lazise وكان فيها قلعة زي الي في سيرميوني وفي هذي القلعه عروض ومسرحيات وعروض موسيقيه وكوشكات جنب بعض كل واحد يبيع شيء مختلف وعالم رايحه وعالم جايه وكان الجو فيها ممتاز جلسنا فيها قرابة الساعتين تغدينا غدا كايف على مطعم مطل على البحيرة ومشينا [/align]

[align=center][/align]

[align=center]هذي صورة للسيارة الي استأجرتها قبل الذهاب من قرية lazise إلى قرية bardolino[/align]

[align=center]المهم وصلنا ل باردولينو .. وجلسنا فيها شوي شربنا عصير ومشينا للقرية الي بعدها وهي قرية garda[/align]

[align=center][/align]

[align=center]صورة ل شاطىء جاردا الجميل [/align]

[align=center][/align]

[align=center][/align]

[align=center]هذي صور ل شاطىء جاردا حلو جلسنا فيها وشربنا لنا كاباتشينو وحركنا للقرية الي بعدها torri بس ماجلسنا في هذي الاخيرة صغيرة مرة ورجعنا إلى سيرميوني وتعشينا فيها وبعدها رجعنا ل فندقنا في ديزنيزانو[/align]

[align=center]اليوم الثاني [/align]

[align=center]على طول حركنا
ل قرية malcesine وطلعنا بالتلفريك لقمة جبل بالدو ارتفاعه 2000 متر وزيادة [/align]

[align=center][/align]

[align=center]هذي صورة من المحطة الاولى للتلفريك قبل القمة والقرية واضحه بالخلف وايضآالبحيرة الجميله [/align]


[align=center][/align]
[align=center]هذي صورة من أعلى القمة الرائعه فعلآ للجبال المحيطه فيها .. بس للاسف نسيت بكم طلعنا للقمه بس اتوقع 10 يورو للواحد مو كثير [/align]

[align=center][/align]

[align=center]شوفو قرية malcesine تحت :101: الحين في اعلى القمه [/align]

[align=center][/align]
[align=center]ابي رايكم بالصورة هذي ... للقمه [/align]

[align=center][/align]

[align=center]هذي صورة من أعلى القمة ل اخر البحيرة وواضحه قرية ريفا وتوربولي [/align]

[align=center][/align]

[align=center]صورة للبحيرة من القمه[/align]

[align=center]بعد ماخلصنا جولتنا في القمه تغدينا السباجيتي الي مايحتاج في مطعم القمه ونزلنا :107: [/align]

[align=center][/align]

[align=center]صورة للقرية وحنا نازلين [/align]


[align=center]بعد ماخلصنا من قرية malcesine رحنا ل قرية torbole وقرية Riva[/align]

[align=center][/align]

[align=center]صورة لي من امام شاطىء قرية توربولي وشوفو مدى صفاوة ماء البحيرة ونقائها طبعآ توروبلي وريفا جنب بعض قريبات جدآ من بعض ... بعد ماخلصنا رجعنا ل سيرميوني وتعشينا فيها وتكينا لين الليل وبعده رجعنا للفندق [/align]


[align=center][/align]

[align=center]صورة ل جزء من سيرميوني بالليل [/align]

[align=center]اليوم الثالث والاخير [/align]

[align=center]رحنا للاكوا بارادايس بارك .... مدينة فيها العاب مائية كثيرة وممتعه كانت التذكرة بحوالي 15 يورو
بعد ماطلعنا منها رحنا ناخذ بعض الجولات على بعض القرى من الجهه الاخرى وافضل القرى كانت توسكولانو وجاردوني وسالو وسان فيلايس ومانيربا ...

المهم ان البحيرة جميله جدآ وكل قراها تقريبآ روعه والاجمل من كذا ان كل قرية لها إطلاله تختلف عن إطلالة القرى الاخرى على البحيرة يعني كل قرية تشوف البحيرة بشكل مختلف وكل قرية لها شاطىء مختلف يعني متعه في متعه وافضل جهه من جهات البحيرة الجهه الي عند ديزنزانو وسيرميوني وبيستشارا ومن عند توربولي وريفا والجهه الي من عند القرى الي زرناها باليوم الثالث كانت افضل إطلالة على البحيرة كانت في قمة الروعه [/align]

[align=center]اليوم الرابع حركنا بتجاه ميلانو عاصمة الاناقه الرجاليه [/align]

[align=center]ميلانو[/align]

[align=center]عاصمة الاناقه الرجاليه والموضه وعاصمة الكالتشيو الايطالي بفريقيها [/align][align=center]الانتر[/align] [align=center]وميلان
((الكالتشيو يعني كرة القدم)) مدينة تزورها إما للتسوق او ل كرة القدم وهذا مافعلته او للتجارة والصناعه كونها عاصمة إيطاليا الاقتصاديه ويوجد بها الكثير من المصانع الضخمه لاشيء كثير يذكر فيها غير الامور الي ذكرت [/align]

[align=center]اول ماوصلنا كان فندقنا على الشارع الكبير والمشهور كورسو سيمبيوني قريب من وسط المدينه بعد ماوصلنا الفندق طلعنا منه ل ساحة المادونينه المشهورة والتي توجد بها كنيسة المادونينه كانت واجهت الكنيسه للاسف معمول لها صيانه بس صورتها من الخلف [/align]
[align=center][/align]
[align=center]صورة للكنيسة المشهورة من الخلف [/align]

[align=center]بعد ماتجولنا في ساحة المادونينه والسوق التجاري الكبير الي جنبها وتجولنا في باقي الساحات القريبة من ساحة المادونينه لم يبقى لنا إلى العوده للفندق [/align]

[align=center]اليوم الثاني علطول رحت وشريت من بنك ميلان بوبولاري تذكرة نهائي كأس إيطاليا بين فريق انتر ميلان وبين فريق روما وانا اصلآ ماجيت ل ميلانو إلا على شان خاطر الانتر والمباراة المهم الحمد لله لقت لي تذكرة في مكان جيد جدآ وعلى طول شريتها كان سعرها 70 يورو بعد ماشريت التذكرة رحت بالترام إلى ساحة كورديسيو قبل ساحة المادونينه وخذت ترام رقم 16 الي اخر محطه فيه حي سان سيرو الشهير والي يوجد فيه ملعب سان سيرو الخاص بناديي ميلانو الانتر والميلان .. رحنا للملعب لزيارته وزيارة المتحف الخاص بناديي الانتر وميلان وزيارة المتجر الخاص بالناديين [/align]

[align=center][/align]

[align=center]صورة من امام باب المتحف والتصوير للاسف داخل المتحف ممنوع وكان سعر الدخول للمتحف والملعب مع مرشد 10 يورو لو قالو 50 عطيتهم :101: [/align]

[align=center][/align]

[align=center]صورة من داخل الملعب [/align]

[align=center][/align]

[align=center]صورة من داخل غرفة تغيير الملابس الخاصة بالانتر وهذا انا المدرب مبدع قاعد اشرح الخطه :109: وغرفة الميلان زيها بالضبط والسبب يعود لأن الغرف مش ولابد هو ان الملعب ملك لبلدية ميلانو ليس للناديين ولكن مقر الاندية ولا فندق خمس نجوم .. [/align]

[align=center][/align]

[align=center]صورة اخرى من داخل الملعب [/align]

[align=center][/align]

[align=center]تشوفون المربع البرتقالي الي فوق اقصى اليمين هناك كان مقعدي[/align]

[align=center][/align]

[align=center]صورة من داخل المتجر الخاص بالانتر والميلان وواضح قسم الانتر هذا بعد ماطلعنا من الملعب[/align]

[align=center][/align]

[align=center]صورة من الخارج ل جزء من الملعب بعد ماخلصنا جولاتنا الجميله بالنسبه لي فيه رجعنا للساحه وتكينا فيها وبعدها للفندق [/align]


[align=center]كومو[/align]

[align=center][move=down]اليوم الثاني دزينا ل كومو بالقطار ساعه ب 5 يورو الشخص ((الله يديم الرخص)) :109: [/move][/align]

[align=center][/align]

[align=center]صورة من مدينة كومو الجميلة وبحيرتها الرائعة ولكن ليسة بروعه بحيرة ليجو دي جاردا[/align]

[align=center][/align]

[align=center]صورة اخرى للبحيرة كنا بوسط المركب ناخذ فررررره بالبحيرة :101: [/align]

[align=center]المهم انا مصور صور كثيرة بس صعب انزلها كلها لذلك اختصرت الصور قدم ما استطيع

بعد ماخلصنا من زيارة البحيرة رحنا للمطاعم المطله على البحيرة وتغدينا في واحد منها بيتزا مارجريتا الله لذيذه مرة المطعم كانت تديرة عائله ... وتجولنا في السوق وسوقهم جيد جدآ وشريت هديه للوالده لاتزعل علينا :109:
وبعدها جلسنا في كفي شوب وشربنا الشاهي وجلسنا لين الليل نتمتع بالعروض الموسيقيه ونسينا نسأل اخر قطار متى يروح ل ميلانو المهم كان اخر قطار الساعه 9 وما انتبهنا إلا الساعه 9 وربع المهم والباصات برضو رجعت ولللللليييييييه والحل بكرة ماشين ل سويسرا قال واحد مالكم إلا تمشون كيلوين فيه محطة قطارات دوليه على طول القطارات تجي من سويسرا إلى ميلان ونروح امرنا لله واشوا لقينا قطار ل ميلانو ورحنا معه ... وبعدها رحت ل سويسرا لمدة خمسة ايام وبعدها رجعة لمدة يوم واحد ل حضور نهائي كأس إيطاليا ...[/align]

[align=center][/align]

[align=center]هذي صورتي قبل بداء المباراة ب 10 دقايق والله الفله تنظيم التذكرة مكتوب فيها رقم المقعد مهوب زي ملاعبنا تجي قبل المباراة ب 6 ساعات خخخخخ :109: [/align]

[align=center][/align]
[align=center]هذا اول مادخلنا ولقينا مقاعدنا [/align]

[align=center][/align]

[align=center]مسنتر باللعلم جاهز للتشجيع :107: [/align]

[align=center][/align]
[align=center]صور لاعبين الانتر يحضرون قبل المباراة [/align]

[align=center][/align]

[align=center]علم كبير حاطينه جماهير الانتر [/align]

[align=center][/align]

[align=center]ضربت البداية واكنت مع روما عمومآ نظام الكأس في إيطاليا مباراة ذهاب وإياب الذهاب كانت في روما والفوز كان للانتر :107: 2/0 سجلها ادريانو والان مباراة الاياب [/align]

[align=center][/align]
[align=center]صورة ضربت بداية الشوط الثاني للانتر ولازالت النتيجه 0/0 [/align]

[align=center][/align]

[align=center]صورة حارس الانتر تولدو [/align]

[align=center]طبعآ انتهت المباراة بفوز الانتر 1/0 سجل الهدف المدافع ميهايلوفيتش من ضربة حره مباشرة ونجح الانتر بتحقيق الكأس :107: وانا قمة في السعاده [/align]

[align=center][/align]

[align=center]صورة اللاعبين والمسؤلين يحتفلون بعد النصر وقبل تسليم الكأس[/align]

[align=center][/align]

[align=center]صورتي بعد الفوز وأشير بعلامة النصر :107: [/align]

[align=center][/align]

[align=center]صورة الاحتفال اثناء تسليم الكأس للفريق البطل انتر ميلان[/align]

[align=center][/align]

[align=center]لاعبين الانتر يطوفون بالكأس [/align]

[align=center][/align]

[align=center]صورة لي انا وواحد من مشجعين الانتر طلب انه يصور معي بكميرة جواله وصورة انا معه بكمرتي كنا اناوياه اكثر من تحمس بعد المباراة ذهبنا إلى ساحة المادونينه لللاحتفال هناك [/align]

[align=center]المهم هذا نهاية تقريري عن رحلتي إلى بلاد الطليان اتمنى انه اعجبكم ... واعذروني إذا نسيت شيء والي بيسأل اي سؤال انا حاظر ..[/align]

[align=center]ولكن قبل ان انهي اتقدم بالشكر الوافي والجزيل لأخواني إيطالي مسافر واخوي i6ali لأنهم افادوني كثير كثير كثير قبل لا اروح ل إيطاليا ياجعلهم يسلمون من كل شر ومن يقراء بعد :101: [/align]

[grade="000000 ff0000 000000 ff0000 000000"]بسم الله الرحمن الرحيم

تحياتي لك أخوي الكريم مبدع وأنت بالفعل مبدع ... وكثر الله خيرك ياغالي ... وعلى فكرة صور ميلانو ما طلعت ... بس يا حبيبي أنا اليوم بأثقل عليك ... بالاسئلة والإستفسارات ... تحملني الله يخليك ... خصوصاً لو أني عارف بتزعل مني وتخاصمني لأني مجنون الميلانيستا ... :101:

عزيزي أريد أن أسألك عن كل الرحلة على الرغم من أني لن أسافر هذه السنة لأني قضيت شهر كامل بتركيا وحضرت مباراة ميلان وليفربول ... ولي تقرير مصور بإحدى المنتديات وصعب أبوح بأسمه هنا أخاف يقولون إعلان ... المهم أني قضيت إجازتي هالسنة وأنا موظف وصعب آخذ إجازة ثانية .

حبيبت أعرف التالي :
- سعر التذكرة من السعودية إلى إيطاليا...وبأي طيران سافرت .... والعودة من إيطاليا أو لا ؟
- سعر الفنادق في روما وفينيسيا وميلانو ... وهل هي قريبة من الأماكن التاريخية والترفيهية والرياضية لأني مجنون سياحة وتاريخ ورياضة .
- هل توافقني في 3 أيام روما + 3 فلورنسا وبيزا + 3 فينيسيا + 4 ميلانو وكومو ..؟
- ما عليك أمر إذا ما فيه إحراج كم كلفتك الرحلة كلها لأني رحت تركيا شهر كلفني لوحدي 12 ألف ريال ..؟
- بالنسبة لميلانو ... هل أقدر أزور الميلانيللو ... أو الأنترانيللو المراكز للفريقين العملاقين ..؟ وهل المتحف ممتع كما يقولون ..؟

وأرجو إني ما ثقلت عليك ولكن إيطاليا حلم الطفولة وإلى اليوم وكل ما افكر أروح لها ما أبيها روحه أي كلام ... أبيها تاريخية يعني ... أروح سياحة ... على تاريخ وأثار... على رياضة مباراة لميلان لازم وضروري... وأي مباراة ثانية ... ومرافق أندية أو ملاعب ... وإن شاء الله السنة الجاية بحول الله تعالى .

تقبل تحياتي .... أبو سامي[/grade]

[glint][align=center]

:107: تقرير رائع ومجهووود جبااار :107:
:x1: :x1: :x1: :x1: :x1: :x1: [/align][/glint]

عطيك الف عافيه يارب

على هذ الشرح وهذا التواجد الحلو

وعلى هالمعلومات الجديده

مثل الليمون

صرت اقولها لكل واحد

ولا احد صدقني

والحل اني اجي لموضوعك

واخذه كدليل

مشكور اخوي مبدع ايطالي

ولك مني كل الامنيات بالتوفيق في الدنيا والاخره

ولا تقاطعنا

فالمنتدى بحاجه اليك

لكن على مهلك في تنزيل اجزاء الموضوع

وراك طاير والى تبي تتخلص منا

الله يعطيك العافيه صور مميزة زتحتويعلي تفاصيل كثيره

يعطيك الف عافيه الخوي المبدع الايطالي على هاللتكمله المميزه

ننتظر المزيد

الله ، الله ، الله .
:x1: :x1: :x1:
هذا الإبداع وإلا فلا.
والله إنك مبدع عالمي وليس إيطالي فحسب.
لقد أمتعتني برحلتك الجميلة ، مع إني زرت هذه المدن جميعا لكن الأرياف والقرى فقد زرت أخرى في منطقة توسكانا ، وقد استمتعت بمشاهدة الصور الروعة.
شكرا لك ويعطيك ألف عافية على الموضوع الجميل .

أستمتعت كثيراً بقراءة تقريرك الرااائع
والمميز بالسرد الجميل والصور الرااائعه

يعطيك الف عافيه اخوي الرائع المبدع الايطالي

ابي استفسرعن سعرالتذاكرمن الرياض ولكم خالص الشكر

أخوي مبدع ايطالي،،،،
شكراً،،، شكراًً،،، شكراً
على هذا الابداع،،،،
فعلاً امتعتنا بإيطاليا،،،
الف تحية على المجهود الكبير،،،

رائع يا اخي العزيز ، مبدع ايطاليا اسم على مسمى :113:
مجهود رائع وصور متميزه ، لقد امتعتنا في رحلتكم الميمونة :101:
سلمت الايادي :x1:

إيطالي مسافر هلا حبي يعطيك ربي الف عافيه ....

احب روما الله يعافيك يارب

Cheetah
هلاو الله بصديقي الله يعافيك تسمع انك بتلقى ذا الجيلاتو بالرياض خخخخخخخ

ايطاليانو

الله يعافيك يارب

السيدة درجة أولى
الله يعافيك وشكرآ لك على هذا الاطراء وربي يخليك ويسلمك

KABAYAN
الله يعافيك يارب وشكرآ على تواجدك هنا .... وانتظر بنزل صور رحلتي في سويسرا بس صور بسيطه

مهاجر

وانا بدوري اخوي استمتعت كثير بتواجدك هنا وتحياتي لك

الفارس الاسود
الله يعافيك ويخليك

غيمة وفا

الله يعافيك ويخليك

عاشقة الترحال

الله يعافيك ويخليك ... سعر الفندق في بيزا رخيص اخذنا فندق 3 نجوم سريرين توين بحوالي 500 ريال سعودي في الليله ... بيزا وميلانو ارخص فنادق اخذناها

احمد السبيعي

سعر التذكرة على الخطوط السعودية انا سألت عنها مرة في وقت غير الصيف تقريبآ ب 1700 ريال اما في الصيف 2400 ريال طبعآ ذهاب وعوده لاي من المطارين مطار روما او ميلانو مافيه فرق

دوتكوم

عفوآ اخوي العزيز وتسلم على مديحك

آخر الفرسان

الله يسلمك من كل شر اخوي الكريم وتسلم على إطرائك

اخوي الغالي مبدع ايطالي

بكل صراحه من أروع المواضيع الي قرأتها عن ايطاليا و اعجبني فيك حضورك لنهائي كاس ايطاليا ...


يعني معلومات متنوعه و مغامرة و مدن مختلفه من الجنوب للشمال ...


و الاهم من هذا الصور المميزة ...

اشكرك اخوي على تميزك في هالموضوع ...

و لكن بعض الصور ماقدرت اشوفها و اهمها صور النهائي ...

يمكن فيه مشكله في موقع جيران الي حملت عليه الصور ..

ياليت تسوي تعديل لها


و عجل علينا و انا اخوك ترى ودنا نشووووووفها .........

يعطيك الف عافيه والى الامام

مشكور وماقصرت
وصراحه ابدعت يامبدع000
فعلا انك مبدع0
تحياتي000

المشاركة الأصلية كتبت بواسطة i6ali


اخوي الغالي مبدع ايطالي




ياعيني عليك انت رهييييييييييييييييييييييب اخوي ايطالي

أخوي مبدع .. اسم على مسمى ..

ذكرت لنا الفنادق بس ما ذكرت أساميها ...!!

إذا في إمكانية تكتب لنا أساميهم بالإنجليزي ..

وتحياتي لك ..

المشاركة الأصلية كتبت بواسطة coffee


أخوي مبدع .. اسم على مسمى ..

ذكرت لنا الفنادق بس ما ذكرت أساميها ...!!

إذا في إمكانية تكتب لنا أساميهم بالإنجليزي ..

وتحياتي لك ..



نفس الطلب ابليز

i6ali
يسلمو وإن شاء الله بصلح الصور


ايطاليانو

الله يعافيك

euro_man

العفو والشكر موصول لك حبيب قلبي

ميلانو

الله يعافيك وتسلم ياقلبي .... بس وش عند الميلانيست تجمعو علي خخخخخخخخخ ترا الانتراويه كثير لاتخلوني اجمعهم

coffee

العفو ... بس ما اتوقع لأن الفوتشرات مو معي

الفارس الاسود

نفس الرد خخخخ بس والله الفوتشرات مو معاي وإلا كان

بس انت اهم شيء لك في الفندق اول شيء موقعه ومستواة ومو لازم فنادق بعينها

يعني فندق 3 نجوم في موقع جيد اشوف انو كويس بغض النظر عن الاسماء لأن الفنادق الي انا اخترتها على الاساس هذا

اخوي المبدع الايطالي ودنا انك تكمل الموضوع الرائع

مبدع اسمى على مسمى

الله يوسع صدرك بالعافيه

بس قهر روما مافاز هاذا اللي ضيق صدري

تقرير رائع إستمتعت به ..


سلمت أناملكـ ..








الله يعافيك وتسلم ياقلبي .... بس وش عند الميلانيست تجمعو علي خخخخخخخخخ ترا الانتراويه كثير لاتخلوني اجمعهم



^
^
^
أي خدمة فزعة تراي موجود :109: ..

يعطيك الف عافية اخي موضوع رائع وخرافي

لكن عند اجمل شيء انفقسنا

صور المبارة لم تظهر ولا واحدة منها

يعطيك ألف عافيــــــــــة على التقرير ..... مميز ورائـــع وصور غاية في الروعة .....

للرفع .. للفائدة

الفارس الاسود

الموضوع قضى .. وصور النهائي حاولت اردجها ماقدرت مايطلع لي خاصيه تعديل على الموضوع
ــــــــــــــــــــــ
الذئب الايطالي .. مشكور يالغالي والله يوسع صدرك بالعافيه

انا جاي اشجعهم ولايفوزون خخخخخ
ــــــــــــــــ
بديع هلا والله وغلا بالانتريستا لا ماعليك انضبطو الربع خخخخخخخخ
ــــــــــــــــــ

A-italiano

العفو ... وشاكر لك مرورك وردك الجميل ... يقولو الزين مايكمل خخخخخخ

المشاركة الأصلية كتبت بواسطة مبدع إيطالي
http://www.arabtravelersforum.com/tr...89/#post363712

[align=ce

المهم ماعلينا

اول يوم في روما زرنا حديقة فيلا بورقيزي ((بعديه شوي عن وسط المدينه))
مبنى فنيسيا وزرنا الكولوسيم والفوي إمبريالي او روما القديمه كلها جنب بعض قريبه جدآ من بعض فوق ماتتصور وبعدها رحنا لشارع ديل كورسو وشارع فينيتو ...[/size][/align][/color]

[align=center]الكولوسيم من بعيد وفي اسفل الصورة جزء من روما القديمه طبعآ سعر الدخول للمبنى 15 يورو [/align]


[align=center]مبنى فنيسيا والدخول له مجانآ[/align]


[align=center]صورة ل ساحه فنيسيا من مبنى فنيسيا [/align]


[align=center]الفوري امبريالي او روما القديمه وتظهر إحدى الاعمده الرومانيه انا مادخلت ولكن اكتفيت بالمشاهده من الخارج والتقاط بعض الصور يعني مدري كم سعر التذكره لني كنت مزنوق بالوقت وطنشناها مادخلنا :109: [/align]


[align=center]صورة مع المصارعين الرومانيين ... ماكان لي نيه اصور معه بس ناداني وقال ل خويي صور ويوم خلصت قال الحساب ... شكل ماعليهم سوق :109: ومجحودين المهم حاسبته ولعب علي بعد قال ب 5 يورو غشيم اول مرة اروح لأوربا .. ماعلينا اهم شيء ننبسط ((واحد يرقع ل عمره عشان انضحك عليه)) :109: [/align]

[align=center]الكولوسيم من قريب [/align]

[align=center]هذي صورة ل قوس بين الكولوسيم وبين روما القديمه لا تسألوني وش يرمز له او شيد لأجل ايش مدري جاز لي وصورته ((اي كلام التقرير شكلي بتصفق)) :109: [/align]


[align=center]الكولوسيم من الداخل[/align]

[align=center]صورة جانبيه للكولوسيم احسن صورة صورتها للكولوسيم [/align]

[align=center]اخر شيء زرناه من اليوم الاول كان حديقة فيلا بورقيزي حديقة كبيرة وفيها منظاد كبير ركبناه في احسن وقت وقت الغروب حوالي الساعه ثمان ونص سعر تذكرة المنظاد 15 يورو [/align]


[align=center]صورة اخرى امام نافورة في الحديقه[/align]


[align=center]صورة للبحيرة التي توجد في وسط الحديقه بحيرة صغيرة وتوجد بها قوارب واسماك .. عادية جدآ[/align]


[align=center]صورة ل مبنى فنيسيا بالليل توني راجع من شارع ديل كورسو قبل الرجوع للفندق على طاري دل كورسو فيه محل يبيع بيتزا وايس كريم ((جيلاتو)) بالايطالي رهيب جدآ جدآ وعنده ايضآ مأكولات غيرها بس هذ الي جربته صراحه عجيب خصوصآ الجيلاتو خوذو منه جيلاتو كافييه او توت بعدها ادعولي :107:
المحل هذا نسيت اسمه بس على اليمين وانت رايح للأدراج الاسبانيه يعني قبلها حوالي 500 متر وهو على زاويه [/align]





بسم الله عنك من متاك رايح وانا ما دريتاااا هههههههههههههههههههه

يا حليلك والله ولاف
الله يحووووووووووووووووووووووم تسبدك انت وهلساحات قسم انك ذكرتن بازفت ايام سافرت برومااااا واااااوه الله من حومت السبد وبسسسسسسسسس على هذي الديره

قسسسسسسسسسم بالله اسحب السيفوووون وبقوه واانتم بكرامه :109:


شكلك مثلي مصدددددددددددق رايح لكل الساحات الي عندهم والله يا حنااااااااااااااا مهبل ندرعم روسنا وماسكين خرايطناااا وتسننااا تسنااااا سياااااااااااح ويعني اننااااااااااااا ووبلاخيررررررررررررر تمشي لك سااااااااااااااعات وهمن ما تلاقي الا عموووود وقال ايش قال هذاااا مزارررر

انا ابفهم شي واحددددددددد وراك ما نبهتن وراك ما قلتلي وراح ما خانقتن يومني باعلى الصوووت اقووووووووووووووووووول علمون عن روماااا

الله يهديك بسسسسسسسسس اذا فات الفوت ما نفع الصوووت

تراي جايبتن معي لك تذكااااااااااااااااااار بيازاااااااااااااا تريفي :24:









[color=#990000][align=center][size=5]العاصمة الايطاليه روما كانت المحطة الاولى السكن كان في فندق الشيراتون 4 نجوم فندق ممتاز
صحيح انه بعيد عن وسط المدينه بس عندهم باصات تبع الفندق تنطلق من الفندق كل ساعه من الساعه 9 صباحآ إلى مكان قريب جدآ جدآ من ساحة فنيسيا ومن نفس هذا المكان تنطلق باصات الفندق لتقل النزلاء للفندق كل ساعه لين 11 بالليل ((حركه النزلاء)) :109: عمومآ التكاسي غاليه في إيطاليا في باريس ارخص .. العداد يبداء ب 2 يورو وسبعين سنت وبالليل يختلف تسعيرة ثانيه يبداء بسته يورو والعداد يمشي بالوقت وليس بالمسافه . لأن والاشاره حمرا يزيد ذاك اليوم عند الاشارة زحمه ارتفع حوالي 2 يورو وزياده المهم اتحقرص على مكاني ودي ادوس على البنزين ونمشي :109: ماله داعي يطلع الحساب مبلغ وقدره خخخخخ ... نسيت بعض سواويق التكاسي ياخذ على العفش وبعضهم ماياخذ يعني حوالي يوروين او يورو ونص



تقووووووووووووووووولوه صادززز مير انت اهون منااااااااااااااااا

نزلن من محطه القطارررررررر وطلعنا برى بالحووووش اوووه قصدي عند التكاسي

ميررررررررررررررررررر ويقزناااا واحدددد معوه فان يحوم التسبد ميرررر ينزل وبسرعه يطيرررر بنا طيره قلت يمكن داري ان بيتزا الي هي اناااا جايه ومنوره رومااااااااااااااااا وجاي يتحفى بي :106: ما دررررريت الا واللله يتحفى بقريشاتناااااااااااااااااا حسبي الله عليه التسذوووووووووب

من اول ما ركبناااااااااااااا قال كااااااابسه = كبسه يقالوه ميرررر يضيق صدررررررررررررررررررري وانتك قال اي لايك تي وذ نعناع جعل اسنونك ما تنعنع المهم جلسسسسسسسسس ويسولف معنااا وقال برنسسسسسسسسسس برنسسسسسسسسسسس فلان الفلان الله يهديه شكلوووه مكثررر الشرهات عليه وبرنسسسسسسس وهقنا بالبرنس طلع الرجال بدي قارد مع ذا الاميرررر ويحسبناااا امرررررا ههههههههههههه عاد الاشكال ما تاهل هههههههههههه بس عاد شكلي يمكن رزه وانا ما ادري ههههههههه المهم حنااااااااااااااااااا ساكنين بوتيل يحوووووووووووم التسبدددد ونار الله الموقده بفيااا فينيتووو تعرف من محطه القطارررر الى فيافنيتووو اخذذذ منااااااااا 35يورووووووووو ذا النصاااب والله اني شايفه العداد 3 وشوووي ماااااااااااااش اوجس روما على تسبدي والحمد لله اننا باول يوم ونصرف اليور بريال ههههههههههههههههههه

وبسسسسسسسسسس انبسطت بتقريرك وياليتن سمعت كلامك

اختك بيتزا بالمكرونه

بمان التسسرررررريم لا تنسان من دعواتك

:113::113::113::113::113::113::113::113::113::113: :113::113::113::113::113::113:
ممممممممتتتتتتتااااااااااااااااااااااااااااااااااا ااااااااااااااااااااااااااااااااززززززززززززززززز
والله كنت ناويه اروح ايطاليه ... بس الحين جني هونت
والله من تقريرك احس اني رحتلها وخلص خخخخخخخخخخخخخ خل ادور لي ديره ثانيه :106:

الغالي

مبدع ايطالي


الله يعطيك الف عافيه

بصراحه تقرير وافي وكافي

الله يعطيك العافيه

عن جد مستعجل على السفره ودي اروح اليوم


بس عندي سؤال بخصوص الوجبات ( كم تكلف في حدود كم )؟

اعطيني اقل شيء كم تقريبآ؟ حتى احسب حسابي



وفيه سؤال ثاني دخول الاماكن السياحيه اجمالآ كم ارصدله ميزانيه ؟


وطلب ياريت تتواصل معي عبر البرايفت لأن بكلمك تراني عليمي


وبالنسبه للأنتر الف مبروك وتستاهلون


رغم اني ميلاني حتى النخاع

basssam

هلاوالله ... ارحب بس مشكلتك ميلاني وانا دم ضروسي الميلاني واليوفاوي :109:

الوجبات اغلبها وانا اخوك ب تسعه إلى تسعه ونص يورو إلى عشرة يورو ومافوق يعني بيتزا لازانيا سباجيتي زي كذا واحينآ تلقى بيتزا بحوالي 8 يورو زي كذا هذي اقل الاسعار انا دايم اطلب سباجيتي فواكه البحر واحينآ بيتزا واحينآ ازود المبلغ واطلب اكل بحري سمك وحركات زي كذا افلها شوي بعض المرات وادفع

بالنسبه للاماكن السياحيه متاحف والخرابيط هذي احينآ بلاش واحينآ من خمسة يورو لين 15 يورو بين السعرين هذي وبالغالب 10 يورو دايم

وإذا عندك شيء على الخاص إسأل وترا فيه اخوان اخبر مني والله مثل إيطالي مسافر الله يعافيه واخوي إيطالي الي حاط موضوع احدثكم من إيطاليا هذولا مسكتين ولايهونون الباقين بس هذولا الاروع

االله يعطيك العافيه

وبحول الله نتواصل

واسف على تاخري في الرد


أخوك

الله يعطيك العافية

والحمدالله على السلامة

بصراحة استفدت كثير من هالرحلة الموفقة والصور الاحلى

وودي اروح روما وفينيسيا بس ماعندي خبره او معرفه بهالاماكن

ابي نصيحتك وين اقضي شهر العسل ؟؟؟؟؟؟؟؟؟ظظظظظ
تحياتي لكم

عذايب قطر

يعطيك العافيه


تقرير عسل


دمت بوووووود

من اجمل التقارير اللي شفتهاااا تسلم يابطل
لك مني كل تحية وتقدير

تسلم على التقرير
الرااااائع

تقرير جدا رائع

استمتعت بقراءته


الف شكر لك

مااقول الا يازين ذيكـ الديار وربي مايضيق خلقكـ

ابتلشنا بالغبار والجوو البايخ
مشكور اخوي
وياريت مخلي صورتك واضحه
فديتهاا