الموضوع: سفرة شبابية ماهي المنتزهات المناسبه

السلام عليكم ورحمة الله

اولا احب اشكر الكل على تقاريرهم ومواضيعهم الرائعه
يعطيكم العافيه

وثانيا
نحن عائلة اغلبنا شباب وقريت تقارير كثير
لكن محد ذكر شيء عن منتزهات في قطر
هل يوجد في قطر منتزهات مائيه مثل وايل وادي او اي نوع اخر من المنتزهات ل تستاهل الزيارة
قريت في قوقل عن جزيرة اسمها ( النخيل) ماريكم فيها وه
وبالنسبه للمولات غير فيلاجيو شو المناسب
لتمشي بغض النظر عن التسوق
وبالنسبه لساحه
في قطر وين يوجد ساحل مفتوح تدخل له السيارات
وفيه سباحه
واللؤلؤة ايش الاماكن اللي فيها تستحق الزيارة والتجربه

وايش الاماكن المناسبه بشكل عام للي اعمارهم من 17 وفوق

ياليت احصل رد قبل الويك اند
لانو ان شاء الله ماشين الاربعاء هذا

مواضيع عشوائيه ممكن تكون تعجبك اخترناها لك:

• استفسار عن فندق شرق و سؤال عن فندق بسويت
• سؤال لاهل الخبرة في السيارات والمعارض ؟؟
• رحلتنا الى كاتارا
• مقتطفات عن رحلتي الى الدوحة أجازة الربيع مارس
• توقيع عقود لمطار الدوحة الـجديد بقيمة مليار ريال
• اسفسار بسيط بخصوص الدخول بالهوية الوطنية السعودية
• ضيفة جديدة تسالكم
• استفسار محاسب
• المجمعات التجارية تصويت
• اماكن جيت سكي
• سؤال للخبيرين بالخطوط القطرية
• شركات شحن من قطر الى مصر
• مطار الدوحة الدولي يفتتح مبنى المغادرين الجديد
• لوفتهانزا تُسيِّر رحلات مباشر من الدوحة إلى فرانكفورت
• معلومات عن قطر
• سوق واقف صور
• شباب ابي مطعم شامي مشويات ومقبلات
• سائق تاكسي خاص ومضمون
• ساعدوني في اختيار الفنادق او الشقق
• دولة قطر من الفضاء

عندك اكوا بارك مثل الويلد وادي بالامارات وانتوا جايين من سلوى قبل لا تدخلون الدوحه بعشره كيلو بتشوفونها على يمينك. بالنسبة لجزيرة النخيل الله يرحمها تم ازالتها .....بالنسبة للمجمعات عندك فيلاجيو وسيتي سنتر واللاندمارك ......بالنسبه للسباحة عندك شاطىء الوكره ..وخور العديد ....مفتووح .... انصحك بزياره سووق واقف والحي الثقاافي ايضا ..... بالنسبة للمتنزهاات ما عندنا شي مميز الا حديقة اسباااير جميلة جداا يسمونها هايدبارك ...!!! بجانب فيلاجيو .... عندك حلبة الوسييل لاستعراض السياااراات اذا ودكم تستعرضووون

طيب الله يسعدك اخوي
الاكوا بارك مفتوح لكل الجنسين
ولا لها وقت مخصص لفئه معينه
لاننا عائله وحابين نكون سوا على طول
وبالنسبه لشاطئ هل هو بعيد الوكره والخور ايهم اقرب لدوحه
وكم يبعد لان السفره 3 ايام مو حابين يضيع الوقت بالمسافات
الحلبه موجوده في الدوحه عندي الاخوان يعشقون هيك اشياء
ليت اذا ممكن تخربين وين الحلبه بالضبط
وغير كذا هل ممكن احصل كل هذي المواقع في الـ GBS


والله يسعدك ان شاء الله ويعافيك
على سرعة الرد
مشكور

السؤااال بخمس ريااال خخخخخخخ انزين شوف الاكوابارك في يوم عوائل وفي اياام عااام بس مااعرف الجدوول ممكن تبحث عنها بجوجل او شوف هالموقع بتحصل معلومات عنهم http://www.qatarqlick.com/guide/142-...rk-qatar-.html

بخصوص الشواطى اتمنى الاعضااء يفيدونك بس عندك شاطىء الوكره وشاطيء سميسمه طبعا شاطىء سميسمه بطريقه لحلبة لوسيل . بخصوص حلبه الوسيل تقع على خط الخور الساحلي يعني تبعد عن الكورنيش حوالي 25 كم خط سريع ربع سااعه الا وانت موجود بس ماادري عن اشلون النظاام يمكن مشرفنا عيد يجيب الاخبااار .

http://www.circuitlosail.com/

موقع حلبة لوسيل على النت

اذا ممكن اضيف سؤال واحد
ممكن مطاعم حلوه بحريه
وتكون كمان واجهه بحريه
او مطاعم في سفن تاخذ جوله في البحر

ياليت تفيدوني

المشاركة الأصلية كتبت بواسطة سامية النظر
http://www.arabtravelersforum.com/tr...4/#post6147644

اذا ممكن اضيف سؤال واحد
ممكن مطاعم حلوه بحريه
وتكون كمان واجهه بحريه
او مطاعم في سفن تاخذ جوله في البحر

ياليت تفيدوني




بالنسبه للمطاعم البحرية

أنصحك بمطعم لوزار في الحي الثقافي

جميل جداً

نعم لوزار بالحي الثقافي او المطعم البحري بشرق هوتيل على الشاطىء

مساء الخير
الله يعطيهم العافية ويجزيهم كل خير خبرائنا ماقصروا .
أوافق الاخوان في اختيارهم لمطعم لوزار الموجود في الحي الثقافي وذلك عن تجربة وهناك اكثر من طريقة لطلب الاكل ، من الطرق انك تترك الشيف يتفنن في اختياراته بس تشرط عليهم ان الوجبة لشخص واحد ماتتعدى سعر معين مثلاً 150 ريال او اقل او اكثر على حسب مزاجكم ، وطريقة ثانية أنكم تختارون من منصة العرض ( عرض الأسماك الطازجة ) الكمية اللي تكفيكم وتخبرونهم عن الطريقة المفضلة لديكم في اعداد الوجبة ( مشوية او مقلية او بالبخار او .... ) ، وايضاً يوجد في الحي الثقافي ( كاتارا ) شاطئ عجييييب ونظيف وتوجد به العاب للأطفال والكبار وتوجد رسوم لدخول الشاطئ تقريباً الكبار ب100 ريال والصغار ب25 ريال بس متعة ويستحق الزيارة .

وأي سؤال ثاني بإذن الله أنا والإخوان مارح نقصر معاكم وسفره موفقة وسعيدة. *

الله يسعدك ان شاء الله ولا حرمكم من فضله
كانت زيارة ممتعه جدا بفضل الله ثم فضلكم
جزاكم الله خير الجزاء

تعالوا كل يوم

المشاركة الأصلية كتبت بواسطة سامية النظر
http://www.arabtravelersforum.com/tr...0/#post6309920

الله يسعدك ان شاء الله ولا حرمكم من فضله
كانت زيارة ممتعه جدا بفضل الله ثم فضلكم
جزاكم الله خير الجزاء



الحمدالله أنكم استمتعتم ، وبأذن الله الزيارة الثانية راح تكون اجمل ...۔